ວິສາຫະກິດຂອງຫວຽດນາມ ໄດ້ຊ່ວຍເຫຼືອປະຊາຊົນໃນພາກກາງຂອງລາວທີ່ຖືກຮັບຜົນກະທົບຈາກໄພນໍ້າຖ້ວມ

	ນັກສຶກສາລາວ ຊ່ວຍເຫຼືອປະຊາຊົນແກ້ໄຂຜົ້ນຮ້າຍຢ້ອນຫຼັງຈາກໄພນໍ້າຖ້ວມ
	ສະຖານທູດ ຫວຽດນາມ ພ້ອມດ້ວຍປະຊາຄົມຊາວຫວຽດນາມ ອາໄສ ຢູ່ ມາເລເຊຍ ຈັດຕັ້ງການບໍລິຈາກເພື່ອແນໃສ່ຊ່ວຍເຫຼືອພໍ່ແມ່ປະຊາຊົນຢູ່ເຂດພາກກາງ

ເມື່ອບໍ່ດົນມານີ້, ທະນາຄານຮ່ວມທຸລະກິດລາວ - ຫວຽດ (LaoVietBank) ໄດ້ບໍລິຈາກເງິນເພື່ອຊ່ວຍເຫຼືອປະຊາຊົນ ແຂວງສະຫວັນນະເຂດ ທີ່ຖືກຜົນກະທົບຈາກນໍ້າຖ້ວມ.

ບັນດາເຄື່ອງຊ່ວຍເຫຼືອໃນຄັ້ງນີ້ ປະກອບມີ ເຄື່ອງນຸ່ງຫົ່ມ, ບັນດາສິນຄ້າທີ່ຈຳເປັນ, ເຂົ້າ, ປາກະປອງ, ອາຫານແຫ້ງ... ໄດ້ນຳໄປສົ່ງໃຫ້ທຸກໆຄົວເຮືອນໃນ ບາງເມືອງໃນແຂວງສະຫວັນນະເຂດ. ເຄື່ອງຊ່ວຍເຫຼືອດັ່ງກ່າວ ມີມູນຄ່າທັງໝົດ ປະມານ 100 ລ້ານກີບ, ເທົ່າກັບ 250 ລ້ານດົ່ງ ແລະ ມີການປະກອບສ່ວນບາງຢ່າງ ໂດຍບັນດາບໍລິສັດທີ່ເປັນຄູ່ຮ່ວມມື ແລະ ລູກຄ້າລາຍໃຫຍ່ຂອງ LaoVietBank.

ທະນາຄານ LaoVietBank ໄດ້ຊ່ວຍເຫຼືອປະຊາຊົນໃນພາກກາງຂອງລາວທີ່ຖືກຮັບຜົນຮ້າຍໄພນໍ້າຖ້ວມ. (ພາບ: nhandan.com.vn)

ບັນດາຜູ້ນຳທ້ອງຖິ່ນຂອງລາວ ໄດ້ຕີລາຄາສູງ ຕໍ່ການສະໜັບສະໜູນ, ແບ່ງປັນຄວາມຫຍຸ້ງຍາກຂອງບຸກຄົນ ແລະ ທະນາຄານຮ່ວມທຸລະກິດລາວ - ຫວຽດ (LaoVietBank) ໃນການຈັດຕັ້ງຄະນະຜູ້ແທນໄປຢ້ຽມຢາມ ແລະ ຊ່ວຍເຫຼືອ, ສະໜັບສະໜູນສິນຄ້າ ແລະ ເຄື່ອງໃຊ້ທີ່ຈຳເປັນສຳລັບພົນລະເມືອງ.

ທ່ານ ຫງວຽນດຶກວູ້ - ຫົວໜ້າຜູ້ຕາງໜ້າທະນາຄານ BIDV ປະຈຳລາວ, ຜູ້ອຳນວຍການໃຫຍ່ຂອງທະນາຄານ LaoVietBank ໃຫ້ຮູ້ວ່າ, ຕໍ່ໜ້າທີ່ປະຊາຊົນແຂວງສະຫວັນນະເຂດ ຖືກຮັບຜົນກະທົບຈາກໄພນ້ຳຖ້ວມຢ່າງຮ້າຍແຮງ, ການນຳຂອງ LaoVietBank ໄດ້ຕັດສິນໃຈສະໜັບສະໜູນ ແລະ ສ້າງຕັ້ງຄະນະຜູ້ແທນໄປຢ້ຽມຢາມ, ໃຫ້ກຳລັງໃຈປະຊາຊົນຢູ່ທີ່ນີ້ເພື່ອແບ່ງປັນ ແລະ ຫຼຸດຜ່ອນຄວາມຫຍຸ້ງຍາກໃນເຂດທີ່ຖືກນ້ຳຖ້ວມ.

ປັດຈຸບັນ ເມືອງຊົນນະບູລີ ແຂວງສະຫວັນນະເຂດ ກໍາລັງປະສົບກັບໄພ ນໍ້າຖ້ວມຢ່າງໜັກໜ່ວງ, ມີບ້ານທີ່ໄດ້ຮັບຜົນ ກະທົບທັງໝົດ 40 ບ້ານ, ມີ 3.668 ຫລັງຄາ, ມີພົນລະເມືອງ 24.450 ຄົນ, ຍິງ 12.388 ຄົນ, ເນື້ອທີ່ຖືກຖ້ວມ 5.735 ເຮັກຕາ, ສວນພືດ-ຜັກຖືກຖ້ວມ 176 ເຮັກຕາ, ໜອງປາ 235 ໜອງ, ລະບົບຊົນລະປະ ທານ 9 ແຫ່ງ, ໂຮງຮຽນທີ່ໄດ້ຮັບຜົນກະທົບ ແລະ ຕ້ອງໂຈະການຮຽນຊົ່ວຄາວ ໃນນັ້ນ ມີ ໂຮງຮຽນປະຖົມ 9 ແຫ່ງ, ໂຮງຮຽນມັດທະຍົມຕົ້ນ 2 ແຫ່ງ, ລວມທັງໝົດ 17 ແຫ່ງ, ບ້ານທີ່ຕ້ອງຢຸດໃຊ້ໄຟຟ້າຊົ່ວຄາວ ເພື່ອຄວາມປອດໄພ ມີ 9 ບ້ານ ຄື: ບ້ານບຶງຊ້າງ, ກອງປະທຸມວັນ, ບ້ານທ່າຄໍາເຫລື້ອມ, ບ້ານດອນຍາໂນງ, ບ້ານໜອງສອງຫ້ອງ, ບ້ານເມືອງໂຮງ, ບ້ານດົງໜອງແຄນ ແລະ ບ້ານຕັ່ງຫວາຍນໍ້າ.

ນາຍົກລັດຖະມົນຕີ ໃຫ້ທິດຊີ້ນຳ ໃນການແກ້ໄຂ ແລະ ຟື້ນຟູຊີວິດການເປັນຢູ່ຂອງປະຊາຊົນ ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມ ທ່ານນາຍົກລັດຖະມົນຕີ ໄດ້ໄປຢ້ຽມຢາມ ແລະ ຕິດຕາມເບິ່ງສະພາບຊີວິດການເປັນຢູ່ ຂອງປະຊາຊົນບ້ານວັງຄົດ ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມຢູ່ສູນພັກຊົ່ວຄາວ ຈຸດໂຮງຮຽນປະຖົມບ້ານວັງຄົດ ແລະ ໄປເບິ່ງພື້ນທີ່ບ້ານ ທີ່ຖືກນໍ້າໄຫລຊຸ.

ສປປ.ລາວ: ເຂົ້ານາຫລາຍພັນເຮັກຕາທັງເມືອງວິລະບູລີ, ເຊໂປນ, ຈຳພອນ, ສອງຄອນ, ໄກສອນ ພົມວິຫານ ແລະອື່ນໆ ຖືກນໍ້າຖ້ວມ ສ່ວນສະພາບການໃນຫລາຍເມືອງຂອງສະຫວັນນະເຂດທີ່ໄດ້ຮັບຜົນກະທົບຈາກສະພາບຝົນຕົກຫລາຍວັນ, ເຂົ້ານາ ຫລາຍພັນເຮັກຕາ ທັງເມືອງວິລະບູລີ, ເຊໂປນ, ຈຳພອນ, ສອງຄອນ, ໄກສອນ ພົມວິຫານ ແລະອື່ນໆ ຖືກນໍ້າຖ້ວມ, ກຳລັງ ປກຊ, ປກສ ກໍຄື ອົງການຈັດຕັ້ງທາງປົກຄອງບ່ອນມີເງື່ອນໄຂໄດ້ພາກັນລົງຊ່ວຍປະຊາຊົນ ໃນການເກັບກູ້ເອົາເຂົ້າ ແລະ ສັດ ໄປໄວ້ບ່ອນສູງ.

ວິສາຫະກິດຫວຽດນາມ ລົງທຶນຫຼາຍກ່ວາ 80 ລ້ານໂດລາສະຫະລັດ ຢູ່ ແຂວງຊຽງຂວາງ ຍສໝ - ໃນໄລຍະດຽວກັນ (2011-2020), ຍອດຈຳນວນເງິນຊ່ວຍເຫລືອລ້າຂອງລັດຖະບານຫວຽດນາມໃຫ້ແກ່ແຂວງຊຽງຂວາງບັນລຸ 258.72 ຕື້ກີບ, ໃນຈຳນວນທັງໝົດ 17 ໂຄງການ.