 |
| ພາບປະກອບ |
ສັນຍາການຄ້າເສລີຫວຽດນາມ ແລະລາຊະອານະຈັກອັງກິດ (UKVFTA) ເລີ່ມມີຜົນສັກສິດນັບແຕ່ວັນທີ 1 ມັງກອນ 2021 ນັ້ນໄດ້ຮັບຄວາມຫວັງວ່າ ຈະແມ່ນໄມ້ງັດເປີດກວ້າງດ້ານການຄ້າຂອງຫວຽດນາມ ຢູ່ຕະຫຼາດທີ່ເຕັມໄປດ້ວຍຄວາມສາມາດບົ່ມຊ້ອນນີ້. ເລື່ອງ UKVFTA ໄດ້ຮັບການລົງນາມ ແລະປະຕິບັດຈະຮັບປະກັນໃຫ້ການຄ້າສອງຝ່າຍລະຫວ່າງຫວຽດນາມ ແລະອັງກິດ ບໍ່ຖືກຕັດຕອນ. ໜ້າສົນໃຈແມ່ນ UKVFTA ສືບທອດບັນດາຄໍາໝັ້ນສັນຍາທີ່ລະບຸໃນ EVFTA ໂດຍພື້ນຖານດ້ວຍການດັດປັບທີ່ຈໍາເປັນເພື່ອຮັບປະກັນເໝາະສົມກັບຂອບເຂດການຄ້າສອງຝ່າຍລະຫວ່າງຫວຽດນາມ ແລະອັງກິດ. ກ່ຽວຂ້ອງເຖິງໄລຍະເວລາຫຼຸດຜ່ອນ ແລະປອດພາສີ, ພາຍຫຼັງ 6 ປີນັບແຕ່ UKVFTA ມີຜົນສັກສິດ, ສຳລັບສິນຄ້າຫວຽດນາມ, ອັງກິດຈະລົບລ້າງພາສີນຳເຂົ້າຕໍ່ກັບ 99,2% ຈໍານວນໝວດພາສີ. ສະນັ້ນ, UKVFTA ໄດ້ຮັບຫວັງວ່າ ຈະຊຸກຍູ້ການພົວພັນດ້ານການຄ້າ, ການລົງທຶນລະຫວ່າງຫວຽດນາມ-ອັງກິດ ໃນຊຸມປີຈະມາເຖິງ.
ເຖິງວ່າຖືກຜົນກະທົບຢ່າງຮ້າຍແຮງຈາກພະຍາດໂຄວິດ-19, ຍອດວົງເງິນການຄ້ານໍາເຂົ້າ-ສົ່ງອອກລະຫວ່າງສອງປະເທດຄາດວ່າຍັງບັນລຸໄດ້ 5,55 ຕື້ໂດລາສະຫະລັດ ໃນປີ 2020. ໃນນັ້ນ, ການສົ່ງອອກຂອງຫວຽດນາມ ໄປສູ່ຕະຫຼາດອັງກິດ ບັນລຸ 4,88 ຕື້ໂດລາສະຫະລັດ, ການນຳເຂົ້າບັນລຸ 670 ລ້ານໂດລາສະຫະລັດ. ແຕ່ວ່າ, ລະດັບເຕີບໂຕນີ້ຍັງບໍ່ທັນສ່ອງແສງຢ່າງຖືກຕ້ອງຄວາມສາມາດບົ່ມຊ້ອນຂອງຕະຫຼາດອັງກິດໄດ້ເທື່ອ. ປະຈຸບັນ, ຄວາມສາມາດຮ່ວມມືໃນຂົງເຂດການຄ້າລະຫວ່າງສອງປະເທດຍັງໃຫຍ່ຫຼວງຢູ່, ເມື່ອມູນຄ່າສິນຄ້າຫວຽດນາມ ສົ່ງອອກສູ່ອັງກິດ ກວມພຽງ 1% ຍອດວົງເງິນນຳເຂົ້າຂອງອັງກິດ ແລະມູນຄ່າສິນຄ້ານຳເຂົ້າຂອງຫວຽດນາມ ກວມພຽງ 0,17% ມູນຄ່າສິນຄ້າອັງກິດສົ່ງອອກສູ່ໂລກ.
ໃນເດືອນ ມັງກອນ 2021, ຍອດວົງເງິນການຄ້າສົ່ງອອກ-ນໍາເຂົ້າ ລະຫວ່າງຫວຽດນາມ ແລະອັງກິດ ບັນລຸລະດັບກວ່າ 650 ລ້ານໂດລາສະຫະລັດ, ເພີ່ມຂຶ້ນ 78% ເມື່ອທຽບໃສ່ໄລຍະດຽວກັນຂອງປີກາຍ. ສິ່ງທີ່ເປັນໜ້າເອົາໃຈໃສ່, ວົງເງິນການສົ່ງອອກຂອງຫວຽດນາມ ໄປຍັງອັງກິດ ບັນລຸເກືອບ 600 ລ້ານໂດລາສະຫະລັດ. ນີ້ແມ່ນລະດັບການເຕີບໂຕທີ່ເປັນໜ້າປະທັບໃຈໃນສະພາບທີ່ການສົ່ງອອກໄປຍັງຕະຫຼາດອື່ນໆປະສົບກັບຄວາມຫຍຸ້ງຍາກຍ້ອນພະຍາດໂຄວິດ-19.
 | ຫວຽດນາມ: ຍອດມູນຄ່າສິນຄ້າສົ່ງອອກ-ນໍາເຂົ້າຂອງທົ່ວປະເທດບັນລຸ 1,67 ຕື້ໂດລາສະຫະລັດ, ເພີ່ມຂຶ້ນ 53% ເມື່ອທຽບໃສ່ໄລຍະບຸນເຕັດປີຊວດ 2020 ຍສໝ - ໃນໄລຍະບຸນເຕັດປີສະຫຼູ 2021, ຫວຽດນາມ ໄດ້ສົ່ງອອກສິນຄ້າໄປຍັງ 80 ຕະຫຼາດ ແລະນໍາເຂົ້າສິນຄ້າຈາກ 57 ປະເທດ, ເຂດແຄ້ວນ. |
 | ຫວຽດນາມ: ວົງເງິນສົ່ງອອກເຄື່ອງຕໍ່າແຜ່ນຕັດຫຍິບໃນເດືອນມັງກອນ 2021 ຄາດຄະເນບັນລຸ 2,6 ຕື້ໂດລາສະຫະລັດ, ເພີ່ມຂຶ້ນ 3,3% ເມື່ອທຽບໃສ່ໄລຍະດຽວກັນຂອງປີ 2020 ຍສໝ - ຂະແໜງຕໍ່າແຜ່ນຕັດຫຍິບ ກໍ່ພວມຢືນຢູ່ຕໍ່ໜ້າກາລະໂອກາດພັດທະນາອັນໃຫຍ່ຫຼວງຈາກສັນຍາການຄ້າເສລີທີ່ຫາກໍ່ລົງນາມ, ພິເສດແມ່ນຄວາມສາມາດບົ່ມຊ້ອນເປີດກວ້າງການສົ່ງອອກ ໄປຍັງບັນດາຕະຫຼາດໃຫຍ່ໃນໂລກ. |
 | ການສົ່ງອອກເຂົ້າສານຂອງຫວຽດນາມ ໃນປີ 2020 ບັນລຸ 6,15 ລ້ານໂຕນ, ລວມມູນຄ່າປະມານ 3,07 ຕື້ໂດລາສະຫະລັດ ຍສໝ - ລາຄາສົ່ງອອກສະເລ່ຍທັງປີ ຄາດວ່າບັນລຸເກືອບ 500 ໂດລາສະຫະລັດ ຕໍ່ໂຕນ, ເພີ່ມຂຶ້ນ 13,3% ເມື່ອທຽບໃສ່ປີ 2019. |
ໄຊພອນ
