| ໂຄງການກໍ່ສ້າງສະຖານີວິທະຍຸ ແລະໂທລະພາບໄຊສົມບູນ - ໄດ້ຮັບທຶນຊ່ວຍເຫລືອຈາກລັດຖະບານ ສສ ຫວຽດນາມ ສ້າງສຳເລັດແລ້ວ 80% | |
| 80 ມື້ແລ້ວທີ່ ຫວຽດນາມບໍ່ມີຜູ້ຕິດເຊື້ອໃນຊຸມຊົນ |
 |
| ໂຄງການເຂື່ອນໄຟຟ້ານໍ້າກົງ 1 ຄືບໜ້າ 80% ຄາດ ຈະສຳເລັດ 100% ໃນທ້າຍເດືອນກໍລະກົດ 2021 |
ທ່ານ ສຸກລັດດາ ກວນຊານົນ ຜູ້ປະສານງານໂຄງການ ກໍ່ສ້າງເຂື່ອນໄຟຟ້ານໍ້າກົງ 1 ລາຍງານໃຫ້ຮູ້ ເນື່ອງໃນໂອກາດ ທ່ານ ສີນາວາ ສຸພານຸວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ລົງເຄື່ອນໄຫວຢ້ຽມຢາມ ເຂື່ອນດັ່ງກ່າວ, ໃນວັນທີ 26 ພະຈິກ 2020 ນີ້ວ່າ: ໂຄງການກໍ່ສ້າງເຂື່ອນໄຟຟ້ານໍ້າກົງ 1 ຕັ້ງຢູ່ສາຍນໍ້າກົງ ແລະ ນອນຢູ່ໃນເຂດເມືອງພູວົງ ແຂວງອັດຕະປື, ເຊິ່ງສາຍນໍ້າກົງ ແມ່ນສາຂາໜຶ່ງ ຂອງແມ່ນໍ້າເຊກອງ ແລະ ມີແຜນພັດທະນາ ເຂື່ອນໄຟຟ້າແບບຂັ້ນໄດ (Cascade) ຈຳນວນ 4 ໂຄງການ ຄື: ໂຄງການເຂື່ອນໄຟຟ້ານໍ້າກົງ 0, ນໍ້າກົງ 1, ນໍ້າກົງ 2 ແລະ ນໍ້າກົງ 3. ສະເພາະເຂື່ອນນໍ້າກົງ 1 ເປັນປະເພດເຂື່ອນຫີນຖົມ, ດ້ານໜ້າປູດ້ວຍເບຕົງ (CFRD), ລວງສູງຂອງໂຕ ເຂື່ອນ 90m, ເຮືອນຈັກໄຟຟ້າ ເປັນປະເພດຕັ້ງຢູ່ໃຕ້ດິນ, ມີກຳລັງຕິດຕັ້ງ 160 MW (2x80 MW), ສາມາດຜະລິດໄຟຟ້າ ໄດ້ທັງໝົດປະມານ 633 ກິກກະວັດໂມງຕໍ່ປີ, ໂດຍແມ່ນບໍລິສັດ China International Water & Electric Corp (CWE) ຖືຮຸ້ນ 65%, ລັດວິສາຫະກິດໄຟຟ້າລາວ ຖືຮຸ້ນ 20% ແລະ ບໍລິສັດທີ່ປຶກສາ ດ້ານການລົງທຶນ-ກໍ່ສ້າງ ເຂື່ອນໄຟຟ້າ ຈຳກັດ (ICH) ຖືຮຸ້ນ 15%.
ໂຄງການກໍ່ສ້າງເຂື່ອນ ໄຟຟ້ານໍ້າກົງ 1 ໄດ້ສໍາເລັດບັນດາ ໜ້າວຽກສໍາຄັນ ເປັນຕົ້ນ, ການກໍ່ສ້າງຕົວເຂື່ອນ, ວິສະວະກອນທີ່ປຶກສາ ຂອງໂຄງການ ໄດ້ສໍາເລັດການຕີລາຄາ ປະເມີນຄຸນນະພາບການກໍ່ສ້າງ ແລະ ການປະເມີນ ຄວາມປອດໄພຂອງຕົວເຂື່ອນ ແລະ ສິ່ງປະກອບຕ່າງໆ ກ່ອນການກັກ ເກັບນໍ້າ ແລະ ໄດ້ສໍາເລັດການຕິດຕັ້ງ ອຸປະກອນຕິດຕາມຕົວເຂື່ອນ, ຈັດຕັ້ງທີມງານ ວິຊາການ ເພື່ອດໍາເນີນ ການກັກເກັບນໍ້າ ແລະ ໄດ້ເຜີຍແຜ່ ແຜນການກັກນໍ້າ ແລະ ແຜນຮັບມືໃນກໍລະນີ ສຸກເສີນໃຫ້ແກ່ອໍານາດ ການປົກຄອງທ້ອງຖິ່ນ ແລະ ປະຊາຊົນ ທີ່ຢູ່ໃຕ້ເຂື່ອນ ຈໍານວນ 14 ບ້ານ.
ຄຽງຄູ່ກັບຄວາມຄືບໜ້າ ຂອງວຽກງານກໍ່ສ້າງດັ່ງກ່າວ, ວຽກງານຄຸ້ມຄອງ ສິ່ງແວດລ້ອມ-ສັງຄົມ ກໍໄດ້ຮັບການເອົາໃຈໃສ່ ໃນການລົງກວດກາຕິດຕາມ ຈາກຜູ້ພັດທະນາໂຄງການ ແລະ ພາກສ່ວນທີ່ກ່ຽວຂ້ອງ ໂດຍສະເພາະ ແມ່ນໜ່ວຍງານຄຸ້ມຄອງ ສິ່ງແວດລ້ອມ ໄດ້ລົງຊຸກຍູ້ ແລະ ໃຫ້ການຊີ້ນຳເປັນປະຈຳ, ເຮັດໃຫ້ການຈັດຕັ້ງປະຕິບັດ ວຽກງານດັ່ງກ່າວ ຂອງໂຄງການມີ ຄວາມຄືບໜ້າຫລາຍດ້ານ ເປັນຕົ້ນການຄຸ້ມຄອງ ແລະ ຕິດຕາມກວດກາ ຄຸນນະພາບນ້ຳ, ການຄຸ້ມຄອງວັດສະດຸ ທີ່ເປັນອັນຕະລາຍ, ວຽກງານແກ້ໄຂຜົນກະທົບ ທີ່ເກີດຈາກການກໍ່ສ້າງ ແລະ ອື່ນໆ.
 | ແຂວງກວ໋າງບິ່ງ: ຈັດພິທີມອບຂອງຂວັນ 100 ພູດ ລວມມູນຄ່າ 80 ລ້ານດົ່ງ ໃຫ້ແກ່ບັນດານັກສຶກສາລາວ ທີ່ມີສະພາບຫຍຸ້ງຍາກ ຍສໝ - ຄະນະຊາວໜຸ່ມແຂວງ ກວ໋າງບິ່ງ ໄດ້ຈັດພິທີມອບຂອງຂວັນ 100 ພູດ ລວມມູນຄ່າ 80 ລ້ານດົ່ງ ໃຫ້ແກ່ບັນດານັກສຶກສາລາວ ທີ່ມີສະພາບຫຍຸ້ງຍາກ ພວມສຶກສາຮ່ຳຮຽນໃນບໍລິເວນແຂວງ ກວ໋າງບິ່ງ. |
 | ຫວຽດນາມສະໜອງທຶນການສຶກສາ 1.100 ທຶນໃຫ້ແກ່ລາວ ຍສໝ - ຄະນະປະຕິບັດງານ ສະຖານທູດ ຫວຽດນາມ ປະຈຳລາວຫາກໍ່ມີການພົວປະ ແລະ ເຮັດວຽກກັບ ກະຊວງສຶກສາທິການ ແລະ ກິລາ ລາວ ເພື່ອແລກປ່ຽນກ່ຽວກັບແຜນການຮ່ວມມືຂົງເຂດການສຶກສາສອງຝ່າຍ. ຕາມນັ້ນແລ້ວ, ສອງຝ່າຍຄາດວ່າຈະລົງນາມຂໍ້ຕົກລົງກ່ຽວກັບແຜນການຍຸດທະສາດຮ່ວມມືການສຶກສາໄລຍະ 2021 – 2030 ໃນທ້າຍປີນີ້, |
 | ວິສາຫະກິດຫວຽດນາມ ລົງທຶນຫຼາຍກ່ວາ 80 ລ້ານໂດລາສະຫະລັດ ຢູ່ ແຂວງຊຽງຂວາງ ຍສໝ - ໃນໄລຍະດຽວກັນ (2011-2020), ຍອດຈຳນວນເງິນຊ່ວຍເຫລືອລ້າຂອງລັດຖະບານຫວຽດນາມໃຫ້ແກ່ແຂວງຊຽງຂວາງບັນລຸ 258.72 ຕື້ກີບ, ໃນຈຳນວນທັງໝົດ 17 ໂຄງການ. |
kpl.gov.la
