 |
| ທ່ານດັ້ງດິ່ງກຸ໊ຍ, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສະຫະປະຊາຊາດ (ພາບ: Baoquocte) |
ຫວ່າງແລ້ວນີ້, ສະພາຄວາມໝັ້ນຄົງ ສປຊ ໄດ້ຈັດກອງປະຊຸມທາງອອນລາຍກັບບັນດາປະເທດເຂົ້າຮ່ວມການປະກອບສ່ວນກຳລັງໃຫ້ແກ່ຄະນະປະຕິບັດການຮັກສາສັນຕິພາບຂອງ ສະຫະປະຊາຊາດ ຢູ່ ຊູດັງໃຕ້ (UNMISS)
ກອງປະຊຸມທີ່ການເຂົ້າຮ່ວມຂອງທ່ານ David Shearer ຜູ້ຕາງໜ້າພິເສດຂອງ ເລຂາທິການໃຫຍ່ ສະຫະປະຊາຊາດ, ທັງເປັນຜູ້ນຳໜ້າຄະນະປະຕິບັດການຮັກສາສັນຕິພາບຂອງ ສະຫະປະຊາຊົນ ຢູ່ ຊູດັງໃຕ້. ທີ່ກອງປະຊຸມ, ບັນດາປະເທດ ໄດ້ຮັບຟັງບົດລາຍງານຂອງທ່ານ David Shearer ຜູ້ຕາງໜ້າພິເສດຂອງ ເລຂາທິການໃຫຍ່ ສະຫະປະຊາຊາດ ແລະ ປຶກສາຫາລືກ່ຽວກັບການເຄື່ອນໄຫວຂອງ ຄະນະປະຕິບັດງານໃນໄລຍະເວລາ 12 ເດືອນທີ່ຜ່ານມາ.
ກ່າວຄຳເຫັນທີ່ກອງປະຊຸມ, ທ່ານດັ້ງດິ່ງກຸ໊ຍ, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສະຫະປະຊາຊາດ ໄດ້ຕີລາຄາສູງ ບັນດາຄວາມຄືບໜ້າຢ່າງຕັ້ງໜ້າ ກ່ຽວກັບການເມືອງ - ຄວາມໝັ້ນຄົງ ຢູ່ ປະເທດຊູດັງໃຕ້ ໃນໄລຍະທີ່ຜ່ານມາ, ໃນນັ້ນ UNMISS ໄດ້ສວມບົດບາດສຳຄັນໃນການຊຸກຍູ້ບັນດາຄວາມຄືບໜ້າດັ່ງກ່າວ.
ເມື່ອຕີລາຄາກ່ຽວກັບບັນດາການເຄື່ອນໄຫວຂອງ ຄະນະປະຕິບັດງານ, ທ່ານເອກອັກຄະລັດຖະທູດ ດັ້ງດິ່ງກຸ໊ຍ ໄດ້ເນັ້ນໜັກເຖິງບັນດາການປະກອບສ່ວນຂອງ ຫວຽດນາມ ຜ່ານການຜັນຂະຫຍາຍບັນດາໂຮງໝໍກາງສະໜາມເລກ 2 ຢູ່ Bentiu ແລະ ທ່ານກໍ່ຢັ້ງຢືນວ່າ ຫວຍດນາມ ຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການເຄື່ອນໄຫວຂອງ UNMISS ໃນໄລຍະຈະມາເຖິງ.
ທ່ານເອກອັກຄະລັດຖະທູດ ດັ້ງດິ່ງກຸ໊ຍ ກໍ່ສະແດງຄວາມປາດຖະໜາຢາກບັນດາການເຄື່ອນໄຫວຂອງ UNMISS ຈະສືບຕໍ່ຕອບສະໜອງໄດ້ບັນດາການປ່ຽນແປງຂອງສະພາບການຕົວຈິງ ຢູ່ ຊູດັງໃຕ້, ໃນນັ້ນມີການເພີ່ມທະວີການໜູນຊ່ວຍວິວັດການຖ່າຍທອດຢູ່ປະເທດນີ້ ກໍ່ຄືເພີ່ມທະວີປະສິດທິຜົນຂອງບັນດາການເຄື່ອນໄຫວປົກປ້ອງສາມັນຊົນ.
ພ້ອມກັນນັ້ນ, ທ່ານເອກອັກຄະລັດຖະທູດ ດັ້ງດິ່ງກຸ໊ຍ ກໍ່ເນັນໜັ້ກເຖິງຄວາມສຳຄັນຂອງການຮັບປະກັນຄວາມປອດໄພໃຫ້ແກ່ກຳລັງຂອງ UNMISS ໃນສະພາບການເກີດໂລກລະບາດໂຄວິດ - 19 ແລະ ສະໜັບສະໜູນການຊຸກຍູ້ການເຂົ້າຮ່ວມໃຫ້ຫຼາຍກ່ວາອີກ ແລະ ບັນດາເງື່ອນໄຂສະດວກໃຫ້ແກ່ການເຂົ້ານຮ່ວມຂອງແມ່ຍິງໃນຄະນະປະຕິບັດງານ.
 | ສະພາຄວາມໝັ້ນຄົງ ສປຊ ປຶກສາຫາລືກ່ຽວກັບບັນຫານຳໃຊ້ກຳລັງແຮງການທະຫານໃນກົດໝາຍສາກົນ ແລະ ສິດປ້ອງກັນຕົວອັນຊອບທຳ ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ, ໄດ້ສະແດງຄວາມວິຕົກກັງວົນກ່ຽວກັບບັນດາກໍລະນີນຳໃຊ້ ຫຼື ນາບຂູ່ນຳໃຊ້ກຳລັງແຮງການທະຫານໃນການພົວພັນສາກົນ ໄປຝືນກັບກົດບັດ ສປຊ ແລະ ນາບຂູ່ເຖິງສັນຕິພາບ, ຄວາມໝັ້ນຄົງສາກົນ. |
 | ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ເຂົ້າຮ່ວມກອງປະຊຸມປຶກສາຫາລືຂອງ ສະພາຄວາມໝັ້ນຄົງ ສປຊ ຍສໝ - ທີ່ກອງປະຊຸມ, ທ່ານ ເລຂາທິການໃຫຍ່ ສປຊ ໄດ້ຢັ້ງຢືນວ່າ ໂລກລະບາດໂຄວິດ - 19 ສືບຕໍ່ກໍ່ຜົນກະທົບຕໍ່ສັນຕະພາບ, ຄວາມໝັ້ນຄົງສາກົນ, ເຮັດໃຫ້ວິວັດການປະຕິບັດເປົ້າໝາຍພັດທະນາແບບຍືນຍົງຖືກຊ້າລົງ, ເນັ້ນໜັກເຖິງຕ້ອງເຜີຍແຜ່ ແລະ ຮັບປະກັນຄວາມສະເໝີພາບໃນການສຳຜັດກັບຊັກຊິນຢ່າງທັນການ. |
 | ຫວຽດນາມຮຽກຮ້ອງໃຫ້ສະພາຄວາມໝັ້ນຄົງ ສປຊ ສືບຕໍ່ສະແດງຄວາມສາມັກຄີ ແລະ ບົດບາດນຳພາໃນການຮັບມືກັບໂລກລະບາດໂຄວິດ - 19 ຍສໝ - ຫວຽດນາມສະໜັບສະໜູນເລື່ອງບັນດາຝ່າຍປະຕິບັດສັນຕິພາບຂອງ ສປຊ ໄດ້ປັບຕົວໃຫ້ແທດເໝາະກັບສະພາບການໃໝ່, ຮັບປະກັນການຜັນຂະຫຍາຍພາລະກິດ, ປົກປ້ອງຄວາມປອດໄພ, ສຸຂະພາບຂອງປະຊາຊົນ ແລະ ກຳລັງຮັກສາສັນຕິພາບ. |
ບຸນຄົງ
