ບາດກ້າວສຳຄັນນຳພາວິສາຫະກິດຫວຽດນາມກ້າວເຂົ້າສູ່ລະບົບຕ່ອງໂສ້ການສະໜອງການບິນໂລກທີ່ VAF 2026

ເລີ່ມຕົ້ນແຕ່ວັນທີ 4 ພະຈິກ ແລະ ແກ່ຍາວໄປຈົນເຖິງວັນທີ 6 ພະຈິກ 2026 ທີ່ສູນກອງປະຊຸມແຫ່ງຊາດ (ຮ່າໂນ້ຍ), Vietnam Aerospace Forum 2026 (ງານວາງສະແດງ ແລະ ເວທີປາໄສອຸດສາຫະກຳການບິນຫວຽດນາມ ປີ 2026) ແມ່ນເຫດການສະເພາະຂະແໜງການຂະໜາດໃຫຍ່ເຊິ່ງຈັດຂຶ້ນໂດຍການຮ່ວມມືລະຫວ່າງ BCI Aerospace – Advanced Business Events (ABE) ແລະ ບໍລິສັດ Global Expo ຫວຽດນາມ. ຄວາມສຳຄັນຂອງໂຄງການໃນປີນີ້ຍິ່ງໄດ້ຮັບການຢືນຢັນຜ່ານການຮ່ວມເດີນທາງຂອງສອງຍີ່ຫໍ້ໃຫຍ່ຄື: Airbus ໃນບົດບາດເປັນຄູ່ຮ່ວມມືຍຸດທະສາດ ແລະ Viettel ເປັນຄູ່ຮ່ວມມືອຸດສາຫະກຳ.

ຈຸດເດັ່ນຂອງ VAF 2026 ແມ່ນການຜັນຂະຫຍາຍແບບປະສົມປະສານ 4 ໃນ 1 ຢ່າງຄົບຊຸດ, ເຊິ່ງລວມມີ: ງານວາງສະແດງ, ກອງປະຊຸມ, B2B Matching (ການເຊື່ອມຕໍ່ວິສາຫະກິດ) ແລະ Talent Day (ວັນພອນສະຫວັນ). ຜ່ານລະບົບການເຄື່ອນໄຫວນີ້, ຄະນະຈັດງານມີຄວາມມຸ່ງຫວັງທີ່ຈະສ້າງພື້ນທີ່ການຄ້າໂດຍກົງ, ເຊິ່ງຄວາມຕ້ອງການບຸກທະລຸຂອງຕະຫຼາດຫວຽດນາມ ສາມາດເຊື່ອມຕໍ່ເຂົ້າກັນຢ່າງສົມບູນແບບກັບກຳລັງຄວາມສາມາດຫຼັກຂອງລະບົບຕ່ອງໂສ້ມູນຄ່າການບິນສາກົນ.

ພາບບັນຍາກາດທີ່ບັນທຶກໄວ້ໃນພິທີເປີດງານວາງສະແດງເມື່ອປີ 2023.

ເຫດການດັ່ງກ່າວຄາດວ່າຈະກາຍເປັນຈຸດລວມຂອງທຸກໆພາກສ່ວນສຳຄັນໃນຂະແໜງການ, ໂດຍໄດ້ລວບລວມເອົາບັນດາບໍລິສັດການບິນ, ຜູ້ຜະລິດຍົນ, ຫົວໜ່ວຍຜະລິດອຸປະກອນ (OEM), ຜູ້ສະໜອງເຕັກໂນໂລຊີ, ຄູ່ຮ່ວມສະໜອງ ແລະ ກຸ່ມມະຫາວິທະຍາໄລຢ່າງຫຼວງຫຼາຍ. ການເຄື່ອນໄຫວຕ່າງໆໃນເວທີປາໄສຈະປິ່ນອ້ອມບັນດາເປົ້າໝາຍຈຸດສຸມຄື: ຊ່ວຍເຫຼືອວິສາຫະກິດໃນການຊອກຫາຜູ້ສະໜອງ, ເປີດກວ້າງເຄືອຂ່າຍການຮ່ວມມືດ້ານອຸດສາຫະກຳ ແລະ ພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູງ.

ນອກຈາກວາລະການເຊື່ອມຕໍ່ທຸລະກິດ (B2B), VAF 2026 ຍັງໄດ້ສະຫລະເວລາອັນໃຫຍ່ຫຼວງເພື່ອວິເຄາະບັນດາການຫັນປ່ຽນທີ່ເປັນບາດກ້າວສຳຄັນຂອງຂະແໜງການ. ບັນດາຜູ້ຊ່ຽວຊານ ແລະ ຄູ່ຮ່ວມມືຈະຮ່ວມກັນປຶກສາຫາລືກ່ຽວກັບຫຼາຍທ່າອ່ຽງດ້ານເຕັກໂນໂລຊີທີ່ກຳລັງສ້າງຮູບແບບໃໝ່ໃຫ້ແກ່ຂົງເຂດການບິນ, ໂດຍສະເພາະແມ່ນການນຳໃຊ້ອຸປະກອນວັດສະດຸໃໝ່ ແລະ ການກ້າວຂຶ້ນມາຂອງເຕັກໂນໂລຊີການບິນທີ່ທັນສະໄໝ.

ຜ່ານນັ້ນ, ເຫດການບໍ່ພຽງແຕ່ມີບົດບາດໃນການປັບປຸງລະບົບຕ່ອງໂສ້ການສະໜອງການບິນພາຍໃນປະເທດເທົ່ານັ້ນ, ແຕ່ຍັງເປັນແຮງຊຸກຍູ້ອັນສຳຄັນທີ່ຊ່ວຍຍົກລະດັບຄຸນນະພາບຂອງບຸກຄະລາກອນ, ສ້າງທ່າແຮງໃຫ້ແກ່ວິສາຫະກິດຫວຽດນາມກ້າວອອກສູ່ສາກົນ ແລະ ເຊື່ອມໂຍງເຂົ້າກັບລະບົບຕ່ອງໂສ້ມູນຄ່າການບິນທົ່ວໂລກຢ່າງເລິກເຊິ່ງ.

ວິສາຫະກິດ ຫວຽດນາມ ຢູ່ ຍີ່ປຸ່ນ - ໄທ - ຫວຽດນາມ ເຊື່ອມຕໍ່ ແລະ ຮ່ວມມື ຍສໝ - ຕອນເຊົ້າວັນທີ 15 ມີນາ, ຢູ່ ອຸດອນ ທານີ (ໄທ), ສະຖານກົງສູນໃຫຍ່ ຫວຽດນາມ ປະຈໍາ Fukuoka, ປະເທດ ຍີ່ປຸ່ນ ໄດ້ສົມທົບກັບສະຖານກົງສູນໃຫຍ່ ຫວຽດນາມ ປະຈໍາ ແຂວງ ຂອນແກ່ນ, ປະເທດ ໄທ ໄດ້ຈັດຕັ້ງເວທີປາໄສ “ເຊື່ອມຕໍ່ການຄ້າ ແລະ ການທ່ອງທ່ຽວລະຫວ່າງ ຍີ່ປຸ່ນ - ໄທ - ຫວຽດນາມ”.

ວິສາຫະກິດຫວຽດນາມລົງທຶນຢູ່ລາວ, ເຊື່ອມຕໍ່ການພັດທະນາເສດຖະກິດກັບການຮັບປະກັນຊີວິດສັງຄົມ ຍສໝ - ຢູ່ເມືອງເຊໂປນ, ເປັນເມືອງພູດອຍຫ່າງໄກສອກຫຼີກຂອງແຂວງສະຫວັນນະເຂດ, ທາງພາກກາງຂອງລາວ, ການປະກົດຕົວຂອງບັນດາວິສາຫະກິດຫວຽດນາມ ບໍ່ພຽງແຕ່ນຳມາເຊິ່ງກຳລັງວັງຊາໃໝ່ໃຫ້ແກ່ພື້ນຖານເສດຖະກິດທ້ອງຖິ່ນເທົ່ານັ້ນ, ຫາກຍັງປະກອບສ່ວນສຳຄັນເຂົ້າໃນຂະບວນການປັບປຸງຊີວິດການເປັນຢູ່ຂອງປະຊາຊົນ, ສ້າງວຽກເຮັດງານທຳ ແລະ ພັດທະນາກະສິກຳແບບຍືນຍົງ.