ປະທານສະພາແຫ່ງຊາດຫວຽດນາມ: ສະເໜີຈັດກອງປະຊຸມ AIPA 41 ທາງອອນລາຍ ຢູ່ ຮ່າໂນ້ຍ

12:41 | 06/08/2020

ຍສໝ - ຕອນເຊົ້າວັນທີ 05 ສິງຫາ, ຢູ່ ຮ່າໂນ້ຍ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ, ປະທານ ກອງປະຊຸມສະມັດຊາໃຫຍ່ລະຫວ່າງລັດຖະສະພາອາຊຽນ ຄັ້ງທີ 41 (AIPA 41), ຫົວໜ້າຄະນະຊີ້ນຳແຫ່ງຊາດເປັນປະທານກອງປະຊຸມຄັ້ງທີ 2 ຄະນະຊີ້ນຳແຫ່ງຊາດ, ຄະນະຈັດຕັ້ງ AIPA 41.

	ນາຍົກລັດຖະມົນຕີ ຫວຽດນາມ ຮຽກຮ້ອງ ໃຫ້ຂະແໜງສາທາລະນະສຸກພ້ອມກັບທົ່ວພັກ, ທົ່ວປວງຊົນຍາດໄດ້ໄຊຊະນະຕໍ່ໂລກລະບາດ
	ສະຫະພັນບັນດາອົງການມິດຕະພາບຫວຽດນາມ ໄດ້ມອບຊຸດທົດລອງ COVID-19 ຈຳນວນ 500 ຊຸດ ໃຫ້ CDC ດ່ານັງ

ປະທານສະພາແຫ ງຊາດຫວຽດນາມ ສະເໜ ຈ ດກອງປະຊ ມ aipa 41 ທາງອອນລາຍ ຢ ຮ າໂນ ຍ

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ.(ພາບ:qdnd.vn)

ເຂົ້າຮ່ວມກອງປະຊຸມມີ ທ່ານ ນາງ ຕ່ອງຖີ້ຟອງ, ກຳມະການກົມການເມືອງ, ຮອງປະທານຜູ້ປະຈໍາການສະພາແຫ່ງຊາດ, ຫົວໜ້າຄະນະຈັດຕັ້ງ AIPA 41 ພ້ອມກັບ ບັນດາສະມາຊິກຄະນະຊີ້ນຳ, ຄະນະຈັດຕັ້ງ AIPA ແລະ ຜູ້ຕາງໜ້າບັນດາອົງການທີ່ກ່ຽວຂ້ອງ.

ທີ່ກອງປະຊຸມນີ້, ບັນດາສະມາຊິກຂອງຄະນະຊີ້ນຳໄດ້ປຶກສາຫາລືກ່ຽວກັບວຽກງານກະກຽມໃຫ້ແກ່ການໄຂກອງປະຊຸມ AIPA 41 ແລະ ບັນດາການເຄື່ອນໄຫວຕົ້ນຕໍຄື: ວາລະໄຂກອງປະຊຸມ, ວາລະປະຊຸມຄົບຄະນະຄັ້ງທີ 1, ກອງປະຊຸມຄະນະກຳມາທິການເສດຖະກິດ, ຄະນະກຳມາທິການສັງຄົມ, ກອງປະຊຸມສະມາຊິກລັດຖະສະພາຍິງໜຸ່ມ, ວາລະອັດກອງປະຊຸມ ແລະ ພິທີມອບຮັບຕຳແໜ່ງປະທານ AIPA.

ທີ່ກອງປະຊຸມ, ບັນດາສະມາຊິກຂອງຄະນະຊີ້ນຳລະດັບຊາດ ແລະ ຄະນະຈັດຕັ້ງ AIPA 41 ໄດ້ຮັບຟັງຜູ້ຕາງໜ້າບັນດາອົງການທີ່ມີໜ້າທີ່ລາຍງານ, ຕີລາຄາສະພາບການໃນພາກພື້ນ ແລະ ບຸລິມະສິດຂອງບັນດາປະເທດອາຊຽນໃນສະພາບການລະບາດຂອງພະຍາດ Covid-19 ຍັງມີຄວາມສັບສົນຫຼາຍ ແລະ ບັນດາບັນຫາທີ່ໄດ້ຍົກຂຶ້ນໃນວາລະຂອງກອງປະຊຸມ AIPA 41; ປຶກສາຫາລືແລະ ທົບທວນຄືນບັນດາທາງເລືອກດ້ານເຕັກນິກ ແລະ ພື້ນຖານໂຄງລ່າງໃນການຈັດຕັ້ງ ຢູ່ ຮ່າໂນ້ຍ; ການຄັດເລືອກຜູ້ຮັບເໝົາ ເພື່ອສະໜອງຊອບແວເຕັກນິກເພື່ອຮັບປະກັນຄຸນນະພາບຂອງສາຍເຊື່ອມຕໍ່ກັບບັນດາລັດຖະສະພາ.

ກ່ຽວກັບຂໍ້ມູນຂ່າວສານການໂຄສະນາ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຮຽກຮ້ອງໃຫ້ມີຂໍ້ມູນຂ່າວສານທັງພາຍໃນ ແລະ ພົວພັນການຕ່າງປະເທດ, ກ່ອນ, ໃນໄລຍະ ແລະ ຫຼັງກອງປະຊຸມສະມັດຊາໃຫຍ່ AIPA. ບັນດາອົງການຂອງສະພາແຫ່ງຊາດຄວນກະກຽມຢ່າງເປັນເຈົ້າການບັນດາເນື້ອໃນທີ່ໄດ້ຮັບມອບໝາຍ ເພື່ອສະໜອງ ຂໍ້ມູນຂ່າວສານຢ່າງເປັນທາງການໃນການໂຄສະນາເຜີຍແຜ່. ຄວນເອົາໃຈໃສ່ເຖິງການໂຄສະນາເຜີຍແຜ່ບັນດາຂໍ້ລິເລີ່ມຂອງຫວຽດນາມທີ່ກອງປະຊຸມສະມັດຊາໃຫຍ່ AIPA 41, ບັນດາການປະກອບສ່ວນ ແລະ ບົດບາດຂອງສະພາແຫ່ງຊາດຫວຽດນາມໃນຖານະເປັນປະທານ AIPA.

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ເນັ້ນໜັກວ່າ, ດ້ວຍຄວາມຕັດສິນໃຈປະຕິບັດໜ້າທີ່ຄວາມຮັບຜິດຊອບໃນການເປັນປະທານ AIPA 41, ສະພາແຫ່ງຊາດຫວຽດນາມ ໄດ້ດັດປັບ ແລະ ສະເໜີຈັດກອງປະຊຸມ AIPA 41 ທາງອອນລາຍໃນລະຫວ່າງວັນທີ 08 – 10 ກັນຍາ 2020, ຢູ່ຮ່າໂນ້ຍ.

ຈໍານວນຜູ້ຕິດເຊື້ອໂຄວິດ - 19 ທັງໝົດໃນທົ່ວໂລກແມ່ນ 18.690.450 ຄົນ, ໃນນັ້ນ ມີຜູ້ເສຍຊີວິດ 703.333 ຄົນ

ຍສໝ - ມາຮອດປັດຈຸບັນ, ໂລກລະບາດໂຄວິດ - 19 ໄດ້ແຜ່ລາມອອກສູ່ 213 ປະເທດ ແລະ ເຂດແຄວ້ນໃນໂລກ.

ກອງປະຊຸມສຳມະນາ 50 ປີແຫ່ງວັນສ້າງຕັ້ງຄະນະກຳມະການກູບາດ້ວຍຄວາມສາມັກຄີກັບຫວຽດນາມ, ລາວ ແລະ ກຳປູເຈຍ

ຍສໝ - , ການພົວພັນລະຫວ່າງ ປະຊາຊົນກູບາ ກັບ ປະຊາຊົນຫວຽດນາມ, ລາວ ແລະ ກຳປູເຈຍ ເພື່ອເປົ້າໝາຍຂອງການປະຕິວັດອັນສະຫງ່າລາສີ, ຕໍ່ສູ້ຕ້ານກັບຈັກກະພັດ, ເພື່ອຄວາມສະຫງົບສຸກ, ເອກະລາດແຫ່ງຊາດ, ຜືນແຜ່ນດິນອັນຄົບຖ້ວນ ແລະຄວາມຈະເລີນຮຸ່ງເຮືອງຂອງແຕ່ລະປະເທດ.

ລັດ Sachsen (ເຢຍລະມັນ) ຂອບໃຈສະມາຄົມມິດຕະພາບຫວຽດນາມ - ເຢຍລະມັນ ທີ່ໄດ້ໃຫ້ການຊ່ວຍເຫຼືອໃນການຄວບຄຸມ COVID-19

ຍສໝ - ເມື່ອບໍ່ດົນມານີ້, ທ່ານເຈົ້າຄອງລັດ Sachsen ປະເທດເຢຍລະມັນ ໄດ້ຝາກຄຳຂອບໃຈ ແລະ ຂໍໃຫ້ປະຊາຊົນຫວຽດນາມມີພະລັງແຮງຫຼາຍ, ໄດ້ພ້ອມກັນຜ່ານຜ່າຜົນຮ້າຍຈາກວິກິດການ ຍ້ອນການລະບາດຂອງພະຍາດ COVID-19.

ໄຊພອນ