 |
ກຳລັງປ້ອງກັນຄວາມສະຫງົບ ຕັ້ງໜ້າປະຕິບັດແນວທາງຂອງພັກສຳເລັດຜົນ. ພາບ: ຂປລ.
ໃນໄລຍະປີ 1986 ເປັນຕົ້ນມາ, ໂດຍສະເພາະ ແມ່ນກອງ ປະຊຸມໃຫຍ່ ຄັ້ງທີ IV ຂອງພັກ ໄດ້ວາງທິດ ທາງໜ້າທີ່ “ ປັບປຸງ ວຽກງານ ປ້ອງກັນ ຊາດປ້ອງ ກັນຄວາມສະຫງົບ ຮອບດ້ານ ຢູ່ພື້ນຖານ; ຈັດຕັ້ງແນວ ຮົບປ້ອງ ກັນຊາດ- ປ້ອງກັນຄວາມ ສະຫງົບ ຢູ່ທ້ອງຖິ່ນ ຢ່າງແໜ້ນໜາ; ຕັ້ງໜ້າປັບປຸງ, ຍົກສູງ ຄຸນນະພາບ ຂອງບັນດາ ກຳລັງທະຫານ ແລະ ກຳລັງ ປ້ອງກັນ ຄວາມສະຫງົບ ປະຊາຊົນສົມ ທົບແໜ້ນ ລະຫວ່າງ ວຽກງານ ເສດຖະກິດ ກັບວຽກງານ ປ້ອງກັນຊາດ- ປ້ອງກັນ ຄວາມສະຫງົບ, ເດັດດ່ຽວ ທັບມ້າງທຸກ ການເຄື່ອນ ໄຫວມ້າງ ເພທຳລາຍ ຂອງສັດຕູ ແລະ ປັກປັກ ຮັກສາ ປະເທດຊາດ ໄວ້ໃຫ້ໝັ້ນຄົງ”.ປະທານ ໄກສອນ ພົມວິຫານ ໄດ້ໂອ້ລົມ ແລະ ເນັ້ນໜັກ ໃຫ້ກຳລັງ ປ້ອງກັນ ຄວາມສະຫງົບ ປະຕິບັດ 3 ໜ້າທີ່ຄື: ຕຳຫລວດ ຕ້ອງຮູ້ ເຮັດວຽກງານ ກໍ່ສ້າງຮາກ ຖານການເມືອງ ແລະ ພັດທະນາ ຊົນນະບົດ; ຕ້ອງຮູ້ ເຮັດວຽກ ສືບຂ່າວ ກຳສະພາບ ແລະ ຕຳຫລວດ ຕ້ອງຮູ້ ກົດໝາຍ ພາຍໃນ ແລະ ຕ່າງປະເທດ. ໂດຍປະຕິບັດ ຕາມມະຕິ IV ຂອງພັກ ແລະ ທິດຊີ້ນຳ ຂອງປະທານ ໄກສອນ ພົມວິຫານ; ກຳລັງ ປ້ອງກັນ ຄວາມສະຫງົບ ໄດ້ສົມທົບ ກັບກອງທັບ ປະຊາຊົນລາວ ຕີເອົາ ຊະນະ ການບຽດຢຶດ ຂອງພວກ ປະຕິການ ຂວາຈັດ ດ້ານຕາ ເວັນຕົກ ຢູ່ສະໜາມຮົບ ບໍ່ແຕນ ແຂວງໄຊຍະບູລີ; ທັບມ້າງ ກົນອຸບາຍ ຫັນປ່ຽນ ໂດຍສັນຕິ ຂອງສັດຕູ, ສະກັດກັ້ນ ແລະ ແກ້ໄຂ ປະກົດ ການຫຍໍ້ທໍ້ ຂອງສັງຄົມ, ອັນພົ້ນເດັ່ນ ແມ່ນການແກ້ໄຂ ແນວຄິດ ລະແວງ ສົງໄສ ແລະ ທັດສະນະ ຜິດເຂວ ກ່ຽວກັບ ສັງຄົມ ນິຍົມ, ແນວຄິດ ຫລາຍພັກ ຫລາຍເຄົ້າ, ປະຊາທິ ປະໄຕ ເສລີ ແລະ ອື່ນໆ. ກຳລັງ ປ້ອງກັນ ຄວາມສະຫງົບ ໄດ້ສືບຕໍ່ຫັນ ເອົາກຳລັງ ລົງກໍ່ສ້າງ ຮາກຖານ ການເມືອງ ຕິດພັນ ກັບການ ພັດທະນາ ຊົນນະບົດ ຮອບດ້ານ, ປັບປຸງ ກໍ່ສ້າງກຳລັງ ແລະ ວຽກງານ ປ້ອງກັນຊາດ- ປ້ອງກັນ ຄວາມສະຫງົບ ຢູ່ຮາກຖານ ໃຫ້ເຂັ້ມ ແຂງຕາມ 4 ເນື້ອໃນ 4 ຄາດໝາຍ, ເຮັດໃຫ້ ສະພາບ ການທົ່ວ ປະເທດມີ ຄວາມສະຫງົບ. ອັນພົ້ນ ເດັ່ນແມ່ນ ການປ້ອງກັນ ອົງການ ນຳຂອງ ພັກ-ລັດ, ປ້ອງກັນ ກອງປະຊຸມ ລະດັບຊາດ ແລະ ກອງປະຊຸມ ລະດັບສາກົນ ຕ່າງໆ ມີຄວາມ ປອດໄພ 100%; ເປັນເຈົ້າ ການປົກປ້ອງ ເຂດນ້ຳແດນດິນ ແກ້ໄຂ ບັນຫາ ປະກົດ ການຫຍໍ້ທໍ້ ຕ່າງໆ ໄດ້ຢ່າງ ທັນການ.
ເວົ້າລວມແລ້ວ, ກຳລັງປ້ອງ ກັນຄວາມສະຫງົບ ພ້ອມກັບ ກອງທັບ ປະຊາຊົນລາວ ສາມາດ ປົກປັກ ຮັກສາ ປະເທດຊາດ ແລະ ດິນ ແດນລາວ ໄວ້ຢ່າງໝັ້ນຄົງ, ບໍ່ມີເຫດການ ບໍ່ດີທາງ ການເມືອງ ເກີດຂຶ້ນ ຮ້າຍແຮງ; ສາມາດ ປ້ອງກັນ ຜູ້ນຳພັກລັດ, ສຳນັກງານ- ອົງ ການ, ກອງປະຊຸມໃຫຍ່, ງານ-ບຸນ ສຳຄັນ ລະດັບຊາດ ແລະ ລະດັບ ສາກົນ, ປ້ອງກັນແຂກ ຕ່າງປະເທດ ໃຫ້ມີຄວາມ ປອດໄພ 100%; ກຳລັງປ້ອງ ກັນຄວາມ ສະຫງົບ ໄດ້ຮັບ ການປັບປຸງ ແລະ ກໍ່ສ້າງໃຫ້ນັບມື້ເຕີບໃຫຍ່ ຂະຫຍາຍ ຕົວທັງ ທາງດ້ານ ຈຳນວນ ແລະ ຄຸນນະ ພາບ; ໄດ້ກາຍ ເປັນກຳລັງ ຕົ້ນຕໍ ທີ່ເຮັດໜ້າທີ່ ກໍ່ສ້າງຮາກ ຖານການເມືອງ; ປະຕິບັດ ແນວທາງ ການຕ່າງ ປະເທດ ຂອງພັກ ໄດ້ເປັນ ຢ່າງດີ.
ດ້ວຍຜົນງານ ແລະ ຄຸນງາມ ຄວາມດີ ຕ່າງໆຜ່ານ ມານັ້ນ, ພັກ-ລັດຖະບານ ແລະ ປະຊາຊົນລາວ ບັນດາເຜົ່າ ໄດ້ຍ້ອງຍໍ ສັນລະເສີນ ກຳລັງ ປ້ອງກັນຄວາມ ສະຫງົບວ່າ: “ເປັນກຳລັງ ປະກອບ ອາວຸດອັນ ແຫລມຄົມ, ຈົງຮັກພັກ ດີຄໍ່ພັກ, ຕໍ່ປະຊາຊົນລາວ ບັນດາເຜົ່າ”, ສົມແລ້ວ ເປັນກຳລັງ ປະກອບ ອາວຸດ ວິລະຊົນ ຂອງຊາດລາວ ວິລະຊົນ.
（ແຫຼ່ງຂໍ້ມູນ： ຂປລ）
