| ກອງປະຊຸມລັດຖະມົນຕີອາຊຽນກ່ຽວກັບຄວາມປອດໄພທາງເຄືອຂ່າຍອິນເຕີແນັດ ຄັ້ງທີ 5 (AMCC - 5) | |
| ກະຊວງປ້ອງກັນປະເທດຫວຽດນາມ ໄດ້ກຽມພ້ອມເຂົ້າຮ່ວມວຽກງານຮັກສາສັນຕິພາບສາກົນ |
 |
| ກະຊວງປ້ອງກັນປະເທດຫວຽດນາມ ໄດ້ມອບເງິນໜູນຊ່ວຍ ແລະອຸປະກອນການແພດທີ່ມີມູນຄ່າເກືອບ 1,5 ຕື້ດົ່ງໃຫ້ແກ່ກະຊວງປ້ອງກັນປະເທດລາວ. ພາບ: ສໍານັກຂ່າວສານຫວຽດນາມ. |
ເມື່ອບໍ່ດົນມານີ້, ເພື່ອແນໃສ່ຮ່ວມແຮງຮ່ວມໃຈພ້ອມກັບບັນດາພະນັກງານ, ນັກຮົບກອງທັບປະຊາຊົນລາວ ໃນການປ້ອງກັນ, ຕ້ານພະຍາດໂຄວິດ-19. ພາຍໃຕ້ການເປັນສັກຂີພິຍານຂອງທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດ ສປປ.ລາວ, ຕາງໜ້າໃຫ້ກະຊວງປ້ອງກັນປະເທດຫວຽດນາມ, ທ່ານພົນຈັດຕະວາ ຫງວຽນກວ໋ກຢຸງ, ຜູ້ບັນຊາການພົນລະພາກຫຼວງ 11 ໄດ້ມອບຈໍານວນເງິນ 500 ລ້ານກີບ ແລະເຄື່ອງສີດຢາຂ້າເຊື້ອອັດຕະໂນມັດ 25 ໜ່ວຍ ໃຫ້ທ່ານພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດລາວ. ທີ່ພິທີມອບຮັບ, ທ່ານພົນໂທ ທອງລອຍ ສິລິວົງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບປະຊາຊົນລາວ ຢັ້ງຢືນວ່າ ນີ້ແມ່ນພະຍານຫຼັກຖານໃຫ້ການພົວພັນແບບພິເສດ, ມີໜຶ່ງບໍ່ມີສອງໃນໂລກລະຫວ່າງສອງປະເທດເວົ້າລວມ ແລະກອງທັບສອງປະເທດເວົ້າສະເພາະ.
ປະຈຸບັນ, ຜ່ານ 80 ມື້ແລ້ວທີ່ ຫວຽດນາມບໍ່ມີຜູ້ຕິດເຊື້ອໃນຊຸມຊົນ. ໄລ່ຮອດຕອນເຊົ້າວັນທີ 21 ພະຈິກ ຫວຽດນາມ ມີຜູ້ຕິດເຊື້ອພະຍາດ ໂຄວິດ - 19 ທັງໝົດ 1305 ຄົນ, ໃນນັ້ນມີ 1142 ຄົນ ໄດ້ປິ່ນປົວຫາຍດີ ແລະມີ 35 ຄົນເສຍຊີວິດ. ສ່ວນ ຢູ່ ລາວ, ໃນວັນທີ 19 ພະຈິກ 2020, ໄດ້ເກັບຕົວຢ່າງມາ ກວດວິເຄາະທັງໝົດ 232 ຄົນ, ໃນນັ້ນ ມີ 01 ຕົວຢ່າງຈາກບຸກຄົນ ທົ່ວໄປທີ່ມີອາການ, 20 ຕົວຢ່າງຈາກບຸກຄົນທົ່ວໄປບໍ່ມີອາການ, 59 ຕົວຢ່າງຈາກແຮງງານລາວມາແຕ່ໄທ, ແຮງງານຈີນ 57 ຕົວຢ່າງ, ແຮງງານຫວຽດນາມ 84 ຕົວຢ່າງ ແລະ ແຮງງານລາວມາແຕ່ຈີນ 11 ຕົວຢ່າງ, ຜົນກວດວິເຄາະທັງໝົດ ແມ່ນບໍ່ພົບຜູ້ຕິດເຊື້ອເພີ່ມ. ປັດຈຸບັນ, ຄົນເຈັບຕິດເຊື້ອພະ ຍາດ COVID-19 ເບີ 24 ແລະ ເບີ 25 ແມ່ນຍັງສືບຕໍ່ປີ່ນປົວ ຢູ່ໂຮງໝໍມິດຕະພາບ. ທົ່ວປະເທດ ລາວ ມີຜູ້ເດີນທາງ ເຂົ້າມາມີທັງໝົດ 2.975 ຄົນ, ໃນນັ້ນຈຸດຜ່ານດ່ານ ລາວ-ໄທ 1.341 ຄົນ (ແຮງງານລາວ ກັບມາແຕ່ໄທ 63 ຄົນ), ຈຸດຜ່ານດ່ານ ລາວ-ຈີນ 84 ຄົນ, ຈຸດຜ່ານດ່ານ ລາວ- ຫວຽດນາມ 1.549 ຄົນ, ຈຸດຜ່ານດ່ານ ລາວ-ກຳປູເຈຍ 01 ຄົນ, ເຊິ່ງເປັນຄົນຈີນ, ທຸກຄົນແມ່ນໄດ້ແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກໆຄົນມາກວດ (ຍົກເວັ້ນຜູ້ຂັບລົດຂົນສົ່ງ ແລະ ຜູ້ຕິດຕາມ) ແລ້ວຈຶ່ງນຳສົ່ງໄປຫາ ສະຖານທີ່ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.
 | ກະຊວງປ້ອງກັນປະເທດຫວຽດນາມ ສະໜັບສະໜູນປະຊາຊົນ ກຳປູເຈຍ ໃນການປ້ອງກັນພະຍາດ Covid-19 ຢ່າງມີປະສິດຕິຜົນ ໃນວັນທີ 23 ເມສາ, ຢູ່ດ່ານຊາຍແດນສາກົນມົກບ່່າຍ, ແຂວງໄຕນິງ ໄດ້ຈັດຕັ້ງພິທີມອບ-ຮັບວັດຖຸອຸປະກອນການແພດ ໂດຍກະຊວງປ້ອງກັນປະເທດຫວຽດນາມ ມອບໃຫ້ແກ່ກະຊວງປ້ອງກັນປະເທດກຳປູເຈຍ ເພື່ອປ້ອງກັນ ແລະ ຕ້ານພະຍາດ Covid-19. |
 | ກະຊວງປ້ອງກັນປະເທດຫວຽດນາມ ແລະ ກະຊວງປ້ອງກັນປະເທດກໍາປູເຈຍ ເພີ່ມທະວີການຮ່ວມມືຮອບດ້ານ ຍສໝ - ກ່ອນການຝຶກຊ້ອມ, ທ່ານພົນເອກ ໂງຊວນລິກ ແລະທ່ານພົນເອກ Samdech Pichey Sena Tea Banh ພ້ອມກັບບັນດາຜູ້ແທນໄດ້ເຂົ້າຮ່ວມພິທີເປີດນໍາໃຊ້ ແລະມອບ-ຮັບສຸກສາລາມິດຕະພາບທະຫານ-ປະຊາຊົນໃຫ້ເມືອງ Chanthrea ທີ່ມີມູນຄ່າກໍ່ສ້າງ 150.000 ໂດລາສະຫະລັດ... |
 | ລົງນາມບົດບັນທຶກຊ່ວຍຈໍາ ລະຫວ່າງ ກະຊວງປ້ອງກັນປະເທດຫວຽດນາມ ກັບ ກະຊວງປ້ອງກັນປະເທດລາວ ຍສໝ - ໃນຕອນບ່າຍຂອງວັນທີ 25 ມິຖຸນາ 2019, ຢູ່ ຮ່າໂນ້ຍ, ກອງບັນຊາການສື່ສານ ໄດ້ມີການພົບປະເຈລະຈາ ກັບຄະນະປະຕິບັດງານຂອງກົມສື່ສານ, ກົມໃຫຍ່ເສນາທິການກອງທັບປະຊາຊົນລາວ ນໍາໂດຍທ່ານພັນໂທ ພູວຽງ ຈັນທະວົງ, ຮອງຫົວໜ້າກົມສື່ສານ, ມາຢ້ຽມຢາມ ແລະ ເຮັດວຽກ ຢູ່ ຫວຽດນາມ. |
ໄຊພອນ
