| ສະຫະພັນບັນດາອົງການມິດຕະພາບແຂວງ ຢາລາຍ ໄດ້ມອບຂອງຂວັນໃຫ້ນັກສຶກສາຫວຽດນາມ ຢູ່ແຂວງ Ratanakiri | |
| ງານຕະຫລາດນັດອຸດສາຫະກຳ, ການຄ້າສາກົນປີ 2019 ຢູ່ແຂວງ ກວາງບີ່ງ |
ໃນວັນທີ 20 ພະຈິກ, ຄະນະກໍາມະການແນວຮົບສາມັກຄີພັດທະນາປະເທດຊາດ ກໍາປູເຈຍ ໄດ້ຈັດພິທີເລີ່ມລົງມືກໍ່ສ້າງອະນຸສາວະລີມິດຕະພາບ ຫວຽດນາມ - ກຳປູເຈຍ ຢູ່ໃຈກາງແຂວງ Tbong Khnum, ລາຊະອານາຈັກກໍາປູເຈຍ.
ເຂົ້າຮ່ວມພິທີ ມີທ່ານ Nhem Valy - ຮອງປະທານຜູ້ປະຈຳການ, ເລຂາທິການໃຫຍ່ຄະນະກຳມະການສະພາແນວຮົບສາມັກຄີພັດທະນາປະເທດຊາດ ກໍາປູເຈຍ; ທ່ານພັນເອກ ຫງວຽນແທັງຈິງ - ທີ່ປືກສາທູດປ້ອງກັນຊາດຫວຽດນາມ ປະຈຳກຳປູເຈຍ; ທ່ານ Cheam Chan Sophorn - ເຈົ້າແຂວງ Tbong Khnum ແລະ ຜູ້ຕາງໜ້າບັນດາອົງການຈັດຕັ້ງ, ອົງຄະນະ ແລະ ປະຊາຊົນທ້ອງຖິ່ນ.
 |
| ການເລີ່ມລົງມືກໍ່ສ້າງອະນຸສາວະລີມິດຕະພາບ ຫວຽດນາມ - ກຳປູເຈຍ ຢູ່ແຂວງ Tbong Khnum. (ພາບ: VOV) |
ຕາມທ່ານພັນເອກ ຫງວຽນແທັງຈິງ ແລ້ວ, ການສ້າງອະນຸສາວະລີມິດຕະພາບຫວຽດນາມ - ກຳປູເຈຍ ໃນທົ່ວປະເທດກຳປູເຈຍ ໃນໄລຍະທີ່ຜ່ານມາ ແລະ ຢູ່ແຂວງ Tboung Khmum ໃນມື້ນີ້ ແມ່ນເພື່ອຈົດຈຳລະນຶກໄວ້ເຖິງການຊ່ວຍເຫຼືອອັນໃຫຍ່ຫຼວງ ຂອງກອງທັບ ແລະ ປະຊາຊົນຫວຽດນາມ ໃຫ້ແກ່ປະຊາຊົນກຳປູເຈຍ ໃນການຕໍ່ສູ້ເພື່ອຕ້ານລະບອບທຳລາຍເຊື້ອ, ຟື້ນຟູປະເທດຊາດ.
ພ້ອມກັນນັ້ນ, ອະນຸສາວະລີມິດຕະພາບຫວຽດນາມ - ກຳປູເຈຍ ກໍ່ແມ່ນສະຖານທີ່ເພື່ອໃຫ້ຄົນຮຸ່ນຫລັງ ສືບຕໍ່ຮ່ຳຮຽນ ແລະ ຄົ້ນຄວ້າຄຸນຄ່າຂອງຄວາມສັນຕິພາບ, ເສລີພາບ ແລະ ປະເພນີແຫ່ງຄວາມສາມັກຄີ, ມິດຕະພາບລະຫວ່າງປະຊາຊົນສອງປະເທດ ກຳປູເຈຍ - ຫວຽດນາມ.
ຄາດວ່າການກໍ່ສ້າງໂຄງການອະນຸສາວະລີມິດຕະພາບຫວຽດນາມ - ກຳປູເຈຍຢູ່ແຂວງ Tboung Khmum ຈະສຳເລັດໃນທ້າຍປີ 2021. ນີ້ແມ່ນອະນຸສາວະລີ ທີ 22 ໄດ້ເລີ່ມລົງມືກໍ່ສ້າງໃນປະເທດກຳປູເຈຍ. ກ່ອນໜ້ານີ້, ອະນຸສາວະລີ 17 ແຫ່ງໃນຈຳນວນ 22 ອະນຸສາວະລີ ໄດ້ເປີດນຳໃຊ້ແລ້ວ, ອີກ 4 ອະນຸສາວະລີຢູ່ບັນດາແຂວງ Pailin, Preay Veng, Kampong Speu, Oudor Menchay ກໍ່ໄດ້ເລີ່ມລົງມືກໍ່ສ້າງ ແລະ ຄາດວ່າຈະເປີດນຳໃຊ້ໃນທ້າຍປີນີ້.
 | ເພີ່ມທະວີຄວາມສາມັກຄີ, ມິດຕະພາບລະຫວ່າງປະຊາຊົນຫວຽດນາມ - ກຳປູເຈຍ - ລາວ ຍສໝ - ເນື່ອງໃນໂອກາດສະເຫຼີມສະຫຼອງ 67 ປີແຫ່ງວັນຊາດແຫ່ງລາຊະອານາຈັກ ກຳປູເຈຍ, ສູນກາງສະມາຄົມມິດຕະພາບຫວຽດນາມ - ກຳປູເຈຍ, ນະຄອນໂຮ່ຈິມິນ ໄດ້ຈັດຕັ້ງການພົບປະແລກປ່ຽນ “ເພີ່ມພຸນຄູນສ້າງຄວາມມິດຕະພາບ”. |
 | ສະຫະພັນບັນດາອົງການມິດຕະພາບແຂວງ ຢາລາຍ ໄດ້ມອບຂອງຂວັນໃຫ້ນັກສຶກສາຫວຽດນາມ ຢູ່ແຂວງ Ratanakiri ຍສໝ - ຄະນະຜູ້ແທນສະຫະພັນບັນດາອົງການມິດຕະພາບແຂວງ ຢາລາຍ ໄດ້ມອບຂອງຂວັນຈຳນວນ 47 ຢ່າງໃຫ້ນັກຮຽນຫວຽດນາມຢູ່ແຂວງ Ratanakiri (ກຳປູເຈຍ). |
 | ກຳປູເຈຍ ຍົກເລີກໜັງສືຈົດໝາຍທາງການ ທີ່ຈຳກັດການເດີນທາງຂ້າມຊາຍແດນຂອງພົນລະເມືອງ ກຳປູເຈຍ ແລະ ຫວຽດນາມ ຍສໝ - ເມື່ອບໍ່ດົນມານີ້, ກະຊວງການຕ່າງປະເທດ ແລະ ການຮ່ວມມືສາກົນກຳປູເຈຍ ໄດ້ປະກາດຍົກເລີກໜັງສືຈົດໝາຍທາງການ ທີ່ຈຳກັດການເດີນທາງຂ້າມຊາຍແດນຂອງພົນລະເມືອງ ກຳປູເຈຍ ແລະ ຫວຽດນາມ. |
ຄຳຮຸ່ງ
