| CEO ອາເມລິກາຮຽກຮ້ອງໃຫ້ ທ່ານປະທານາທິບໍດີ ອາເມລິກາ Joe Biden ເພີ່ມການໜູນຊ່ວຍວັກຊິນກັນໂຄວິດ - 19 ໃຫ້ແກ່ ຫວຽດນາມ | |
| ມູນຄ່າການສົ່ງອອກຫອຍຂອງຫວຽດນາມໄປຍັງ ອີຢູ ເພີ່ມຂຶ້ນ 35% |
 |
| ສັກທົດລອງວັກຊິນກັນໂຄວິດ - 19 ໃຫ້ແກ່ຜູ້ອາສາສະໝັກ (ພາບ: ກະຊວງສາທາລະນະສຸກ) |
ນີ້ແມ່ນວັກຊິນກັນໂຄວິດ - 19 ຊະນິດທີ 3 ຢູ່ ຫວຽດນາມ ເຊິ່ງໄດ້ຮັບໃບອະນຸຍາດທົດລອງສັກຕໍ່ຄົນ. ກ່ອນໜ້ານັ້ນແມ່ນວັກຊິນ Nano Covax ແລະ ວັກຊິນ Nano Covivac.
ເຂົ້າຮ່ວມເຫດການ, ທ່ານຮອງລັດຖະມົນຕີກະຊວງສາທາລະນະສຸກ ຫວຽດນາມ ເຈິ່ນວັນທ໊ວນ ກ່າວວ່າ: “ພວກຂ້າພະເຈົ້າມີຄວາມເຊື່ອໝັ້ນທີ່ສຸດ ແລະ ລໍຄອຍການຄົ້ນຄ້ວາ ໃຫ້ປະສົບຜົນສຳເລັດໂດຍໄວ ເພື່ອຊຸກຍູ້ການຜະລິດວັກຊິນພາຍໃນປະເທດ. ເຕັກໂນໂລຢີຂອງວັກຊິນີ້ ແມ່ນເຕັກໂນໂລຢີ mRNA ຂອງ Arcturus. ນີ້ແມ່ນເຕັກໂນໂລຢີທີ່ຄ້າຍຄືກັນກັບວັກຊິນ Pfizer, ວັກຊິນ Moderna ເຊິ່ງໄດ້ຮັບການໃຫ້ສັດຕະຍາບັນແລ້ວ. ພະຍາຍາມຈະໃຫ້ສຳເລັດ ໄລຍະທີ 3 ໃນທ້າຍປີນີ້, ຮີບດ່ວນກໍ່ສ້າງສຳເລັດໂຮງງານຜະລິດວັກຊິນ ຢູ່ເຂດເຕັກໂນໂລຢີສູງ ຮ່ວາລາກ. ວັກຊິນນີ້ພວມໄດ້ຮັບການທົດລອງສັກຕໍ່ຄົນໄລຍະທີ 1 ແລະ ທີ 2 ຢູ່ອາເມລິກາ ແລະ ສິງກະໂປ, ໝາກຜົນເບື້ອງຕົ້ນໄດ້ຮັບການຕີລາຄາວ່າດີ”.
ຢູ່ ຫວຽດນາມ, ການຄົ້ນຄ້ວາພັດທະນາວັກຊິນ ARCT-154 ໄດ້ປະຕິບັດທັງ 3 ໄລຍະ ຕໍ່ຜູ້ອາສາສະໝັກທີ່ມີອາຍຸແຕ່ 18 ປີຂຶ້ນໄປ. ໄລຍະທີ 1: ເລີ່ມຕົ້ນໃນວັນທີ 15 ແລະ 16 ສິງຫາ ດ້ວຍການດຳເນີນສັກເຂັມທີ 1 ໃຫ້ແກ່ຜູ້ອາສາສະໝັກ 100 ຄົນ ທີ່ມີສຸຂະພາບແຂງແຮງດີ ຢູ່ ສູນທົດລອງສັກວັກຊິນຕໍ່ຄົນ, ມະຫາວິທະຍາໄລແພດສາດ ຮ່າໂນ້ຍ.
ບຸນຄົງ
