| ຮັດແໜ້ນການຮ່ວມມືລະຫວ່າງແຂວງເທື່ອທຽນເຫ້ວ ກັບແຂວງຕ່າງໆຂອງປະເທດໄທ | |
| ທ່ານນາຍົກລັດຖະມົນຕີ ຟ້າມມິງຈິ້ງ ໄດ້ມີການໂອ້ລົມທາງໂທລະສັບກັບທ່ານນາຍົກລັດຖະມົນຕີໄທ |
ແຂວງອຸດອນທານີ ເປັນບ່ອນຂອງຊຸມຊົນຄົນຕ່າງປະເທດທີ່ໃຫຍ່ທີ່ສຸດໃນທົ່ວປະເທດໄທ. ດ້ວຍປະຫວັດການສ້າງສາ ແລະ ພັດທະນາທີ່ຍາວນານ, ປະຊາຄົມມີຈິດໃຈສາມັກຄີ, ຕິດພັນກັນ ແລະ ເຊື່ອມໂຍງເຂົ້າກັບສັງຄົມປະເທດປະຈຳຖິ່ນ.
 |
| ທ່ານເອກອັກຄະລັດຖະທູດ ຟ່ານຈິແທັງ ແລະ ທ່ານເຈົ້າຄອງນະຄອນອຸດອນທານີ. (ພາບ: TTXVN) |
ການສ້າງຖະໜົນຫວຽດນາມ ແມ່ນການພັດທະນາທີ່ຈຳເປັນ ຂອງຊຸມຊົນຊາວຫວຽດນາມ ຢູ່ແຂວງອຸດອນທານີ. ນີ້ແມ່ນການແບ່ງປັນຂອງ ທ່ານເອກອັກຄະລັດຖະທູດຫວຽດນາມ ປະຈຳໄທ ຟ່ານຈິແທັງ ກັບຊາວຫວຽດນາມ ຢູ່ແຂວງ ອຸດອນທານີ ໃນໄລຍະດຳເນີນການຢ້ຽມຢາມພາກພື້ນຕາເວັນອອກສ່ຽງເໜືອຂອງໄທ.
ດ້ວຍປະຊາຄົມຊາວເຊື້ອຊາດຫວຽດນາມ ອາໄສຢູ່ທີ່ນີ້ ກວ່າ 60.000 ກວ່າຄົນ, ແຂວງອຸດອນທານີແມ່ນແຂວງທີ່ມີຊາວເຊື້ອຊາດຫວຽດນາມ ອາໄສຢູ່ຫຼາຍທີ່ສຸດໃນທົ່ວປະເທດໄທ. ນີ້ກໍ່ແມ່ນສະຖານທີ່ປະທານ ໂຮ່ຈີມິນ ເຄີຍດຳລົງຊີວິດ, ໄດ້ເປີດໂຮງຮຽນສອນໜັງສື ແລະ ເຜີຍແຜ່ຄວາມຮູ້ການປະຕິວັດໃຫ້ປະຊາຊົນ ແລະ ພະນັກງານຊາວເຊື້ອຊາດຫວຽດນາມ ທີ່ອາໄສຢູ່ທີ່ນີ້ ໃນຊຸມທ້າຍປີທີ 20 ຂອງສະຕະວັດກ່ອນ. ພາຍຫຼັງເກືອບ 100 ປີແຫ່ງການສ້າງຕັ້ງ ແລະ ພັດທະນາ, ປະຊາຄົມຊາວຫວຽດນາມຢູ່ແຂວງ ອຸດອນທານີ, ໄທ ນັບມື້ນັບພັດທະນາຢ່າງເຂັ້ມແຂງ ແລະ ມີບົດບາດສຳຄັນໃນຊີວິດສັງຄົມຂອງແຂວງ. ສະນັ້ນ, ແນວຄວາມຄິດສ້າງຕັ້ງຖະໜົນຫວຽດນາມ ຢູ່ ແຂວງອຸດອນທານີ ກໍ່ໄດ້ຮັບການຊຸກຍູ້ຈາກສະຖານທູດຫວຽດນາມ ປະຈຳໄທ ແລະ ໄດ້ຮັບການໜູນຊ່ວຍຈາກອຳນາດການປົກຄອງແຂວງ, ນະຄອນ ອຸດອນ.
 |
ເມື່ອໄດ້ຮັບການສ້າງຕັ້ງແລ້ວ, ຖະໜົນຫວຽດນາມ ຄາດວ່າຈະກາຍເປັນສູນວັດທະນະທຳຂອງຊາວຫວຽດນາມ ຢູ່ພາກຕາເວັນອອກສ່ຽງເໜືອຂອງໄທ. ພ້ອມກັນນັ້ນ, ນີ້ຍັງຈະເປັນສະຖານທີ່ອະນຸລັກຮັກສາຮີດຄອງປະເພນີ, ວັດທະນະທຳຂອງຊາວຫວຽດນາມ, ດຶງດູດນັກທ່ອງທ່ຽວຈາກຫຼາຍບ່ອນທີ່ມາຢ້ຽມຢາມ, ພິເສດແມ່ນຊາວຫວຽດນາມ ອາໄສຢູ່ໄທ, ລາວ ແລະ ປະຊາຊົນຫວຽດນາມ.…
ທ່ານເອກອັກຄະລັດຖະທູດ ຟ່ານຈິແທັງ ໄດ້ສະແດງຄວາມຂອບອົກຂອບໃຈຕໍ່ເຈົ້າຄອງນະຄອນ, ພ້ອມທັງອຳນາດການປົກຄອງນະຄອນ ອຸດອນທານີ ທີ່ໄດ້ໃຫ້ການຊ່ວຍເຫຼືອອັນລ້ຳຄ່າໃຫ້ປະຊາຄົມຊາວຫວຽດນາມຢູ່ໄທ, ໃນນັ້ນມີການອຸປະຖຳເງິນເປັນຈຳນວນຫຫຼາຍ ເພື່ອປັບແປງຕົກແຕ່ງເຂດຖະໜົນຫວຽດນາມ ໃນຊຸມປີທີ່ຜ່ານມາ. ທ່ານເອກອັກຄະລັດຖະທູດ ຢືນຢັນວ່າ ນີ້ແມ່ນການສະແດງໃຫ້ເຫັນນ້ຳໃຈມິດຕະພາບ, ຄວາມຮັກແພງຂອງຊາວອຸດອນ ສຳລັບຊາວຫວຽດນາມ ທີ່ອາໄສຢູ່ແຂວງ ກໍ່ຄືນ້ຳໃຈມິດຕະພາບທີ່ເປັນມູນເຊື້ອລະຫວ່າງຫວຽດນາມ ແລະ ໄທ.
 |
ໃນຂະນະນັ້ນ, ທ່ານເຈົ້າຄອງນະຄອນອຸດອນ ກໍ່ໄດ້ຕີລາຄາສູງຈຸດຄວາມງາມແບບດັ້ງເດີມຂອງຊາວຫວຽດນາມ ທີ່ປະຊາຄົມພີ່ນ້ອງຊາວຫວຽດນາມ ຢູ່ແຂວງອຸດອນທານີ ຍາມໃດກໍ່ໄດ້ຮັກສາໄວ້ໃນໄລຍະຜ່ານມາ. ທ່ານເຈົ້າຄອງນະຄອນອຸດອນ ຢືນຢັນວ່າ ອຳນາດການປົກຄອງນະຄອນ ຍາມໃດກໍ່ສະໜັບສະໜູນ ແລະ ຊຸກຍູ້ການເຄື່ອນໄຫວຂອງຊາວຫວຽດນາມ ທີ່ອາໄສຢູ່ຕ່າງປະເທດ.
ຄຳຮຸ່ງ
