ຫວຽດນາມ ສາມາດຄວບຄຸມພະຍາດໂຄວິດ-19 ໄດ້ເປັນຢ່າງດີ
	ສ້າງຕັ້ງສະມາຄົມນັກສຶກສາຫວຽດນາມ ຢູ່ອົດສະຕາລີ

ທ່ານ ໂຕແອງຢູ້ງ ຮອງລັດຖະມົນຕີການຕ່າງປະເທດຫວຽດນາມ.(ພາບ:baoquocte.vn)

ເຄື່ອງຊ່ວຍເຫຼືອລວມທັງຜ້າອັດປາກຜ້າຕ້ານເຊື້ອແບັກທີເຣຍ, ຜ້າອັດປາກດ້ານການແພດ ແລະ ຊີວະວິທະຍາທີ່ທົດສອບເຊື້ອໄວຣັດ SARS-CoV-2 ທີ່ຜະລິດໂດຍປະເທດຫວຽດນາມເອງດ້ວຍມູນຄ່າທັງໝົດ 250.000 ໂດລາສະຫະລັດ ສຳລັບລັດຖະບານ ແລະ ປະຊາຊົນບັນດາປະເທດອາຟຣິກາລວມມີ: ອານເຊຣີ, ອັງໂກລາ, ໂມຊຳບິກ, ນີເຊຣີ ແລະ ອາຟຣິກາໃຕ້.

ເຂົ້າຮ່ວມພິທີມີເອກອັກຄະລັດຖະທູດຂອງ 5 ປະເທດອາຟະລິກາ ແລະ ຜູ້ຕາງໜ້າຄະນະພົວພັນຕ່າງປະເທດສູນກາງ, ສະຫະພັນບັນດາອົງການມິດຕະພາບຫວຽດນາມ, ບັນດາກະຊວງອຸດສາຫະກຳ ແລະ ການຄ້າ, ສາທາລະນະສຸກ, ຂົນສົ່ງ ແລະ ບາງຫົວໜ່ວຍ ທີ່ກ່ຽວຂ້ອງຂອງກະຊວງການຕ່າງປະເທດ.

ກ່າວຄຳ ເຫັນທີ່ພິທີໄຂ, ທ່ານ ໂຕແອງຢູ້ງ ຮອງລັດຖະມົນຕີການຕ່າງປະເທດ ໄດ້ເນັ້ນໜັກວ່າ, ໂລກລະບາດ ໂຄວິດ-19 ໄດ້ ແລະ ພວມແຜ່ລະບາດທີ່ສັບສົນ ແລະ ບໍ່ສາມາດຄາດເດົາໄດ້, ກໍ່ໃຫ້ເກີດວິກິດການດ້ານສາທາລະນະສຸກ, ເສດຖະກິດ, ສັງຄົມໃນຂອບເຂດທົ່ວໂລກ, ສົ່ງຜົນກະທົບຕໍ່ທຸກປະເທດ, ໃນນັ້ນມີຫວຽດນາມ ແລະ ອາຟຼິກກາ.

ບັນດາຜູ້ແທນຖ່າຍຮູບທີ່ລະນຶກ.(ພາບ:baoquocte.vn)

ທ່ານຮອງລັດຖະມົນຕີການຕ່າງປະເທດ ກໍ່ຕີລາຄາສູງບັນດາມາດຕະການຢ່າງຂ້ຽວຂາດ, ປະສິດທິຜົນຂອງລັດຖະບານ ແລະ ຄວາມຕັດສິນໃຈຂອງປະຊາຊົນບັນດາປະເທດອາຟຼິກາໃນການຕອບໂຕ້ຕໍ່ການແຜ່ລະບາດ, ພ້ອມທັງຢືນຢັນວ່າຫວຽດນາມພ້ອມແລ້ວທີ່ຈະແບ່ງປັນປະສົບການໃນການປ້ອງກັນ ແລະ ຕ້ານໂລກລະບາດກັບບັນດາປະເທດອາຟຣິກາ ກໍ່ຄືເພື່ອນມິດສາກົນ.

ທ່ານເອກອັກຄະລັດຖະທູດບັນດາປະເທດໄດ້ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ລັດຖະບານ ແລະ ປະຊາຊົນຫວຽດນາມ, ເນັ້ນໜັກວ່າບັນດາເຄື່ອງອຸປະກອນການແພດເຫຼົ່ານີ້ບໍ່ພຽງແຕ່ແມ່ນການໜູນຊ່ວຍດ້ານວັດຖຸທີ່ມີຄຸນຄ່າເທົ່ານັ້ນ, ຫາກຍັງແມ່ນປະຈັກພະຍານທີ່ມີຊີວິດຊີວາຕໍ່ສາຍພົວພັນມິດຕະພາບເປັນມູນເຊື້ອ ລະຫວ່າງ ຫວຽດນາມ - ອາຟຣິກາ.

ໃນໂອກາດນີ້, ບັນດາເອກອັກຄະລັດຖະທູດກໍ່ໄດ້ຕີລາຄາສູງຕໍ່ຜົນສຳເລັດຂອງຫວຽດນາມໃນການຕອບໂຕ້ພະຍາດໃນໄລຍະທີ່ຜ່ານມາ, ຖືວ່າຫວຽດນາມແມ່ນແບບ ໃນການປ້ອງກັນການລະບາດຂອງ Covid-19 ແລະຢືນຢັນວ່າຈະຮ່ວມມືກັນຢ່າງໃກ້ຊິດ ແລະ ເພີ່ມທະວີການຮ່ວມມືກັບຫວຽດນາມໃນບັນດາຄວາມມານະພະຍາຍາມ ເພື່ອຫຼຸດຜ່ອນຜົນກະທົບດ້ານເສດຖະກິດ - ສັງຄົມ ຍ້ອນ Covid-19 ກໍ່ຄືການຟື້ນຟູປະເທດພາຍຫຼັງໂລກລະບາດ.

ຫວຽດນາມ ສາມາດຄວບຄຸມພະຍາດໂຄວິດ-19 ໄດ້ເປັນຢ່າງດີ ຍສໝ - ເມື່ອບໍ່ດົນມານີ້, ບົດຂຽນທີ່ໄດ້ເອົາລົງໃນເວັບໄຊ The Diplomat ກໍ່ໃຫ້ຂໍ້ສັງເກດວ່າມີຫຼາຍປັດໄຈທີ່ສະແດງໃຫ້ເຫັນວ່າຫວຽດນາມ ສາມາດຄວບຄຸມສະພາບການໄດ້ເປັນຢ່າງດີ.

ສ້າງຕັ້ງສະມາຄົມນັກສຶກສາຫວຽດນາມ ຢູ່ອົດສະຕາລີ ຍສໝ - ທ່ານ ໂງເຮື໊ອງນາມ ເອກອັກຄະລັດຖະທູດຫວຽດນາມ ປະຈໍາອົດສະຕາລີ ຢັ້ງຢືນວ່າ ນັກສຶກສາຫວຽດນາມ ແມ່ນໜຶ່ງໃນບັນດາພາກສ່ວນທີ່ສໍາຄັນໃນການພົວພັນສອງປະເທດ ແລະແມ່ນປັດໄຈຊຸກຍູ້ການພົບປະແລກປ່ຽນປະຊາຊົນ.

ເສດຖະກິດຫວຽດນາມ ຍັງຄົງຮັກສາໄດ້ສະພາບການທີ່ຕັ້ງໜ້າໃນສະເພາະໜ້າ ແລະ ໃນໄລຍະກາງ ຍສໝ - ໃນເມື່ອສະພາບການໂລກໄດ້ຮັບການປົວແປງເທື່ອລະກ້າວ, ບັນດາການເຄື່ອນໄຫວເສດຖະກິດ ຈະໄດ້ຮັບການຟື້ນຕົວໃນເຄິ່ງທ້າຍຂອງປີ 2020, ພື້ນຖານເສດຖະກິດຫວຽດນາມ ຈະເຕີບໂຕປະມານ 2,8% ໃນປີ 2020 ແລະ 6,8% ໃນປີ 2021.