ຊາວ​ຫວຽດ​ນາມ ອາ​ໄສ​ຢູ່ ອາ​ເມ​ລິ​ກາ ຕິດ​ຕາມກອງ​ປະ​ຊຸມ​ໃຫຍ່​ຂອງ​ພັກ​ດ້ວຍ​ຄວາມ​ເຊື່ອ​ໝັ້ນ ແລະ ປະ​ເອີບ​ໃຈ
	ອັດ​ກອງ​ປະ​ຊຸມ​ໃຫຍ່​ທົ່ວ​ປະ​ເທດ​ຄັ້ງ​ທີ 13 ຂອງ​ພັກ​ກອມ​ມູ​ນິດ ຫວຽດ​ນາມ

ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ເປັນປະທານກອງປະຊຸມຖະແຫຼງຂ່າວສາກົນ

ຂຶ້ນຕົ້ນການປະຊຸມຖະແຫຼງຂ່າວ, ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ຢັ້ງຢືນວ່າ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງ ພັກກອມມູນິດ ຫວຽດນາມ ໄດ້ປະສົບຜົນສຳເລັດຢ່າງຈົບງາມ, ອາດເວົ້າໄດ້ວ່າ ນີ້ແມ່ນກອງປະຊຸມໃຫຍ່ທີ່ປະສົບຜົນສຳເລັດດີງາມທີ່ສຸດ, ນັບທັງດ້ານເນື້ອໃນ, ວິທີການຈັດຕັ້ງ ແລະ ແບບວິທີເຮັດວຽກ. ຕາມທ່ານເລຂາທິການໃຫຍ່, ປະທານປະເທດ ແລ້ວ, ວຽກງານທີ່ຍາກທີ່ສຸດຂອງກອງປະຊຸມໃຫຍ່ນັ້ນແມ່ນ ການກະກຽມເອກະສານຍື່ນສະເໜີຕໍ່ກອງປະຊຸມໃຫຍ່ ເພາະມັນແມ່ນລວມຍອດຍິ່ງທາງດ້ານພູມປັນຍາຂອງທົ່ວພັກ, ທົ່ວປວງຊົນ. ທ່ານເລຂາທິການໃຫຍ່, ປະທານປະເທດ ກໍໃຫ້ຮູ້ວ່າ ວຽກງານບຸກຄະລາກອນ ກໍໄດ້ປະຕິບັດຢ່າງລອບຄອບຖີ່ຖ້ວນ, ຕາມແຕ່ລະຂັ້ນຕອນ, ເພາະສະນັ້ນ ເມື່ອເຂົ້າສູ່ກອງປະຊຸມໃຫຍ່ ໄດ້ຮັບຄວາມເປັນເອກະພາບຢ່າງສູງ. ທີສາມແມ່ນ ວຽກງານຈັດຕັ້ງກອງປະຊຸມໃຫຍ່ກໍໄດ້ປະຕິບັດເປັນຢ່າງດີ, ລອບຄອບຖີ່ຖ້ວນ, ຮັບປະກັນຄວາມປອດໄພຢ່າງສູງສຸດ ໃນຂະນະທີ່ໂລກລະບາດໂຄວິດ - 19 ພວມແຜ່ລະບາດ. ມີສິ່ງສຳຄັນໜຶ່ງອີກ ນັ້ນແມ່ນ ຄວາມໄວ້ເນື້ອເຊື່ອໃຈ, ຄວາມປິຕິຊົມຊື່ນ ແລະ ຄວາມເຊື່ອໝັ້ນຕໍ່ຜົນສຳເລັດຂອງກອງປະຊຸມໃຫຍ່. ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ເນັ້ນໜັກວ່າ:

“ຜົນສຳເລັດຂອງກອງປະຊຸມໃຫຍ່ຄັ້ງນີ້ ບໍ່ແມ່ນການຮັບຮອງເອົາມະຕິ, ເລືອກຕັ້ງຄະນະບໍລິຫານງານຊຸດໃໝ່, ແຕ່ສິ່ງສຳຄັນກວ່າ ນັ້ນແມ່ນ ໃນໄລຍະຈະມາເຖິງ ພວກເຮົາຕ້ອງນຳມະຕິເຂົ້າສູ່ຊີວິດຕົວຈິງຄືແນວໃດ, ເຮັດໃຫ້ມັນປະກົດຜົນເປັນຈິງແນວໃດ, ຕ້ອງຫັນເປັນແຜນນະໂຍບາຍ ແລະ ຊີ້ນຳຢ່າງຂ້ຽວຂາດແຕ່ສູນກາງລົງຮອດທ້ອງຖິ່ນ, ຕ້ອງສ້າງສາປະເທດເຂັ້ມແຂງ, ປະຊາຊົນຮັ່ງມີ, ຊີວິດການເປັນຢູ່ຂອງປະຊາຊົນດີຂຶ້ນກວ່າເກົ່າ. ນັ້ນຈຶ່ງແມ່ນຜົນສຳເລັດຂອງກອງປະຊຸມໃຫຍ່”.

ເມື່ອຕອບສຳພາດຕໍ່ສື່ມວນຊົນກ່ຽວກັບໜ້າທີ່ກໍ່ສ້າງ, ປັບປຸງພັກ, ປ້ອງກັນ, ຕ້ານການສໍ້ລາດບັງຫຼວງໃນອາຍຸການໃໝ່, ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ໃຫ້ຮູ້ວ່າ ການປ້ອງກັນ, ຕ້ານການສໍ້ລາດບັງຫຼວງ ແມ່ນວຽກງານໃຫຍ່, ບໍ່ແມ່ນພຽງແຕ່ຢູ່ ຫວຽດນາມ ເທົ່ານັ້ນ ຫາກຍັງປະກົດມີຢູ່ທຸກໆປະເທດ, ບໍ່ແມ່ນໃນສະໄໝນີ້, ສະໄໝໃດກໍມີ, ສຳຄັນແມ່ນຢູ່ໃນລະດັບແນວໃດເທົ່ານັ້ນ.

“ຂ້າພະເຈົ້າ ຂໍຢັ້ງຢືນວ່າ ບັ້ນຕໍ່ສູ້ນີ້ ຍັງປະສົບກັບຄວາມຫຍຸ້ງຍາກ, ລຳບາກຫຼາຍຢ່າງ ແລະ ໃນໄລຍະຍາວ. ໄລຍະທີ່ຜ່ານມາ ພຽງແຕ່ແມ່ນບາດກ້າວເລີ່ມຕົ້ນເທົ່ານັ້ນ. ວຽກງານປ້ອງກັນ, ຕ້ານການສໍ້ລາດບັງຫຼວງ ຈະສືບຕໍ່ໄດ້ຮັບການຜັນຂະຫຍາຍຢ່າງບໍ່ຢຸດຢັ້ງ, ບໍ່ເວັ້ນເສຍບໍ່ວ່າຜູ້ໃດ ແລະ ບໍ່ມີເຂດຫ້າມ”.

ສານອວຍ​ພອນ​ຂ​ອງ ພັກ ສາ​ກົນ ສົ່ງ​ເຖິງກອງ​ປະ​ຊຸມ​ໃຫຍ່ຜູ້​ແທນ​ທົ່ວ​ປະ​ເທດ​ຄັ້ງ​ທີ XIII ຂອງ ພັກ ກອມ​ມູ​ນິດ ຫວຽດ​ນາມ ໃນຊຸມວັນຜ່ານມາ, ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງ ພັກກອມມູນິດ ຫວຽດນາມ ສືບຕໍ່ໄດ້ຮັບສານອວຍພອນຕ່າງໆ ຂອງບັນດາພັກການເມືອງ, ອົງການຈັດຕັ້ງ ແລະ ເພື່ອນມິດສາກົນ ຈາກບັນດາທະວີບໃນໂລກ.

ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຄັ້ງ​ທີ XIII ຂອງ ພັກ​ກອມ​ມູ​ນິດ ຫວຽດ​ນາມ ເລືອກ​ຕັ້ງ​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ ຊຸດ​ທີ XIII ຕອນບ່າຍວັນທີ 30 ມັງກອນ, ຜູ້ແທນ 1.587 ສະຫາຍ ເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງ ພັກກອມມູນິດ ຫວຽດນາມ ໄດ້ປ່ອນບັດເລືອກຕັ້ງຄະນະບໍລິຫານງານສູນກາງພັກຊຸດທີ XIII.

ຜົນ​ງານ​ແຫ່ງ​ການ​ປ່ຽນ​ແປງ​ໃໝ່ ໄດ້​ສ້າງ​ພື້​ນ​ຖານ​ພັດ​ທະ​ນາ​ເປັນ​ຢ່າງ​ຍິ່ງ​ໃຫ້​ແກ່​ເສດ​ຖະ​ກິດ ຫວຽດ​ນາມ ຕອນເຊົ້າວັນທີ 28 ມັງກອນ, ເມື່ອສະເໜີບົດປະກອບຄຳເຫັນທີ່ກອງປະຊຸມໃຫຍ່ຄັ້ງທີ 13 ຂອງພັກທ່ານ ເຈິ່ນຕວັນແອັງ ລັດຖະມົນຕີກະຊວງ ອຸດສາຫະກຳ ແລະການຄ້າ ຫວຽດນາມ ໄດ້ເນັ້ນໜັກ ວ່າ: ຜົນງານແຫ່ງການປ່ຽນແປງໃໝ່ ໄດ້ສ້າງພື້ນຖານພັດທະນາເປັນຢ່າງຍິ່ງໃຫ້ແກ່ເສດຖະກິດ ຫວຽດນາມ.