 |
| ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝຸຈ້ອງ (ພາບ: TTXVN) |
ທີ່ການໂອ້ລົມທາງໂທລະສັບ ລະຫວ່າງ ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝຸຈ້ອງ ແລະ ທ່ານເລຂາທິການໃຫຍ່, ປະທານປະເທດ ຈີນ ສິຈ້ິນຜິງ ທີ່ໄດ້ດຳເນີນໃນວັນທີ 8 ກຸມພາ, ທ່ານເລຂາທິການໃຫຍ່, ປະທານປະເທດ ຈີນ ສິຈ້ິນຜິງ ໄດ້ອວຍພອນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດຫວຽດນາມ ໄດ້ປະສົບຜົນສຳເລັດຢ່າງຈົບງາມ, ອວຍພອນສະຫາຍ ຫງວຽນຝຸ້ຈ້ອງ ໄດ້ດຳເນີນຕຳແໜ່ງເປັນເລຂາທິການໃຫຍ່ ຊຸດໃໝ່, ທ່ານກໍ່ສະແດງຄວາມເຊື່ອໝັ້ນວ່າ ປະຊາຊົນ ຫວຽດນາມ ພາຍໃຕ້ການຊີ້ນຳຢ່າງສະຫຼາດສ່ອງໄສຂອງພັກກອມມູນິດຫວຽດນາມ ຈະປະຕັບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດ ຫວຽດນາມ ຢ່າງມີໄຊ, ປະສົບຜົນສຳເລັດທີ່ຍິ່ງໃຫຍ່ຫຼາຍຢ່າງ. ທ່ານເລຂາທິການໃຫຍ່, ປະທານປະເທດ ຈີນ ສິຈ້ິນຜິງ ກໍ່ຢັ້ງຢືນວ່າ ພັກ, ລັດ ປະຊາຊົນຈີນ ຍາມໃດກໍ່ຖືການພົວພັນແບບບ້ານໃກ້ເຮືອນຄຽງກັບ ຫວຽດນາມເປັນສຳຄັນທີ່ສຸດ, ທ່ານ ກໍ່ຢັ້ງຢືນວ່າ ຈີນຈະຮ່ວມເດີນທາງກັບພັກ, ລັດຖະບານ ແລະ ປະຊາຊົນ ຫວຽດນາມ ເພີ່ມທະວີການແລກປ່ຽນຍຸດທະສາດ, ຊຸກຍູ້ການຮ່ວມມືຢ່າງແທ້ຈິງໃນທຸກຂົງເຂດ, ກຳນົດທິດການພົວພັນຄູ່ຮ່ວມມືຍຸດທະສາດຢ່າງຮອບດ້ານລະຫວ່າງ ຫວຽດນາມ - ຈີນ ບໍ່ຢຸດຢັ້ງ ໃຫ້ພັດທະນາຢ່າງປອດໄສ, ສະຖຽນລະພາບ, ນຳມາເຊິ່ງຜົນປະໂຫຍດຢ່າງແທ້ຈິງ ໃຫ້ແກ່ປະຊາຊົນສອງປະເທດ, ປະກອບສ່ວນເຂົ້າການສ້າງສັນຕິພາບ, ສະຖຽນລະພາບ ຂອງພາກພື້ນ ແລະ ໃນໂລກ.
ເນື່ອງໃນໂອກາດນີ້, ທ່ານເລຂາທິການໃຫຍ່, ປະທານປະເທດ ຈີນ ສິຈ້ິນຜິງ ໄດ້ສົ່ງຄຳອວຍພອນປະຊາຊົນຫວຽດນາມ ໄດ້ຕ້ອນຮັບບຸນເຕັດປະຈຳຊາດຢ່າງສົມບູນພູມສຸກ.
ສ່ວນທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝຸຈ້ອງ ໄດ້ສະແດງຄວາມຂອບອົກຂອບໃຈ ຕໍ່ສູນກາງພັກກອມມູນິດ ຈີນ ທີ່ໄດ້ສົ່ງສານອວຍພອນໄປຍັງກອງປະຊຸມໃຫຍ່ ຄັ້ງທີ 13, ທ່ານ ກໍ່ສະແດງຄວາມຂອບອົກຂອບໃຈຕໍ່ທ່ານ ເລຂາທິການໃຫຍ່, ປະທານປະເທດຈີນ ສີຈິ້ນຜິງ ທີ່ໄດ້ສົ່ງສານສ່ວນຕົວໄປຍັງ ທ່ານ ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝຸຈ້ອງ, ທ່ານ ໄດ້ເນັ້ນໜັກວ່າ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ແມ່ນເຫດການການເມືອງທີ່ສຳຄັນຍິ່ງ ຂອງພັກ, ລັດ ແລະ ປະຊາຊົນ ຫວຽດນາມ ເຊິ່ງປະສົບຜົນສຳເລັດຢ່າງຈົບງາມ. ກອງປະຊຸມໄດ້ວາງອອກບັນດາເປົ້າໝາຍ, ທິດທາງໃຫຍ່, ມີຄວາມໝາຍກຳນົດທິດ ແລະ ວິໄສທັດຍຸດທະສາດສຳຄັນໃຫ້ແກ່ພາລະກິດການປ່ຽນແປງໃໝ່ ແລະ ສ້າງຕັ້ງສັງຄົມນິຍົມ ຂອງ ຫວຽດນາມ ໃນໄລຍະຈະມາເຖິງ.
ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝຸຈ້ອງ ເນັ້ນໜັກວ່າ 71 ປີຜ່ານມາ, ນັບແຕ່ເວລາສອງປະເທດສ້າງຕັ້ງການພົວພັນທາງການທູດມາຮອດປັດຈຸບັນ, ເຖິງວ່າ ມີບາງໄລຍະປະສົບກັບຄວາມຫຍຸ້ງຍາກກໍ່ຕາມ ແຕ່ຕາມປະຫວັດສາດ ໄດ້ສະແດງໃຫ້ເຫັນນ້ຳໃຈມິດຕະພາບ ແລະ ການຮ່ວມມືຍາມໃດກໍ່ແມ່ນປັດໄຈສຳຄັນໃນການພົວພັນຂອງສອງພັກ, ສອງລັດ, ພ້ອມທັງຖືວ່າ ໃນໄລຍະທີ່ຜ່ານມາ, ສອງຝ່າຍໄດ້ດຳເນີນບັນດາການເຄື່ອນໄຫວແລກປ່ຽນຢ່າງຂະຫຍັນຂັນເຄື່ອນ, ນຳມາເຊິ່ງຜົນງານທີ່ດີ ເພື່ອປະກອບສ່ວນເຂົ້າການເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຫວຽດນາມ ແລະ ຈີນ. ເນື່ອງໃນໂອກາດບຸນເຕັດ ສະຫຼຸ 2021 ນີ້, ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງກໍ່ໄດ້ສົ່ງຄຳອວຍພອນປີໃໝ່ໄປຍັງ ສະມາຊິກພັກກອມມູນິດ ຈີນ ແລະ ປະຊາຊົນຈີນ.
 | ຫວຽດນາມ - ອາເມລິກາ ເຫັນດີເປັນເອກະພາບຮ່ວມມືເພື່ອປະກອບສ່ວນເຂົ້າໃນການນຳການພົວພັນລະຫວ່າງສອງປະເທດພັດທະນາຢ່າງຮອບດ້ານ ຍສໝ - ວັນທີ 5 ກຸມພາ 2021, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງ ໄດ້ມີການໂອ້ລົມທາງໂທລະສັບກັບທ່ານ ລັດຖະມົນຕີກະຊວງການຕ່າງປະເທດ ອາເມລິກາ Antony Blinken. |
 | ທ່ານນາຍົກລັດຖະມົນຕີ ຫງວຽນຊວັນຟຸກ ໂອ້ລົມທາງໂທລະສັບກັບທ່ານນາຍົກລັດຖະມົນຕີ ອົດສະຕາລີ ຍສໝ - ທ່ານນາຍົກລັດຖະມົນຕີ ອົດສະຕາລີ Scott Morrison ໄດ້ສະແດງຄວາມຍິນດີຕໍ່ບັນດາຜົນງານທີ່ບຸກທະລຸຂອງ ຫວຽດນາມ ໃນປີ 2021, ກາຍເປັນແບບຢ່າງປະສົບຜົນສຳເລັດທີ່ຫາຍາກໃນໂລກ ກ່ຽວກັບການຄວບຄຸມໂລກລະບາດໂຄວິດ - 19 ຢ່າງມີປະສິດທິຜົນ, ພ້ອມທັງຍັງຮັກສາໄດ້ການພັດທະນາເສດຖະກິດ - ສັງຄົມໃນສະພາບການເສດຖະກິດໂລກຖືກຊຸດໂຊມຢ່າງຮ້າຍແຮງທີ່ສຸດໃນທົດສະວັດ. |
 | ເອກອັກຄະລັດຖະທູດ ຫວຽດນາມ ປະຈຳ ອາເມລິກາ ໂອ້ລົມທາງໂທລະສັບກັບທ່ານ Ted Yoho ສະມາຊິກສະພາຕ່ຳອາເມລິກາ ຍສໝ - ທ່ານ ເອກອັກຄະລັດຖະທູດ ຫວຽດນາມ ປະຈຳອາເມລິກາ ຮ່າກິມງອກ ໄດ້ຢັ້ງຢືນການພົວພັນລະຫວ່າງ ຫວຽດນາມ ແລະ ອາເມລິກາພວມພັດທະນາຢ່າງດີງາມ, ດ້ວຍນ້ຳໃຈມິດຕະພາບຂອງເພື່ອນມິດ, ຄູ່ຮ່ວມມືສະໜິດສະໜົມຂອງຫວຽດນາມຄືທ່ານ ສະມາຊິກສະພາຕ່ຳ Yoho. |
ບຸນຄົງ
