| ປະທານສະພາແຫ່ງຊາດຫວຽດນາມ: ສະເໜີຈັດກອງປະຊຸມ AIPA 41 ທາງອອນລາຍ ຢູ່ ຮ່າໂນ້ຍ | |
| ທ່ານນາງ ເຈືອງທິມາຍ ຕ້ອນຮັບຄະນະສູນກາງແນວລາວສ້າງຊາດ |
 |
| ທ່ານນາງ ຫງວຽນທິກີມເງິນ ປະທານສະພາແຫ່ງຊາດຫວຽດນາມ ແລະ ທ່ານ ທອງລຸນ ສີສຸລິດ ນາຍົກລັດຖະມົນຕີລາວ. ພາບ:TTXVN |
ທີ່ການຕ້ອນຮັບ, ທ່ານນາງ ຫງວຽນທິກີມເງິນ ປະທານສະພາແຫ່ງຊາດ ສສ.ຫວຽດນາມ ໄດ້ຕີລາຄາສູງການພົວພັນຮ່ວມມືລະຫວ່າງ ສະພາແຫ່ງຊາດສອງປະເທດ ຫວຽດນາມ ແລະ ລາວ ນັບມື້ນັບມີຄວາມແຫນ້ນແຟ້ນ, ສອງຝ່າຍໄດ້ສົມທົບກັນເປັນຢ່າງດີໃນບັນດາການເຄື່ອນໄຫວຂອງສະພາແຫ່ງຊາດແຕ່ລະປະເທດ ພິເສດ ຢູ່ບັນດາເວທີປາໄສລັດຖະສະພາພາກພື້ນ, ສາກົນ. ພ້ອມທັງ ກໍ່ໄດ້ຢືນຢັນວ່າສະພາແຫ່ງຊາດຫວຽດນາມ ຈະສົມທົບຢ່າງແຫນ້ນແຟ້ນກັບສະພາແຫ່ງຊາດ ລາວ ເພື່ອສືບຕໍ່ສ້າງເງື່ອນໄຂສະດວກເພື່ອໃຫ້ລັດຖະບານສອງປະເທດ ຜັນຂະຫຍາຍບັນດາຂໍ້ຕົກລົງຂັ້ນສູງຢ່າງມີປະສິດທິຜົນ, ເພີ່ມທະວີການສົມທົບຕິດຕາມການປະຕິບັດບັນດາຂໍ້ຕົກລົງຮ່ວມມືລະຫວ່າງສອງລັດຖະບານເພື່ອໃຫ້ສຳເລັດຕາມການກຳນົດເວລາ.
ກໍ່ໃນວັນດຽວກັນ, ທ່ານ ຫງວຽນຟູຈ້ອງ ເລຂາທິການໃຫຍ່, ປະທານປະເທດຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງ ລັດຖະບານ ລາວ ໂດຍທ່ານ ທອງລຸນ ສີສຸລິດ ນາຍົກລັດຖະມົນຕີ ນຳຫນ້າ ພວມຢ້ຽມຢາມຫວຽດນາມ ແລະ ເຂົ້າຮ່ວມກອງປະຊຸມຄັ້ງທີ 43 ຄະນະກຳມະການລະຫວ່າງລັດຖະບານ ລາວ - ຫວຽດນາມ.
ທີ່ການຕ້ອນຮັບ, ທ່ານ ທອງລຸນ ສີສຸລິດ ນາຍົກລັດຖະມົນຕີ ລາວ ໄດ້ສະແດງຄວາມຂອບໃຈຢ່າງສຸດຊຶ້ງຕໍ່ການສະຫນັບສະຫນູນ ແລະ ການຊ່ວຍເຫລືອອັນໃຫຍ່ຫລວງ, ທັນການ ແລະ ມີປະສິດທິຜົນ ຊື່ງຫວຽດນາມ ໄດ້ສະຫງວນໃຫ້ພັກ, ລັດ ແລະ ປະຊາຊົນລາວ ນັບແຕ່ກ່ອນມາຮອດປະຈຸບັນ ນັບທັງເມື່ອຫວຽດນາມ ປະສົບກັບຄວາມຫຍຸ້ງຍາກ. ພ້ອມທັງຢືນຢັນວ່າລັດຖະບານ ລາວ ຈະສືບຕໍ່ສົມທົບຢ່າງແຫນ້ນແຟ້ນກັບລັດຖະບານຫວຽດນາມ ຊີ້ນຳບັນດາກະຊວງ, ຂະແຫນງການ, ທ້ອງຖິ່ນ ຜັນຂະຫຍາຍ, ປະຕິບັດບັນດາຂໍ້ຕົກລົງລະຫວ່າງການນຳຂັ້ນສູງສອງພັກ, ສອງລັດ ແລະ ບັນດາເນື້ອໃນຂໍ້ຕົກລົງທີ່ກອງປະຊຸມຄັ້ງທີ 43 ຄະນະກຳມະການລະຫວ່າງລັດຖະບານ ລາວ - ຫວຽດນາມ ໃຫ້ມີປະສິດທິຜົນ.
 |
| ທ່ານ ຫງວຽນຟູຈ້ອງ ເລຂາທິການໃຫຍ່, ປະທານປະເທດຫວຽດນາມ ໄດ້ໃຫ້ການຕ້ອນຮັບ ທ່ານ ທອງລຸນ ສີສຸລິດ ນາຍົກລັດຖະມົນຕີ ລາວ.ພາບ:vietnam+ |
ໂດຍໄດ້ຮັບຄຳເຊື້ອເຊີນຂອງ ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ , ທ່ານ ທອງລຸນ ສີສຸລິດ ນາຍົກລັດຖະມົນຕີ ລາວ ໄດ້ນຳໜ້າຄະນະຜູ້ແທນຂັ້ນສູງລັດຖະບານລາວ ມາຢ້ຽມຢາມ ຫວຽດນາມ ແລະ ເປັນປະທານຮ່ວມກອງປະຊຸມຄັ້ງທີ 43 ຄະນະກຳມະການລະຫວ່າງລັດຖະບານ ຫວຽດນາມ - ລາວ ດຳເນີນແຕ່ວັນທີ 4 – 6 ທັນວາ 2020.
ພາຍໃຕ້ການເປັນສັກຂິພິຍານ ຂອງທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ , ທ່ານ ທອງລຸນ ສີສຸລິດ ນາຍົກລັດຖະມົນຕີ ລາວ, ບັນດາກະຊວງຂອງ ສອງ ປະເທດໄດ້ເຊັນ ແລະ ມອບຂໍ້ຕົກລົງ, ສັນຍາ ແລະ ບົດບັນທຶກຊ່ວຍຈຳ 17 ສະບັບ, ໃນນັ້ນ ມີຂໍ້ຕົກລົງກ່ຽວກັບແຜນການຮ່ວມມື ຫວຽດນາມ - ລາວ ໃນປີ 2021; ຈົດໝາຍທາງການກ່ຽວກັບການປະຕິບັດສັນຍາວ່າດ້ວຍການຮ່ວມມືລົງທຶນພັດທະນາທ່າກ່ຳປັ່ນເລກທີ 1, 2, 3 ຂອງທ່າກ່ຳປັ່ນ ຫວູງອາງ; ບົດບັນທຶກຊ່ວຍຈຳການຮ່ວມມືວ່າດ້ວຍການຄົ້ນຄວ້າພັດທະນາທາງລົດໄຟລະຫວ່າງຫວຽດນາມ ແລະ ລາວ. ນອກນັ້ນ ຍັງມີບາງຂໍ້ຕົກລົງໃນຂົງເຂດການສຶກສາ, ພະລັງງານລະຫວ່າງ ສອງປະເທດອີກດ້ວຍ.
 | ນາຍົກລັດຖະມົນຕີສອງປະເທດ ຫວຽດນາມ - ລາວເປັນປະທານກອງປະຊຸມຄະນະກຳມະການລະຫວ່າງລັດຖະບານ ຍສໝ - ຕອນເຊົ້າວັນທີ 6 ທັນວາ ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ແລະ ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ເປັນປະທານຮ່ວມກອງປະຊຸມຄັ້ງທີ 43 ຄະນະກຳມະການລະຫວ່າງ ລັດຖະບານ ຫວຽດນາມ - ລາວ. |
 | ຊຸກຍູ້ການຮ່ວມມືຫວຽດນາມ - ນອກແວ ຍສໝ - ທ່ານນາງ Ine Marie Eriksen Soreide ລັດຖະມົນຕີຕ່າງປະເທດ ນອກແວ ໄດ້ສະແດງຄວາມເຫັນອົກເຫັນໃຈແລະແບ່ງປັນຢ່າງເລິກເຊິ່ງກ່ຽວກັບການສູນເສຍທີ່ເກີດຂຶ້ນຢູ່ຫວຽດນາມເນື່ອງຈາກໄພພິບັດທາງທຳມະຊາດ ແລະ ນໍ້າຖ້ວມຢູ່ບັນດາແຂວງພາກກາງ, ທ່ານນາງກໍ່ເຊິ່ງຢືນຢັນວ່າປະເທດນອກແວກຽມພ້ອມແລ້ວທີ່ຈະສະໜັບສະໜູນຄວາມມານະພະຍາຍາມຂອງປະຊາຄົມສາກົນໃນການໜູນຊ່ວຍຫວຽດນາມຜ່ານຜ່າຄວາມຫຍຸ້ງຍາກ. |
 | ຮອງເລຂາທິການໃຫຍ່ ສປຊ ມີຄວາມປາດຖະໜາກຢາກເພີ່ມທະວີການຮ່ວມມືກັບ ຫວຽດນາມ ຍສໝ - ທ່ານ ຟານຈີ໊ແທັງ ເອກອັກຄະລັດຖະທູດ ຫວຽດນາມ ປະຈຳ UNESCAP ຢັ້ງຢືນ ວ່າ ຫວຽດນາມໃຫ້ຄຳໝັ້ນສັນຍາ ແລະ ມານະພະຍາຍາມປະຕິບັດໂຄງການດຳເນີນງານ 2030 ເພື່ອເປົ້າໝາຍພັດທະນາແບບຍືນຍົງ, ຕີລາຄາສູງຕໍ່ການພົວພັນຮ່ວມມືອັນດີງາມ ແລະ ມີປະສິດທິຜົນລະຫວ່າງ ຫວຽດນາມ ແລະ ESCAP. |
ໄຊພອນ
