| ການພົບປະເຈລະຈາແລກປ່ຽນບົດຮຽນທາງໄກ ລະຫວ່າງ ພັກ ສປປ ລາວ ແລະ ພັກກອມມູນິດຈີນ | |
| ພັດທະນາການພົວພັນທາງການທູດ ລະຫວ່າງ ຫວຽດນາມ ແລະ ບຸນກາຣີ ຢ່າງບໍ່ຢຸດຢັ້ງ |
 |
| ບັນຍາກາດທີ່ກອງປະຊຸມ. ພາບ:VOV |
ເຂົ້າຮ່ວມກອງປະຊຸມ, ຄະນະຜູ້ແທນຊາຍແດນ ຝ່າຍລາວນໍາໂດຍ ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງ ປະເທດ, ຫົວໜ້າຄະນະຜູ້ແທນຊາຍແດນ ລາວ-ຫວຽດນາມ, ຝ່າຍຫວຽດນາມ ນຳໂດຍ ທ່ານ ເລຮວ່າຍຈຸງ ຮອງລັດຖະມົນຕີກະຊວງການຕ່າງປະເທດ, ຫົວໜ້າຄະນະຜູ້ແທນຊາຍແດນຫວຽດນາມ-ລາວ ແລະ ມີບັນດາຮອງເຈົ້າແຂວງແລະ ຜູ້ຕາງໜ້າຈາກຂະແໜງການທີ່ກ່ຽວຂ້ອງອ້ອມຂ້າງສູນກາງ ແລະ ທ້ອງຖິ່ນ ຂອງສອງປະເທດເຂົ້າຮ່ວມ.
ທີ່ກອງປະຊຸມ, ສອງຝ່າຍໄດ້ເຫັນດີ ເປັນເອກະພາບ ເພີ່ມທະວີຄວາມເອົາໃຈໃສ ໃນການສຶກສາ ອົບຮົມໂຄສະນາ, ເຜີຍແຜ່ບັນດາສັນຍາ, ລະບຽບການຕ່າງໆ ລວມທັງການຕ້ານ ແລະ ສະກັດກັ້ນການແຜ່ລະບາດຂອງພະຍາດ ໂຄວິດ-19 ຕາມບໍລິເວນ ຊາຍແດນ ແລະ ເພື່ອໃຫ້ເຈົ້າໜ້າທີ່ ແລະ ປະຊາຊົນຮັບຮູ້ເຂົ້າໃຈເຖິງວຽກງານຊາຍແດນ ແລະ ຄວາມເປັນຫ່ວງເປັນໃຍຂອງພັກ ແລະ ລັດຖະບານຕໍ່ບັນຫາ ແລະ ວຽກງານຊາຍແດນ ຂອງສອງປະເທດ ອັນເປັນການປະກອບສ່ວນ ເຂົ້າໃນການຮັດແໜ້ນ ແລະ ເສີມຂະຫຍາຍສາຍພົວພັນ ມິດຕະພາບອັນຍິ່ງໃຫ່ຍ ທີ່ເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບ ດ້ານລາວ-ຫວຽດນາມ ແນໃສ່ເພື່ອສ້າງຊາຍແດນ ຂອງສອງປະເທດ ໃຫ້ກາຍເປັນຊາຍແດນແຫ່ງສັນຕິ ພາບ, ມິດຕະພາບ ແລະ ການຮ່ວມມືພັດທະນາ ແບບຍືນຍົງຕະຫລອດການ. ສອງຝ່າຍຍັງໄດ້ພິຈາລະນາເຖິງວຽກງານ ປົກປັກຮັກສາຄຸ້ມ ຄອງຊາຍແດນ ແລະ ຫລັກໝາຍຊາຍແດນ ແລະ ແຜນການຮ່ວມມືກັນຫລັງ ການແຜ່ລະບາດຂອງ ພະຍາດໂຄວິດ-19 ແລະ ທິດທາງໃນປີ 2021 ຕື່ມອີກ.
 |
| ສອງຝ່າຍໄດ້ລົງນາມເຂົ້າໃນບົດບັນທຶກຮັບຮູ້ໝາກຜົນ ຂອງກອງປະຊຸມ ແລະ ເຫັນດີເປັນເອກະພາບຈະຈັດຕັ້ງກອງປະຊຸມສາມັນປະຈຳປີຄັ້ງທີ 31 ລະຫວ່າງຄະນະຜູ້ແທນຊາຍແດນສອງປະເທດ ຫວຽດນາມ - ລາວໃນໄຕມາດທີ 4 ປີ 2021 ຢູ່ ຫວຽດນາມ.ພາບ:VOV |
ສອງຝ່າຍໄດ້ເຫັນດີເປັນເອກະພາບຈະສະເໜີໃຫ້ລັດຖະບານສອງປະເທດອະນຸມັດຜ່ານການເຊື່ອມຕໍ່ການນຳສົ່ງສິນຄ້າຜ່ານດ່ານຊາຍແດນ ກໍ່ຄືບັນດາການເຄື່ອນໄຫວພົວພັນການຄ້າຂອງປະຊາຄົມວິສາຫະກິດລະຫວ່າງ ສອງປະເທດ. ສອງຝ່າຍໄດ້ເຫັນດີເປັນເອກະພາບທິດທາງການຮ່ວມມືໃນໄລຍະຈະມາເຖິງ, ສືບຕໍ່ເພີ່ມທະວີການສົມທົບກັນຢ່າງມີປະສິດທິຜົນ ເອກະສານນິຕິກຳວ່າດ້ວຍຊາຍແດນ 2 ສະບັບເຊິ່ງໄດ້ລົງນາມໃນວັນທີ 16 ມີນາ 2016 ພ້ອມກັບບັນດາສົນທິສັນຍາ ແລະ ຂໍ້ຕົກລົງທີ່ກ່ຽວຂ້ອງ, ສືບຕໍ່ຊອກຫາ, ສ້າງບັນດາຮູບແບບ, ມາດຕະການຮ່ວມມືເພື່ອແນໃສ່ຊຸກຍູ້ການພັດທະນາເສດຖະກິດ - ສັງຄົມ ຕິດພັນກັບການຮັບປະກັນການປ້ອງກັນຊາດ, ປ້ອງກັນຄວາມສະຫງົບເຂດຊາຍແດນລະຫວ່າງ ສອງປະເທດ.
ສິ້ນສຸດກອງປະຊຸມ, ສອງຝ່າຍໄດ້ລົງນາມເຂົ້າໃນບົດບັນທຶກຮັບຮູ້ໝາກຜົນ ຂອງກອງປະຊຸມ ແລະ ເຫັນດີເປັນເອກະພາບຈະຈັດຕັ້ງກອງປະຊຸມສາມັນປະຈຳປີຄັ້ງທີ 31 ລະຫວ່າງຄະນະຜູ້ແທນຊາຍແດນສອງປະເທດ ຫວຽດນາມ - ລາວໃນໄຕມາດທີ 4 ປີ 2021 ຢູ່ ຫວຽດນາມ.
 | ດ້ຽນບຽນ - ຫຼວງພະບາງ: ຕີລາຄາຜົນການປະຕິບັດວຽກງານສົມທົບກັນໃນການຄຸ້ມຄອງ, ປົກປັກຮັກສາຊາຍແດນ, ດ່ານຊາຍແດນ ຍສໝ - ສອງຝ່າຍຈະເພີ່ມທະວີການໂຄສະນາເຖິງປະຊາຊົນເພື່ອປະຕິບັດສັນຍາວ່າດ້ວຍລະບຽບການຄຸ້ມຄອງຊາຍແດນ ແລະດ່ານຊາຍແດນ; ບັນດາເອກະສານຂໍ້ຕົກລົງ ເຊິ່ງ ສອງຝ່າຍໄດ້ລົງນາມຢ່າງເຂັ້ມງວດ, ກໍ່ສ້າງ ຊາຍແດນແຫ່ງສັນຕິພາບ, ມິດຕະພາບ, ຮ່ວມມື ແລະພ້ອມກັນພັດທະນາ. |
 | ກອງປະຊຸມທາງອອນລາຍລັດຖະມົນຕີກະຊວງການຕ່າງປະເທດ ປະຈຳປີ ລະຫວ່າງ ຫວຽດນາມ ແລະ ອົດສະຕາລີ ຄັ້ງທີ 2 ຍສໝ - ລັດຖະມົນຕີສອງທ່ານໄດ້ເຫັນດີເປັນເອກະພາບເພີ່ມທະວີການຮ່ວມມື, ສະໜັບສະໜູນເຊິ່ງກັນແລະກັນຢູ່ບັນດາກົນໄກ, ເວທີປາໄສພາກພື້ນ ແລະ ສາກົນເປັນຕົ້ນແມ່ນ ສປຊ, ອາຊຽນ/ EAS, ອະນຸພາກພື້ນແມ່ນ້ຳຂອງ… |
 | ການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ ແລະຊາຍແດນ ລະຫວ່າງ ຫວຽດນາມ ແລະ ລາວ ປະກອບສ່ວນສຳຄັນເຂົ້າໃນການຮັກສາຄວາມສະຫງົບທາງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ສ້າງອຳນວຍຄວາມສະດວກໃຫ້ແກ່ການພັດທະນາເສດຖະກິດ - ສັງຄົມ, ຮັບປະກັນການປ້ອງກັນຊາດ - ປ້ອງກັນຄວາມສະຫງົບຢູ່ເຂດຊາຍແດນ, ປະກອບສ່ວນເຂົ້າໃນການປັບປຸງ, ເພີ່ມທະວີການພົວພັນທີ່ຍິ່ງໃຫຍ່, ຄວາມສາມັກຄີພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ ແລະປະຊາຊົນຂອງສອງປະເທດຫວຽດນາມ - ລາວ. |
ໄຊພອນ
