 |
| ຫວຽດນາມ ໄດ້ມອບເງິນສົດ ຈຳນວນ 500.000 ໂດລາສະຫະລັດ, ສົ່ງທີມແພດຊ່ຽວຊານ 35 ທ່ານ, ພ້ອມດ້ວຍອຸປະກອນ ການແພດຈໍານວນໜຶ່ງ ຊ່ວຍ ສປປ ລາວ ເພື່ອຕ້ານ ແລະ ສະກັດກັ້ນ ໂລກລະບາດພະຍາດໂຄວິດ-19. |
ພິທີມອບ - ຮັບເງິນສົດ ຈຳນວນ 500.000 ໂດລາສະຫະລັດ, ສົ່ງທີມແພດຊ່ຽວຊານ 35 ທ່ານ, ພ້ອມດ້ວຍອຸປະກອນ ການແພດຈໍານວນໜຶ່ງ, ເຊິ່ງປະກອບມີ: ເຄື່ອງຊ່ວຍຫາຍໃຈ ຈຳນວນ 200 ເຄື່ອງ, ທາດຂ້າເຊື້ອພະຍາດ ຈຳນວນ 10.000 ກິໂລກຣາມ, ຜ້າອັດປາກ-ດັງ ຈໍານວນ 2 ລ້ານອັນ... ໃຫ້ແກ່ພັກ, ລັດ ແລະ ປະຊາຊົນລາວ ເພື່ອນຳໃຊ້ເຂົ້າໃນການຕ້ານ ແລະ ສະກັດກັ້ນການແຜ່ລະບາດ ຂອງພະຍາດໂຄວິດ-19 ຮອບໃໝ່ຢູ່ ສປປ.ລາວ ໄດ້ຈັດຂຶ້ນໃນຕອນເຊົ້າ ວັນທີ 4 ພຶດສະພາ 2021 ທີ່ສະໜາມບິນສາກົນວັດໄຕ ສປປ.ລາວ.
ການຊ່ວຍເຫລືອໃນຄັ້ງນີ້ໄດ້ປະກອບສ່ວນອັນສໍາຄັນສ້າງຂວັນກໍາລັງໃຈອັນໃຫຍ່ຫລວງ ແລະ ເພີ່ມກໍາລັງແຮງ ໃຫ້ແກ່ບັນດາ ແພດໝໍຂອງລາວ ທີ່ມີຈຳນວນຈຳກັດ ທີ່ກໍາລັງເຮັດວຽກແຂ່ງຂັນ ກັບເວລາ ເພື່ອເບິ່ງແຍງປິ່ນປົວຜູ້ຕິດເຊື້ອ ທີ່ມີຈຳນວນເພີ່ມຂຶ້ນຫລາຍໃນທຸກມື້ ແລະ ກໍເປັນຂວັນກໍາລັງໃຈ ອັນປະເສີດ ແກ່ຄົນເຈັບຜູ້ທີ່ກຳລັງ ປິ່ນປົວຢູ່ໃນໂຮງໝໍຕ່າງໆ ໃນຂອບເຂດທົ່ວປະເທດ.
ທີ່ພິທີ, ຕາງໜ້າໃຫ້ພັກ, ລັດຖະບານ ແລະ ປະຊາຊົນລາວ, ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ ແຫ່ງ ສປປ ລາວ ໄດ້ສະແດງຄວາມຂອບໃຈເປັນຢ່າງສູງໂດຍຜ່ານທ່ານຮອງລັດຖະມົນຕີ ໂຕແອັງຢຸງ ຮອງລັດຖະມົນຕີກະຊວງການຕ່າງປະເທດ ແຫ່ງ ສສ ຫວຽດນາມ ໄປຍັງພັກ, ລັດຖະບານ ແລະ ປະຊາຊົນຫວຽດນາມອ້າຍນ້ອງທີ່ເວລາໃດກໍມີຄວາມເປັນຫ່ວງເປັນໄຍ ແລະ ໃຫ້ການຊ່ວຍເຫລືອອັນລ້ຳຄ່າແກ່ ພັກ, ລັດຖະບານ ແລະ ປະຊາຊົນລາວ ມາຕະຫລອດ.
 |
| ກ່າວມອບໂດຍ ທ່ານ ໂຕແອັງຢຸງ ຮອງລັດຖະມົນຕີກະຊວງການຕ່າງປະເທດ ແຫ່ງ ສສ ຫວຽດນາມ ແລະ ຕາງໜ້າລັດຖະບານລາວ ກ່າວຮັບໂດຍ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ ແຫ່ງ ສປປ ລາວ. |
ກ່ອນໜ້ານັ້ນ, ໃນຕອນເຊົ້າວັນທີ 03 ພຶດສະພາ 2021, ຢູ່ດ່ານຊາຍແດນສາກົນ ເກົ່າແຈວ ແຂວງ ຮ່າຕິ້ງ, ສສ. ຫວຽດນາມ - ນ້ຳພາວ ແຂວງ ບໍລິຄຳໄຊ ສປປ.ລາວ ໄດ້ຈັດພິທີມອບຮັບເຄື່ອງອຸປະກອນການແພດ ແລະ ນັກຊ່ຽວຊານຫວຽດນາມ ໄປຊ່ວຍເຫຼືອກອງທັບລາວ ປ້ອງກັນ, ສະກັດກັ້ນໂລກລະບາດໂຄວິດ-19. ໂດຍຕາງໜ້າໃຫ້ກະຊວງປ້ອງກັນປະເທດຫວຽດນາມ, ທ່ານພົນຈັດຕະວາ ຫວຽນຮຸ່ງທັງ, ຮອງຫົວໜ້າ - ເສນາທິການໃຫຍ່ກົມໃຫຍ່ພະລາທິການ, ໄດ້ມອບໃຫ້ຜູ້ຕາງໜ້າກະຊວງປ້ອງກັນປະເທດລາວ, ທ່ານພົນຕີ ຄຳເພັດ ສີຊານົນ, ຫົວໜ້າກົມໃຫຍ່ພະລາທິການກອງທັບປະຊາຊົນລາວ ຈຳນວນວັດຖຸປ້ອງກັນ, ສະກັດກັ້ນໂລກລະບາດ ລວມມີ: ຜ້າອັດປາກ, CloraminB, ຊຸດປ້ອງກັນເຊື້ອພະຍາດລະດັບ 4, ຊຸດ kit ວິໄຈຫາເຊື້ອ SARS-CoV-2 ລວມຍອດມູນຄ່າ 3 ຕື້ດົ່ງ. ພ້ອມກັນນັ້ນ, ກະຊວງປ້ອງກັນປະເທດຫວຽດນາມ ກໍ່ຈັດສົ່ງນັກຊ່ຽວຊານທີ່ມີປະສົບການໃນວຽກງານປ້ອງກັນ, ສະກັດກັ້ນໂລກລະບາດໂຄວິດ-19 4 ຄົນໄປຊ່ວຍກຳລັງເສນາຮັກກອງທັບລາວ ຜັນຂະຫຍາຍບັນດາວຽກງານກ່ຽວຂ້ອງເຖິງການປ້ອງກັນ, ສະກັດກັ້ນໂລກລະບາດໂຄວິດ-19.
 | ມອບເງິນເປັນຈຳນວນ 500 ລ້ານດົ່ງໃຫ້ແກ່ພະສົງພຸດທະສາສະໜາ ກຳປູເຈຍ ແລະ ຊາວຫວຽດນາມ ອາໄສຢູ່ກຳປູເຈຍທີ່ພວມປະສົບກັບຄວາມຫຍຸ້ງຍາກຈາກໂລກລະບາດໂຄວິດ - 19 ວັນທີ 29 ເມສາ ຍສໝ - ທີ່ພິທີ, ທ່ານເອກອັກຄະລັດຖະທູດ ຫວຽດນາມ ປະຈຳ ກຳປູເຈຍ ຫວູກວາງມິງໄດ້ສົ່ງຄຳຢຶ້ຢາມຖາມຂ່າວຢ່າງສຸດໃຈໄປຍັງ ສະພາບໍລິຫານງານພຸດທະສາສະໜາ ຫວຽດນາມ ແລະ ສະມາຄົມພຸດທະສາສະໜາ ລາຊະອານາຈັກ ກຳປູເຈຍ, ພ້ອມທັງມອບເງິນເປັນຈຳນວນ 250 ລ້ານດົ່ງ ຂອງສະມາຄົມພຸດທະສາສະໜາ ຫວຽດນາມໃຫ້ແກ່ ສະມາຄົມພຸດທະສາສະໜາ ລາຊະອານາຈັກ ກຳປູເຈຍ. |
 | ປະທານປະເທດຫງວຽນຊວັນຟຸກ ໄປກວດກາວຽກງານປ້ອງກັນ, ສະກັດກັ້ນ COVID-19 ຢູ່ ດ່ານັ້ງ ຕອນເຊົ້າວັນທີ 30 ເມສາ, ທ່ານປະທານປະເທດຫວຽດນາມ ຫງວຽນຊວັນຟຸກ ແລະ ຄະນະປະຕິບັດງານໄດ້ໄປຢ້ຽມຢາມ ແລະ ກວດກາວຽກງານປ້ອງກັນ, ສະກັດກັ້ນໂລກລະບາດໂຄວິດ-19, ປິ່ນປົວໃຫ້ຜູ້ຕິດເຊື້ອພະຍາດໂຄວິດ-19 ຢູ່ໂຮງໝໍປອດ ດ່ານັ້ງ. |
 | ນະຄອນ ໂຮ່ຈີມິນ ພ້ອມແລ້ວທີ່ຈະຊ່ວຍເຫຼືອບັນດາແຂວງພາກຕາເວັນຕົກ ປ້ອງກັນ, ສະກັດກັ້ນໂລກລະບາດໂຄວິດ - 19 ນັ້ນແມ່ນຄຳຊີ້ນຳຂອງທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ເຈືອງຮວ່າບິ່ງ ເມື່ອການກວດກາວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ໃນບໍລິເວນນະຄອນ ໂຮ່ຈີມິນ ໃນຕອນເຊົ້າວັນທີ 28 ເມສາ. |
ໄຊພອນ
