| ຍ້ອງຍໍ 30 ພອນສະຫວັນໜຸ່ມ ພ້ອມທັງເປີດໂອກາດເພີ່ມເຕີມໃນການຄົ້ນຄວ້າວິທະຍາສາດ ຫວຽດນາມ - ໂຣມານີ ລົງນາມ 2 ຂໍ້ຕົກລົງຮ່ວມມືດ້ານອຸດສາຫະກຳ ແລະ ການຝຶກອົບຮົມ |
ໂຄງການດັ່ງກ່າວຈັດຂຶ້ນເພື່ອຂານຮັບວັນວັດທະນະທຳຫວຽດນາມ (24/11), ໂດຍມີບັນດາເອກອັກຄະລັດຖະທູດ, ຫົວໜ້າຄະນະຜູ້ແທນຖາວອນຂອງຫຼາຍປະເທດປະຈຳສະຫະປະຊາຊາດ (ສປຊ), ພ້ອມດ້ວຍຕົວແທນຈາກວົງການວິຊາການ, ສື່ມວນຊົນ, ວິສາຫະກິດ ແລະ ໝູ່ເພື່ອນນານາຊາດຂອງຫວຽດນາມຢູ່ New York ເຂົ້າຮ່ວມ.
ກ່າວຄຳປາໄສໃນງານ, ທ່ານ ໂດ໊ ຮຸ່ງ ຫວຽດ, ເອກອັກຄະລັດຖະທູດ, ຫົວໜ້າຄະນະຜູ້ແທນຖາວອນຫວຽດນາມປະຈຳ ສປຊ, ໄດ້ແນະນຳປະຫວັດການກຳເນີດ, ການພັດທະນາ ແລະ ເອກະລັກຂອງວັດທະນະທຳກາເຟຫວຽດນາມ, ພ້ອມທັງເນັ້ນໜັກບົດບາດຂອງວັດທະນະທຳໃນການເຊື່ອມໂຍງ ແລະ ສົ່ງເສີມຄວາມເຂົ້າໃຈລະຫວ່າງບັນດາປະເທດ ແລະ ຊົນຊາດ.
![]() |
| ທ່ານ ໂດ໊ ຮຸ່ງ ຫວຽດ, ເອກອັກຄະລັດຖະທູດ, ຫົວໜ້າຄະນະຜູ້ແທນຖາວອນຫວຽດນາມປະຈຳສະຫະປະຊາຊາດ, ແນະນຳວັດທະນະທຳກາເຟຫວຽດນາມໃຫ້ແກ່ໝູ່ເພື່ອນນານາຊາດ. |
ຕາມທ່ານເອກອັກຄະລັດຖະທູດແລ້ວ, ຈາກພືດຊະນິດໜຶ່ງທີ່ຖືກນຳເຂົ້າມາປູກຢູ່ຫວຽດນາມເມື່ອເກືອບ 170 ປີກ່ອນ, ກາເຟໄດ້ກາຍເປັນໜຶ່ງໃນບັນດາສິນຄ້າກະສິກຳສົ່ງອອກຕົ້ນຕໍ, ທີ່ມີຮ່ອງຮອຍວັດທະນະທຳ ແລະ ຄວາມຄິດສ້າງສັນຂອງຊາວຫວຽດນາມ.
ໂດຍສະເພາະ, ເມັດກາເຟ Robusta ທີ່ມີຄວາມທົນທານ, ສາມາດປັບຕົວເຂົ້າກັບສະພາບທຳມະຊາດທີ່ຮຸນແຮງ ກໍສະທ້ອນໃຫ້ເຫັນບາງສ່ວນຂອງຈິດໃຈອົດທົນ, ເດັດດ່ຽວ, ສ້າງສັນ ແລະ ບໍ່ຢຸດຢັ້ງໃນການກ້າວຂຶ້ນຂອງຊາວຫວຽດນາມ.
ທ່ານເອກອັກຄະລັດຖະທູດ ໂດ໊ ຮຸ່ງ ຫວຽດ ໃຫ້ຮູ້ວ່າ ໂຄງການນີ້ຍັງເປັນການຂານຮັບຂໍ້ລິເລີ່ມ “ທົດສະວັດສາກົນແຫ່ງວັດທະນະທຳເພື່ອການພັດທະນາທີ່ຍືນຍົງ 2027-2036” ທີ່ຫວຽດນາມເປັນຜູ້ລິເລີ່ມ ແລະ ໄດ້ຮັບການຮັບຮອງຈາກສະມັດຊາໃຫຍ່ ສປຊ ໃນເດືອນ 9/2026.
ຈຸດເດັ່ນຂອງງານແມ່ນກິດຈະກຳສຳຜັດປະສົບການ “ສະມາທິກາເຟ” ພາຍໃຕ້ການແນະນຳຂອງບັນດາຊ່ຽວຊານຈາກ Trung Nguyên Legend. ບັນດາແຂກຮັບເຊີນໄດ້ຮຽນຮູ້ໂດຍກົງກ່ຽວກັບວິທີຊົງກາເຟດ້ວຍຕົວກອງແບບດັ້ງເດີມ, ຝຶກປະຕິບັດທ່າທາງຜ່ອນຄາຍ, ລິ້ມລອງກາເຟໃນບັນຍາກາດທີ່ສະຫງົບງຽບ ແລະ ແລກປ່ຽນກ່ຽວກັບເອກະລັກຂອງວັດທະນະທຳກາເຟໃນແຕ່ລະປະເທດ.
ໃນໂອກາດນີ້, ຄະນະຜູ້ແທນຖາວອນຫວຽດນາມປະຈຳ ສປຊ ໄດ້ເປີດຕົວ “ມຸມກາເຟຫວຽດນາມ” ຢູ່ສຳນັກງານຄະນະຜູ້ແທນຢ່າງເປັນທາງການ. ຄາດວ່າພື້ນທີ່ແຫ່ງນີ້ຈະກາຍເປັນສະຖານທີ່ແລກປ່ຽນ, ແນະນຳວັດທະນະທຳກາເຟຫວຽດນາມ ແລະ ເຊື່ອມໂຍງຄະນະຜູ້ແທນກັບບັນດາຄູ່ຮ່ວມມື ແລະ ໝູ່ເພື່ອນນານາຊາດ.
ຍສໝ - ນັບແຕ່ກາງເດືອນພະຈິກ 2026, ໄດ້ມີການຈັດຫ້ອງຮຽນຖ່າຍທອດອາຊີບຕ່ຳຜ້າພື້ນເມືອງ ແລະ ປັກແສ່ວເຄື່ອງນຸ່ງຫົ່ມປະເພນີ 2 ຫ້ອງ ຢູ່ບ້ານຫ້ວຍລ໋ອງ ແລະ ຫ້ວຍກ໋າຍ, ຕາແສງເມືອງມຸນ (ແຂວງດ້ຽນບຽນ), ໂດຍແຕ່ລະຫ້ອງມີຜູ້ຮຽນ 20 ຄົນ. ຜ່ານແຕ່ລະຂັ້ນຕອນການຂຶງເສັ້ນດ້າຍ ແລະ ການປັກເຂັມ, ບັນດາແມ່ຍິງຊົນເຜົ່າໄທ ແລະ ມົ້ງ ກຳລັງຮ່ວມກັນຮັກສາອາຊີບດັ້ງເດີມທີ່ກຳລັງປະເຊີນກັບຄວາມສ່ຽງຈະສູນຫາຍ. |
ຍສໝ - ສະມາຄົມມິດຕະພາບ ແລະ ການຮ່ວມມືຫວຽດນາມ - ບຣາຊິນ ແລະ ສະມາຄົມມິດຕະພາບ ບຣາຊິນ - ຫວຽດນາມ (ABRAVIET) ໄດ້ເຫັນດີຮ່ວມກັນຈັດຕັ້ງຄະນະເຮັດວຽກ ເພື່ອກະກຽມລົງນາມໃນບົດບັນທຶກຄວາມເຂົ້າໃຈດ້ານການຮ່ວມມືສຳລັບ 5 ປີຕໍ່ໜ້າ. ທັງສອງຝ່າຍຍັງມຸ່ງໄປສູ່ການເຊື່ອມໂຍງບັນດາທ້ອງຖິ່ນຜະລິດກາເຟ, ວິສາຫະກິດ ແລະ ຂະຫຍາຍການແລກປ່ຽນລະຫວ່າງປະຊາຊົນ. |
ມິງດຶກ
