| ຍູ້ແຮງຄວາມຄືບໜ້າໃນການສັກວັກຊິນກັນໂຄວິດ - 19 | |
| ຫວຽດນາມ ທົດລອງການສັກວັກຊິນ ARCT-154 ຕໍ່ຄົນ |
 |
| ທ່ານເອກອັກຄະລັດຖະທູດ ຜູ້ມີອຳນາດເຕັມແຫ່ງ ສາທາລະນະລັດ ສັງຄົມນິຍົມ ຫວຽດນາມ ປະຈຳ ລັດເຊຍ ດັ້ງມິງຄອຍ (ພາບ: TTXVN) |
ທ່ານເອກອັກຄະລັດຖະທູດ ຜູ້ມີອຳນາດເຕັມແຫ່ງ ສາທາລະນະລັດ ສັງຄົມນິຍົມ ຫວຽດນາມ ປະຈຳ ລັດເຊຍ ດັ້ງມິງຄອຍ ໃຫ້ຮູ້ວ່າ ສະຖານທູດ ຫວຽດນາມ ປະຈຳ ລັດເຊຍ ໄດ້ສ້າງໜ່ວຍປະຕິບັດງານພິເສດຮັບຜິດຊອບການເພີ່ມທະວີການຮ່ວມມືກັບ ລັດເຊຍ ໃນຂົງເຂດປ້ອງກັນ, ຕ້ານໂລກລະບາດໂຄວິດ - 19, ຊອກຫາແຫຼ່ງສະໜອງວັກຊິນ, ຢາປິ່ນປົວພະຍາດ ແລະ ວັດຖຸອຸປະກອນການແພດເພື່ອຮັບໃຊ້ການປ້ອງກັນສະກັດກັ້ນໂລກລະບາດໂຄວິດ - 19 ພາຍໃນປະເທດ.
ໜ້າທີ່ຂອງໜ່ວຍປະຕິບັດງານແມ່ນຊອກຮູ້ບົດຮຽນປະສົບການຂອງ ລັດເຊຍໃນການປ້ອງກັນ, ຕ້ານໂລກລະບາດໂຄວິດ - 19, ຕີລາຄາສະພາບການ, ການຜັນແປຂອງໂລກລະບາດ, ຊອກຫາບັນດາແຫຼ່ງສະໜອງຢາປິ່ນປົວ ແລະ ວັກຊິນທີ່ມີປະສິດທິຜົນເພື່ອສົມທົບກັນຜັນຂະຫຍາຍການຊື້ ແລະ ນຳເຂົ້າ.
ໜ່ວຍປະຕິບັດງານໄດ້ມານະພະຍາຍາມສົມທົບກັບກະຊວງສາທາລະນະສຸກ, ບັນດາກະຊວງຂະແໜງການພາຍໃນປະເທດ ແລະ ບັນດາວິສາຫະກິດໄດ້ຮັບການມອບໃຫ້ເປັນຜູ້ອອກໜ້າຊື້ວັກຊິນ ແລະ ຢາປິ່ນປົວພະຍາດເພື່ອເຮັດວຽກກັບບັນດາອົງການທີ່ມີໜ້າທີ່ຮັບຜິດຊອບຂອງລັດເຊຍ ໝາຍຄວາມວ່າກອງທຶນລົງທຶນໂດຍກົງ.
ຕາມທ່ານເອກອັກຄະລັດຖະທູດ ແລ້ວ, ປັດຈຸບັນ, ຫວຽດນາມ ມີບໍລິສັດ 2 ແຫ່ງທີ່ລັດໄດ້ກຳນົດກ່ຽວກັບການສະໜອງແຫຼ່ງວັກຊິນຈາກ ລັດເຊຍ ມາຍັງ ຫວຽດນາມ: ນັ້ນແມ່ນບໍລິສັດ Vibiotech ໂດຍຮັບໜ້າທີ່ຖ່າຍທອດເຕັກໂນໂລຢີຈາກຝ່າຍລັດເຊຍ ເພື່ອບັນຈຸຂວດຜະລິດຕະພັນວັກຊິນ Sputnik V ຢູ່ ຫວຽດນາມ ແລະ ກຸ່ມບໍລິສັດ T&T ໄດ້ຮັບໜ້າທີ່ຊື້ວັກຊິນ Sputnik V 40 ລ້ານໂດສ.
ວິວັດການເຈລະຈາພວມໄດ້ຮັບການຜັນຂະຫຍາຍຢ່າງສະດວກ ແລະ ວິວັດການ ບັນຈຸຂວດວັກຊິນ ຂອງ ViBiotech ຈະມີຜົນງານໂດຍໄວ. ຄາດວ່າໃນເດືອນ ສິງຫາ ແລະ ຕົ້ນເດືອນກັນຍາ ພວກເຮົາຈະສາມາດຜະລິດໄດ້ງວດທຳອິດ.
ທ່ານເອກອັກຄະລັດຖະທູດໃຫ້ຮູ້ວ່າ ລັດເຊຍ ຖືເປັນສຳເປັນທີ່ສຸດ ແລະ ພ້ອມແລ້ວທີ່ຈະຮ່ວມມືກັບ ຫວຽດນາມ. ເຖິງຢ່າງໃດກໍຕາມ, ແຕ່ກໍຍັງປະສົບກັບຄວາມຫຍຸ້ງຍາກຢູ່. ລັດເຊຍພວມຍູ້ແຮງການສັກວັກຊິນໃນທົ່ວໂລກ ດັ່ງນັ້ນ ແຫຼ່ງວັກຊິນສະໜອງກໍ່ປະສົບກັບຄວາມຫຍຸ້ງຍາກ.
ລັດເຊຍໄດ້ລົງນາມສັນຍາກັບຫຼາຍປະເທດ, ຫຼາຍຄູ່ຮ່ວມມືໃນທົ່ວໂລກນັບແຕ່ຕົ້ນປີນີ້. ປັດຈຸບັນແມ່ນຈຸດເວລາຕ້ອງການວັກຊິນຢູ່ລະດັບສູງທີ່ສຸດ ດັ່ງນັ້ນແຫຼ່ງສະໜອງວັກຊິນງວດທຳອິດ ເຊິ່ງຫວຽດນາມ ຈະໄດ້ຮັບຕ້ອງຮອດເດືອນກັນຍາ.
ອີກໜ້າທີ່ໜຶ່ງຂອງກຸ່ມປະຕິບັດງານແມ່ນຄົ້ນຄ້ວາບົດຮຽນປະສົບການຂອງ ລັດເຊຍ ທັງປ້ອງກັນ, ຕ້ານໂລກລະບາດໂຄວິດ - 19 ທັງຮັກສາການພັດທະນາເສດຖະກິດສັງຄົມ, ຮັບປະກັນການໜູນຊ່ວຍສັງຄົມ. ບົດຮຽນຂອງລັດເຊຍແມ່ນກວດພົບ, ປິ່ນປົວໃຫ້ແກ່ບັນດາຜູ້ຕິດເຊື້ອທີ່ມີອາການບໍ່ໜັກຢູ່ກັບບ້ານ.
ທ່ານເອກອັກຄະລັດຖະທູດ ດັ້ງມິງຄອຍ ໃຫ້ຮູ້ວ່າ ປະຊາຄົມຊາວຫວຽດນາມ ປະຈຳ ລັດເຊຍ ມີຄວາມສາມັກຄີກັນ, ສະໜິດຕິດພັນ ແລະ ເຂົ້າໃຈຢ່າງຈະແຈ້ງກ່ຽວກັບປະເທດປະຈຳຖິ່ນ, ມີການພົວພັນໃນວົງກ້ວາງ ດັ່ງນັ້ນ ໄດ້ໜູນຊ່ວຍສະຖານທູດໃນການຊອກຫາບັນດາຄູ່ຮ່ວມມື, ຊອກຫາບັນດແຫຼ່ງຢຸກຢາ ແລະ ວັກຊິນ. ມີນັກສຶກສາການແພດເຮັດວຽກໂດຍກົງຢູ່ບັນດາໂຮງໝໍຂອງລັດເຊຍໃນການປ້ອງກັນ, ຕ້ານໂລກລະບາດໂຄວິດ - 19 ມີປະສົບການ ແລະ ໄດ້ແບ່ງປັນກັບສະຖານທູດ...
ບຸນຄົງ
