 |
| ປະຊາຄົມຊາວຫວຽດນາມ ອາໄສຢູ່ຕ່າງປະເທດມອບເງິນໃຫ້ແກ່ພໍ່ແມ່ປະຊາຊົນປະສົບໄພນ້ຳຖ້ວນຢູ່ແຂວງຮ່າຕິງ |
ຕອນບ່າຍວັນທີ 26 ເມສາ, ຜ່ານຄະນະກູ້ຊ່ວຍແຂວງ ຮ່າຕິງ, ກຳມະບານກະຊວງການຕ່າງປະເທດ ໄດ້ມອບເງິນໜູນຊ່ວຍປະຊາຊົນໃນບໍລິເວນແຂວງ ທີ່ຖືກຜົນກະທົບຈາກນ້ຳຖ້ວມໃນປີ 2020. ນີ້ແມ່ນຈຳນວນເງິນໂດຍປະຊາຄົມຊາວຫວຽດນາມ ອາໄສຢູ່ຕ່າງປະເທດໜູນຊ່ວຍ.
ໄລຍະທີ່ຜ່ານມາ, ພາຍລັງໄດ້ຮັບຂ່າວວ່າ ພໍ່ແມ່ປະຊາຊົນເຂດພາກກາງ ໃນນັ້ນມີ ຮ່າຕິ້ງທີ່ຖືກຜົນກະທົບຢ່າງຮ້າຍແຮງຈາກໄພນ້ຳຖ້ວມ, ປະຊາຄົມຊາວ ຫວຽດນາມ ອາໄສຢູ່ຕ່າງປະເທດ ໄດ້ອຸປະຖຳເງິນສະໜັບສະໜູນພໍ່ແມ່ປະຊາຊົນເຂດນ້ຳຖ້ວມ.
ຕາມນັ້ນແລ້ວ, ໃນໂອກາດນີ້, ຜ່ານກຳມະການກະຊວງການຕ່າງປະເທດ ປະຊາຄົມຊາວຫວຽດນາມ ອາໄສຢູ່ຕ່າງປະເທດໄດ້ສະໜັບສະໜູນ ພໍ່ແມ່ປະຊາຊົນເຂດນ້ຳຖ້ວນຮ່າຕິງດ້ວຍເງິນເປັນຈຳນວນ 300 ລ້ານດົ່ງ. ຜູ້ຕາງໜ້າຄະນະກູ້ຊ່ວຍແຂວງໄດ້ຕ້ອນຮັບການຊ່ວຍເຫຼືອຈາກກຳມະບານກະຊວງການຕ່າງປະເທດ.
ໂດຍຕ້ອນຮັບຈຳນວນໜູນຊ່ວຍ, ທ່ານ ທ໊າງງອກຫ໋າຍ ຮອງປະທານຄະນະກຳມະການແນວໂຮມປະເທດຊາດ ແຂວງ ໄດ້ຢັ້ງຢືນວ່າ ຈຳນວນເງິນຂອງຜູ້ໃຈບູນ, ປະຊາຄົມຊາວຫວຽດນາມ ອາໄສຢູ່ຕ່າງປະເທດໜູນຊ່ວຍນັ້ນ ຈະໄດ້ຄະນະກູ້ຊ່ວຍແຂວງນຳໃຊ້ຢ່າງຖືກຕ້ອງຕາມເປົ້າໝາຍເພື່ອແນໃສ່ປະກອບສ່ວນຢ່າງແທດຈິງໃຫ້ແກ່ພໍ່ແມ່ປະຊາຊົນສ້າງຊີວິດການເປັນຢູ່ກັບຄືນສູ່ສະພາບການທີ່ເປັນປົກກະຕິໂດຍໄວ.
 | ສະມາຄົມນັກທຸລະກິດ ຫວຽດນາມ ອາໄສຢູ່ຕ່າງປະເທດ ລົງນາມການຮ່ວມມື ກັບ VGJA ຍສໝ - ໂດຍຕ່າງໜ້າສະມາຄົມ ວິທະຫາກິດ ຫວຽດນາມ ອາໄສຢູ່ຕ່າງປະເທດ, ທ່ານ ປີເຕີ ຮົ່ງ - ຮອງປະທານຜູ້ປະຈຳການສະມາຄົມ ໄດ້ເນັ້ນໜັກວ່າ: ເງິນຕາຈາກຜູ້ ອາໄສຢູ່ຕ່າງປະເທດ ມີຄວາມສຳຄັນສຳລັບຫຼາຍປະເທດໃນໂລກ, ພິເສດແມ່ນບັນດາປະເທດພວມພັດທະນາ. ສຳລັບຫວຽດນາມ, ເງິນຕາຈາກຜູ້ອາໄສຢູ່ຕ່າງປະເທດຍິ່ງສຳຄັນ. |
 | ເລີມດົ່ງ ຮຽກຮ້ອງໃຫ້ນັກທຸລະກິດ ຫວຽດນາມ ອາໄສຢູ່ຕ່າງປະເທດ ມາລົງທຶນຢູ່ແຂວງ ຍສໝ - ແຂວງເລິມດົ່ງໄດ້ແນະນຳໄປຍັງຄະນະປະຕິບັດງານຂອງຄະນະກຳມະການຊາວຫວຽດນາມ ໄອໄສຢູ່ຕ່ງາປະເທດ ນະຄອນ ໂຮ່ຈີມິນ ແລະ ປະຊາຄົມບັນດານັກລົງທຶນ, ວິສາຫະກິດ, ນັກທຸລະກິດ ຊາວຫວຽດນາມ ອາໄສຢູ່ຕ່າງປະເທດກ່ຽວກັບຄວາມສາມາດບົ່ມຊ້ອນ, ທ່າແຮງຂອງແຂວງເລິມດົ່ງ, ສະໜອງຂໍ້ມູນບັນດາໂຄງການທີ່ພວມຮຽກຮ້ອງການລົງທຶນ. |
 | ຊາວຫວຽດນາມອາໄສຢູ່ຕ່າງປະເທດ ຢູ່ນະຄອນໂຮ່ຈີມິນຕັ້ງໜ້າເຂົ້າຮ່ວມການສ້າງສາປະເທດຊາດ ຍສໝ - ທ່ານ ດັ້ງມິງຄອຍ ຮອງລັດຖະມົນຕີ ການຕ່າງປະເທດຫວຽດນາມ ໄດ້ຕີລາຄາສູງຄວາມມານະພະຍາຍາມຂອງຊາວຫວຽດນາມອາໄສຢູ່ຕ່າງປະເທດ ໃນຊຸມປີຜ່ານມາ ເຊິ່ງໄດ້ປະກອບສ່ວນຢ່າງຕັ້ງໜ້າເຂົ້າການພັດທະນາເສດຖະກິດ - ສັງຄົມຂອງປະເທດເວົ້າລວມ ແລະ ນະຄອນ ໂຮ່ຈີມິນເວົ້າສະເພາະ. |
ບຸນຄົງ
