 |
| ການແລກປ່ຽນລະຫ່ວາງສອງຝ່າຍ (ພາບ: tienphong.vn) |
ຫວ່າງແລ້ວນີ້, ຢູ່ຮ່າໂນ້ຍ, ທ່ານ ຫງວຽນແອງຕວັນ ກຳມະການສູນກາງພັກ, ເລຂາຜູ້ທີໜຶ່ງຂອງ ສູນກາງພັກ, ປະທານສູນກາງສະຫະພັນຊາວໜຸ່ມຫວຽດນາມ ໄດ້ໃຫ້ການຕ້ອນຮັບທ່ານ Nadav Eshcar. ເອກອັກຄະລັດຖະທູດ ຜູ້ມີອຳນາດເຕັມແຫ່ງ ອິດສະລາແອັນ ປະຈຳ ຫວຽດນາມ. ສູນກາງຄະນະຊາວໜຸ່ມ ແລະ ສະຖານທູດ ອິດສະລາແອັນປະຈຳ ຫວຽດນາມ ໄດ້ເຫັນດີເປັນເອກະພາບສືບຕໍ່ຊຸກຍູ້ການພົວພັນຮ່ວມມືຊາວໜຸ່ມລະຫວ່າງສອງປະເທດໃນໄລຍະຈະມາເຖິງ, ໃນນັ້ນມີການເຊື່ອມຕໍ່ແລກປ່ຽນການຮ່ວມມືດ້ານວີຊາສະເພາະ, ຊາວໜຸ່ມ, ນັກສຶກສາກ່ຽວກັບການ Startup, ປະດິດຄິດສ້າງ, ກະສິກຳທີ່ນຳໃຊ້ເຕັກໂນໂລຢີສູງ, ພູມປັນຍາທຽມ, ເສດຖະກິດດີຈີຕອນ.
ທີ່ການແລກປ່ຽນ, ທ່ານ ຫງວຽນແອັງຕວັນ ໄດ້ສະແດງຄວາມຊົມເຊີຍຕໍ່ການພົວພັນຮ່ວມມືລະຫວ່າງສອງປະເທດ ໄດ້ ແລະ ພວມນຳມາເຊິ່ງບັນດາຜົນງານອັນດີງາມໃນຫຼາຍຂົງເຂດຄືກະສິກຳ, ຊົນລະປະທານ, ອະນຸລັກແຫຼ່ງນ້ຳ, ການສຶກສາ, ການຄ້າ, ວິທະຍາສາດ - ເຕັກໂນໂລຢີ, ການປ້ອງກັນຊາດ - ປ້ອງກັນຄວາມສະຫງົບ… ປີ 2023, ສອງປະເທດຈະມຸ່ງໄປເຖິງການສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດຢ່າງເປັນທາງການຂອງທັງສອງປະເທດ ຫວຽດນາມ - ອິດສະລາແອັນ.
ທ່ານ ຫງວຽນແອັງຕວັນ ໄດ້ສະແດງຄວາມຮູ້ບຸນຄຸນຕໍ່ສະຖານທູດ ອິດສະລາແອັນ ທີ່ໄດ້ສະໜັບສະໜູນ, ໜູນຊ່ວຍບັນດາການເຄື່ອນໄຫວຮ່ວມມືລະຫວ່າງຊາວໜຸ່ມສອງປະເທດ, ພິເສດແມ່ນໃນການເຊີນບັນດາຜູ້ແທນຊາວໜຸ່ມ, ນັກສຶກສາ ຫວຽດນາມ ໄປຢ້ຽມຢາມ, ຮ່ຳຮຽນປະສົບການກ່ຽວກັບການ Statup, ພັດທະນາກະສິກຳທີ່ນຳໃຊ້ເຕັກໂນໂລຢີສູງຢູ່ອິດສະລາແອັນ, ໜູນຊ່ວຍສູນກາງຄະນະຊາວໜຸ່ມ, ສູນກາງສະຫະພັນ ຫວຽດນາມຈັດຕັ້ງບັນດາການແຂ່ງຂັນ Statup ໃຫ້ແກ່ຊາວໜຸ່ມ.
ທ່ານເອກອັກຄະລັດຖະທູດ Nadav Eshcar ຖືວ່າ ການພົວພັນທາງການທູດ ລະຫວ່າງ ສອງປະເທດ ຫວຽດນາມ - ອິດສະລາແອັນ ໄດ້ສ້າງຕັ້ງພົນພື້ນຖານຢ່າງໝັ້ນແກ່ນແຕ່ດົນນານມາແລ້ວ. ພ້ອມທັງຢັ້ງຢືນວ່າ ອິດສະລາແອັນ ຍາມໃດກໍ່ກຽມພ້ອມການຮ່ວມມືກັບ ຫວຽດນາມ ເວົ້າລວມ ແລະ ສູນກາງຄະນະຊາວໜຸ່ມກອມມູນິດ ໂຮ່ຈີມິນ ເວົ້າສະເພາະ.
ໃນໄລຍະຈະມາເຖິງ, ສອງຝ່າຍເຫັນດີເປັນເອກະພາບສືບຕໍ່ຊຸກຍູ້ການພົວພັນຮ່ວມມືຊາວໜຸ່ມສອງປະເທດ. ໃນນັ້ນ, ໄດ້ປະຕິບັດໂຄງການແລກປ່ຽນພົວພັນ, ແລກປ່ຽນຄະນະການນຳໜຸ່ມລະຫວ່າງສອງປະເທດ.
 | ຫວຽດນາມ ຕີລາຄາສູງ ແລະ ສະໜັບສະໜູນການເຄື່ອນໄຫວຂອງຄະນະປະຕິບັດການຮັກສາສັນຕິພາບຢູ່ ຊູດັງໃຕ້ ຍສໝ - ກ່າວຄຳເຫັນທີ່ກອງປະຊຸມ, ທ່ານດັ້ງດິ່ງກຸ໊ຍ, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສະຫະປະຊາຊາດ ໄດ້ຕີລາຄາສູງ ບັນດາຄວາມຄືບໜ້າຢ່າງຕັ້ງໜ້າ ກ່ຽວກັບການເມືອງ - ຄວາມໝັ້ນຄົງ ຢູ່ ປະເທດຊູດັງໃຕ້ ໃນໄລຍະທີ່ຜ່ານມາ, ໃນນັ້ນ UNMISS ໄດ້ສວມບົດບາດສຳຄັນໃນການຊຸກຍູ້ບັນດາຄວາມຄືບໜ້າດັ່ງກ່າວ. |
 | ສະຖານທູດ ຫວຽດນາມ ປະຈຳ ເວເນຊູເອລາ ໄປຢ້ຽມຢາມ ແລະ ເຮັດວຽກຢູ່ ລັດ Guarico ຍສໝ - ຫວ່າງແລ້ວນີ້, ທ່ານ ເລວຽດຢວຽນ ເອກອັກຄະລັດຖະທູດ ຫວຽດນາມ ປະຈຳ ເວເນຊູເອລາ ພ້ອມກັບຄະນະຜູ້ແທນໄດ້ມີການຢ້ຽມຢາມ ແລະ ເຮັດວຽກຢູ່ ລັດ Guarico, ເພື່ອແນໃສ່ເພີ່ມທະວີບັນດາໂຄງການຜະລິດກະສິກຳ ແລະ ຊຸກຍູ້ບັນດາຂໍ້ລິເລີ່ມຮ່ວມມືທີ່ມີຄວາມສາມາດບົ່ມຊ້ອນຕ່າງໆ. |
 | ຫວຽດນາມ ສະແດງຄວາມຊົມເຊີຍຕໍ່ບັນດາຄວາມມານະພະຍາຍາມ ແນໃສ່ສ້າງພື້ນຖານສັນຕິພາບ ລະຫວ່າງ ອິດສະລາແອັນ ແລະ ປາແລັດສະຕິນ ຜູ້ຕາງໜ້າຫວຽດນາມ ໄດ້ສະແດງຄວາມຊົມເຊີຍຕໍ່ຂໍ້ລິເລີ່ມຈັດກອງປະຊຸມສາກົນຂອງ ທ່ານປະທານາທິບໍດີ Mahmoud Abbas ແລະ ທຸກຄວາມມານະພະຍາຍາມເພື່ອມຸ່ງໄປສູ່ພື້ນຖານສັນຕິພາບຢ່າງຮອບດ້ານ, ສະເໝີພາບ ແລະ ຍາວນານ ລະຫວ່າງ ອິດສະລາແອັນ ແລະ ປາແລັດສະຕິນ ເຊິ່ງເໝາະສົມກັບກົດໝາຍສາກົນ ແລະ ບັນດາມະຕິຂອງ ສປຊ. |
ບຸນຄົງ
