 |
| ມີ 9 ປະເພດສິນຄ້າບັນລຸວົງເງິນສົ່ງອອກກວ່າ 1 ຕື້ໂດລາສະຫະລັດ, ກວມເອົາ 73,8% ຍອດວົງເງິນສົ່ງອອກ, ລວມມີ: ໂທລະສັບ, ເຄື່ອງອາໄຫຼ່; ເຄື່ອງເອເລັກໂຕນິກ, ຄອມພິວເຕີ ແລະເຄື່ອງອາໄຫຼ່; ອຸປະກອນກົນຈັກ, ອາໄຫຼ່ເຄື່ອງມື... ພາບປະກອບ |
ໃນສອງເດືອນ ຕົ້ນປີ 2021, ວົງເງິນສົ່ງອອກ ແລະ ນຳເຂົ້າຂອງ ຫວຽດນາມ ບັນລຸລະດັບສູງ ດ້ວຍຍອດວົງເງິນສົ່ງອອກ ແລະ ນຳເຂົ້າສິນຄ້າ ຄາດວ່າບັນລຸ 95,81 ຕື້ ໂດລາສະຫະລັດ ເພີ່ມຂຶ້ນ 24,5% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນການສົ່ງອອກບັນລຸ 48,55 ຕື້ ໂດລາສະຫະລັດ ເພີ່ມຂຶ້ນ 23,2%; ມູນຄ່າການນຳເຂົ້າບັນລຸ 47,26 ຕື້ ໂດລາສະຫະລັດ, ເພີ່ມຂຶ້ນ 25,9%. ດູນການຄ້າຂາຍສິນຄ້າຄາດວ່າມີວົງເງິນສົ່ງອອກເກີນດູນປະມານ 1,29 ຕື້ ໂດລາສະຫະລັດ.
ມີ 9 ປະເພດສິນຄ້າບັນລຸວົງເງິນສົ່ງອອກກວ່າ 1 ຕື້ໂດລາສະຫະລັດ, ກວມເອົາ 73,8% ຍອດວົງເງິນສົ່ງອອກ, ລວມມີ: ໂທລະສັບ, ເຄື່ອງອາໄຫຼ່; ເຄື່ອງເອເລັກໂຕນິກ, ຄອມພິວເຕີ ແລະເຄື່ອງອາໄຫຼ່; ອຸປະກອນກົນຈັກ, ອາໄຫຼ່ເຄື່ອງມື.... ອາເມລິກາ ແມ່ນຕະຫຼາດສົ່ງອອກໃຫຍ່ທີ່ສຸດ ດ້ວຍວົງເງິນສົ່ງອອກບັນລຸ 14,2 ຕື້ ໂດລາສະຫະລັດ ເພີ່ມຂຶ້ນ 38,2 % ເມື່ອທຽບໃສ່ໄລຍະດຽວກັນຂອງປີກາຍ; ຖັດມາແມ່ນ ຈີນ,ອີຢູ, ອາຊຽນ.
ໄລຍະຜ່ານມາ ບັນດາງວດສິນຄ້າສົ່ງອອກຜະລິດຕະພັນກະເສດໄປຍັງຕະຫລາດ ເອີລົບ ໄດ້ຍາດແຍ່ງບຸລິມະສິດ ຕາມສັນຍາການຄ້າເສລີ ຫວຽດນາມ - ອີຢູ ຄື: ສິນໃນນ້ຳ, ກຸ້ງແຊ່ເຢັນ, ໝາກນອດສົ່ງອອກ ໄປຍັງ ເຢຍລະມັນ; ໝາກໄມ້ ລວມມີ ໝາກສົ້ມໂອ, ໝາກມັງກອນ ສົ່ງອອກໄປ ອັງກິດ, ເຢຍລະມັນ, ໂຮນລັງ... ນີ້ແມ່ນບັນດາງວດສິນຄ້າທຳອິດທີ່ໄດ້ຊົມໃຊ້ພາສີ 0% ເມື່ອສົ່ງອອກໄປຍັງອີຢູ.
ໂດຍສະເພາະ, ໃນສອງເດືອນຕົ້ນປີ 2021, ການສົ່ງອອກສິນໃນນ້ຳຂອງຫວຽດນາມ ບັນລຸກວ່າ 1 ຕື້ ໂດລາສະຫະລັດ, ເພີ່ມຂຶ້ນ 2,2% ເມື່ອທຽບໃສ່ໄລຍະດຽວກັນຂອງປີ 2020. ສິ່ງທີ່ໜ້າສົນໃຈແມ່ນ, ພາຍຫຼັງການສົ່ງອອກປາຈາຖືກຫຼຸດລົງຢ່າງຕໍ່ເນື່ອງໃນປີ 2020, ນັບແຕ່ຕົ້ນປີ 2021 ກໍ່ມີສັນຍານຕັ້ງໜ້າຫຼາຍຢ່າງຈາກຕະຫຼາດ. ຄາດຄະເນວ່າ, ວົງເງິນສົ່ງອອກໃນເດືອນ ມີນາ 2021 ຈະບັນລຸປະມານ 640 ລ້ານ ໂດລາສະຫະລັດ, ເພີ່ມຂຶ້ນ 1,5%ເມື່ອທຽບໃສ່ໄລຍະດຽວກັນຂອງປີ 2020. ການສົ່ງອອກໄປຍັງອາເມລິກາ, ສະຫະພາບເອີລົບ ແລະ ບັນດາປະເທດໃນສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ ຈະຮັກສາສັນຍານຕັ້ງໜ້າຍ້ອນຄວາມຕ້ອງການທີ່ສູງ ແລະ ຜ່ານບັນດາສັນຍາການຄ້າເສລີ.
ການນຳເຂົ້າສິນຄ້າ ມີສິນຄ້າ 11 ປະເພດບັນລຸວົງເງິນນຳເຂົ້າ ຫຼາຍກວ່າ 1 ຕື້ ໂດລາສະຫະລັດ ກວມເອົາ 67,6% ຍອດ ວົງເງິນນຳເຂົ້າ. ຈີນ ແມ່ນຕະຫຼາດນຳເຂົ້າໃຫຍ່ທີ່ສຸດຂອງ ຫວຽດນາມ ດ້ວຍວົງເງິນນຳເຂົ້າຄາດວ່າ 17,3 ຕື້ ໂດລາສະຫະລັດ ເພີ່ມຂຶ້ນ 85,7% ເມື່ອທຽບໃສ່ໄລຍະດຽວກັນຂອງປີກາຍ; ຖັດມາແມ່ນ ສ.ເກົາຫຼີ, ອາຊຽນ, ຍີ່ປຸ່ນ.
 | ຫວຽດນາມດຶງດູດທຶນ FDI ເປັນຈຳນວນກ່ວາ 2 ຕື້ USD ໃນເດືອນທຳອິດຂອງປີ 2021 ເງິນລົງທຶນຈາກຕ່າງປະເທດ ເຂົ້າ 14 ຂົງເຂດ, ໃນນັ້ນຂົງເຂດອຸດສາຫະກຳປຸງແຕ່ງ, ປະດິດຄິດສ້າງພວມນຳໜ້າ ດ້ວຍຍອດເງິນລົງທຶນບັນລຸເກືອບ 1,54 ຕື້ USD. |
 | ບຸນເຕັດ 2021 ຂອງຊາວອາຊີ ຍສໝ - ປີໃໝ່ສະຫຼຸພວມຈະວຽນມາ. ປະຊາຊົນໃນທົ່ວທຸກແຫ່ງຢູ່ອາຊີກໍ່ພວມຕ້ອນຮັບບຸນເຕັດປະຈຳຊາດ ດ້ວຍຄວາມຮູ້ສຶກ, ແນວຄິດຈິດໃຈທີ່ແຕກຕ່າງກັນ |
 | ຫວຽດນາມ: ວົງເງິນສົ່ງອອກເຄື່ອງຕໍ່າແຜ່ນຕັດຫຍິບໃນເດືອນມັງກອນ 2021 ຄາດຄະເນບັນລຸ 2,6 ຕື້ໂດລາສະຫະລັດ, ເພີ່ມຂຶ້ນ 3,3% ເມື່ອທຽບໃສ່ໄລຍະດຽວກັນຂອງປີ 2020 ຍສໝ - ຂະແໜງຕໍ່າແຜ່ນຕັດຫຍິບ ກໍ່ພວມຢືນຢູ່ຕໍ່ໜ້າກາລະໂອກາດພັດທະນາອັນໃຫຍ່ຫຼວງຈາກສັນຍາການຄ້າເສລີທີ່ຫາກໍ່ລົງນາມ, ພິເສດແມ່ນຄວາມສາມາດບົ່ມຊ້ອນເປີດກວ້າງການສົ່ງອອກ ໄປຍັງບັນດາຕະຫຼາດໃຫຍ່ໃນໂລກ. |
ໄຊພອນ
