 |
| ລັດຖະມົນຕີສອງປະເທດຢັ້ງຢືນວ່າ ຖືເປັນສຳຄັນການຮັກສາ ແລະ ພັດທະນາສາຍພົວພັນຄູ່ຮ່ວມມືຍຸດທະສາດ ຫວຽດນາມ - ສ.ເກົາຫຼີ ໃຫ້ຫຼາຍກວ່າອີກ. ພາບ: TTXVN |
ທີ່ການເຈລະຈາ, ລັດຖະມົນຕີສອງປະເທດຢັ້ງຢືນວ່າ ຖືເປັນສຳຄັນການຮັກສາ ແລະ ພັດທະນາສາຍພົວພັນຄູ່ຮ່ວມມືຍຸດທະສາດ ຫວຽດນາມ - ສ.ເກົາຫຼີ ໃຫ້ຫຼາຍກວ່າອີກ; ເພີ່ມທະວີການສົມທົບກັນຢ່າງແໜ້ນແຟ້ນ, ຊຸກຍູ້ການຮ່ວມມືສອງຝ່າຍໃນບັນດາຂົງເຂດ; ເພີ່ມທະວີການພົບປະແລກປ່ຽນຄະນະຜູ້ແທນຂັ້ນສູງໃຫ້ຫຼາຍກວ່າອີກ, ຊຸກຍູ້ການຮ່ວມມືລະຫວ່າງບັນດາຂະແໜງການ ແລະ ທ້ອງຖິ່ນ; ຮ່ວມມືກັນຕ້ານໂລກລະບາດໂຄວິດ - 19; ເປີດກວ້າງການຮ່ວມມື, ລົງທຶນ, ການຄ້າ, ຊ່ວຍເຫຼືອກັນພັດທະນາ ແລະ ປົກປ້ອງພົນລະເມືອງ. ສອງຝ່າຍເຫັນດີເປັນເອກະພາບ ຈະສືບຕໍ່ສົມທົບກັນຢ່າງແໜ້ນແຟ້ນ ແລະ ຮ່ວມມືຢ່າງມີປະສິດທິຜົນໃນບັນດາກົນໄກຫຼາຍຝ່າຍ; ສົມທົບກັນຢ່າງຕັ້ງໜ້າເພື່ອໃຫ້ ຫວຽດນາມ ສວມບົດບາດເປັນປະເທດປະສານງານ ອາຊຽນ - ສ.ເກົາຫຼີ ນັບແຕ່ເດືອນ ສິງ ຫາ 2021 ນີ້ ໄດ້ເປັນຢ່າງດີ; ສະໜັບສະໜູນການຮັກສາສັນຕິພາບ, ສະຖຽນລະພາບໃນພາກພື້ນ, ສອດຄ່ອງກັບກົດໝາຍສາກົນ; ສືບຕໍ່ເສີມຂະຫຍາຍ, ປະກອບສ່ວນເຂົ້າໃນການຊຸກຍູ້ການເຈລະຈາ, ການຮ່ວມມືໃນແຫຼມເກົາຫຼີ.
ກ່ອນໜ້ານັ້ນ, ໃນວັນທີ 16 ມິຖຸນາ 2021, ຢູ່ຮ່າໂນ້ຍ, ທ່ານປະທານປະເທດ ຫວຽດນາມ ຫງວຽນຊວນຟຸກ ໃຫ້ການຕ້ອນຮັບການເຂົ້າຢ້ຽມຄຳນັບທ່ານລັດຖະມົນຕີການຕ່າງປະເທດ ສ.ເກົາຫຼີ ຈຸງ ອຸຍ ຢົງ. ທີ່ການຕ້ອນຮັບ, ທ່ານປະທານປະເທດ ຫງວຽນຊວນຟຸກ ຖືວ່າ 2 ຝ່າຍຄວນຂຸດຄົ້ນທ່າແຮງໃນການຮ່ວມມືໃນຂົງເຂດຕ່າງໆຄື ການລົງທຶນ, ການຄ້າ, ວິທະຍາສາດ ເຕັກໂນໂລຢີ, ວັດທະນະທຳການສຶກສາ, ສະເໜີ ສ.ເກົາຫຼີຊ່ວຍໜູນວົງຄະນະຍາດຊາວຫວຽດນາມອາໄສຢູ່ ສ.ເກົາຫຼີ... ທ່ານປະທານປະເທດ ຫງວຽນຊວນຟຸກ ໄດ້ຕີລາຄາສູງ ເລື່ອງ ສ.ເກົາຫຼີ ໄດ້ສົມທົບ, ຊ່ວຍໜູນຫວຽດນາມ ເຮັດສຳເລັດບົດບາດເປັນປະທານໝູນວຽນ ອາຊຽນ 2020 ແລະ ກຳມະການບໍ່ປະຈຳການສະພາຄວາມໝັ້ນຄົງ ສ.ປ.ຊ ອາຍຸການ 2020-2021 ແລະ ຖືວ່າ 2 ຝ່າຍຄວນສົມທົບກັນຢ່າງແໜ້ນແຟ້ນໃນໄລຍະຫວຽດນາມແບກຫາບບົດບາດເປັນຜູ້ປະສານງານການພົວພັນ ອາຊຽນ-ສເກົາຫຼີ ອາຍຸການ 2021-2024.
 |
| ທ່ານປະທານປະເທດ ຫວຽດນາມ ຫງວຽນຊວນຟຸກ ແລະ ທ່ານລັດຖະມົນຕີການຕ່າງປະເທດ ສ.ເກົາຫຼີ ຈຸງ ອຸຍ ຢົງ. ພາບ: sggp.org.vn |
ແລະ ກໍ່ໃນວັນດຽວກັນ, ທ່ານນາຍົກລັດຖະມົນຕີຫວຽດນາມ ຝ້າມມິງຈີ້ງ ໄດ້ໃຫ້ການຕ້ອນຮັບ ທ່ານລັດຖະມົນຕີການຕ່າງປະເທດ ສ.ເກົາຫຼີ ຈຸງ ອຸຍ ຢົງ. ທ່ານນາຍົກລັດຖະມົນຕີຫວຽດນາມ ຝ້າມມິງຈີ້ງເນັ້ນໜັກວ່າ 2 ຝ່າຍຄວນສືບຕໍ່ປັບປຸງ ແລະ ເພີ່ມທະວີຄວາມເຊື່ອໝັ້ນການເມືອງ; ສົມທົບກັນຢ່າງແໜ້ນແຟ້ນເພື່ອຈັດຕັ້ງບັນດາການເຄື່ອນໄຫວສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດໃນປີ 2022; ສົ່ງເສີມ ແລະ ຮັບປະກັນເງື່ອນໄຂສະດວກໃຫ້ແກ່ບັນດາວິສາຫະກິດ ສເກົາຫຼີ ສືບຕໍ່ລົງທຶນ ແລະ ເປີດກ້ວາງການລົງທຶນຢູ່ຫວຽດນາມ.
 | VKBIA ມະຫາວິທະຍາໄລ Songgok (ສ.ເກົາຫຼີ) ຮ່ວມສຳພັນພັດທະນາແຫຼ່ງບຸກຄະລາກອນທີ່ມີຄຸນນະພາບສູງ ຍສໝ - ເພື່ນແນໃສ່ຫັນການເຊື່ອມຕໍ່ມີ່ມີຄວາມຫຼາຍປະກົດຜົນເປັນຈິງ, ສະມາຄົມນັກທຸລະກິດ ແລະ ລົງທຶນ ຫວຽດນາມ - ສ.ເກົາຫຼີ ໄດ້ລົງນາມບົດບັນທຶກຊ່ວນຈຳກ່ຽວກັບການຮ່ວມມືຢ່າງຮອບດ້ານກັບມະຫາວິທະຍາໄລ Songgok ເພື່ອແນໃສ່ບຳລຸງສ້າງແຫຼ່ງຊັບພະຍາກອນທີ່ມີຄຸນນະພາບ, ມີສີມືສູງ ແລະ ມີຄວາມຮູ້ດ້ານວັດທະນະທຳ, ພາສາ ສ.ເກົາຫຼີ, ຕອບສະໜອງໃຫ້ແກ່ແຫຼ່ງບຸກຄະລາກອນທີ່ພວມເຮັດວຽກຢູ່ບັນດາວິສາຫະກິດ FDI. |
 | ເພີ່ມທະວີການຮ່ວມມືຢ່າງຮອບດ້ານ ລະຫວ່າງຫວຽດນາມ ແລະ ສ.ເກົາຫຼີ ຍສໝ - ຫວ່າງແລ້ວນີ້, ທ່ານລັດຖະມົນຕີການຕ່າງປະເທດຫວຽດນາມ ບຸ່ຍແທງເຊີນ ໄດ້ມີການສົນທະນາໂທລະສັບກັບທ່ານ Chung Eui Yong - ລັດຖະມົນຕີການຕ່າງປະເທດ ສ.ເກົາຫຼີ; ນີ້ແມ່ນການໂອ້ລົມທາງໂທລະສັບຄັ້ງທໍາອິດພາຍຫຼັງສອງທ່ານ ໄດ້ເລືອກຕັ້ງໃຫ້ດຳລົງຕຳແໜ່ງເປັນລັດຖະມົນຕີການຕ່າງປະເທດ. |
 | ຄົນງານຫວຽດນາມ ໄດ້ຕໍ່ກຳນົດເວລາພັກເຊົາຢູ່ປະເທດ ສ.ເກົາຫຼີ ຕື່ມອີກ 1 ປີ ຍສໝ - ການຕໍ່ກຳນົດເວລານີ້ຈະໄດ້ນໍາໃຊ້ສໍາລັບຄົນງານທີ່ມີວີຊາ E-9 ແລະ ຜູ້ທີ່ຖືວີຊ່າເຮັດວຽກ H-2 ທີ່ຈະໝົດອາຍຸລະຫວ່າງວັນທີ 13 ເມສາ ເຖິງ 31 ທັນວາຂອງປີນີ້. |
ໄຊພອນ
