 |
| ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດ ຫວຽດນາມ.ພາບ:NLĐ |
ກ່າວຄຳເຫັນໄຂກອງປະຊຸມສຸດຍອດອາຊຽນຄັ້ງທີ 37, ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ໄດ້ຢັ້ງຢືນວ່າ: ດ້ວຍບົດບາດເປັນປະທານອາຊຽນໃນປີ 2020, ບົນຈິດໃຈ “ສະໜິດຕິດພັນ ແລະເປັນເຈົ້າການຮັບມື”, ຫວຽດນາມ ເຄົາລົບຄວາມສາມັກຄີ, ການສະໜັບສະໜູນ ແລະການໜູນຊ່ວຍອັນລໍ້າຄ່າຈາກບັນດາປະເທດສະມາຊິກ, ບັນດາຄູ່ຮ່ວມມື ແລະເພື່ອນມິດຂອງອາຊຽນ ເພື່ອປະຊາຄົມອາຊຽນໝັ້ນແກ່ນຜ່ານຜ່າບັນດາສິ່ງທ້າທາຍ, ຮັກສາທ່າຮ່ວມສໍາພັນ, ສ້າງປະຊາຄົມ ແລະປັບປຸງບົດບາດເປັນໃຈກາງຂອງອາຊຽນ, ສ້າງພາກພື້ນອາຊີຕາເວັນອອກສ່ຽງໃຕ້ແຫ່ງສັນຕິພາບ, ມິດຕະພາບ, ການຮ່ວມມື, ເປັນກາງ ແລະສະຖຽນລະພາບ. ພຽງແຕ່ຜ່ານການຮ່ວມມື, ຄວາມໄວ້ເນື້ອເຊື່ອໃຈ ແລະຮ່ວມແຮງຮ່ວມໃຈເປັນຈິດໜຶ່ງໃຈດຽວ, ອາຊຽນ ແລະໂລກຈຶ່ງສາມາດພ້ອມກັນຜ່ານຜ່າທຸກຄວາມຫຍຸ້ງຍາກ, ສິ່ງທ້າທາຍ, ຟື້ນຟູການເຕີບໂຕຂອງເສດຖະກິດ, ຮັກສາສັນຕິພາບ, ສະຖຽນລະພາບ ແລະການພັດທະນາແບບຍືນຍົງໄດ້.
 |
| ປະຊຸມຄົບຄະນະກອງປະຊຸມສຸດຍອດ ອາຊຽນ ຄັ້ງທີ 37- ພາບ: baoquocte.vn |
ນອກຈາກນັ້ນ, ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດ ຫວຽດນາມ ກໍ່ໄດ້ຕີລາຄາສູງບົດບາດນຳໜ້າ, ແກ່ນສານຂອງ ອາຊຽນ ໃນໄລຍະເກີດໂລກລະບາດໂຄວິດ-19, ພ້ອມທັງ ກໍ່ຢືນຢັນວ່າ ອາຊຽນ ໄດ້ປະສົບຜົນສຳເລັດໃນວຽກງານຮັກສາບັນດາການເຄື່ອນໄຫວ, ຮັກສາບົດບາດ, ທີ່ຕັ້ງຂອງຕົນເປັນປົກກະຕິ. ບັນດາຄູ່ຮ່ວມມືສືບຕໍ່ຖືເປັນສຳຄັນ ແລະ ສະໜັບສະໜູນບົດບາດເປັນໃຈກາງຂອງ ອາຊຽນ. ທ່ານ ຫງວຽນຝູຈ້ອງ ໄດ້ຊີ້ແຈ້ງວ່າ: “ກຳນົດທີ່ຕັ້ງເໝາະສົມໃຫ້ ອາຊຽນ ຢູ່ໃນໂລກພາຍຫລັງະຍາດໂຄວິດ-19 ແມ່ນບັນຫາໃຫຍ່. ຄວາມປາດຖະໜາ ແລະ ເຈດຈຳນົງຢ່າງແຮງ ໃນການຮັກສາພາກພື້ນສັນຕິພາບ, ສະຖຽນລະພາບ, ສາມັກຄີ ແລະ ເປັນເອກະພາບ ບົນພື້ນຖານກົດໝາຍສາກົນ, ໄດ້ ແລະ ຄວນສືບຕໍ່ກາຍເປັນຄຸນຄ່າຫຼັກແຫຼ່ງຂອງ ອາຊຽນ ແລະ ປະຊາຄົມ ອາຊຽນ. ໃນສະພາບການໃໝ່, ບັນດາປະເທດ ອາຊຽນ ຄວນສະແດງໃຫ້ເຫັນຄຸນນະທາດ, ຕັ້ງໜ້າສົມທົບກັນ ເພື່ອຫັນບັນດາຂໍ້ລິເລີ່ມ ແລະ ແຜນການຟື້ນຟູໃຫ້ປະກົດຜົນເປັນຈິງ”.
ໃນຂອບເຂດບັນດາການເຄື່ອນໄຫວຂອງກອງປະຊຸມສຸດຍອດອາຊຽນ 37 ຈະດຳເນີນພິທີປະກາດໝາກຜົນປີ ອາຊຽນ 2020 ຢ່າງເປັນທາງການ, ກອງປະຊຸມສຸດຍອດລະຫວ່າງ ອາຊຽນ ກັບບັນດາຄູ່ຮ່ວມມື ຈີນ, ຍີ່ປຸ່ນ, ສ.ເກົາຫຼີ, ອິນເດຍ, ພິທີປະກາດການສ້າງສູນ ອາຊຽນ ກ່ຽວກັບບັນດາກໍລະນີດ້ານສາທາລະນະສຸກສຸກເສີນ ແລະ ໂລກລະບາດທີ່ຫາກໍ່ເກີດຂຶ້ນໃໝ່.
 | ສາກົນໄດ້ຕີລາຄາສູງ ບົດບາດເປັນປະທານອາຊຽນ 2020 ຂອງຫວຽດນາມ ອາຊຽນ ໄດ້ຮັບການກຳເນີດແຕ່ປີ 1967 ແລະ ປາດຖະໜາ ຢາກສ້າງສະຫະສະມາຄົມ ທີ່ເຕົ້າໂຮມບັນດາປະເທດ ອາຊີຕາເວັນອອກສ່ຽງໃຕ້ ທັງໝົດ ເພື່ອມຸ່ງໄປເຖິງພາກພື້ນ ສັນຕິພາບ-ເສລີ-ວັດທະນາຖາວອນ. |
 | ຄະນະຜູ້ແທນສະຫະພັນບັນດາອົງການມິດຕະພາບຫວຽດນາມ ໄດ້ຈັດຕັ້ງພິທີຖະຫວາຍທູບທຽນ ຢູ່ ສຸສານປະທານໂຮ່ຈີມິນ ຍສໝ - ຕອນເຊົ້າວັນທີ 12 ພະຈິກ, ຄະນະຜູ້ແທນສະຫະພັນບັນດາອົງການມິດຕະພາບຫວຽດນາມ ໄດ້ຈັດຕັ້ງພິທີຖະຫວາຍທູບທຽນ ຢູ່ ສຸສານປະທານໂຮ່ຈີມິນ. |
 | ລາວ: ຍັງບໍ່ມີຜູ້ຕິດເຊື້ອໂຄວິດ-19 ເພີ່ມ ປັດຈຸບັນ, ທົ່ວປະເທດສູນຈໍາກັດ ບໍລິເວນທີ່ຍັງເປີດ ຢູ່ມີທັງໝົດ 36 ສູນ, ມີຜູ້ຖືກຈຳກັດບໍລິເວນຢູ່ສູນ 2.692 ຄົນ, ໄດ້ເກັບຕົວຢ່າງມາ ກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອ, ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 11 ພະຈິກ 2020 ໄດ້ເກັບຕົວຢ່າງ ມາກວດທັງໝົດ 71.020 ຕົວຢ່າງ, ກວດພົບເຊື້ອສະສົມ 24 ຄົນ, ສ່ວນຜູ້ຕິດເຊື້ອເບີ 24 ຍັງຄົງພັກຮັກສາ ຢູ່ໂຮງໝໍມິດຕະພາບ. |
ໄຊພອນ
