ເຕັ່ມໄປດ້ວຍຄວາມຮັກແພງສົງສານຕໍ່ເກີດເຫດການເຂື່ອນໄຟຟ້າແຕກ

ທ່ານ ເຈີ່ນ ວັນ ຕີວ ປະທານສະມາຄົມມິດທະພາບຫວຽດ-ລາວ ໄດ້ມອບເງິນຈໍານວນ 100 ລ້ານດົ່ງເພື່ອຊ່ວຍເຫຼືອພໍ່ແມ່ປະຊາຊົນຜູ້ປະສົບໄພພິບັດ

ເຂື່ອນໄຟຟ້າ ເຊປຽນ - ເຊນ້ານ້ອຍ ທີ່ສັນເຂື່ອນແຕກຢູ່ໃນແຂວງອັດຕະປືໄດ້ເຮັດໃຫ້ນໍ້າໄຫຼຈາກອ່າງເກັບນໍ້າລົງໄປຢ່າງໄວວາທີ່ຈະເຮັດໃຫ້ມີນໍ້າຖ້ວມຫຼາຍບ້ານ. ຫລາຍພັນຄົນເສຍຊິວີດ, ເຮືອນຊານ ແລະ ການປູກພືດໄດ້ຖືກນໍ້າຖ້ວມ, ຂີ້ຕົມມີຄວາມໜາແຕ່ 1-2 ແມັດທີ່ປົກຄຸມຢູ່ໃນພື້ນທີ່ຂະຫນາດໃຫຍ່. ໃນເວລານັ້ນ, ໃນຄວາມພະຍາຍາມເພື່ອຊອກຫາຜູ້ຖືກເຄາະຮ້າຍທີ່ຫາຍຕົວ, ການຟື້ນຟູຫຼັງໄພພິບັດ, ຫລາຍປະເທດ ແລະ ອົງການຈັດຕັ້ງສາກົນໄດ້ສົ່ງກໍາລັງການຊ່ວຍເຫຼືອ, ສິນຄ້າເພື່ອຊ່ວຍເຫຼືອໃຫ້ພໍ່ແມ່ປະຊາຊົນລາວຜູ້ຖືກເຄາະຮ້າຍທີ່ກໍາລັງປະເຊີນໜ້າກັບຄວາມຫຍຸ້ງຍາກຫຼາຍຢ່າງໃນໄລຍະເວລານັ້ນ ໃນນັ້ນກໍ່ມີການຊ່ວຍເຫຼືອຂອງຊາວຫວຽດນາມທີ່ດໍາເນີນຊິວີດຢູ່ ສປປ ລາວ ແລະ ບັນດາວິສາຫະກິດ, ອົງການຈັດຕັ້ງຂອງຫວຽດນາມ ປະຈໍາ ສປປ ລາວ.

ໃນຕອນເຊົ້າຂອງວັນທີ 26 ເດືອນ ກໍລະກົດ ປີ 2018, ເອລີກອບເຕີ, ເຮືອອີໂມ ໄດ້ຂຶ້ນ ແລະ ລົງ, ການເຂົ້າ ແລະ ອອກ ຢ່າງຕະຫຼອດເວລາເພື່ອຂົນສົ່ງສິນຄ້າບັນເທົາທຸກໃຫ້ພໍ່ແມ່ປະຊາຊົນຢູ່ເຂດນໍ້າຖ້ວມ. ສິນຄ້າບັນເທົາທຸກຈໍານວນຫຼວງຫຼາຍຂອງພໍ່ແມ່ປະຊາຊົນຫວຽດນາມໄດ້ສົ່ງໄປທີ່ສໍານັກງານຂອງຄະນະກໍາມະການປະຊາຊົນເມືອງສະໜາມໃຊ. ໃນຕອນບ່າຍຂອງວັນທີ 27 ເດືອນກໍລະກົດ ປີ 2018, ລົດບັນທຸກກູ້ໄພຫລາຍສິບຄັນທີ່ບັນທຸກສະບຽງອາຫານ ແລະ ນໍ້າສະອາດຂອງບັນດາອົງການຈັດຕັ້ງ, ບຸກຄົນທີ່ເປັນຄົນຫວຽດນາມມາເພື່ອການລໍາລຽງ, ຊ່ວຍເຫຼືອໃຫ້ແກ່ພໍ່ແມ່ປະຊາຊົນຜູ້ປະສົບໄພພິບັດ.

ທ່ານ ຫງວຽນ ຫງອກ ເຟືອງ, ຫົວຫນ້າສະມາຄົມຊາວຫວຽດນາມຢູ່ແຂວງເຊກອງໄດ້ໃຫ້ຮູ້ວ່າ, ພາຍຫຼັງທີ່ໄດ້ຮັບຂ່າວພໍ່ແມ່ປະຊາຊົນຢູ່ແຂວງອັດຕະປືໄດ້ປະສົບໄພພິບັດ, ລາວ ແລະ ໝູ່ເພື່ອນຫລາຍຄົນກໍ່ໄດ້ມີການບໍລິຈາກເງິນເພື່ອຊື້ເຄື່ອງຈໍາເປັນເພື່ອສະຫນັບສະຫນູນພໍ່ແມ່ປະຊາຊົນຫວຽດນາມ ແລະ ພໍ່ແມ່ປະຊາຊົນບັນດາເຜົ່າລາວຜູ້ປະສົບໄພພິບັດ.

ທ່ານ ພົນຕີ ເຈີ່ນ ກວາງ ເຟືອງ, ຫົວໜ້າການເມືອງເຂດທະຫານ 4 ໄດ້ຖາມຂ່າວພໍ່ແມ່ປະຊາຊົນຜູ້ຖືກເຄາະຮ້າຍຢູ່ໂຮງໝໍພາກສະໜາມ

ໃນວັນທີ 30 ເດືອນ ກໍລະກົດ ປີ 2018, ຢູ່ສໍານັກງານຂອງສະຖານທູດລາວປະຈໍາ ສສ ຫວຽດນາມ, ຄະນະຜູ້ແທນສະມາຄົມມິດຕະພາບຫວຽດນາມ - ລາວ ນໍາໂດຍທ່ານ ເຈີ່ນ ວັນ ຕີວ ປະທານສະມາຄົມ ໄດ້ມາຢ້ຽມຢາມຖາມຂ່າວ, ລະດົມກໍາລັງໃຈ ແລະ ໄດ້ມອບເງິນບໍລິຈາກດ້ວຍຈໍານວນເງິນ 100 ລ້ານດົ່ງ. ທ່ານ ເຈີ່ນ ວັນ ຕີວ ກ່າວວ່າ, ປະຊາຊົນຫວຽດນາມຂໍແບ່ງປັນຄວາມເສຍຫາຍນີ້ກັບປະຊາຊົນລາວ. ສະມາຄົມມິດຕະພາບວຽດນາມ ລາວໄດ້ຈັດຕັ້ງຂະບວນການເພື່ອສະຫນັບສະຫນູນປະຊາຊົນລາວໃຫ້ສະມາຊິກຂອງສະມາຄົມຂັ້ນສູນກາງ ແລະ ທ້ອງຖິ່ນເພື່ອແບ່ງປັນ ແລະ ຫວັງວ່າຈະໄດ້ມີສະຫນັບສະຫນູນພາກສ່ວນຫນຶ່ງເພື່ອຊ່ວຍໃຫ້ພໍ່ແມ່ປະຊາຊົນຜູ້ຖືກເຄາະຮ້າຍໃນການຟື້ນຟູຫຼັງໄພພິບັດ ແລະ ຊິວີດການເປັນຢູ່ປະຈໍາວັນໃຫ້ມີຄວາມໝັ້ນຄົງໂດຍໄວ.

ທ່ານ ທອງສະຫວັນ ພົມວິຫານ ເອກອັກຄະລັດທູດສາທາລະນະລັດຖະປະຊາທິປະໄຕປະຊາຊົນລາວປະຈໍາຫວຽດນາມທ່ານ ໄດ້ເນັ້ນຫນັກວ່າ "ຫວຽດນາມແມ່ນປະເທດທໍາອິດທີ່ສົ່ງຄະນະຜູ້ແທນ ແລະ ມີການສະຫນັບສະຫນູນຢ່າງຫຼວງຫຼາຍທັງເປັນສິ່ງວັດຖຸ ແລະ ຈິດໃຈສໍາລັບປະຊາຊົນລາວເວົ້າລວມ ແລະ ພໍ່ແມ່ປະຊາຊົນຢູ່ແຂວງອັດຕະປືເວົ້າສະເພາະແມ່ນຫຼັງຈາກເກີດເຫດການເຂື່ອນໄຟຟ້າແຕກ”.

ໃນປີ 2018, ສະມາຄົມມິດຕະພາບຫວຽດນາມ - ລາວ ໄດ້ຈັດຕັ້ງປະຕິບັດຢ່າງຕັ້ງໜ້າຫລາຍກິດຈະກໍາດ້ວຍຂະຫນາດໃຫຍ່ເປັນຕົ້ນຄື: ລາຍການຄວາມເພີດເພີນສໍາລັບຜູ້ທີ່ປະກອບສ່ວນເຂົ້າໃນການປະຕິວັດຫວຽດນາມ - ລາວ; ຕ້ອນຮັບຄະນະສູນກາງສະມາຄົມມິດຕະພາບລາວ - ຫວຽດ. ພ້ອມກັນນັ້ນ, ເຂົ້າຮ່ວມກອງປະຊຸມເຊື່ອມຊືມ ແລະ ຈັດຕັ້ງປະຕິບັດຂໍ້ຕົກລົງລະດັບສູງຂອງຫວຽດນາມ - ລາວ ປີ 2018; ເຂົ້່າຮ່ວມກອງປະຊຸມສະຫຼຸບວຽກງານປີສາມັກຄີມິດຕະພາບຫວຽດນາມ - ລາວ; ຈັດຕັ້ງປະຕິບັດວຽກງານຂອງສະມາຄົມມິດຕະພາບຫວຽດນາມ - ລາວ ນະຄອນຫາຍຝ່ອງ ແລະ ກອງປະຊຸມໃຫຍ່ການສ້າງຕັ້ງສະມາຄົມມິດຕະພາບຫວຽດ - ລາວ ແຂວງເລີມດົ່ງ; ເຂົ້າຮ່ວມລາຍການແລກປ່ຽນ, ແລກປ່ຽນດ້ານປະສົບການໃນການຈັດຕັ້ງ ແລະ ການເຄື່ອງໄຫວວຽກງານການພົວພັນຕ່າງປະເທດດ້ານປະຊາຊົນ ຫວຽດນາມ - ລາວ ລະຫວ່າງ ບັນດາແຂວງ, ສະມາຄົມແຂວງບັກຢາງ, ຖາຍງວຽນ, ຫາຍຝ່ອງ ທີ່ໄດ້ຈັດຂຶ້ນຢູ່ແຂວງບັກຢາງ; ການຢ້ຽມຢາມ, ເຮັດວຽກຢູ່ໂຮງຮຽນຊັ້ນກາງທະຫານຊາຍແດນ; ພິທີເປີດການແລກປ່ຽນກິລາມິດຕະພາບ ຫວຽດ - ລາວ ຢູ່ ຖາຍງວຽນ (11/11); ພິທີສະເຫຼີມສະຫຼອງຄົບຮອບ 50 ປີ ວັນສ້າງຕັ້ງມະຫາວິທະຍາໄລການແພດແຂວງຖາຍບີ່ງ; ພິທີສະເໜີຕົວຄະນະຄຸມຄອງບໍລິຫານສາສະໜາພຸດຫວຽດນາມຢູ່ລາວ(11/11).

（ໄຊພອນ）