| ວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນດິຈິຕອນ ແມ່ນແຮງຂັບເຄື່ອນພັດທະນາປະເທດ ຮ່າໂນ້ຍ - ອິນເດຍ ເປີດກວ້າງການຮ່ວມມືດ້ານເຕັກໂນໂລຊີສູງ, ນະວັດຕະກຳ |
ຕອນບ່າຍວັນທີ 4/10, ໃນຂອບເຂດງານບຸນນະວັດຕະກຳແຫ່ງຊາດ ປີ 2026, ກະຊວງວິທະຍາສາດ ແລະ ເຕັກໂນໂລຊີ ໄດ້ຈັດເວທີປາໄສອະນາຄົດວິທະຍາສາດ ແລະ ເຕັກໂນໂລຊີ, ນະວັດຕະກຳ ແລະ ການຫັນປ່ຽນດິຈິຕອນແຫ່ງຊາດ 2026.
ກ່າວຄຳປາໄສທີ່ເວທີປາໄສ, ທ່ານ ຫງວຽນມາຍເຢືອງ, ຫົວໜ້າກົມນະວັດຕະກຳ ໃຫ້ຮູ້ວ່າ ມະຕິເລກທີ 57-NQ/TW ຂອງກົມການເມືອງ ກຳນົດໃຫ້ວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນປ່ຽນດິຈິຕອນ ເປັນບາດກ້າວບຸກທະລຸສຳຄັນແຖວໜ້າ, ເປັນແຮງຂັບເຄື່ອນຕົ້ນຕໍສຳລັບການພັດທະນາໃນໄລຍະໃໝ່.
 |
| ທ່ານ ຫງວຽນມາຍເຢືອງ, ຫົວໜ້າກົມນະວັດຕະກຳ (ກະຊວງວິທະຍາສາດ ແລະ ເຕັກໂນໂລຊີ), ກ່າວຄຳປາໄສທີ່ເວທີປາໄສ. |
ໃນໄລຍະຜ່ານມາ, ຫຼາຍແນວທາງຂອງພັກໄດ້ຮັບການຫັນເປັນລະບຽບກົດໝາຍ ຜ່ານກົດໝາຍວ່າດ້ວຍວິທະຍາສາດ, ເຕັກໂນໂລຊີ ແລະ ນະວັດຕະກຳ, ກົດໝາຍວ່າດ້ວຍເຕັກໂນໂລຊີຂັ້ນສູງ, ກົດໝາຍວ່າດ້ວຍການຫັນປ່ຽນດິຈິຕອນ, ກົດໝາຍວ່າດ້ວຍຊັບສິນທາງປັນຍາ, ກົດໝາຍວ່າດ້ວຍການຖ່າຍທອດເຕັກໂນໂລຊີ ພ້ອມດ້ວຍເອກະສານແນະນຳການປະຕິບັດຫຼາຍສະບັບ.
ຜ່ານນັ້ນ, ແລວທາງດ້ານກົດໝາຍສຳລັບການຄົ້ນຄວ້າວິທະຍາສາດ, ການພັດທະນາ ແລະ ທົດລອງເຕັກໂນໂລຊີ, ການຖ່າຍທອດ, ການຄ້າຜົນການຄົ້ນຄວ້າ, ການຫັນປ່ຽນດິຈິຕອນ ແລະ ການລະດົມແຫຼ່ງກຳລັງຈາກສັງຄົມ ໄດ້ຄ່ອຍໆຖືກສ້າງຂຶ້ນ.
ຕາມທ່ານ ຫງວຽນມາຍເຢືອງ, ດ້ວຍສານ “ນະວັດຕະກຳ - ແຮງຂັບເຄື່ອນການພັດທະນາຂອງທົ່ວສັງຄົມ”, ງານບຸນນະວັດຕະກຳ ປີ 2026 ໄດ້ວາງຂໍ້ຮຽກຮ້ອງໃຫ້ຫັນຢ່າງແຮງຈາກການຮັບຮູ້ໄປສູ່ການກະທຳ, ຈາກແນວຄິດໄປສູ່ຜະລິດຕະພັນ, ຈາກການຄົ້ນຄວ້າໄປສູ່ການນຳໃຊ້ ແລະ ການຄ້າ, ຈາກບັນດາຮູບແບບແຍກສ່ວນໄປສູ່ບັນດາຜົນສຳເລັດທີ່ສາມາດຂະຫຍາຍຜົນໄດ້.
“ການລົງທຶນໃຫ້ນະວັດຕະກຳຕ້ອງຖືກວັດແທກດ້ວຍປະສິດທິຜົນ ແລະ ການປະກອບສ່ວນຕໍ່ການພັດທະນາເສດຖະກິດ - ສັງຄົມຂອງປະເທດ”, ທ່ານ ຫງວຽນມາຍເຢືອງ ເນັ້ນໜັກ.
ເວທີປາໄສໄດ້ຖືກອອກແບບອ້ອມຮອບ 3 ເສົາຄ້ຳ.
ເສົາຄ້ຳທີໜຶ່ງ ແມ່ນການຄົ້ນຄວ້າວິທະຍາສາດ, ການພັດທະນາເຕັກໂນໂລຊີ ແລະ ເຕັກໂນໂລຊີຍຸດທະສາດ, ສຸມໃສ່ຂະບວນການນັບແຕ່ການກຳເຕັກໂນໂລຊີ ໄປສູ່ການນຳໃຊ້, ການຄ້າ ແລະ ການເຜີຍແຜ່.
ບັນດາຜູ້ແທນໄດ້ແລກປ່ຽນກ່ຽວກັບຄວາມສາມາດດ້ານປັນຍາປະດິດແຫ່ງຊາດ, ການກຳເຕັກໂນໂລຊີຫຼັກ, ຍົກສູງອັດຕາການຜະລິດພາຍໃນປະເທດຂອງຜະລິດຕະພັນເຕັກໂນໂລຊີຍຸດທະສາດ ແລະ ການຂຸດຄົ້ນສິດຊັບສິນທາງປັນຍາໃນທາງການຄ້າ.
ເປົ້າໝາຍແມ່ນນຳຜົນການຄົ້ນຄວ້າ ແລະ ເຕັກໂນໂລຊີໃຫ້ກາຍເປັນຊັບສິນ, ຜະລິດຕະພັນ ແລະ ມູນຄ່າທາງການຄ້າ; ພ້ອມທັງສ້າງຕ່ອງໂສ້ເຊື່ອມໂຍງ ຈາກການເລືອກເຕັກໂນໂລຊີທີ່ຖືກຕ້ອງ, ການກຳເຕັກໂນໂລຊີ, ການປົກປ້ອງ ແລະ ຂຸດຄົ້ນຊັບສິນທາງປັນຍາ ໄປຈົນເຖິງການນຳເຕັກໂນໂລຊີເຂົ້າສູ່ການຜະລິດ, ຕະຫຼາດ ແລະ ຂະຫຍາຍການນຳໃຊ້.
ເສົາຄ້ຳທີສອງ ແມ່ນນະວັດຕະກຳ, ໂດຍສຸມໃສ່ການຫັນຈາກການພັດທະນາລະບົບນິເວດ ໄປສູ່ການສ້າງບັນດາການກະທຳ, ຜົນສຳເລັດ ແລະ ຮູບແບບທີ່ສາມາດຂະຫຍາຍຜົນໄດ້.
ຕາມນັ້ນ, ວິສາຫະກິດຈຳເປັນຕ້ອງກາຍເປັນຕົວຕັ້ງສູນກາງຂອງນະວັດຕະກຳຢ່າງແທ້ຈິງ; ສະຖາບັນຄົ້ນຄວ້າ, ມະຫາວິທະຍາໄລ, ອົງການຕົວກາງ, ນັກລົງທຶນ ແລະ ອົງການຄຸ້ມຄອງ ຈຳເປັນຕ້ອງສ້າງບັນດາກົນໄກຮ່ວມມືຢ່າງແທດຈິງ.
ບັນດາເນື້ອໃນສົນທະນາກ່ຽວກັບວິສາຫະກິດນະວັດຕະກຳ, ການເງິນສຳລັບນະວັດຕະກຳ, ການທົດລອງ, ການລົງທຶນ ແລະ ຂະຫຍາຍຂະໜາດທີ່ມຸ່ງສູ່ການພັດທະນາແບບຍືນຍົງ ໄດ້ປະກອບສ່ວນກຳນົດບັນດາຮູບແບບທີ່ມີປະສິດທິຜົນ ແລະ ບັນດາເງື່ອນໄຂທີ່ຈຳເປັນ ເພື່ອໃຫ້ຜົນສຳເລັດຂອງນະວັດຕະກຳສາມາດເຜີຍແຜ່ໄດ້.
ເສົາຄ້ຳທີສາມ ແມ່ນການຫັນປ່ຽນດິຈິຕອນແຫ່ງຊາດ, ສຸມໃສ່ນັບແຕ່ຂອບສະຖາປັດຕະຍະກຳດິຈິຕອນ ໄປຈົນເຖິງຂໍ້ມູນ, ໂຄງລ່າງນຳໃຊ້ຮ່ວມກັນ ແລະ ຄວາມສາມາດໃນການຜັນຂະຫຍາຍໃນຂອບເຂດທົ່ວປະເທດ.
ຂອບສະຖາປັດຕະຍະກຳລວມແຫ່ງຊາດດິຈິຕອນ ໄດ້ຮັບການປະກາດໃຊ້ໂດຍນາຍົກລັດຖະມົນຕີ ຕາມຂໍ້ຕົກລົງເລກທີ 1425/QĐ-TTg ລົງວັນທີ 29/7/2026. ນີ້ຖືກກຳນົດເປັນພື້ນຖານເພື່ອເຊື່ອມຕໍ່ຂໍ້ມູນ, ຄວາມຮູ້, ຄວາມສາມາດໃນການຄຳນວນ ແລະ ບັນດາຕົວຕັ້ງ, ຜ່ານນັ້ນຫຼຸດໄລຍະເວລາຂອງວົງຈອນການຄົ້ນຄວ້າ, ທົດລອງ, ນຳໃຊ້ ແລະ ສ້າງເງື່ອນໄຂໃຫ້ຂະຫຍາຍບັນດາຜົນສຳເລັດນະວັດຕະກຳໃນບັນດາຂະແໜງ, ຂົງເຂດ, ທ້ອງຖິ່ນ ແລະ ໃນຂອບເຂດທົ່ວປະເທດ.
ຕາມບັນດາຊ່ຽວຊານ ແລະ ວິສາຫະກິດ, 3 ເສົາຄ້ຳນີ້ມີສາຍພົວພັນອັນແໜ້ນແຟ້ນ ແລະ ບໍ່ສາມາດແຍກອອກຈາກກັນໄດ້.
ເຕັກໂນໂລຊີຍຸດທະສາດສ້າງບັນດາຄວາມສາມາດໃໝ່; ນະວັດຕະກຳຫັນຄວາມຮູ້ ແລະ ເຕັກໂນໂລຊີໃຫ້ກາຍເປັນຜະລິດຕະພັນ, ຂະບວນການ, ຮູບແບບ ແລະ ຄຸນຄ່າໃໝ່ໃນຕົວຈິງ; ສ່ວນການຫັນປ່ຽນດິຈິຕອນສະໜອງໂຄງລ່າງເພື່ອໃຫ້ບັນດາຜົນສຳເລັດເຫຼົ່ານັ້ນໄດ້ຮັບການເຊື່ອມຕໍ່, ຂະຫຍາຍ ແລະ ເຜີຍແຜ່ໄດ້ໄວຂຶ້ນ.
 ຫວຽດນາມ - ອິດສະຣາແອນ ຊຸກຍູ້ການຮ່ວມມືດ້ານນະວັດຕະກຳ ຍສໝ - ຕອນບ່າຍວັນທີ 12 ສິງຫາ, ທີ່ສຳນັກງານລັດຖະບານ, ທ່ານ ເລມິງຮຶງ, ນາຍົກລັດຖະມົນຕີຫວຽດນາມ ໄດ້ຕ້ອນຮັບ ທ່ານ Yaron Mayer, ເອກອັກຄະລັດຖະທູດອິດສະຣາແອນປະຈຳຫວຽດນາມ ເຂົ້າອຳລາ ເນື່ອງໃນໂອກາດສິ້ນສຸດອາຍຸການປະຕິບັດໜ້າທີ່ຢູ່ຫວຽດນາມ. |
 ການເຕີບໂຕແບບໃໝ່ຕ້ອງອີງໃສ່ເຕັກໂນໂລຊີ ແລະ ນະວັດຕະກຳ ຍສໝ - ພາຍຫຼັງ 40 ປີແຫ່ງການປ່ຽນແປງໃໝ່, ຫວຽດນາມໄດ້ບັນລຸບັນດາບາດກ້າວສຳຄັນດ້ານການເຕີບໂຕ, ລາຍຮັບ ແລະ ຄວາມກ້າວໜ້າທາງສັງຄົມ. ໃນການແລກປ່ຽນຢູ່ນອກຂອບກອງປະຊຸມສຳມະນາວິທະຍາສາດລະດັບຊາດ “ປ່ຽນແປງໃໝ່ຮູບແບບການພັດທະນາຂອງຫວຽດນາມ ເພື່ອຕອບສະໜອງຄວາມຕ້ອງການພັດທະນາ”, ສາດສະດາຈານ, ປອ. ໂງຖັງເລີ້ຍ, ອາຈານອາວຸໂສ, ມະຫາວິທະຍາໄລເສດຖະກິດແຫ່ງຊາດ ເຫັນວ່າ ໃນໄລຍະຕໍ່ໄປ ຈຳເປັນຕ້ອງຊຸກຍູ້ບັນດາແຮງຂັບເຄື່ອນການເຕີບໂຕແບບໃໝ່ ໂດຍອີງໃສ່ເຕັກໂນໂລຊີ, ນະວັດຕະກຳ, ການຫັນເປັນດິຈິຕອນ, ພ້ອມທັງຍົກສູງຜະລິດຕະພາບ ແລະ ຄຸນນະພາບຂອງກະແສທຶນ FDI. |
ມິງດຶກ
