ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດຫວຽດນາມ ປະຈຳ ສ.ເກົາຫຼີ ຫງວຽນວູຕູງ ໃຫ້ຮູ້ວ່າ, ໃນຖານະເປັນເອກອັກຄະລັດຖະທູດ ສ.ເກົາຫຼີ ປະຈຳ ຫວຽດນາມ ແຕ່ປີ 2016-2018, ທ່ານເອກອັກຄະລັດຖະທູດ Lee Hyuk ໄດ້ຊຸກຍູ້ການພົວພັນມິດຕະພາບທີ່ເປັນມູນເຊື້ອ, ການຮ່ວມມືຫວຽດນາມ - ສ.ເກົາຫຼີ ໄດ້ນັບມື້ນັບພັດທະນາຢ່າງແຮງ ແລະ ເລິກເຊິ່ງ, ໂດຍສະເພາະໃນຂົງເຂດເສດຖະກິດ, ການຄ້າ - ການລົງທືນ, ວິທະຍາສາດ ແລະ ເຕັກໂນໂລຢີ, ແຮງງານ...
 |
| ພິທີມອບຫຼຽນໄຊມິດຕະພາບ ໃຫ້ແກ່ອະດີດເອກອັກຄະລັດຖະທູດສ.ເກົາຫຼີ ປະຈຳຫວຽດນາມ. |
ໃນຖານະເປັນເລຂາທິການໃຫຍ່ຂອງສູນອາຊຽນ - ສ.ເກົາຫລີ (AKC) ແຕ່ປີ 2018-2021, ທ່ານເອກອັກຄະລັດຖະທູດ Lee Hyuk ໄດ້ຈັດຕັ້ງການເຄື່ອນໄຫວຕ່າງໆ ເພື່ອຊຸກຍູ້ການພົວພັນ ສ.ເກົາຫຼີ - ຫວຽດນາມ ໃນຂອບອາຊຽນ ແລະ ສ.ເກົາຫຼີ ກັບບັນດາປະເທດອາຊຽນ, ໂດຍເປັນສັນຍະລັກແມ່ນບັນດາການເຄື່ອນໄຫວທີ່ມີຄວາມໝາຍ ຂອງສູນອາຊຽນ - ສ.ເກົາຫຼີ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງສາຍພົວພັນຄູ່ຮ່ວມມື ສ.ເກົາຫຼີ - ອາຊຽນ ໄດ້ຄົບຮອບ 30 ປີ (ປີ 2019).
ທ່ານເອກອັກຄະລັດຖະທູດຫວຽດນາມ ປະຈຳ ສ.ເກົາຫຼີ ຫງວຽນວູຕູງ ໄດ້ຫວັງວ່າ ທ່ານເອກອັກຄະລັດຖະທູດ Lee Hyuk ຈະສືບຕໍ່ປະກອບສ່ວນ ໃນການເພີ່ມທະວີການພົວພັນມິດຕະພາບ ລະຫວ່າງປະຊາຊົນ 2 ປະເທດຫວຽດນາມ - ສ.ເກົາຫຼີ, ແບ່ງປັນບັນດາປະສົບການອັນລ້ຳຄ່າຂອງທ່ານ ເພື່ອຮັກສາ, ຊຸກຍູ້ການພັດທະນາ ຂອງການພົວພັນຫວຽດນາມ - ສ.ເກົາຫຼີ.
 |
| ທ່ານເອກອັກຄະລັດຖະທູດ ຫງວຽນວູຕູງ (ຂວາ) ແລະ ພັນລະຍາ ໄດ້ຖ່າຍຮູບທີ່ລະລຶກກັບທ່ານ Lee Huyk ແລະ ພັນລະຍາ. |
ສ່ວນທ່ານເອກອັກຄະລັດຖະທູດ Lee Huyk ໄດ້ສະແດງ ຄວາມຂອບອົກຂອບໃຈມາຍັງລັດ ແລະ ສະຖານທູດຫວຽດນາມປະຈຳ ສ.ເກົາຫຼີ ທີ່ໄດ້ຮັບຫຼຽນໄຊມິດຕະພາບອັນສູງສົ່ງ. ທ່ານ Lee Huyk ກ່າວວ່າ, ການພົວພັນລະຫວ່າງຫວຽດນາມ ແລະ ສ.ເກົາຫຼີ ມີການພັດທະນາຢ່າງແຮງ, ແມ່ນສິ່ງມະຫັດສະຈັນ ເມື່ອ ສ.ເກົາຫຼີ ກາຍເປັນໜຶ່ງໃນບັນດານັກລົງທືນໃຫຍ່ທີ່ສຸດຢູ່ຫວຽດນາມ.
ດ້ວຍຕຳແໜ່ງໃໝ່ ແມ່ນຮອງປະທານສະມາຄົມມິດຕະພາບສ.ເກົາຫຼີ - ຫວຽດນາມ, ທ່ານເອກອັກຄະລັດຖະທູດ ຈະສືບຕໍ່ປະກອບສ່ວນຢ່າງຕັ້ງໜ້າ ເຂົ້າໃນການພັດທະນາການພົວພັນສອງຝ່າຍ, ເພື່ອຜົນປະໂຫຍດຕົວຈິງຂອງປະຊາຊົນສອງປະເທດ.
 | ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ປະດັບຫຼຽນໄຊມິດຕະພາບໃຫ້ແກ່ທ່ານ Ibnu Hadi ເອກອັກຄະລັດຖະທູດອິນໂດເນເຊຍ ປະຈຳ ຫວຽດນາມ ຍສໝ - ນີ້ແມ່ນລາງວັນອັນປະເສີດເລີດລໍ້າຂອງລັດຫວຽດນາມ ແນໃສ່ຮັບຮູ້ຄວາມມານະພະຍາຍາມຂອງທ່ານ Ibnu Hadi ເອກອັກຄະລັດຖະທູດອິນໂດເນເຊຍ ໃນການຊຸກຍູ້ການພົວພັນສອງປະເທດ. |
 | ກະຊວງການຕ່າງປະເທດຫວຽດນາມ ໄດ້ມອບຫຼຽນໄຊມິດຕະພາບໃຫ້ທ່ານເອກອັກຄະລັດຖະທູດປະເທດ Azerbaijan ຍສໝ - ວັນທີ 5 ກັນຍາ ຢູ່ຮ່າໂນ້ຍ, ໂດຍໄດ້ຮັບອະນຸຍາດຈາກປະທານປະເທດຫວຽດນາມ, ກະຊວງການຕ່າງປະເທດ ໄດ້ຈັດພິທີມອບຫຼຽນໄຊມິດຕະພາບ ໃຫ້ແກ່ທ່ານ Anar Imanov - ເອກອັກຄະລັດຖະທູດສາທາລະນະລັດ Azerbaijan ປະຈຳຫວຽດນາມ. |
 | ມອບຫຼຽນໄຊມິດຕະພາບໃຫ້ແກ່ທ່ານເອກອັກຄະລັດຖະທູດ Mozambique ເພື່ອຊຸກຍູ້ການພົວພັນກັບຫວຽດນາມ ຍສໝ - ທ່ານ Gamiliel Sepulveda Joao Munguambe ກ່າວວ່າຫຼຽນໄຊແມ່ນຄວາມຮັບຮູ້ ແລະ ເປັນກຳລັງໃຈອັນໃຫຍ່ຫຼວງຂອງຫວຽດນາມ ສຳລັບຄວາມມານະພະຍາຍາມຂອງທ່ານ ແລະ ມີຄວາມໝາຍເພື່ອໃຫ້ກຽດແກ່ສາຍພົວພັນມິດຕະພາບທີ່ເປັນມູນເຊື້ອລະຫວ່າງ Mozambique ແລະຫວຽດນາມ. |
ຄຳຮຸ່ງ
