ຫວຽດນາມ - ການາດາ ມີຄວາມສາມາດບົ່ມຊ້ອນໃຫຍ່ໃນການພັດທະນາການພົວພັນທາງດ້ານການຄ້າ ແລະ ການລົງທຶນ

09:10 | 29/03/2021

ຍສໝ - ຫວຽດນາມ ແລະ ການາດາໄດ້ກໍ່ສ້າງພື້ນຖານອັນໝັ້ນແກ່ນໃຫ້ແກ່ການພົວພັນຄູ່ຮ່ວມມືເສດຖະກິດ, ໃນສະພາບການທັງສອງປະເທດລ້ວນແຕ່ແມ່ນສະມາຊິກຂອງ ສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP).

	ຈັດສົ່ງພົນລະເມືອງ ຫວຽດນາມຈາກການາດາ ກັບຄືນປະເທດ
	ລັດຖະບານ ການາດາ ໄດ້ມອບ ອຸປະກອນການແພດ ທີ່ມີມູນຄ່າ ກ່ວາ 830.000 ໂດລາການາດາໃຫ້ກະຊວງສາທາລະນະສຸກ ຫວຽດນາມ

ຫວຽດ ນາມ ກາ ນາ ດາ ມ ຄວາມ ສາ ມາດ ບ ມ ຊ ອນ ໃຫຍ ໃນ ການ ພ ດ ທະ ນາ ການ ພ ວ ພ ນ ທາງ ດ ານ ການ ຄ າ ແລະ ການ ລ ງ ທ ນ

ກອງປະຊຸມສຳທະນາທາງອອນລາຍ ກ່ຽວກັບການ “ພັດທະນາການພົວພັນຄູ່ຮ່ວມມືດຳເນີນທຸລະກິດ ຫວຽດນາມ - ການາດາ” (ພາບ: TTXVN)

ຫວ່າງແລ້ວນີ້, ມີຜູ້ແທນເກືອບ 200 ທ່ານໄດ້ເຂົ້າຮ່ວມກອງປະຊຸມສຳທະນາທາງອອນລາຍ ກ່ຽວກັບການ “ພັດທະນາການພົວພັນຄູ່ຮ່ວມມືດຳເນີນທຸລະກິດ ຫວຽດນາມ - ການາດາ” ໂດຍສະຖານທູດ ຫວຽດນາມປະຈຳ ການາດາ, ອຳນາດການປົກຄອງ ແລະ ສະພາດຳເນີນທຸລະກິດ ສະມາຄົມບັນດາປະເທດອາຊີຕາເວັນອອກສ່ຽງໃຕ້ (ອາຊຽນ) ປະຈຳການາດາຮ່ວມຈັດຕັ້ງ.

ພາກພື້ນອາຊີຕາວັນອອກສ່ຽງໃຕ້ ພວມສ້າງກາລະໂອກາດໃຫຍ່ຫຼວງ ໃຫ້ແກ່ບັນດາວິສາຫະກິດ ການາດາຢາກບືນຕົວຂຶ້ນອອກຈາກປະເທດ. ໃນຂະນະນັ້ນ, ຫວຽດນາມແມ່ນດວງດາວພວມພົ້ນເດັ່ນຂຶ້ນ ຢູ່ອາຊີຕາເວັນອອກ, ໂດຍເປັນປະທານປະສົມຜົນສຳເລັດໃນຖານະເປັນປະທານອາຊຽນ 2020 ແລະ ແມ່ນໜຶ່ງໃນບັນດາປະເທດມີອັດຕາເຕີບໂຕ GDP ແຖວໜ້າໂລກ.

ຄຽງຄູ່ກັນນັ້ນ, ຫວຽດນາມ ແລະ ການາດາໄດ້ກໍ່ສ້າງພື້ນຖານອັນໝັ້ນແກ່ນໃຫ້ແກ່ການພົວພັນຄູ່ຮ່ວມມືເສດຖະກິດ, ໃນສະພາບການທັງສອງປະເທດລ້ວນແຕ່ແມ່ນສະມາຊິກຂອງ ສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP).

ທ່ານ ຟ້າມກາວຟອງ ເອກອັກຄະລັດຖະທູດ ຫວຽດນາມ ປະຈຳ ການາດາ ໄດ້ໃຫ້ຂໍ້ສັງເກດວ່າ, ໂດຍບໍ່ຫົວຊາຕໍ່ບັນດາຄວາມຫຍຸ້ງຍາກ ຈາກໂລກລະບາດໂຄວິດ - 19, ການພົວພັນລະຫວ່າງ ຫວຽດນາມ - ການາດາໃນຊຸມປີຜ່ານມາ ຍັງສືບຕໍ່ພັດທະນາ ແມ່ນພະຍານຫຼັກຖານໃຫ້ແກ່ການພົວພັນຄູ່ຮ່ວມມືຍຸດທະສາດຢ່າງໝັ້ນຄົງລະຫວ່າງ ສອງປະເທດ.

ຫວຽດນາມ ແລະ ການາດາພິຈາລະນາການຮ່ວມມືໃນບັນດາຂົງເຂດທີ່ຕ່າງຝ່າຍຕ່າງມີຄວາມສົນໃຈໃນຂອບເຂດສອງຝ່າຍ ແລະ ຫຼາຍຝ່າຍ, ບົນເນື້ອໃນຈິດໃຈກໍ່ສ້າງ ແລະ ເຄົາລົບເຊິ່ງກັນແລະກັນ, ຖືການຄ້າ ແລະ ການລົງທຶນສອງສົ້ນແມ່ນກຳລັງໜູນສຳຄັນ ໃນການພົວພັນລະຫວ່າງສອງປະເທດ.

ເຖິງວ່າຫວຽດນາມ ແລະ ການາດາມີຫ່າງຈາກກັນ ແຕ່ທັງສອງປະເທດລ້ວນແຕ່ມານະພະຍາຍາມຊຸກຍູ້ການພົວພັນສອງຝ່າຍ ດ້ວຍການທູດຂັ້ນສູງ, ການພົວພັນຂັ້ນປະຊາຊົນ ແລະ ການຮ່ວມມືຮອບດ້ານໃນບັນດາເວທີປາໄສສາກົນ, ສ້າງເງື່ອນໄຂໃຫ້ແກ່ການພົວພັນ ເສດຖະກິດ ການຄ້າ ໃຫ້ນັບມື້ນັບພັດທະນາ.

ທ່ານ John F.G Hannaford ຮອງລັດຖະມົນຕີຜູ້ຮັບຜິດຊອບທາງການຄ້າສາກົນ ການາດາໄດ້ສະແດງຄວາມເຄົາລົບເມື່ອຫວຍດນາມຮັບມືກັບກັບໂລກລະບາດໂຄວິດ - 19 ຢ່າງມີປະສິດທິຜົນ ແລະ ຢັ້ງຢືນໄດ້ບົດບາດສຳຄັນທີ່ສຸດໃນການຮ່ວມມືສາກົນ ໃນໂລກລະບາດ.

ຕາມທ່ານ John F.G Hannaford ແລ້ວ, ເລື່ອງຫວຽດນາມຮັກສາໄດ້ຕ່ອງໂສ້ສະໜອງເປີດຕໍ່ສິນຄ້າ ແລະ ການບໍລິການທີ່ຈຳເປັນ ໄດ້ໜູນຊ່ວຍກະແສການຄ້າ ບໍ່ຖືກຕັດຂາດລະຫວ່າງ ອາຊີຕາເວັນອອກສ່ຽງໃຕ້ ກັບການາດາ.

ການາດາໃຫ້ຄຳໝັ້ນສັນຍາຈະເພີ່ມທະວີການພົວພັນດ້ານການຄ້າ ກັບ ຫວຽດນາມ ບົນພື້ນຖານອັນໝັ້ນແກ່ນ ເຊິ່ງໄດ້ທັງສອງຝ່າຍສ້າງຕັ້ງຂຶ້ນ. ບັນດາສະຖິຕິຫຼ້າສຸດສະແດງໃຫ້ເຫັນວ່າ ຕະຫຼາດຫວຽດນາມ ພວມນັບມື້ນນັບດຶງດູດຄວາມສົນໃຈຂອງບັນດານັກຜະລິດ ແລະ ນັກລົງທຶນ ການາດາ.

ຈັດສົ່ງພົນລະເມືອງ ຫວຽດນາມຈາກການາດາ ກັບຄືນປະເທດ

ຍສໝ - ພາຍຫຼັງເຮືອບິນລົງຈອດຢູ່ສະໜາມບິນສາກົນ ເວິນໂດນ, ຜູ້ໂດຍສານທຸກຄົນໄດ້ຮັບການກວດສຸຂະພາບ ແລະ ແຍກຕົວຕາມຂໍ້ກຳນົດ.

ລັດຖະບານ ການາດາ ໄດ້ມອບ ອຸປະກອນການແພດ ທີ່ມີມູນຄ່າ ກ່ວາ 830.000 ໂດລາການາດາໃຫ້ກະຊວງສາທາລະນະສຸກ ຫວຽດນາມ

ຍສໝ - ທ່ານນາງເອກອັກຄະລັດຖະທູດ ການາດາ ໄດ້ຕີລາຄາສູງບັນດາຄວາມມານະພະຍາຍາມໃນການປ້ອງກັນ, ສະກັດກັ້ນໂລກລະບາດ ໂຄວິດ - 19 ຂອງ ຫວຽດນາມທ່ານນາງເອກອັກຄະລັດຖະທູດ ໄດ້ຕີລາຄາສູງບັນດາຄວາມມານະພະຍາຍາມໃນການປ້ອງກັນ, ສະກັດກັ້ນໂລກລະບາດ ໂຄວິດ - 19 ຂອງ ຫວຽດນາມ.