ກຳປູເຈຍ ຍົກເລີກໜັງສືຈົດໝາຍທາງການ ທີ່ຈຳກັດການເດີນທາງຂ້າມຊາຍແດນຂອງພົນລະເມືອງ ກຳປູເຈຍ ແລະ ຫວຽດນາມ

14:17 | 24/06/2020

ຍສໝ - ເມື່ອບໍ່ດົນມານີ້, ກະຊວງການຕ່າງປະເທດ ແລະ ການຮ່ວມມືສາກົນກຳປູເຈຍ ໄດ້ປະກາດຍົກເລີກໜັງສືຈົດໝາຍທາງການ ທີ່ຈຳກັດການເດີນທາງຂ້າມຊາຍແດນຂອງພົນລະເມືອງ ກຳປູເຈຍ ແລະ ຫວຽດນາມ.

	ກຳປູເຈຍ ໄດ້ແຍກຫ່າງນັກທ່ອງທ່ຽວເຂົ້າເມືອງຢ່າງບັງຄັບ
	ສະພາແຫ່ງຊາດ ກຳປູເຈຍ ສະແດງຄວາມຂອບໃຈຫວຽດນາມ ທີ່ມອບຂອງຂວັນການແພດ ເພື່ອສະກັດກັ້ນ COVID-19

ໃນແຈ້ງການວັນທີ 22 ມິຖຸນາ ເຊິ່ງໄດ້ສົ່ງເຖິງສະຖານທູດຫວຽດນາມ ປະຈຳກຳປູເຈຍ, ກະຊວງການຕ່າງປະເທດ ແລະ ການຮ່ວມມືສາກົນ ກຳປູເຈຍ ໄດ້ປະກາດຍົກເລີກໜັງສືຈົດໝາຍທາງການລົງວັນທີ 18 ມີນາ 2020 ກ່ຽວກັບການຈຳກັດການຂ້າມຊາຍແດນ ຂອງພົນລະເມືອງກຳປູເຈຍ ແລະພົນລະເມືອງຫວຽດນາມ. ແຈ້ງການທີ່ຢັ້ງຢືນວ່າ ການຍົກເລີກໜັງສືຈົດໝາຍດັ່ງກ່າວ ມີຜົນສັກສິດນັບແຕ່ວັນທີ 19 ມິຖຸນາ 2020 ເປັນຕົ້ນໄປ.

ກຳປ ເຈຍ ຍ ກເລ ກໜ ງສ ຈ ດໝາຍທາງການ ທ ຈຳກ ດການເດ ນທາງຂ າມຊາຍແດນຂອງພ ນລະເມ ອງ ກຳປ ເຈຍ ແລະ ຫວຽດນາມ

ປະຊາຊົນກຳປູເຈຍ ປະຕິບັດຄຳສັ່ງໃຫ້ໃສ່ຜ້າບັງປາກຢູ່ຊຸມຊົນ. (ພາບ: TTXVN)

ແຕ່ວ່າ, ນັກທ່ອງທ່ຽວຕ່າງປະເທດທີ່ເຂົ້າເມືອງກຳປູເຈຍ ຍັງຕ້ອງມີໃບຢັ້ງຢືນວ່າ ພວກເຂົາບໍ່ໄດ້ຕິດເຊື້ອໄວຣັດ SARS-CoV-2 ພາຍໃນ 72 ຊົ່ວໂມງກ່ອນເມື່ອເຂົ້າເມືອງ ແລະ ພວກເຂົາ ຍັງຈະຕ້ອງໄດ້ປະຕິບັດວິເຄາະເຊື້ອໄວຣັດ ແລະ ແຍກຫ່າງເປັນເວລາ 14 ວັນ ຕາມກົດລະບຽບ.

ກ່ອນໜ້ານີ້, ໃນວັນທີ 18 ມີນາ 2020, ກະຊວງການຕ່າງປະເທດ ແລະ ການຮ່ວມມືສາກົນ ກຳປູເຈຍ ໄດ້ປະກາດເປັນ 6 ຈຸດກ່ຽວກັບການເຄື່ອນໄຫວຂ້າມຊາຍແດນລະຫວ່າງຫວຽດນາມ ແລະ ກຳປູເຈຍ ໃນໄລຍະທີ່ເກີດລະບາດພະຍາດ COVID-19. ໜັງສືຈົດໝາຍທາງການດັ່ງກ່າວ ເນັ້ນໜັກວ່າ ກຳປູເຈຍ ສະເໜີບັນດາອົງການທ້ອງຖິ່ນຂອງສອງປະເທດ ເພື່ອຮ່ວມກັນສົ່ງເສີມ ແລະ ຮັບປະກັນການຂົນສົ່ງສິນຄ້າຂ້າມຊາຍແດນທີ່ບໍ່ມີການຂັດຂວາງ.

ກໍ່ຕາມປະກາດໃນວັນທີ 18 ມີນາ ນີ້, ການເຂົ້າເມືອງກຳປູເຈຍ ຂອງພົນລະເມືອງຫວຽດນາມ ແລະ ການເຂົ້າເມືອງຫວຽດນາມ ຂອງພົນລະເມືອງກຳປູເຈຍ ໂດຍການເດີນທາງອາກາດ, ທາງທະເລ ແລະ ທາງບົກຈະຖືກໂຈະໄວ້ແຕ່ວັນທີ 20 ມີນາ ປີ 2020.

	ສະພາແຫ່ງຊາດ ກຳປູເຈຍ ສະແດງຄວາມຂອບໃຈຫວຽດນາມ ທີ່ມອບຂອງຂວັນການແພດ ເພື່ອສະກັດກັ້ນ COVID-19
	ແຂວງ ຢ່າລາຍ ມອບເຂົ້າສານ 1,4 ໂຕນ ໃຫ້ແກ່ຊາວຫວຽດນາມຢູ່ Ratanakiri, ກຳປູເຈຍ
	ກຽນຢາງ: ມອບອຸປະກອນການແພດໃຫ້ແກ່ກຳລັງປະກອບອາວຸດ ກຳປູເຈຍເພື່ອປ້ອງກັນ ແລະ ຕ້ານ ໂລກລະບາດ COVID-19