ທ່ານລັດຖະມົນຕີການຕ່າງປະເທດ ຟ້າມບິ່ງມິນ ໄດ້ສະແດງຄວາມຊົມເຊີຍທ່ານລັດຖະມົນຕີການຕ່າງປະເທດອາເມລິກາ
	ຜູ້ນຳຫວຽດນາມ ໄດ້ສະແດງຄວາມຊົມເຊີຍປະທານາທິບໍດີ ແລະ ຮອງປະທານາທິບໍດີສະຫະລັດອາເມລິກາ

ທ່ານເອກອັກຄະລັດຖະທູດຫວຽດນາມ ປະຈຳ ສະຫະລັດອາເມລິກາ ຮ່າກິມງອກ (ພາບ: TTXVN)

ເມື່ອບໍ່ດົນມານີ້, ທ່ານເອກອັກຄະລັດຖະທູດຫວຽດນາມ ປະຈຳ ສະຫະລັດ ອາເມລິກາ ຮ່າກິມງອກ ແລະ ບັນດາເອກອັກຄະລັດຖະທູດ ອາຊຽນ ປະຈຳ ວໍຊິງຕັນ ດີຊີ ໄດ້ມີການ​ໂອ້​ລົມສົນທະນາທາງອອນ​ລາຍກັບທ່ານ David Marchick, ຜູ້ ອຳນວຍການອົງການພັດທະນາການເງິນສາກົນ (DFC) ຂອງສະຫະລັດອາເມລິກາ.

ເຂົ້າຮ່ວມກອງປະຊຸມມີທ່ານ Kurt Campbell, ຜູ້ປະສານງານມະ​ຫາ​ສະ​ທຸດອິນເດຍ - ປາຊີຟິກຂອງສະພາຄວາມໝັ້ນຄົງແຫ່ງຊາດອາເມລິກາແລະທ່ານ Alex Feldman, ຜູ້ອຳນວຍການສະພາທຸລະກິດອາຊຽນ - ອາເມລິກາ.

ຕາມສຳ​ນັກ​ຂ່າວ​ສານ ຫວຽດ​ນາມ ປະຈຳສະຫະລັດອາເມລິກາ ແລ້ວ, ທີ່​ການແລກປ່ຽນ, ທ່ານ Marchick ໄດ້ເນັ້ນໜັກ ວ່າ DFC ຢາກ​ສວມບົດບາດສຳຄັນໃນການພັດທະນາອາຊີຕາເວັນອອກສ່ຽງໃຕ້, ມີບຸລິມະສິດອັນໃຫຍ່ຫຼວງໃຫ້ແກ່ອະນຸພາກພື້ນແມ່ນໍ້າຂອງ. DFC ຈະສຸມໃສ່ການຕອບສະໜອງ ຕໍ່ການປ່ຽນແປງຂອງດິນຟ້າອາກາດ, ການພັດທະນາແບບຍືນຍົງ, ສົ່ງເສີມການລົງທືນໃນໂຄງການພະລັງງານສີຂຽວ ແລະຊ່ວຍໃຫ້ປະເທດອາຊີຕາເວັນອອກສ່ຽງໃຕ້ຮັບ​ມື​ກັບ​ໂລກ​ລະ​ບາ​ສດ​ໂຄວິດ - 19 ຜ່ານການເສີມສ້າງລະບົບສາທາລະນະສຸກ, ການແຈກຢາຍວັກຊິນ. ຄຽງຂ້າງນັ້ນ, DFC ຍັງຈະໜູນຊ່ວຍວິສາຫະກິດຂະໜາດນ້ອຍ ແລະກາງໃນຂົງເຂດກະສິກຳ ແລະການສຶກສາ…; ພ້ອມດຽວກັນນີ້, ຮ່ວມມືກັບບັນດາຄູ່ຮ່ວມມືເຊັ່ນຍີ່ປຸ່ນ, ສ.ເກົາຫຼີ, ອົດສະຕາລີ ແລະ ໄຕ້ຫວັນ (ຈີນ) ເພື່ອເພີ່ມປະສິດທິຜົ​ນຂອງໂຄງການລົງທຶນ. ຕາມທ່ານ Marchick ແລ້ວ, ມີຄວາມສາມາດບົ່ມຊ້ອນຫຼາຍຢ່າງໃນການຮ່ວມມືລະຫວ່າງ DFC ແລະຫວຽດນາມ.

ສ່ວນ​ທ່ານ Kurt Campbell ໄດ້ເນັ້ນໜັກເຖິງຄວາມສຳຄັນຂອງອາຊຽນໃນນະໂຍບາຍຂອງສະຫະລັດ, ພ້ອມທັງເປັນການເພີ່ມທະວີການເຊື່ອມຕໍ່ລະຫວ່າງເອກອັກຄະລັດຖະທູດອາຊຽນແລະອົງການລັດຖະບານສະຫະລັດ. ທ່ານ​ກໍ່​ສະ​ແດງ​ຄວາມຫວັງວ່າຈະມີການແລກປ່ຽນລະຫວ່າງລັດຖະມົນຕີການຕ່າງປະເທດ Antony Blinken ແລະ ຄູ່ຮ່ວມຕຳ​ແໜ່ງອາຊຽນເພື່ອປຶກສາຫາລືກ່ຽວກັບບັນດາຂົງເຂດການຮ່ວມມືລະຫວ່າງສອງຝ່າຍໃນອະນາຄົດອັນໃກ້ນີ້.

ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ຮ່າກິມງອກ ໄດ້ສະ​ແດງຊົມເຊີຍ​ຕໍ່ທ່ານ Marchick ເມື່ອ​ໄດ້​ຮັບໜ້າທີ່ໃໝ່ ແລະສະແດງຄວາມຂອບອົກ​ຂອບໃຈຕໍ່ຜູ້ປະສານງານ Campbell ທີ່ໄດ້ສ້າງເວທີ​ປາ​ໄສແລກປ່ຽນເປັນປະຈຳ ເພື່ອຊຸກຍູ້ການພົວພັນລະຫວ່າງອາຊຽນແລະອາເມລິກາ. ທ່ານເອກອັກຄະລັດຖະທູດໄດ້ຕີລາຄາສູງຄວາມພະຍາຍາມຂອງອາເມລິກາໃນການສົ່ງເສີມການພັດທະນາພະລັງງານ, ການອຳນວຍຄວາມສະດວກດ້ານການຄ້າ ແລະການສະໜັບສະໜູນດ້ານການແພດໃຫ້ແກ່ອາຊີຕາເວັນອອກສ່ຽງໃຕ້.

ເນື່ອງໃນໂອກາດນີ້, ທ່ານເອກອັກຄະລັດຖະທູດ ຮ່າກິມງອກ ໄດ້ສະເໜີ ລັດຖະບານອາເມລິກາສືບຕໍ່ສະໜັບສະໜູນບັນດາປະເທດໃນອາຊີຕາເວັນອອກສ່ຽງໃຕ້ແລະອະນຸພາກພື້ນແມ່ນໍ້າຂອງພັດທະນາລະບົບຕ່ອງໂສ້ການສະໜອງແບບຍືນຍົງ, ຍົກສູງຄວາມສາມາດດ້ານການຄ້າດິຈິຕອນແລະເພີ່ມທະວີການລົງທຶນໃສ່ພື້ນຖານໂຄງລ່າງທີ່ມີຄຸນນະພາບສູງ. ທ່ານເອກອັກຄະລັດຖະທູດຮ່າກິມງອກກໍ່ປາດຖະໜາ ຢາກໃຫ້ອາເມລິກາສະໜັບສະໜູນ ບັນດາປະເທດອາຊຽນເຂົ້າເຖິງແຫຼ່ງສະ​ໜອງວັກ​ຊິນ​ກັນ COVID-19, ສືບຕໍ່ຊຸກຍູ້ການລົງທຶນໃນຮູບແບບຄູ່ຮ່ວມມືພາກລັດ - ເອກະຊົນ (PPP) ແລະຜ່ານຂອບການຮ່ວມມືອາເມລິກາ - ອາຊຽນ.

ທ່ານລັດຖະມົນຕີການຕ່າງປະເທດ ຟ້າມບິ່ງມິນ ໄດ້ສະແດງຄວາມຊົມເຊີຍທ່ານລັດຖະມົນຕີການຕ່າງປະເທດອາເມລິກາ ຍສໝ - ເນື່ອງໃນໂອກາດທີ່ທ່ານ Antony Blinken ໄດ້ຮັບການແຕ່ງຕັ້ງເປັນລັດຖະມົນຕີວ່າການກະຊວງການຕ່າງປະເທດສະຫະລັດອາເມລິກາ, ໃນວັນທີ 27 ມັງກອນ 2021, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຟ້າມບິ່ງມິນ ໄດ້ສົ່ງຈົດໝາຍສະແດງຄວາມອວຍພອນຊົມເຊີຍ.

ຜູ້ນຳຫວຽດນາມ ໄດ້ສະແດງຄວາມຊົມເຊີຍປະທານາທິບໍດີ ແລະ ຮອງປະທານາທິບໍດີສະຫະລັດອາເມລິກາ ຍສໝ - ເນື່ອງໃນໂອກາດທ່ານ Sir Joseph R. Biden Jr. ໄດ້ຮັບຕຳແໜ່ງເປັນປະທານາທິບໍດີສະຫະລັດອາເມລິກາ ຄັ້ງທີ 46, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຟູຈ້ອງ ແລະ ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສົ່ງສານສະແດງຄວາມຊົມເຊີຍ ແລະ ອວຍພອນ.

ສະຫະລັດອາເມລິກາ ໄດ້ສະໜັບສະໜູນຫວຽດນາມ ທີ່ເປັນປະເທດ “ເຂັ້ມແຂງ, ເອກະລາດ, ແລະ ຈະເລີນຮຸ່ງເຮືອງ”. ຍສໝ - ຜູ້ທີ່ປຶກສາດ້ານຄວາມໝັ້ນຄົງແຫ່ງຊາດຂອງສະຫະລັດ ທ່ານ Robert O’Brien ໄດ້ຢືນຢັນວ່າສະຫະລັດອາເມລິກາ ໄດ້ສະໜັບສະໜູນຫວຽດນາມ ທີ່ເປັນປະເທດ “ເຂັ້ມແຂງ, ເອກະລາດ, ແລະ ຈະເລີນຮຸ່ງເຮືອງ", ເຊິ່ງມີບົດບາດສຳຄັນຫຼາຍຂື້ນໃນການພັດທະນາພາກພື້ນ ແລະ ສາກົນ.