| ຫວຽດນາມ ຈະຊຸກຍູ້ການຮ່ວມມືລະຫວ່າງລັດເຊຍ-ອາຊຽນ | |
| ຫວຽດນາມ ສ້າງເງື່ອນໄຂສະດວກໃຫ້ບັນດານັກລົງທຶນລັດເຊຍ |
 |
| ທ່ານພົນເອກ ໂຕເລິມ, ລັດຖະມົນຕີກະຊວງຕຳຫຼວດຫວຽດນາມ ໂອ້ລົມຜ່ານທາງໂທລະສັບກັບທ່ານພົນເອກ Patrushev Nikolay Platonovich, ເລຂາສະພາຄວາມໝັ້ນຄົງ ສະຫະພັນ ລັດເຊຍ (ພາບ: bocongan.gov.vn) |
ຕອນບ່າຍວັນທີ 10 ພະຈິກ, ຢູ່ຮ່າໂນ້ຍ, ທ່ານພົນເອກ ໂຕເລິມ, ລັດຖະມົນຕີກະຊວງຕຳຫຼວດຫວຽດນາມ ໄດ້ໂອ້ລົມຜ່ານທາງໂທລະສັບກັບທ່ານພົນເອກ Patrushev Nikolay Platonovich, ເລຂາສະພາຄວາມໝັ້ນຄົງ ສະຫະພັນ ລັດເຊຍ.
ໃນການໂອ້ລົມທາງໂທລະສັບ, ທ່ານລັດຖະມົນຕີ ໂຕເລິມ ຢັ້ງຢືນວ່າ ຫວຽດນາມ ຍາມໃດກໍຖືການປັບປຸງ ແລະ ເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານ ກັບ ສະຫະພັນ ລັດເຊຍ ເປັນສຳຄັນ. ຕາງໜ້າກະຊວງຕຳຫຼວດຫວຽດນາມ, ທ່ານລັດຖະມົນຕີໂຕເລິມ ໄດ້ສະແດງຄວາມແບ່ງປັນຕໍ່ບັນດາຄວາມເສຍຫາຍໂດຍໂລກລະບາດໂຄວິດ - 19 ກໍ່ຂຶ້ນຢູ່ລັດເຊຍ.
ທ່ານໂຕເລິມ ສະແດງຄວາມຂອບອົກຂອບໃຈຕໍ່ລັດເຊຍ ຊຶ່ງໄດ້ສົ່ງນັກຊ່ຽວຊານ, ອຸປະກອນການແພດເພື່ອຮັບໃຊ້ໃຫ້ແກ່ວຽກງານປ້ອງກັນ, ສະກັດກັ້ນໂລກລະບາດ ໂຄວິດ - 19 ຢູ່ຫວຽດນາມ, ກໍ່ຄືເອົາໃຈໃສ່, ໜູນຊ່ວຍປະຊາຄົມຊາວ ຫວຽດນາມອາໄສຢູ່ລັດເຊຍທີ່ໄດ້ຖືກຜົນສະທ້ອນຈາກໂລກລະບາດ.
ທ່ານກໍ່ຢັ້ງຢືນວ່າ, ກະຊວງຕ່ຳຫຼວດ ຫວຽດນາມສະໜັບສະໜູນການສ້າງຕັ້ງ ແລະ ຜັນຂະຫຍາຍກົນໄກໂອ້ລົມຄວາມໝັ້ນຄົງຂັ້ນສູງ ອາຊຽນ - ລັດເຊຍ ແລະ ປັດຈຸບັນໄດ້ຕັ້ງໜ້າແລກປ່ຽນກັບບັນດາປະເທດອາຊຽນເພື່ອຮັບຮອງເອົາກົນໄກໂອ້ລົມສົນທະນາ. ທ່ານກໍ່ສະເໜີໃຫ້ລັດເຊຍສືບຕໍ່ຮ່ວມມື, ໜູນຊ່ວຍປະຊາຄົມອາຊຽນ ພັດທະນາຢ່າງເຂັ້ມແຂງ, ຍົກສູງອິດທິພົນຊື່ສຽງ ແລະ ທີ່ຕັ້ງຂອງອາຊຽນໃນໂລກ.
ກ່ຽວກັບການຮ່ວມມືລະຫວ່າງບັນດາອົງການປ້ອງກັນຄວາມສະຫງົບ, ອົງການປະຕິບັດກົດໝາຍຂອງສອງປະເທດ, ທ່ານລັດຖະມົນຕີໂຕເລິມ ສະເໜີໃຫ້ສອງຝ່າຍສົມທົບກັນສະກັດກັ້ນ, ຕໍ່ສູ້ເຮັດໃຫ້ທຸກກົນອຸບາຍ, ການເຄື່ອນໄຫວຂອງບັນດາອິດທິກຳລັງເປັນປໍລະປັກ ແລະ ບັນດາປະເພດອາດຊະຍາກຳກໍ່ການຮ້າຍທີ່ມີການຈັດຕັ້ງ, ອາດຊະຍາກຳຂ້າມຊາດ, ນຳໃຊ້ເຕັກໂນໂລຢີສູງ, ຢາເສບຕິດ, ຄ້າມະນຸດປະລາໄຊໄປ…
ສອງຝ່າຍຄວນເອົາໃຈໃສ່ເປັນພິເສດເຖິງການປຶກສາຫາລື, ແລກປ່ຽນຂໍ້ມູນຂ່າວສານ, ສົມທົບ, ສະໜັບສະໜູນ ແລະຊ່ວຍເຫຼືອເຊິ່ງກັນແລະກັນໃນບັນດາເວທີປາໄສຫຼາຍຝ່າຍ ແລະ ບັນດາອົງການຈັດຕັ້ງສາກົນ ເຊິ່ງສອງຝ່າຍໄດ້ເຂົ້າຮ່ວມ, ໂດຍສະເພາະແມ່ນເວທີປາໄສກ່ຽວກັບບັນດາໄພນາບຂູ່ຄວາມໝັ້ນຄົງແບບເກົ່າ, ຄວາມໝັ້ນຄົງທາງເຄືອຂ່າຍອິນເຕີແນັດ, ການປ້ອງກັນ, ຕ້ານການກໍ່ການຮ້າຍ…
 | ຫວຽດນາມ ຈະຊຸກຍູ້ການຮ່ວມມືລະຫວ່າງລັດເຊຍ-ອາຊຽນ ຍສໝ - ໃນບົດຂຽນ “ບົດບາດ ແລະ ທີ່ຕັ້ງຂອງຫວຽດນາມ ໃນການຮ່ວມມືລະຫວ່າງລັດເຊຍ - ອາຊຽນ”, ທ່ານປະລິນຍາເອກ Ekaterina Koldunova ຖືວ່າ, ເມື່ອຫວຽດນາມ ຮັບດຳລົງຕຳແໜ່ງປະທານອາຊຽນ ໃນປີ 2020 ອາດຈະປະກົດມີບັນດາຂົງເຂດຮ່ວມມືລະຫວ່າງລັດເຊຍ ແລະ ອາຊຽນ. |
 | ຫວຽດນາມ ສ້າງເງື່ອນໄຂສະດວກໃຫ້ບັນດານັກລົງທຶນລັດເຊຍ ຍສໝ - ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ຮູ້ວ່າ: ໃນໄລຍະຈະມາເຖິງ, ເສດຖະກິດຂອງ ຫວຽດນາມ ຈະເຕີບໂຕສູງ ແລະ ຄວາມຕ້ອງການດ້ານພະລັງງານແມ່ນໃຫຍ່ຫລວງທີ່ສຸດ ແລະ ແມ່ນກາລະໂອກາດການຮ່ວມມືໃຫຍ່ຫລວງໃຫ້ແກ່ບັນດານັກລົງທຶນທີ່ມີທ່າແຮງຂອງລັດເຊຍ ໃນຂົງເຂດນີ້. |
 | ທ້ອງຖິ່ນ ລັດເຊຍຍົກສູງຄວາມຫວັງຮ່ວມມືທາງການຄ້າ ກັບວິສາຫະກິດ ຫວຽດນາມ ຍສໝ - ກອງປະຊຸມສຳມະນາທາງອອນລາຍ ນອນໃນຂອບເຂດໂຄງການແຫ່ງຊາດ ຂອງ ສະຫະພັນ ລັດເຊຍ ທີ່ມີຊື່ວ່າ “ການໜູນຊ່ວຍຂໍ້ລິເລີ່ມດຳເນີນທຸລະກິດສ່ວນຕົວ ແລະ ວິສາຫະກິດຂະໜາດນ້ອຍ ແລະກາງ”. |
ບຸນຄົງ
