 |
| ທ່ານ ຫງວຽນຮົ່ງແທັກ ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສສ.ຫວຽດນາມ ປະຈຳ ຢູແກຼນ ແລະ ທ່ານປະທານາທິບໍດີ ຢູແກຼນ Volodymyr Zelensky (ພາບ: TTXVN) |
ຫວ່າງແລ້ນີ້, ຢູ່ນະຄອນຫຼວງ Kiev, ປະເທດ ຢູແກຼນ ທ່ານ ຫງວຽນຮົ່ງແທັກ ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສສ.ຫວຽດນາມ ປະຈຳ ຢູແກຼນ ໄດ້ຍືນສະເໜີສານຕາຕັ້ງຂຶ້ນເຖິງທ່ານປະທານາທິບໍດີ ຢູແກຼນ Volodymyr Zelensky.
ພາຍຫຼັງພິທີຍືນສານຕະຕັ້ງ, ທ່ານເອກອັກຄະລັດຖະທູດໄດ້ມີການພົບປະກັບທ່ານປະທານາທິບໍດີ Volodymyr Zelensky. ທີ່ການພົບປະ, ທ່ານ Volodymyr Zelensky ໄດ້ເຊື້ອເຊີນຢ່າງທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ມາຢ້ຽມຢາມ ຢູແກຼນໃນເດືອນສິງຫາ 2021 ເນື່ອງໃນໂອກາດສະເຫຼີມສະຫຼອງ 30 ປີແຫ່ງວັນເອກະລາດຢູແກຼນ. ທ່ານກໍ່ສະແດງຄວາມດີໃຈຕໍ່ບັນດາການພັດທະນາຢ່າງຕັ້ງໜ້າຂອງການພົວພັນມິດຕະພາບ, ການຮ່ວມມືອັນດີງາມ ກັບ ຫວຽດນາມ, ພິເສດແມ່ນສະແດງຄວາມຂອບອົກຂອບໃຈຕໍ່ຫວຽດນາມ ເມື່ອໄດ້ຊ່ວຍເຫຼືອອຸປະກອນການແພດໃນການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ແກ່ຢູແກຼນ.
ທ່ານ Volodymyr Zelensky ໄດ້ຕີລາຄາສູງບັນດາຜົນງານຂອງ ຫວຽດນາມ ໃນພາລະກິດປ່ຽນແປງໃໝ່, ພັດທະນາເສດຖະກິດ, ເຊື່ອມໂຍງເຂົ້າກັບພາກພື້ນ ແລະ ສາກົນ, ຍົກສູງສະຫວັດດີການສັງຄົມໃຫ້ແກ່ປະຊາຊົນ, ທ່ານກໍ່ປາດຖະໜາຢາກຊຸກຍູ້ການຮ່ວມມືສອງຝ່າຍໃນຫຼາຍຂົງເຂດ ພິເສດແມ່ນການຜະລິດວັກຊິນ, ການຄ້າ ແລະ ວັດທະນະທຳ.
ທ່ານ Volodymyr Zelensky ກໍ່ໄດ້ອວຍພອນທ່ານ ເອກອັກຄະລັດຖະທູດ ຫງວຽນຮົ່ງແທັກ ມີອາຍຸການປະຕິບັດງານທີ່ສຳເລັດ, ປະກອບສ່ວນຢ່າງຕັ້ງໜ້າເຂົ້າໃນການປັບປຸງ ແລະ ພັດທະນາການພົວພັນມິດຕະພາບ ລະຫວ່າງ ລັດຖະບານ, ປະຊາຊົນ ສອງປະເທດ ຢູແກຼນ ແລະ ຫວຽດນາມ.
ສ່ວນທ່ານ ຫງວຽນຮົ່ງແທັກ ໄດ້ສົ່ງຄຳຢຶ້ຢາມຖາມຂ່າວ ແລະ ອວຍພອນອັນດີງາມຂອງທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ໄປຍັງທ່ານ Volodymyr Zelensky ກໍ່ຄືປະຊາຊົນ ແລະ ລັດຖະບານ ຢູແກຼນ.
ທ່ານເອກອັກຄະລັດຖະທູດ ໄດ້ສະແດງຄວາມດີໃຈເມື່ອໄດ້ມາຮັບໜ້າທີ່ຢູ່ ຢູແກຼນ ເຊິ່ງເປັນປະເທດທີ່ສວຍງາມ ແລະ ເຕັມໄປດ້ວຍມູນເຊື້ອປະຫວັດສາດ ແລະ ວັດທະນະທຳຂອງເອີລົບກໍ່ຄືຂອງໂລກ, ທ່ານກໍ່ສະແດງຄວາມຂອບອົກຂອບໃຈຕໍ່ລັດຖະບານ ແລະ ປະຊາຊົນ ຢູແກຼນ ເຊິ່ງໄດ້ສະໜັບສະໜູນ ແລະ ຊ່ວຍເຫຼືອປະຊາຊົນ ຫວຽດນາມໃນຊຸມວັນຕໍ່ສູ້ກູ້ຊາດ, ໂຮມປະເທດຊາດເປັນເອກະລາດ ໃນເມື່ອກອນ ແລະ ໃນພາລະກິດສ້າງສາ ແລະ ປົກປັກຮັກສາປະເທດຊາດຄືໃນປັດຈຸບັນ.
 | ມອບຂອງຂັນຂອງທ່ານນາຍົກລັດຖະມົນຕີ ໃຫ້ແກ່ສະມາຄົມຊາວຫວຽດນາມ ອາໄສຢູ່ເຊັກໂກ ແລະ ຊາວຫວຽດນາມທີ່ພົ້ນເດັ່ນ ຍສໝ - ຕໍ່ໜ້າສະພາບການຢ່າງສັບສົນຂອງໂລກລະບາດໂຄວິດ - 19, ທ່ານ ຫງວຽນແມັງເກືອງ ມີຄວາມປາດຖະໜາຢາກພໍ່ແມ່ປະຊາຊົນຊາວຫວຽດນາມ ເວົ້າລວມ, ປະຊາຄົມ ຊາວຫວຽດນາມ ອາໄສຢູ່ເຊັກໂກເວົ້າສະເພາະຈົ່ງມີຄວາມສາມັກຄີນຳກັນ ເພື່ອຜ່ານຜ່າໄລຍະທີ່ເຕັມໄປດ້ວຍຄວາມຫຍຸ້ງຍາກ ແລະ ສິ່ງທ້າທາຍຄືໃນປັດຈຸບັນ. |
 | ສະມາຄົມ ຫວຽດນາມ - ການາດາ ອຸປະຖຳເງິນເປັນຈຳນວນ 1 ຕື້ດົ່ງຈາການແຂ່ງຂັນແລ່ນເພື່ອເດັກນ້ອຍຮ່າໂນ້ຍ ຍສໝ - ຈຳນວນເງິນດັ່ງກ່າວເພື່ອນແນໃສ່ໜູນຊ່ວຍການປິ່ນປົວໃຫ້ແກ່ເດັກນ້ອຍທີ່ປະສົບກັບຄວາມຫຍຸ້ງຍາມ ເຊິ່ງຕິດໂລກມະເຮັງ ແລະ ໂລກຫົວໃຈຢູ່ໂຮງໝໍເດັກນ້ອຍສູນກາງ, ໂຮງໝໍຫົວໃຈຮ່າໂນ້ຍ ແລະ ລາຍການຫົວໃຈຫວຽດນາມ ຂຶ້ນກັບກອງທຶນ VinaCapital. |
 | ສະຖານທູດ ຫວຽດນາມ ປະຈຳ ເວເນຊູເອລາ ໄປຢ້ຽມຢາມ ແລະ ເຮັດວຽກຢູ່ ລັດ Guarico ຍສໝ - ຫວ່າງແລ້ວນີ້, ທ່ານ ເລວຽດຢວຽນ ເອກອັກຄະລັດຖະທູດ ຫວຽດນາມ ປະຈຳ ເວເນຊູເອລາ ພ້ອມກັບຄະນະຜູ້ແທນໄດ້ມີການຢ້ຽມຢາມ ແລະ ເຮັດວຽກຢູ່ ລັດ Guarico, ເພື່ອແນໃສ່ເພີ່ມທະວີບັນດາໂຄງການຜະລິດກະສິກຳ ແລະ ຊຸກຍູ້ບັນດາຂໍ້ລິເລີ່ມຮ່ວມມືທີ່ມີຄວາມສາມາດບົ່ມຊ້ອນຕ່າງໆ. |
ບຸນຄົງ
