ເສດຖະກິດຫວຽດນາມ ຍັງຄົງຮັກສາໄດ້ສະພາບການທີ່ຕັ້ງໜ້າໃນສະເພາະໜ້າ ແລະ ໃນໄລຍະກາງ

	ສື່ມວນຊົນ ອີຢິບ: ເສດຖະກິດຫວຽດນາມ ກຳລັງຟື້ນຕົວ
	ເສດຖະກິດຫວຽດນາມ ໄດ້ຮັກສາລະດັບເຕີບໂຕໃນທຸກຂົງເຂດ

ພາບປະກອບ

7 ເດືອນຜ່ານມາ, ຍອດທຶນຈົດທະບຽນໃໝ່, ດັດປັບ ແລະ ປະກອບທຶນຊື້ຮຸ້ນຂອງນັກລົງທຶນຕ່າງປະເທດບັນລຸໄດ້ 18,82 ຕື້ USD, ເທົ່າກັບ 93,1% ເມື່ອທຽບໃສ່ໄລຍະດຽວກັນປີ 2019. ຕາມນັ້ນແລ້ວ, ມີ 1.620 ໂຄງການ ໄດ້ຮັບໃບຢັ້ງຢືນຈົດທະບຽນລົງທຶນໃໝ່, ດ້ວຍເງິນລົງທຶນຈົດທະບຽນທັງໝົດບັນລຸ 9,46 ຕື້ USD.

ລວມຍອດວົງເງິນສົ່ງອອກ, ນໍາເຂົ້າສິນຄ້າໃນ 7 ເດືອນປີ 2020 ຄາດວ່າບັນລຸ 285,12 ຕື້ໂດລາສະຫະລັດ, ຫຼຸດລົງ 1,3% ເມື່ອທຽບໃສ່ ໄລຍະດຽວກັນຂອງປີກາຍ. ໃນນັ້ນການສົ່ງອອກ ບັນລຸ 145,79 ຕື້ໂດລາສະຫະລັດ, ເພີ່ມຂຶ້ນ 0,2%; ການນໍາເຂົ້າ ບັນລຸ 139,33 ຕື້ໂດລາສະຫະລັດ, ຫຼຸດລົງ 2,9%.

ໄລ່ລວມ 7 ເດືອນ ປີ 2020, ດຸນການຄ້າ ຄາດວ່າສົ່ງອອກເກີນດຸນ 6,5 ຕື້ໂດລາສະຫະລັດ, ໃນນັ້ນຂົງເຂດເສດຖະກິດພາຍໃນປະເທດນຳເຂົ້າເກີນດຸນແມ່ນ 11,1 ຕື້ໂດລາສະຫະລັດ; ຂົງເຂດທີ່ມີເງິນລົງທຶນຈາກຕ່າງປະເທດ (ນັບທັງນໍ້າມັນດິບ) ສົ່ງອອກເກີນດຸນແມ່ນ 17,6 ຕື້ໂດລາສະຫະລັດ.

ໃນ 7 ເດືອນ ມີ 23 ປະເພດສິນຄ້າ ບັນລຸວົງເງິນສົ່ງອອກກວ່າ 1 ຕື້ໂດລາສະຫະລັດ, ກວມເອົາ 87% ລວມຍອດວົງເງິນສົ່ງອອກ. ນັ້ນແມ່ນ: ໂທລະສັບມືຖື ແລະເຄື່ອງອາໄຫຼ່; ເຄື່ອງເອເລັກໂຕນິກ, ຄອມພິວເຕີ ແລະເຄື່ອງອາໄຫຼ່; ເຄື່ອງຕໍ່າແຜ່ນຕັດຫຍິບ; ເກີບໜັງ, ໄມ້ ແລະຜະລິດຕະພັນຈາກໄມ້, ສິນໃນນໍ້າ.

ໃນ 7 ເດືອນຕົ້ນປີ 2020, ວົງເງິນສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນໍ້າຂອງຫວຽດນາມ ຄາດວ່າບັນລຸກວ່າ 22 ຕື້ USD, ໃນນັ້ນລວມມີ 6 ກຸ່ມ ແລະ ປະເພດສິນຄ້າສົ່ງອອກບັນລຸກວ່າ 1 ຕື້ USD. ໃນນັ້ນ, ກຸ່ມຜະລິດຕະພັນກະເສດຕົ້ນຕໍ ຄາດວ່າບັນລຸ 10,4 ຕື້ USD; ສິນໃນນໍ້າຄາດວ່າບັນລຸ 4,4 ຕື້ USD ແລະ ຜະລິດຕະພັນເຄື່ອງປ່າຂອງດົງຕົ້ນຕໍ ບັນລຸ 6,5 ຕື້ USD.

ໃນເມື່ອສະພາບການໂລກໄດ້ຮັບການປົວແປງເທື່ອລະກ້າວ, ບັນດາການເຄື່ອນໄຫວເສດຖະກິດ ຈະໄດ້ຮັບການຟື້ນຕົວໃນເຄິ່ງທ້າຍຂອງປີ 2020, ພື້ນຖານເສດຖະກິດຫວຽດນາມ ຈະເຕີບໂຕປະມານ 2,8% ໃນປີ 2020 ແລະ 6,8% ໃນປີ 2021. ຖ້າຫາກວ່າ ສະພາບການພາຍນອກບໍ່ມີຄວາມສະດວກປານໃດນັ້ນ, ພື້ນຖານເສດຖະກິດຂອງຫວຽດນາມ ຈະເຕີບໂຕປະມານ 1,5% ໃນປີ 2020 ແລະ 4,5% ໃນປີ 2021. ນີ້ແມ່ນການຕີລາຄາຂອງທະນາຄານໂລກ (WB) ທີ່ໄດ້ຍົກອອກໃນບົດລາຍງານ ເຊິ່ງໄດ້ປະກາດໃນການຖະແຫຼງຂ່າວທາງອອນລາຍໃນວັນທີ 30 ກໍລະກົດ.

ທະນາຄານໂລກ ແລະ ທະນາຄານແຫ່ງລັດ ຫວຽດນາມ ໄດ້ລົງນາມໃນສັນຍາຊ່ວຍເຫຼືອຫຼ້າ ດ້ວຍມູນຄ່າກວ່າ 6,2 ລ້ານ USD ເພື່ອຊ່ວຍຫວຽດນາມ ຮັບມືກັບໂລກລະບາດໂຄວິດ - 19 ແລະ ໂຄສະນາເຜີຍແຜ່ກ່ຽວກັບໂລກລະບາດໂຄວິດ - 19.

ນາຍົກລັດຖະມົນຕີ ເນັ້ນໃຫ້ສະມາຊິກລັດຖະບານ ສຸມໃສ່ແກ້ໄຂບັນຫາຫຍໍ້ທໍ້ໃນສັງຄົມ ກອງປະຊຸມລັດຖະບານ ປະຈໍາເດືອນກໍລະກົດ 2020 ທີ່ຈັດຂຶ້ນເມື່ອ ທ້າຍອາທິດຜ່ານມາ, ໂດຍການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ຊຶ່ງທ່ານນາຍົກລັດຖະມົນຕີ ໄດ້ຊີ້ນໍາໃຫ້ສະມາຊິກລັດຖະບານ ເພີ່ມທະວີຄວາມເອົາໃຈໃສ່ ປະຕິບັດວຽກງານຂອງຕົນ ດ້ວຍຄວາມຮັບຜິດຊອບສູງ ເພື່ອສືບຕໍ່ຮັກສາສະຖຽນລະພາບ ທາງດ້ານການເມືອງ.

ຄະນະພົວພັນຕ່າງປະເທດສູນກາງພັກ ເຜີຍແຜ່ມະຕິກອງປະຊຸມຄົບຄະນະ ຄັ້ງທີ 10 ຂອງຄະນະບໍລິຫານງານສູນກາງພັກ ສະໄໝທີ X ໃນວັນທີ 28 ກໍລະກົດ 2020, ຄະນະພົວພັນຕ່າງປະເທດສູນກາງພັກ ໄດ້ຈັດເຜີຍແຜ່ເຊື່ອມຊຶມ ມະຕິກອງປະຊຸມຄົບຄະນະ ຄັ້ງທີ 10 ຂອງຄະນະບໍລິຫານງານ ສູນກາງພັກສະໄໝທີ X ແລະ ເລົ່າມູນເຊື້ອວັນສ້າງຕັ້ງ ສະຫະພັນແມ່ຍິງລາວ ຄົບຮອບ 65 ປີ (20/71955-20 /72020). ໃຫ້ກຽດເຜີຍແຜ່ ແລະ ເລົ່າມູນເຊື້ອ ໂດຍສະຫາຍ ນາງ ສູນທອນ ໄຊຍະຈັກ ກຳມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນ ຕ່າງປະເທດສູນກາງພັກ, ມີບັນດາສະຫາຍ ໃນຄະນະພັກ, ຄະນະກົມ, ຄະນະພະແນກ, ສະມາຊິກພັກ, ພະນັກງານຫລັກແຫລ່ງ ທົ່ວຄະນະພົວພັນ ຕ່າງປະເທດສູນກາງພັກ ...

ລັດຖະມົນຕີການຕ່າງປະເທດລາວ ຖືວ່າ ຫວຽດນາມໄດ້ມີການປະກອບສ່ວນສໍາຄັນຫຼາຍຢ່າງໃນຖານະຕໍາແໜ່ງເປັນປະທານ ກໍ່ຄືໃນຖານະຕໍາແໜ່ງເປັນສະມາຊິກຂອງອາຊຽນ ຍສໝ - "ຫວຽດນາມ ໄດ້ສະແດງໃຫ້ເຫັນຄວາມສາມາດບົ່ມຊ້ອນບໍ່ພຽງແຕ່ໃນການນໍາພາອາຊຽນ ເທົ່ານັ້ນຫາກຍັງສະແດງອອກໃຫ້ເຫັນຄວາມສາມາດຂອງຕົນໃນການແກ້ໄຂບັນດາບັນຫາທີ່ເກີດຂຶ້ນໃນໂລກ ແລະໃນພາກພື້ນອີກດ້ວຍ. ນີ້ແມ່ນຫຼັກຖານພະຍານທີ່ຈະແຈ້ງກ່ຽວກັບບົດບາດທີ່ພົ້ນເດັ່ນຂອງຫວຽດນາມ ໃນຖານະຕໍາແໜ່ງເປັນປະທານອາຊຽນ 2020".