| ກວາງບິ່ງ ເພີ່ມທະວີການປ້ອງກັນ, ຕ້ານພະຍາດໂຄວິດ-19 ຢູ່ເຂດຊາຍແດນຫວຽດນາມ-ລາວ | |
| ການຮ່ວມມືດ້ານປ້ອງກັນຊາດແມ່ນໜຶ່ງໃນບັນດາເສົາຄໍ້າທີ່ສໍາຄັນຂອງການພົວພັນຫວຽດນາມ-ລາວ |
 |
| ການວັດແທກອຸນຫະພູມສຳລັບແຂກຢູ່ຕາມສະຖານທີ່ທ່ອງທ່ຽວ |
ສະພາບການໂລກລະບາດ ໂຄວິດ - 19 ໄດ້ຮັບການຄວບຄຸມໂດຍພື້ນຖານແລ້ວ ອັນໄດ້ສ້າງເງື່ອນໄຂເພື່ອໃຫ້ ແຂວງ ນິງບິ່ງ ເລີ່ມຟື້ນຟູບັນດາລາຍການທ່ອງທ່ຽວໃນບໍລິເວນ. ນັບແຕ່ມານີ້ ບັນດາເຂດທ່ອງທ່ຽວໃນບໍລິເວນແຂວງ ຄືເຂດທ່ອງທ່ຽວ ຕາມກົກ, ບິ່ງດົ້ງ, ເຂດທ່ອງທ່ຽວທຳມະຊາດ ຈ່າງອານ, ເຂດປູຊະນີຍະສະຖານປະຫວັດສາດວັດທະນະທຳ ກຸງເກົ່າຮວາລື, ວັດບ໋າຍດິງ.... ໄດ້ຕ້ອນຮັບແຂກທ່ອງທ່ຽວມາຢ້ຽມຊົມຢ່າງຫຼວງຫຼາຍ. ຢູ່ສະຖານທີ່ຕ້ອນຮັບແຂກທຸກໆແຫ່ງ, ພະແນກທ່ອງທ່ຽວແຂວງ ນິງບິ່ງ ໄດ້ຮຽກຮ້ອງໃຫ້ບັນດາການເຄື່ອນໄຫວ ປະຕິບັດການສີດຢາຂ້າເຊື້ອ,ແຈກຢາຍນ້ຳຢາຂ້າເຊື້ອ, ໃສ່ຜ້າອັດປາກ-ດັງ ຢູ່ຕາມບໍລິເວນເຂົ້າອອກ, ສະຖານທີ່ຂາຍປີ້, ຈັດແຈງແຂກລ້າງມືດ້ວຍສະບູ. ພ້ອມກັນນັ້ນ ກໍ່ວັດແທກອຸນຫະພູມຮ່າງກາຍໃຫ້ແກ່ແຂກທ່ອງທ່ຽວ, ບັນດາພະນັກງານ ພາລະກອນໄດ້ຕັກເຕືອນ ໃຫ້ແກ່ແຂກທ່ອງທ່ຽວ, ຜູ້ຂັບເຮືອຕ້ອງໃສ່ຜ້າອັດປາກ - ດັງ ແລະ ຮັກສາໄລຍະຫ່າງທີ່ປອດໄພຕາມລະບຽບການ. ນາງ ຫວຽນທິຮວາ ຢູ່ນະຄອນ ຮ່າໂນ້ຍ ມາທ່ຽວຊົມຢູ່ເຂດທ່ອງທ່ຽວ ຈ່າງອານ ໃຫ້ຮູ້ວ່າ :
“ພວກຂ້າພະເຈົ້າ ໄດ້ຮັບການວັດແທກອຸນຫະພູມຮ່າງກາຍ ໄດ້ໃສ່ຜ້າອັດປາກ - ດັງ, ລ້າງມືດ້ວຍນ້ຳຢາຂ້າເຊື້ອ ແລະຮັກສາໄລຍຫ່າງທີ່ປອດໄພ ໃນຕະຫຼອດໄລຍະເວລາຢ້ຽມຊົມ. ຂ້າພະເຈົ້າເຫັນວ່າ ສະຖານທີ່ທ່ອງທ່ຽວແຫ່ງນີ້ ມີຄວາມປອດໄພ ໃນຍາມເກີດໂລກລະບາດ".
ເພື່ອຮັບປະກັນຄວາມປອດໄພໃຫ້ແກ່ແຂກທ່ອງທ່ຽວ ເມື່ອຈຳນວນແຂກທ່ອງທ່ຽວມາທ່ອງທ່ຽວຢູ່ ນິງບິ່ງ ນັບມື້ນັບເພີ່ມຂຶ້ນ, ຄະນະຄຸ້ມຄອງເຂດທ່ອງທ່ຽວ ຈ່າງອານ ໄດ້ສົມທົບກັບບັນດາວິສາຫະກິດ ດຳເນີນທຸລະກິດທ່ອງທ່ຽວ, ສະຖານທີ່ພັກເຊົາ ເປັນເຈົ້າການກຳແໜ້ນສະພາບການຢູ່ຕາມ ສະຖານທີ່ເຕົ້າໂຮມຫຼາຍຄົນ ເພື່ອມີວິທີການແກ້ໄຂຢ່າງທັນການ. ທ່ານ ຟາມຊິແຄັ໊ງ ຮອງຫົວໜ້າຄະນະຄຸ້ມຄອງເຂດທ່ອງທ່ຽວ ຈ່າງອານ ໃຫ້ຮູ້ວ່າ:
“ໂດຍໄດ້ຖອດຖອນບົດຮຽນຈາກສະຖານທີ່ທ່ອງທ່ຽວອື່ນໆຫຼາຍແຫ່ງ, ເມື່ອ ຈຳນວນແຂກທ່ອງທ່ຽວເພີ່ມຂຶ້ນ, ພວກຂ້າພະເຈົ້າກໍ່ໄດ້ມີວິທີຈັດແບ່ງທາງໄປມາ. ບົດຮຽນນີ້ກໍ່ໄດ້ຖືກຖອດຖອນມາແຕ່ 2019, ຂະນະທີ່ແຂກທ່ອງທ່ຽວມາທ່ຽວຊົມຢູ່ ຈ່າງອານ ຫຼາຍເກີນໄປ ກໍ່ຈະມີບັນດາວິທີການແກ້ໄຂໂຄສະນາຢູ່ຕາມຊ່ອງທາງຖະແຫຼງຂ່າວ ໂຄສະນາເຜີຍແຜ່ມໍລະດົກ, ການທ່ອງທ່ຽວ ຫຼື ໂຄສະນາໂດຍກົງຢູ່ຕາມບໍລິເວນທ່າເຮືອ,ຄິວລົດ ເຊິ່ງຈະສາມາດຈັດແບ່ງແຂກທ່ອງທ່ຽວເປັນຈຳນວນທີ່ເໝາະສົມ”.
ສຳລັບບັນດາສະຖານທີ່ພັກເຊົາ, ພະແນກທ່ອງທ່ຽວແຂວງ ນິງບິ່ງ ໄດ້ໃຫ້ປະຕິບັດການແຈ້ງສຸຂະພາບ ຜ່ານລະບົບອິນເຕີເນັດ ຢ່າງເຂັ້ມງວດພ້ອມກັນນັ້ນ ກໍ່ແຈ້ງແຂກທ່ອງທ່ຽວມາພັກເຊົາໃນແຕ່ລະວັນໃຫ້ແກ່ບັນດາອົງການທີ່ມີໜ້າທີ່ຮັບຜິດຊອບ ເພື່ອຕິດຕາມ. ທ່ານ ດວ່ານມິງແທັ່ງ ຮັກສາການຜູ້ອຳນວຍການບໍລິຫານໂຮງແຮມ ຮວ່າງເຊີນ ໃຫ້ຮູ້ວ່າ :
"ທາງວິສາຫະກິດໄດ້ປະຕິບັດການສີດຢາຂ້າເຊື້ອເປັນປະຈຳໄລຍະໃນບໍລິເວນທັງໝົດ ຢູ່ໂຮງແຮມ ແລະ ສະເໜີພະນັກງານ ພາລະກອນ ຕ້ອງໃສ່ຜ້າອັດປາກ - ດັງ ແລະ ລ້າງມືຂ້າເຊື້ອກ່ອນທີ່ຈະເຂົ້າໂຮງແຮມ. ແຂກທ່ອງທ່ຽວ ຕ້ອງແຈ້ງສະຖານທີ່, ເບີໂທລະສັບຂອງຕົນ”.
ຂະແໜງສາທາລະສຸກແຂວງ ນິງບິ່ງ ກໍ່ຍັງສົມທົບກັບຂະແໜງທ່ອງທ່ຽວ ແລະ ອຳນາດການປົກຄອງທ້ອງຖິ່ນ ຈັດຕັ້ງການປ້ອງກັນໂລກລະບາດຢູ່ຕາມສະຖານທີ່ທ່ອງທ່ຽວ; ຕິດຕາມອາການສຸຂະພາບຂອງແຂກທ່ອງທ່ຽວ ແລະ ຜູ້ອອກແຮງງານຢ່າງເປັນປະຈຳ. ທ່ານ ຫວູແມັ້ງເຢືອງ ຫົວໜ້າພະແນກສາທາລະນະສຸກແຂວງ ນິງບິ່ງ ໃຫ້ຮູ້ວ່າ:
“ຕ້ອງຊີ້ນຳບັນດາຂະແໜງການຕ່າງໆ ແລະ ພິເສດຢູ່ບັນດາສະຖານທີ່ທ່ອງທ່ຽວຕ້ອງປະຕິບັດການໃສ່ຜ້າອັດປາກ - ດັງ, ຂ້າເຊື້ອ, ຮັກສາໄລຍະຫ່າງ, ແຈ້ງສຸຂະພາບ ແລະ ບໍ່ເຕົ້າໂຮມກັນຫຼາຍຄົນ”.
ນິງບິ່ງ ແມ່ນທ້ອງຖິ່ນມີປູຊະນີຍະສະຖານປະຫວັດສາດ, ວັດທະນະທຳ,ທິວທັດທຳມະຊາດທີ່ລືຊື່ຫຼາຍແຫ່ງ. ການປະຕິບັດວຽກງານການປ້ອງກັນ ຕ້ານໂລກລະບາດ ໂຄວິດ - 19 ຢູ່ຕາມສະຖານທີ່ທ່ອງທ່ຽວຢ່າງເຂັ້ມງວດ ຈະປະກອບສ່ວນກໍ່ສ້າງແຂວງ ນິງບິ່ງ ກາຍເປັນສະຖານທີ່ທ່ອງທ່ຽວທີ່ດູດດື່ມ ປະຕິບັດເປົ້າໝາຍຄວບຄູ່ທັງປ້ອງກັນສະກັດກັ້ນໂລກລະບາດ ທັງພັດທະນາເສດຖະກິດສັງຄົມ.
 | EuroCham BCI: ຄວາມເຊື່ອໝັ້ນຕໍ່ສະພາບແວດລ້ອມດຳເນີນທຸລະກິດ ຂອງ ຫວຽດນາມ ສືບຕໍ່ໄດ້ຮັບການຟື້ນຟູ ຍສໝ - ຫວຽດນາມ ໄດ້ຮັບການຢັ້ງຢືນມີລະດັບການເຕີບໂຕເສດຖະກິດຢ່າງແຮງນັບແຕ່ຕົ້ນປີ 2021 ແລະ ໝາກຜົນດັ່ງກ່າວ ສ່ອງແສງໃຫ້ເຫັນຄວາມເຊື່ອໝັ້ນຂອງບັນດາວິສາຫະກິດ ເອີຣົບ. |
 | ພິທີມອບ-ຮັບອຸປະກອນການແພດ ໃຫ້ສະຫະພັນແມ່ຍິງ ແລະກອງບັນຊາການທະຫານຊາຍແດນແຂວງຫົວພັນ ລາວ ຍສໝ - ຈໍານວນອຸປະກອນດັ່ງກ່າວ ປະກອບມີ ຜ້າປິດປາກ 12.000 ອັນ, ນ້ຳຢາຂ້າເຊື້ອ 300 ຕຸກ, ຢາອົມ aquatap 1.000 ເມັດ, ເຄື່ອງແທກອຸນຫະພູມຮ່າງກາຍ ເພື່ອຕ້ານພະຍາດໂຄວິດ-19 5 ເຄື່ອງ. |
 | ສັນຍາການຄ້າເສລີ ຫວຽດນາມ - ອັງກິດ ໄດ້ມີຜົນສັກສິດຢ່າງເປັນທາງການນັບແຕ່ວັນທີ 1 ພຶດສະພາ 2021 ເປັນຕົ້ນໄປ ຍສໝ - ບັນດາປະເພດສິນຄ້າເຄື່ອງຕ່ຳແຜ່ນຕັດຫຍິບຂອງ ຫວຽດນາມ ຈະຖືກຫຼຸດຜ່ອນອັດຕາພາສີນຳເຂົ້າລົງເຖິງລະດັບ 0% ແລະ ເລັ່ງໃສ່ບັນດາປະເພດສິນຄ້າ ວັດຖຸດິບ ແລະ ເຄື່ອງຕ່ຳແຜນຕັດຫຍິບ. |
vovworld.vn
