ທ່ານນາຍົກລັດຖະມົນຕີ ຫວຽດນາມ ພົບປະກັບ ທ່ານນາຍົກລັດຖະມົນຕີ ໄທ
	ທ່ານນາງປະທານສະພາແຫ່ງຊາດ ຫວຽດນາມ ພົບປະກັບ ທ່ານນາຍົກລັດຖະມົນຕີ ອີຕາລີ

ເນື່ອງໃນໂອກາດກອງປະຊຸມຜູ້ນຳອາຊຽນ, ຕອນເຊົ້າວັນທີ 24 ເມສາ, ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ມີການພົບປະເຈລະຈາກັບທ່ານກະສັດບຣູໄນແຫ່ງບຣູໄນ Darussalam Haji Hassanal Bolkiah.

ກະສັດ Darussalam Haji Hassanal Bolkiah ໄດ້ຊົມເຊີຍອີກເທື່ອໜຶ່ງ ທ່ານນາຍົກລັດຖະມົນຕີ ຟ້າມມິງຈິ໊ງ ກ່ຽວກັບການໄດ້ເລືອກຕັ້ງເອົາຕຳແໜ່ງໃໝ່ໂດຍສະພາແຫ່ງຊາດ; ຕີລາຄາສູງບັນດາຜົນງານທີ່ຫວຽດນາມບັນລຸໄດ້ ໃນການປ້ອງກັນການລະບາດຂອງ COVID-19 ແລະການພັດທະນາເສດຖະກິດ - ສັງຄົມ, ກໍ່ຄື ບັນດາຜົນງານຕ່າງປະເທດທີ່ໂດດເດ່ັນຂອງຫວຽດນາມ, ໃນນັ້ນມີຜົນສຳເລັດໃນການເປັນປະທານອາຊຽນ 2020, ດ້ວຍຫຼາຍຂໍ້ລິເລີ່ມເພື່ອປະກອບສ່ວນເຂົ້າໃນສັນຕິພາບ, ການຮ່ວມມື ແລະ ການພັດທະນາຂອງອາຊຽນ.

ທ່ານນາຍົກລັດຖະມົນຕີ ຟ້າມມິງຈິ໊ງ ພົບປະກັບ ກະສັດບຣູໄນແຫ່ງບຣູໄນ. (ພາບ: TTXVN)

ສ່ວນທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ສະແດງຄວາມຊົມເຊີຍປະເທດບຣູໄນ ກ່ຽວກັບການຄວບຄຸມໂລກລະບາດ COVID-19, ອຳນວຍຄວາມສະດວກໃຫ້ແກ່ການຟື້ນຟູ ແລະ ພັດທະນາເສດຖະກິດໃນໄລຍະຫຼັງປີ COVID-19, ກ້າວໄປສູ່ການຈັດຕັ້ງປະຕິບັດ “ວິໄສທັດແຫ່ງຊາດ 2035”ຢ່າງສຳເລັດຜົນ.

ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ເນັ້ນໜັກວ່າ ຫວຽດນາມຖືເປັນສຳຄັນການພັດທະນາການພົວພັນກັບປະເທດບຣູໄນ, ພ້ອມທັງຢືນຢັນວ່າ ຫວຽດນາມຈະສະໜັບສະໜູນບົດບາດເປັນປະທານອາຊຽນ 2021 ຂອງບຣູໄນ.

ທີ່ການພົບປະ, ການນຳສອງທ່ານໄດ້ຕີລາຄາສູງບັນດາບາດກ້າວພັດທະນາ ໃນການພົວພັນສອງຝ່າຍໃນໄລຍະທີ່ຜ່ານມາ, ໃນນັ້ນ ເນັ້ນໜັກເຖິງການຍົກລະດັບການພົວພັນຫວຽດນາມ - ບຣູໄນໃຫ້ເປັນຄູ່ຮ່ວມມືຮອບດ້ານໃນປີ 2019 ໃນການຢ້ຽມຢາມຫວຽດນາມຂອງກະສັດ Darussalam Haji Hassanal Bolkiah, ຊຸກຍູ້ການຮ່ວມມືສອງຝ່າຍໃຫ້ແໜ້ນແຟ້ນ ແລະ ພັດທະນາ. ໂດຍສະເພາະ, ວົງເງິນການຄ້າສອງຝ່າຍ ຈະສືບຕໍ່ຂະຫຍາຍຕົວໃນປີ 2020 ເຖິງວ່າຈະມີການຜັນແປທີ່ສັບສົນຂອງການລະບາດພະຍາດCOVID-19.

ສອງຝ່າຍໄດ້ເຫັນດີເປັນເອກະພາບ ຕໍ່ຈຸດສຸມຂອງການຮ່ວມມື ໃນການຜັນຂະຫຍາຍໃນໄລຍະຈະມາເຖິງ, ໃນນັ້ນມີການເພີ່ມທະວີການແລກປ່ຽນ ແລະ ຕິດຕໍ່ພົວພັນລະດັບສູງເມື່ອມີເງື່ອນໄຂ; ເພື່ອຈັດຕັ້ງກອງປະຊຸມຄັ້ງທີ 2 ຂອງຄະນະກຳມະການຮ່ວມມືລະດັບລັດຖະມົນຕີຕ່າງປະເທດໃນປີ 2021; ພັດທະນາແຜນງານປະຕິບັດງານ ເພື່ອຈັດຕັ້ງປະຕິບັດການພົວພັນຄູ່ຮ່ວມຮອບດ້ານໃນ 5 ປີຕໍ່ໜ້າ; ສືບຕໍ່ເສີມຂະຫຍາຍປະສິດທິຜົນໃນຂົງເຂດການຮ່ວມມືດ້ານພະລັງງານ, ກະສິກຳ ແລະ ການສຶກສາລະຫວ່າງສອງປະເທດ.

ຜູ້ນຳຫວຽດນາມ ສົງສານອວຍພອນວັນຊາດບຣູໄນ ຍສໝ - ຫວ່າງແລ້ວນີ້, ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ, ທ່ານ ນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ສົ່ງສານອວຍພອນເຈົ້າຊີວິດ ທັງເປັນນາຍົກລັດຖະມົນຕີ ບຣູໄນ Hassanal Bolkiah.

ຫວຽດນາມ ໄດ້ປະຕິບັດສໍາເລັດໜ້າທີ່ໃນຖານະຕໍາແໜ່ງປະທານອາຊຽນໃນປີ 2020 ຢ່າງດີເດັ່ນ ແລະ ສ້າງຄວາມປະທັບໃຈສໍາຄັນຫຼາຍຢ່າງ ຍສໝ - ໃນຖານະທີ່ເປັນປະທານອາຊຽນ 2020, ຫວຽດນາມ ໄດ້ສະແດງໃຫ້ເຫັນບົດບາດທີ່ຕັ້ງໜ້າໃນການຂົນຂວາຍບັນດາຄູ່ຮ່ວມມືເພື່ອປະກອບສ່ວນໃນການສ້າງ ແລະ ຄວາມຮັບຜິດຊອບໃນບັນດາບັນຫາລວມຂອງພາກພື້ນ...

ຜູ້ແທນລັດຖະສະພາບຣູໄນ: ປະເທດຫວຽດນາມ ຜ່ານຜ່າຄວາມຫຍຸ້ງຍາກຕ່າງໆ ໄດ້ສຳເລັດຜົນດຳລົງຕຳແໜ່ງ ປະທານ AIPA ຍສໝ - ບຣູໄນ ສະໜັບສະໜູນ ຫວຽດນາມຢ່າງເຕັມສ່ວນ ແລະ ເຊື່ອໝັ້ນວ່າການປະກອບສ່ວນ ແລະ ການສະ ໜັບສະໜູນດັ່ງກ່າວ ໄດ້ຊ່ວຍໃຫ້ຫວຽດນາມປະຕິບັດສຳເລັດຜົນດຳລົງຕຳແໜ່ງປະທານ AIPA