 |
| ພາບປະກອບ |
ອັນນັ້ນແມ່ນ ບໍ່ເກີດຂອງການພົວພັນສາມັກຄີພິເສດ ທີ່ກາຍເປັນປັດໄຈຕັດສິນຜົນສຳເລັດ ແລະ ໄຊຊະນະຂອງການປະຕິວັດຢູ່ສອງປະເທດຂອງພວກເຮົາ ຊຶ່ງເປັນຕົວແບບທີ່ຫາໄດ້ຍາກໃນການພົວພັນລະຫວ່າງຊາດຢູ່ໃນໂລກ, ເປັນສາຍພົວພັນທີ່ຍິ່ງໃຫຍ່, ເລິກເຊິ່ງ, ດູດດື່ມ ແລະ ເປັນມໍລະດົກລ້ຳຄ່າຂອງ ທັງສອງຊາດ ລາວ-ຫວຽດນາມ. ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານລະຫວ່າງ ລາວ-ຫວຽດນາມ ໄດ້ພັດທະນາຈາກສາຍພົວພັນ ທີ່ເປັນມູນເຊື້ອ ທີ່ປະທານ ໂຮ່ຈີ່ມິງ ຜູ້ຍິ່ງໃຫຍ່, ປະທານໄກສອນ ພົມວິຫານ ແລະ ປະທານ ສຸພານຸວົງ ທີ່ແສນເຄົາລົບຮັກສ້າງຂຶ້ນ, ອອກ ເຫື່ອເທແຮງ ເພີ່ມພູນຄູນສ້າງ ແລະໄດ້ຮັບການພັດທະນາຈາກບັນດາຮຸ່ນຜູ້ນຳ, ນັກຮົບປະຕິວັດ ແລະ ປະຊາຊົນສອງປະເທດ ກາຍເປັນສາຍພົວພັນທີ່ສັດຊື່, ບໍລິສຸດ, ພິເສດ, ເປັນແບບຢ່າງ ແລະ ຫາຍາກ. ໃນເດືອນກັນຍາປີ 1962, ຫວຽດນາມ ແລະ ລາວໄດ້ຕົກລົງສ້າງຕັ້ງ ການພົວພັນທາງການທູດ ຊຶ່ງເປັນການເປີດໂສມໜ້າໃໝ່ ໃນການພັດທະນາການພົວພັນລະຫວ່າງສອງປະເທດ.
ສອງຝ່າຍໄດ້ເອກະພາບກັນຍົກລະດັບຈາກ “ການພົວພັນເປັນມູນເຊື້ອ” ມາເປັນ “ການພົວພັນເປັນມູນເຊື້ອອັນຍິ່ງໃຫຍ່” ໃນໂອກາດທີ່ ສະຫາຍເລຂາທິການໃຫຍ່, ປະທານປະ ເທດຫວຽດນາມ ຫງວຽນຝູ໋ຈ້ອງ ຢ້ຽມຢາມລາວໃນເດືອນ ກຸມພາ ປີ 2019 ຖືວ່າເປັນຂີດໝາຍປະຫວັດສາດສຳຄັນ, ສ້າງບາດກ້າວບຸກທະລຸໃນການຮ່ວມມື ລະຫວ່າງສອງປະເທດ. ມາຮອດປີນີ້ສາມາດເວົ້າໄດ້ວ່າ 59 ປີ ແຫ່ງ ການສ້າງສາຍພົວພັນການທູດ ແລະ 44 ປີ ແຫ່ງການ ເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງສອງປະເທດລາວ-ຫວຽດນາມ ແມ່ນໄລຍະເວລາແຫ່ງການທົດສອບຄວາມໝັ້ນແກ່ນແໜ້ນໜຽວ ຂອງສາຍພົວພັນລະຫວ່າງ ສອງປະເທດພວກເຮົາ ເຖິງແມ່ນວ່າສະພາບແວດລ້ອມຂອງໂລກ ກໍຄືສາກົນໄດ້ຜັນແປໄປຢ່າງໄວວາ ສັບສົນ ທີ່ມີທັງກາລະໂອກາດ ແລະ ສິ່ງທ້າທາຍນາໆປະການກໍ່ຕາມ, ແຕ່ ພັກ-ລັດ ແລະ ປະຊາຊົນລາວບັນດາເຜົ່າກໍ່ໄດ້ເອົາໃຈໃສ່ເພີ່ມທະວີສ້າງໃຫ້ການພົວພັນຮ່ວມມືຂອງ ສອງຊາດ ຍິ່ງເພີ່ມພູນຄູນສ້າງໃຫ້ອຸດົມສົມບູນ ແລະ ໄດ້ຮັບການປັບປຸງຍົກລະດັບທັງທາງດ້ານປະລິມານ ແລະ ຄຸນນະພາບໃຫ້ສູງຂຶ້ນເລື້ອຍໆ.
ເນື້ອໃນຂອງການຮ່ວມມືນັບມື້ເຂົ້າສູ່ລວງເລິກແທດຕົວຈິງ; ກົນໄກ ແລະ ວິທີການຕ່າງໆແມ່ນນັບມື້ຄ່ອງຕົວຍິ່ງຂຶ້ນ, ການພົວພັນຮ່ວມມື ລະຫວ່າງທ້ອງຖິ່ນ, ຂະແໜງການ ມີປະສິດທິຜົນຫລາຍຂຶ້ນ ແລະ ຂົງເຂດຕ່າງໆນັບມື້ເປີດກວ້າງອອກນຳເອົາຜົນ ປະໂຫຍດຕົວຈິງມາສູ່ປະຊາຊົນສອງຊາດພວກເຮົາ. ຜ່ານມາ ພັກ, ລັດຖະບານ ແລະ ປະຊາຊົນ ຫວຽດນາມອ້າຍນ້ອງ ໄດ້ໃຫ້ການຊ່ວຍເຫລືອອັນລໍ້າຄ່າ, ທັນການ ແລະ ມີປະສິດທິຜົນ ທັງການຊ່ວຍເຫລືອປົກກະຕິປະຈໍາປີ ກໍຄືການຊ່ວຍເຫລືອໃນຍາມໄພພິບັດຕ່າງໆ ພິເສດແມ່ນ ການຮັບມືກັບພະຍາດໂຄວິດ-19 ຊຶ່ງ ສສ ຫວຽດນາມ ເປັນປະເທດທໍາອິດທີ່ເຂົ້າມາໃຫ້ການຊ່ວຍເຫລືອແກ່ ສປປ ລາວ ອັນນີ້ແມ່ນສະແດງໃຫ້ເຫັນ ລັກສະນະພິເສດຂອງການພົວພັນ ຮ່ວມມື ລາວ-ຫວຽດນາມ ທີ່ໄດ້ກາຍເປັນປັດໄຈຊ່ວຍໜູນທີ່ສຳຄັນໃຫ້ແກ່ການພັດທະນາ ປະເທດຊາດຂອງ ພວກເຮົາ ຊຶ່ງການນຳຂັ້ນສູງຂອງສອງປະເທດ ຍາມໃດກໍ່ໄດ້ຊີ້ນຳຢ່າງເຂັ້ມງວດ ໃຫ້ອຳນາດການປົກຄອງຂອງທັງສອງຝ່າຍ ເພີ່ມທະວີການເຊື່ອມຕໍ່ ລະຫວ່າງ ສອງພື້ນຖານເສດຖະກິດ, ໂດຍສະເພາະແມ່ນການເຊື່ອມຕໍ່ໃນພື້ນຖານໂຄງລ່າງ, ການຂົນສົ່ງ, ການຂຸດຄົ້ນ ແລະ ການພັດທະນາ ພະລັງງານ. ຄຽງຄູ່ກັບການແກ້ໄຂຜ່ານຜ່າ ບັນດາບັນຫາທີ່ມີຢູ່ແລ້ວ ເພື່ອເຮັດໃຫ້ການຮ່ວມມືນັບມື້ນັບເລິກເຊິ່ງ, ມີປະສິດທິຜົນ, ແທດເໝາະກັບທ່າແຮງຂອງສອງປະເທດ.
ປັດຈຸບັນ, ຫວຽດນາມແມ່ນໜຶ່ງໃນບັນດາປະເທດນຳໜ້າໃນການລົງທຶນ ແລະ ເປັນຄູ່ຮ່ວມມືການຄ້າໃຫຍ່ຂອງລາວ. ສ່ວນການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບ ສືບຕໍ່ບັນລຸໝາກຜົນສຳຄັນຫລາຍຢ່າງ, ປະກອບ ສ່ວນຮັບປະກັນຄວາມໝັ້ນຄົງດ້ານການເມືອງ, ຄວາມ ເປັນລະບຽບຮຽບຮ້ອຍ ແລະ ຄວາມປອດໄພຂອງແຕ່ລະປະເທດ. ສອງຝ່າຍສືບຕໍ່ປະສານສົມທົບ ເພື່ອຈັດຕັ້ງປະຕິບັດເປັນຢ່າງດີຕາມຂໍ້ຕົກລົງ ກ່ຽວກັບຊາຍແດນທີ່ໄດ້ລົງນາມ, ປ້ອງກັນ ແລະ ແກ້ໄຂການກະທຳລະເມີດຊາຍແດນໂດຍທັນທີ, ປະສານສົມທົບກັນຕໍ່ສູ້ຕ້ານອາດຊະຍາ ກຳຂ້າມຊາດ, ຊຸກຍູ້ການລົງນາມບັນດາຂໍ້ຕົກລົງໃນຂົງເຂດປ້ອງກັນຊາດ, ປ້ອງກັນຄວາມສະຫງົບ, ການຕ່າງປະເທດ, ວັດທະນະທຳ, ການສຶກສາ, ວິທະຍາສາດ-ເຕັກໂນໂລຢີ ໄດ້ສືບຕໍ່ມີໝາກຜົນຢ່າງຕັ້ງໜ້າ.
ກ່ຽວກັບການຮ່ວມມືຫລາຍຝ່າຍ ນັບແຕ່ເວລາເຂົ້າເປັນສະມາຊິກອາຊຽນ ຫວຽດນາມ ແລະ ລາວໄດ້ປະສານງານ ແລະ ສະໜັບສະໜູນເຊິ່ງກັນ ແລະ ກັນ ໃນຫລາຍບັນຫາ ທີ່ໄດ້ປຶກສາຫາລືຢູ່ໃນບັນດາເວທີປາໄສອາຊຽນ ຊຶ່ງທັງໝົດນັ້ນໄດ້ປະກອບສ່ວນເພີ່ມພູນຄູນສ້າງ ແລະ ເສີມຂະຫຍາຍມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມອ້າຍນ້ອງ ໃຫ້ຈະເລີນງອກງາມ ແລະ ເກີດດອກອອກຜົນຫລາຍຂຶ້ນຕື່ມ, ປະກອບສ່ວນ ຢ່າງຕັ້ງໜ້າເຂົ້າໃນການເສີມສ້າງສັນຕິພາບ, ມິດຕະພາບ, ການ ຮ່ວມມື ແລະ ການເຊື່ອມໂຍງໃນພາກພື້ນ ແລະ ໃນໂລກ ເພື່ອຄວາມສັນ ຕິສຸກ ແລະ ຄວາມຈະເລີນວັດທະນາຂອງ ບັນດາປະຊາຊາດ.
ອວຍພອນໃຫ້ມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານອັນເປັນມູນເຊື້ອ ລະຫວ່າງ ພັກປະຊາຊົນປະຕິວັດລາວ ກັບພັກກອມມູນິດຫວຽດນາມ, ລະຫວ່າງ ສປປ ລາວ ກັບ ສສ ຫວຽດນາມ, ລະຫວ່າງ ປະຊາຊົນລາວ ກັບປະຊາຊົນຫວຽດນາມ ອ້າຍນ້ອງໝັ້ນຍືນ! ພາລະກິດ ແລະ ແນວຄິດຂອງ ປະທານ ໂຮຈີ່ມິງ ຜູ້ຍິ່ງໃຫຍ່ ຂອງ ປະທານ ໄກສອນ ພົມວິຫານ ແລະ ປະທານ ສຸພາ ນຸວົງ ທີ່ແສນເຄົາລົບຮັກ ຍືນຍົງຢູ່ກັບພວກເຮົາຕະຫລອດໄປ!
 | ຊຸກຍູ້ການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານ ລະຫວ່າງ ຫວຽດນາມ ແລະ ລາວ ຍສໝ - ຕອນເຊົ້າວັນທີ 9 ມັງກອນ, ຢູ່ຫໍສະພາແຫ່ງຊາດ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ໃຫ້ການຕ້ອນຮັບທ່ານນາງປະທານສະພາແຫ່ງຊາດ ລາວ ປານີ ຢາທໍ່ຕູ້. |
 | ເອກອັກຄະລັດຖະທູດລາວ ປະຈຳ ຫວຽດນາມ: ສືບຕໍ່ປັບປຸງສາຍພົວພັນມິດຕະພາບພິເສດ ແລະ ການຮ່ວມມືຮອບດ້ານ ລະຫວ່າງຫວຽດນາມ ແລະ ລາວ ຢ່າງສຸດກຳລັງໃຈ ຍສໝ - ເມື່ອບໍ່ດົນມານີ້, ທີ່ຫ້ອງສະພາແຫ່ງຊາດ, ສະຫາຍ ເຈິນວັນຕູ໋ວ - ກຳມະການສູນກາງພັກ, ຫົວໜ້າ ຄະນະວຽກງານຜູ້ຕາງໜ້າ, ປະທານຄະນະການມິດຕະພາບຫວຽດນາມ - ລາວ ໄດ້ຕ້ອນຮັບ ທ່ານ ທອງສະຫວັນ ພົມວິຫັນ - ເອກອັກຄະລັດຖະທູດ ຜູ້ມີອຳນາດເຕັມ ແຫ່ງ ສປປ ລາວ ປະຈຳຫວຽດນາມ ມາສັ່ງລາກ່ອນເວລາສຳເລັດວາລະປະຕິບັດງານ. |
 | ເພີ່ມທະວີສາຍພົວພັນມິດຕະພາບ ແລະ ການຮ່ວມມືຮອບດ້ານ ລະຫວ່າງ ຫ໋າຍ ຟ່ອງ - ອຸດົມໄຊ ຍສໝ - ໃນວັນທີ 17 ພຶດສະພາ, ຮອງເລຂາພັກແຂວງ, ຫົວໜ້າຄະນະກຳມະການປະຊາຊົນ ນະຄອນ ຫ໋າຍ ຟ່ອງ - ທ່ານ ຫງວຽນ ວັນ ຕູ່ງ ໄດ້ຕ້ອນຮັບ ຄະນະຜູ້ແທນຂັ້ນສູງ ແຂວງອຸດົມໄຊ ນຳ ໂດຍ ທ່ານ ຄຳພັນ ເຜີຍຍະວົງ, ກຳມະການສູນກາງພັກປະຊາຊົນປະຕິວັດລາວ, ... |
kpl.gov.la
