[ຮູບພາບ] ຈີນ ຈັດພິທີສູງສຸດເພື່ອຕ້ອນຮັບທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ

23:00 | 20/08/2024

ຍສໝ - ວັນທີ 19 ສິງຫາ, ພິທີຕ້ອນຮັບທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ພັນລະຍາ ພ້ອມກັນກັບຄະນະຜູ້ແທນຂັ້ນສູງ ຫວຽດນາມ ຢ່າງເປັນທາງການ ໄດ້ຈັດຂຶ້ນຢ່າງສົມກຽດຢູ່ຫໍສະພາປະຊາຊົນຈີນ ຕາມພິທີສູງສຸດສຳລັບປະມຸກລັດ. ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ແລະ ພັນລະຍາ ເປັນປະທານພິທີຕ້ອນຮັບ.

	ບັນດາອົງການປະຊາຊົນໃນທົ່ວໂລກຊົມເຊີຍ ສະຫາຍເລຂາທິການໃຫຍ່, ປະທານປະເທດ ຫວຽດນາມ ໂຕເລີມ
	ມີຫຼາຍຄະນະຜູ້ແທນສາກົນມາຍັງນະຄອນຫຼວງ ຮ່າໂນ້ຍ ເພື່ອເຂົ້າຮ່ວມພິທີງານສົບຂອງສະຫາຍເລຂາທິການໃຫຍ່ ຫງວຽນຝູ໋ຈ້ອງ

ຂະບວນລົດຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ພັນລະຍາ ພ້ອມກັນກັບຄະນະຜູ້ແທນຂັ້ນສູງ ຫວຽດນາມ ໄດ້ເຂົ້າສູ່ຫໍສະພາປະຊາຊົນຈີນ. ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ແລະ ພັນລະຍາ ໄດ້ຕ້ອນຮັບ ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ພັນລະຍາດ້ວຍຄວາມຍິນດີຢ່າງສຸດໃຈ. ສອງຝ່າຍໄດ້ແນະນຳບັນດາເຈົ້າໜ້າທີ່ທີ່ເຂົ້າຮ່ວມພິທີຕ້ອນຮັບ.

[ຮູບພາບ] ຈີນ ຈັດພິທີສູງສຸດເພື່ອຕ້ອນຮັບທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ

ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ແລະ ພັນລະຍາ ຕ້ອນຮັບ ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ພັນລະຍາ. (ພາບ: TTXVN)

ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ໄດ້ເຊີນທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ກ້າວຂຶ້ນສູ່ແທ່ນກຽດຕິຍົດ. ກອງດຸລິຍາງຂອງກອງທັບບັນເລງເພງຊາດ ຫວຽດນາມ ແລະ ຈີນ, ພ້ອມດ້ວຍຍິງປືນພິທີຕ້ອນຮັບ 21 ນັດ.

ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ແລະ ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ກວດແຖວກຽດຕິຍົດກອງທັບປົດປ່ອຍປະຊາຊົນຈີນ. ກອງກຽດຕິຍົດ ໄດ້ສວນສະໜາມຜ່ານແທ່ນກຽດຕິຍົດ.

ຫຼັງຈາກນັ້ນ, ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ແລະ ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ຜ່ານກອງດຸລິຍາງກອງທັບ, ໂບກມືໃຫ້ເດັກນ້ອຍຖືທຸງ, ດອກໄມ້.

ຈາກນັ້ນ, ສອງທ່ານເລຂາທິການໃຫຍ່, ປະທານປະເທດ ແລະ ພັນລະຍາຂອງສອງທ່ານ ໄດ້ຖ່າຍຮູບຮ່ວມກັນຢູ່ຕໍ່ໜ້າທຸງຊາດ, ທຸງພັກຂອງສອງປະເທດ.

ພາຍຫຼັງພິທີຕ້ອນຮັບ, ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ນຳໜ້າຄະນະຜູ້ແທນຂັ້ນສູງ ຈີນ ແລະ ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ນຳໜ້າຄະນະຜູ້ແທນຂັ້ນສູງ ຫວຽດນາມ ໄດ້ດຳເນີນກອງປະຊຸມເຈລະຈາ.

ກ່ອນໜ້ານັ້ນ, ທີ່ການພົບປະກັບທ່ານ ຮວ່າງຄຸນໝິງ, ກຳມະການກົມການເມືອງ, ເລຂາພັກແຂວງ ກວາງຕຸ້ງ ໃນວັນທີ 18 ສິງຫາ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ເນັ້ນໜັກເຖິງການຢ້ຽມຢາມຂັ້ນລັດຄັ້ງທຳອິດມາຍັງ ຈີນ ໃນຖານະຕຳແໜ່ງໃໝ່ ແມ່ນເພື່ອພ້ອມກັນກັບທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ແລະ ບັນດາສະຫາຍການນຳຫຼັກແຫຼ່ງຂອງ ຈີນ ແລກປ່ຽນກ່ຽວກັບບັນດາມາດຕະການເພື່ອສືບຕໍ່ກ້າວສູ່ລົງເລິກ ແລະ ຍົກສູງຍຸດທະສາດການພົວພັນຄູ່ຮ່ວມມືຮອບດ້ານ, ກໍ່ສ້າງປະຊາຄົມແບ່ງປັນອານາຄົດ ຫວຽດນາມ - ຈີນ ມີຄວາມໝາຍຍຸດທະສາດ, ຕອບສະໜອງຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ການຮ່ວມມື ແລະ ພັດທະນາໃນພາກພື້ນ ແລະ ໃນໂລກ. ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ໃຫ້ບຸລິມະສິດສູງສຸດໃນການພັດທະນາການພົວພັນກັບ ຈີນ.

ບາງຮູບພາບໃນພິທີຕ້ອນຮັບ:

ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ໄດ້ໂບກມືໃຫ້ເດັກນ້ອຍ. (ພາບ: TTXVN)

ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ບົນແທ່ນກຽດຕິຍົດ. (ພາບ: TTXVN)

ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ກວດແຖວກຽດຕິຍົດ. (ພາບ: TTXVN)

ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ໄດ້ຈັບມືກັບບັນດາສະມາຊິກທາງການຂອງຄະນະຜູ້ແທນ ຫວຽດນາມ ໃນພິທີຕ້ອນຮັບ. (ພາບ: TTXVN)

ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ພັນລະຍາ ໄດ້ຈັບມືກັບບັນດາສະມາຊິກທາງການຂອງຄະນະຜູ້ແທນ ຈີນ ໃນພິທີຕ້ອນຮັບ. (ພາບ: TTXVN)

ລາວ ປະກາດໄວ້ອາໄລລະດັບຊາດທ່ານເລຂາທິການໃຫຍ່ ຫງວຽນຝູຈ້ອງ

ຍສໝ - ຕອນບ່າຍວັນທີ 22 ກໍລະກົດ, ຫ້ອງວ່າການນາຍົກລັດຖະມົນຕີ ລາວ ໄດ້ອອກແຈ້ງການ ກ່ຽວກັບເລື່ອງ ໄວ້ອາໄລລະດັບຊາດ ໃນລະຫວ່າງວັນທີ 25 – 26 ກໍລະກົດ ເພື່ອອາໄລຫາທ່ານເລຂາທິການໃຫຍ່ຫວຽດນາມ ຫງວຽນຝູຈ້ອງ.