 |
| ພັດທະນາລະບົບບໍລິຫານ ແລະ ບໍລິການລັດ ແບບດີຈີຕອນ |
ພິທີລົງນາມບົດບັນທຶກຄວາມເຂົ້າໃຈ ໄດ້ຈັດຂຶ້ນໃນວັນທີ 18 ມີນາ 2011 ທີ່ສຳນັກງານໃຫຍ່ ບໍລິສັດ ລາວໂທລະຄົມມະນາຄົມ ມະຫາຊົນ ລະຫວ່າງ ທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ ບໍລິສັດລາວໂທລະຄົມ ມະນາຄົມ ມະຫາຊົນ ແລະ ທ່ານ ທະວີສັກ ມະໂນທັມ ຫົວໜ້າສູນບໍລິ ຫານລັດດ້ວຍເອເລັກໂຕຣນິກ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໂດຍມີ ທ່ານ ທັນສະໄໝ ກົມມະສິດ ລັດຖະມົນຕີ ກະຊວງໄປສະນີ ໂທລະຄົມມະນາຄົມ ແລະ ການສື່ສານ ພ້ອມດ້ວຍພະນັກງານທີ່ກ່ຽວຂ້ອງທັງສອງຝ່າຍ ເຂົ້າຮ່ວມເປັນສັກຂີພິຍານ.
ທ່ານ ທະວີສັກ ມະໂນທັມ ໄດ້ກ່າວວ່າ: ການເຊັນບົດບັນທຶກຄວາມເຂົ້າໃຈໃນຄັ້ງນີ້, ກໍເພື່ອຕົກລົງຮ່ວມມື ຈັດງານແຂ່ງຂັນ Makerthon Lao, ຊຶ່ງເປັນການແຂ່ງຂັນ ເພື່ອຄົ້ນຫານັກປະດິດ ສາຍໄອທີ ໃນ ສປປ ລາວ ໂດຍສະເພາະ ນັກຮຽນນັກສຶກສາ ໄດ້ມີພື້ນທີ່ສະແດງຄວາມຄິດສ້າງສັນ ໃນການຄິດຄົ້ນ ແລະ ພັດທະນານະວັດຕະກຳໃໝ່ອອກມາຮັບໃຊ້ສັງຄົມ ເປັນຕົ້ນ ການນຳໃຊ້ ເຕັກໂນໂລຊີ LOT ແລະ Big Data ເພື່ອພັດທະນານໍາໃຊ້ໃນວຽກງານການສຶກສາ, ການກະສິກຳ ແລະ ອື່ນໆ ແລະ ເພື່ອເປັນການຫາຕົວແທນຂອງລາວ ເຂົ້າຮ່ວມແຂ່ງຂັນ ASEAN Makerthon ນຳອີກ. ນອກຈາກນີ້, ທັງສອງຝ່າຍຍັງຈະໄດ້ຮ່ວມມືກັນ ໃນການຄົ້ນຄວ້າພັດນາ ລະບົບບໍລິຫານລັດດ້ວຍລະ ບົບເອເລັກໂຕຣນິກ ເພື່ອຫັນການບໍລິຫານ ແລະ ບໍລິການລັດເປັນທັນສະໄໝ, ເພີ່ມທະວີການຮ່ວມມື ເພື່ອຍົກລະດັບຄວາມຮູ້ຂອງພະນັກງານ-ລັດຖະກອນ ທາງດ້ານເຕັກໂນໂລຊີດີຈີຕອນ ເປັນຕົ້ນການແລກປ່ຽນຂໍ້ມູນຂ່າວສານ, ປະສົບການ, ການພັດທະນາບຸກຄະລາກອນ ໂດຍການຈັດສຳມະນາ, ຝຶກອົບຮົມ ແລະ ປຶກສາຫາລື.
 | ແລກປ່ຽນເນື້ອໃນຮ່ວມມືໃນຂົງເຂດການຄ້າ, ພະລັງງານແບບຍືນຍົງ ແລະເສດຖະກິດໝູນວຽນລະຫວ່າງສອງປະເທດ ຫວຽດນາມ ແລະ ໂຮນລັງ ຍສໝ - ໂຮນລັງ ປາດຖະໜາຢາກເພີ່ມທະວີການສົມທົບກັບກະຊວງອຸດສາຫະກຳ ແລະການຄ້າຫວຽດນາມ ໃນບັນດາຂົງເຂດເສດຖະກິດໝູນວຽນຄືຈັດຕັ້ງການເຈລະຈາ, ຈັດກອງປະຊຸມສໍາມະນາແລກປ່ຽນບົດຮຽນເພື່ອພັດທະນາການພົວພັນຮ່ວມມືລະຫວ່າງສອງປະເທດໃນຂົງເຂດດັ່ງກ່າວກວ່າອີກ. |
 | ເວທີປາໄສອາຊຽນ - ອົດສະຕາລີ ຄັ້ງທີ 33: ຮ່ວມມືເພື່ອການຟື້ນຟູ ແລະ ການເຕີບໂຕແບບຍືນຍົງ ຍສໝ - ຫວ່າງແລ້ວນີ້, ຮອງລັດຖະມົນຕີກະຊວງການຕ່າງປະເທດຫວຽດນາມ ທ່ານ ຫງວຽນກວກຢູ້ງ, ຫົວໜ້າ SOM ອາຊຽນ ຫວຽດນາມ ພ້ອມກັບບັນດາຫົວໜ້າ SOM ອາຊຽນ, ແລະ ທ່ານ Justin Hayhurst ຮອງລັດຖະມົນຕີກະຊວງການຕ່າງປະເທດ ອົດສະຕາລີ ເຂົ້າຮ່ວມເວທີປາໄສ ອາຊຽນ - ອົດສະຕາລີ ຄັ້ງທີ 33 ... |
 | ຍົກສູງປະສິດທິຜົນວຽກງານຊາວຫວຽດນາມອາໄສຢູ່ຕ່າງປະເທດໃນບໍລິເວນນະຄອນໂຮ່ຈີມິນ ຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດນະຄອນໂຮ່ຈີມິນ ຄວນສືບຕໍ່ປະຕິບັດບົດບາດຄຸ້ມຄອງລັດສຳລັບຊາວຫວຽດນາມ ອາໄສຢູ່ຕ່າງປະເທດໃນບໍລິເວນນະຄອນໃຫ້ເປັນຢ່າງດີ. |
kpl.gov.la
