ທ່ານນາຍົກລັດຖະມົນຕີ ຟ້າມມິງຈິ້ງ ໄດ້ມີການໂອ້ລົມທາງໂທລະສັບກັບທ່ານນາຍົກລັດຖະມົນຕີໄທ

	ລັດຖະບານໄທ ມອບນໍ້າຢາ ກວດຫາເຊື້ອພະຍາດໂຄວິດ 19 ໃຫ້ລັດຖະບານ ລາວ ມູນຄ່າ 15.000 ກວ່າໂດລາສະຫະລັດ
	ທ່ານນາຍົກລັດຖະມົນຕີ ຫວຽດນາມ ພົບປະກັບ ທ່ານນາຍົກລັດຖະມົນຕີ ໄທ

ໃນການໂອ້ລົມທາງໂທລະສັບ, ທ່ານນາຍົກລັດຖະມົນຕີ ປະເທດໄທ ປ​ຣາ​ຢຸດ ຈັນ​ໂອ​ຊາ ໄດ້ສະແດງຄວາມຊົມເຊີຍທ່ານນາຍົກລັດຖະມົນຕີ ຟ້າມມິງຈິ້ງ ທີ່ໄດ້ຮັບເລືອກຕັ້ງເປັນນາຍົກລັດຖະມົນຕີຫວຽດນາມ ແລະ ເຊື້ອເຊີນທ່ານນາຍົກລັດຖະມົນຕີ ຟ້າມມິງຈິ້ງ ໄປຢ້ຽມຢາມໄທຢ່າງເປັນທາງການໃນໄວໆນີ້.

ທ່ານນາຍົກລັດຖະມົນຕີປະເທດໄທ ປ​ຣາ​ຢຸດ ຈັນ​ໂອ​ຊາ ໄດ້ຕີລາຄາສູງຕໍ່ຜົນສຳເລັດຂອງຫວຽດນາມ ໃນການຕອບສະໜອງຕໍ່ການພັດທະນາເສດຖະກິດ - ສັງຄົມ, ກໍ່ຄື ຜົນງານການຕ່າງປະເທດຂອງຫວຽດນາມ ໃນໄລຍະທີ່ຜ່ານມາ, ເຊັ່ນ: ບົດບາດເປັນສະມາຊິກບໍ່ຖາວອນຂອງສະພາຄວາມໝັ້ນຄົງສະຫະປະຊາຊາດ, ໂດຍສະເພາະ ແມ່ນບົດບາດເປັນປະທານສະພາໃນເດືອນເມສາ 2021; ເຂົ້າຮ່ວມຢ່າງຕັ້ງໜ້າ ແລະ ມີຄວາມຮັບຜິດຊອບຕໍ່ບັນຫາພາກພື້ນ ແລະ ສາກົນ.

ທ່ານນາຍົກລັດຖະມົນຕີ ຟ້າມມິງຈິ້ງ ໄດ້ມີການໂອ້ລົມທາງໂທລະສັບກັບທ່ານນາຍົກລັດຖະມົນຕີໄທ. (ພາບ: baoquocte)

ໃນການປຶກສາຫາລືບັນດາມາດຕະການ ເພື່ອຊຸກຍູ້ການພົວພັນຮ່ວມມືລະຫວ່າງສອງປະເທດ, ນາຍົກລັດຖະມົນຕີສອງທ່ານ ໄດ້ຮຽກຮ້ອງໃຫ້ບັນດາອົງການທີ່ກ່ຽວຂ້ອງ ໄດ້ສົມທົບກັນເປັນຢ່າງດີໃນການຈັດຕັ້ງບັນດາການເຄື່ອນໄຫວສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ - ໄທ ໃນປີ 2021, ຮັບປະກັນການປະຕິບັດຕົວຈິງ, ຫລີກລ້ຽງການຟຸ່ມເຟືອຍ; ຮັກສາ ແລະ ຍົກສູງປະສິດທິຜົນຂອງກົນໄກການຮ່ວມມືສອງຝ່າຍ, ໃນນັ້ນມີການຈັດກອງປະຊຸມຄະນະລັດຖະບານຮ່ວມຫວຽດນາມ - ໄທ ຄັ້ງທີ 4 ໃນເວລາທີ່ເໝາະສົມ; ລົງນາມໃນໂຄງການປະຕິບັດງານໂດຍໄວ ເພື່ອຈັດຕັ້ງປະຕິບັດການພົວພັນຄູ່ຮ່ວມມືຍຸດທະສາດຫວຽດນາມ - ໄທ ໃນໄລຍະ 2021-2025; ພະຍາຍາມເຮັດໃຫ້ວົງເງິນການຄ້າສອງຝ່າຍບັນລຸ 25 ຕື້ USD ໃນປີ 2025.

ທ່ານນາຍົກລັດຖະມົນຕີ ຟ້າມມິງຈິ້ງ ໄດ້ຢືນຢັນວ່າ, ຫວຽດນາມຈະສ້າງເງື່ອນໄຂສະດວກ, ຊຸກຍູ້ບັນດາວິສາຫະກິດໄທ ໃນການລົງທຶນ, ດຳເນີນທຸລະກິດຢູ່ຫວຽດນາມ ໃນບັນດາຂົງເຂດທີ່ມີທ່າແຮງ ແລະ ກຳລັງແຮງຂອງສອງຝ່າຍ, ຄື: ພະລັງງານ, ການທ່ອງທ່ຽວ, ອຸດສາຫະກຳເຕັກໂນໂລຢີສູງ, ອຸດສາຫະກຳໜູນຊ່ວຍສຳລັບຂະແໜງການລົດຍົນ, ເທັກໂນໂລຢີດິຈິຕອນ...

ນາຍົກລັດຖະມົນຕີສອງທ່ານ ໄດ້ແບ່ງປັນຄວາມສຳຄັນຂອງການສືບຕໍ່ເພີ່ມທະວີຄວາມສາມັກຄີ, ຮັກສາທັດສະນະລວມຂອງອາຊຽນ ກ່ຽວກັບບັນຫາທະເລຕາເວັນອອກ; ປະສານສົມທົບການເຈລະຈາ ເພື່ອບັນລຸປະມວນຂໍ້ກຳນົດການປະພຶດທີ່ມີປະສິດທິຜົນ ແລະ ສຳຄັນຢູ່ທະເລຕາເວັນອອກ (COC) ຕາມກົດໝາຍສາກົນ, ໃນນັ້ນມີສົນທິສັນຍາສະຫະປະຊາຊາດ ກ່ຽວກັບກົດໝາຍທະເລປີ 1982, ປະກອບສ່ວນຮັກສາສັນຕິພາບ ແລະ ສະຖຽນລະພາບໃນພາກພື້ນ.

ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໂອ້ລົມທາງໂທລະສັບກັບທ່ານນາຍົກລັດຖະມົນຕີ ສິງກະໂປ ຫຼີຊຽນຫຼົງ ຍສໝ - ທ່ານນາຍົກລັດຖະມົນຕີຫວຽດນາມ ຟ້າມມິງຈິງ ແລະ ທ່ານນາຍົກລັດຖະມົນຕີສິງກະໂປ ຫຼີຊຽນຫຼົງ ໄດ້ເຫັນດີຊຸກຍູ້ການເຈລະຈາກ່ຽວກັບລະບຽບການເດີນທາງບູລິມະສິດ ລະຫວ່າງຫວຽດນາມ ແລະ ສິງກະໂປ, ສືບຕໍ່ເປີດການບິນການຄ້າທີ່ປອດໄພຕາມສະພາບການຂອງແຕ່ລະປະເທດ ແລະ ພາກພື້ນ.

ທ່ານນາຍົກລັດຖະມົນຕີຫວຽດນາມ ຟ້າມມິງຈິງ ໄດ້ຕີລາຄາສູງການຮ່ວມມືຂອງທ່ານເລຂາທິການໃຫຍ່ອາຊຽນກັບຫວຽດນາມ ຍສມ - ທ່ານນາຍົກລັດຖະມົນຕີ ຟ້າມມິງຈິງ ໄດ້ໃຫ້ການຕ້ອນຮັບທ່ານເລຂາທິການໃຫຍ່ອາຊຽນ Lim Jock Hoi ໃນໂອກາດເຂົ້າຮ່ວມກອງປະຊຸມຜູ້ນຳອາຊຽນ ທີ່ສຳນັກງານໃຫຍ່ຂອງກອງເລຂາອາຊຽນ ຢູ່ນະຄອນຫຼວງຈາກາຕາ.

ທ່ານນາຍົກລັດຖະມົນຕີຫງວຽນຊວນຟຸກ ໃຫ້ການຕ້ອນຮັບທ່ານເອກອັກຄະລັດຖະທູດສາທາລະນະລັດອົດສະຕາລີ ຍສໝ - ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ Ingolf Schroeder ແລະ ບັນດາສະມາຊິກຂອງບໍລິສັດ AT&S ທີ່ມາຫວຽດນາມເພື່ອຄົ້ນຄ້ວາ, ລົງທຶນແລະ ດຳເນີນທຸລະກິດຢູ່ຫວຽດນາມ.