ທ່ານ ຫງວຽນ ຊັວນ ຟຸກ ນາຍົກລັດຖະມົນຕີແຫ່ງ ສສ.ຫວຽດນາມ ໄດ້ສົ່ງໂທລະເລກຊົມເຊີຍ ເຖິງ ທ່ານ ພັນຄໍາ ວິພາວັນ ນາຍົກລັດຖະມົນຕີແຫ່ງ ສປປ.ລາວ

	ທ່ານນາງ ດັ້ງທິຫງອກຖິ້ງ ຮອງປະທານປະເທດ ແຫ່ງ ສສ. ຫວຽດນາມ ໄດ້ສົ່ງໂທລະເລກຊົມເຊີຍເຖິງທ່ານນາງ ປານີ ຢາທໍ່ຕູ້ ຮອງປະທານປະເທດແຫ່ງ ສປປ ລາວ
	ເລຂາທິການໃຫຍ່ພັກກອມມູນິດຫວຽດນາມປະທານປະເທດແຫ່ງ ສສ ຫວຽດນາມ ສົ່ງໂທລະເລກຊົມເຊີຍ ເລຂາທິການໃຫຍ່ ພັກປະຊາຊົນປະຕິວັດລາວ ປະທານປະເທດແຫ່ງ ສປປ ລາວ

ທ່ານ ຫງວຽນ ຊັວນ ຟຸກນາຍົກລັດຖະ ມົນຕີແຫ່ງ ສາທາລະນະລັດ ສັງຄົມນິຍົມ ຫວຽດນາມ. ພາບ:baochinhphu

ຂ້າພະເຈົ້າ ມີຄວາມຮູ້ສຶກປິຕິຍິນດີ ເປັນຢ່າງຍິ່ງເມື່ອຊາບຂ່າວວ່າ ສະພາແຫ່ງຊາດ ສະໄໝທີ IX ແຫ່ງ ສາທາ ລະນະລັດ ປະຊາທິປະໄຕ ປະຊາຊົນລາວ ໄດ້ໄວ້ວາງໃຈເລືອກຕັ້ງໃຫ້ ສະຫາຍ ດໍາລົງຕຳແໜ່ງ ນາຍົກລັດຖະມົນຕີ. ການທີ່ສະຫາຍໄດ້ຖືກ ມອບໝາຍໃຫ້ດໍາລົງຕໍາແໜ່ງ ທີ່ສໍາຄັນນີ້ ສະແດງໃຫ້ເຫັນເຖິງ ຄວາມໄວ້ເນື້ອເຊື່ອໃຈ ແລະ ຄວາມຫວັງອັນໃຫຍ່ຫລວງຂອງພັກ, ສະພາແຫ່ງຊາດ ແລະ ປະຊາຊົນລາວ ທີ່ມີຕໍ່ສະຫາຍ. ຕາງໜ້າໃຫ້ພັກ, ລັດຖະບານ ແລະ ປະຊາ ຊົນຫວຽດນາມ, ຂ້າພະເຈົ້າ ຂໍສົ່ງຄໍາອວຍພອນໄຊ ອັນປະເສີດສຸດມາຍັງສະຫາຍ.

ຂ້າພະເຈົ້າ ເຊື່ອໝັ້ນວ່າ, ດ້ວຍຄວາມສາມາດ, ຊື່ສຽງ ແລະ ປະສົບການຂອງສະຫາຍ, ຈະນໍາພາລັດຖະບານ ແລະ ປະຊາຊົນລາວອ້າຍນ້ອງ ປະຕິບັດມະຕິຕົກລົງຂອງ ກອງປະຊຸມໃຫຍ່ ຄັ້ງທີ XI ຂອງ ພັກ ປະຊາຊົນ ປະຕິວັດ ລາວ ແລະ ແຜນພັດທະນາ ເສດຖະກິດ-ສັງຄົມ ແຫ່ງ ຊາດ 5 ປີ ຄັ້ງທີ IX ໄລຍະ 2021-2025 ບັນລຸໄດ້ຜົນສໍາເລັດຢ່າງມີໄຊ ສ້າງປະເທດລາວ ສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນະຖາວອນ; ຖານະບົດບາດ ບົດບາດ ຂອງ ສປປ ລາວ ຢູ່ໃນໃນເວທີພາກພື້ນ ແລະ ສາກົນ ນັບມື້ນັບມີບົດບາດສໍາຄັນ.

ທ່ານ ພັນຄໍາ ວິພາວັນ ນາຍົກລັດຖະມົນຕີແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ

ດ້ວຍຄວາມຮູ້ສຶກທີ່ຈິງໃຈ, ຂ້າພະເຈົ້າ ຫວັງວ່າຈະໄດ້ຮ່ວມມື ຢ່າງໃກ້ຊິດນໍາສະຫາຍ ໃນຕໍ່ໜ້ານີ້ເພື່ອສືບຕໍ່ຮັກສາ, ເພີ່ມພູນຄູນສ້າງສາຍພົວພັນ ມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການ ຮ່ວມມື ຮອບດ້ານ ຫວຽດນາມ-ລາວ ໃຫ້ຂຽວສົດງົດງາມ, ໝັ້ນຄົງຂະໜົງແກ່ນ ຕະຫລອດໄປ ເພື່ອຄວາມສົມບູນພູນສຸກ ແລະ ຄວາມຜາສຸກ ຂອງປະຊາຊົນ ສອງຊາດພວກເຮົາ.

ຂໍອວຍພອນໃຫ້ ສະຫາຍມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດ ໃນຕໍາແໜ່ງໃໝ່ອັນສູງສົ່ງຂອງຕົນ.

ນະຄອນຫລວງຮ່າໂນ້ຍ, ວັນທີ 22 ມີນາ 2021.

ຫງວຽນ ຊັວນ ຟຸກ ນາຍົກລັດຖະ ມົນຕີແຫ່ງ ສາທາລະນະລັດ ສັງຄົມນິຍົມ ຫວຽດນາມ.

ທ່ານ​ນາ​ຍົກ​ລັດ​ຖະ​ມົນ​ຕີ​ຫງວຽນ​ຊວັນ​ຝຸກ: ກອງ​ທຶນ​ສຶກ​ສາ ວື່​ອາ​ຢິງ ເຄື່ອນ​ໄຫວ​ເພື່ອ​ພາ​ລະ​ກິດ​ສົ່ງ​ເສີມ​ການ​ຮຽນ​ຢ່າງ​ມີ​ປະ​ສິດ​ທິ​ຜົນ ເດືອນມີນາປີ 2021 ແມ່ນຂີດໝາຍກອງທຶນສຶກສາ ວື່ອາຢິງ ຄົບຮອບ 22 ປີ.

ທ່ານ​ນາ​ຍົກ​ລັດ​ຖະ​ມົນ​ຕີຫງວຽນ​ຊວນ​ຟຸກ ເຂົ້າ​ຮ່ວມ​ພິ​ທີ​ຕອບ​ສະ​ໜອງ​ໂຄງ​ການ​ປູກ​ຕົ້ນ​ໄມ້ 1 ຕື້​ຕົ້ນ ແລະ ​ເຮັດ​ວຽກ​ກັບ​ການ​ນຳ​ແຂ​ວງ​ເງະ​ອານ ທີ່ພິທີປູກລະດົມ, ກະຊວງຊັບພະຍາກອນ ແລະ ສິ່ງແວດລ້ອມໄດ້ມອບຕົ້ນໄມ້ 10.000 ຕົ້ນໃຫ້ແກ່ປະຊາຊົນເມືອງ ໂດເລືອງ, ແຂວງເງະອານ. ການນຳແຂວງເງະອານໃຫ້ຮູ້ວ່າ, ນັບແຕ່ນີ້ຮອດປີ 2025 ຈະປູກຕົ້ນໄມ້ 50 ລ້ານຕົ້ນ, ເພື່ອປະກອບສ່ວນເຂົ້າໂຄງການປູກຕົ້ນໄມ້ 1 ຕື້ຕົ້ນ ໂດຍທ່ານນາຍົກລັດຖະມົນຕີປູກລະດົມ.

ທ່ານ​ນາ​ຍົ​ກ​ລັດ​ຖະ​ມົນ​ຕີ ຫວຽດ​ນາມ ຫງວຽນ​ຊວັນ​ຟຸກ: ສຸມ​ໃສ່​ປະ​ຕິ​ບັດ​ບັນ​ດາ​ກິດ​ຈະ​ກຳ​ຈຸດ​ສຸມ ເພື່ອ​ສ້າງ​ທ່ວງ​ທ່າ​ພັດ​ທະ​ນາ ທ່ານນາຍົກລັດຖະມົນຕີ ຫງວຽນຊວັນຟຸກ ຮຽກຮ້ອງໃຫ້ສຸມໃສ່ບັນດາພື້ນຖານໂຄງລ່າງສຳຄັນ, ສ້າງທ່ວງທ່າພັດທະນາເສດຖະກິດ - ສັງຄົມຂອງປະເທດຊາດ ເປີດສາກແກ່ໄລຍະ 5 ປີ.