ທີ່ການໂອ້ລົມສົນທະນາ, ທ່ານລັດຖະມົນຕີກະຊວງປ້ອງກັນປະເທດຫວຽດນາມ ໂຫງຊວນລິກ ໄດ້ຢືນຢັນວ່າ ເພື່ອປະຕິບັດໝາກຜົນຂອງການຢ້ຽມຢາມສະຫະພັນລັດເຊຍຢ່າງເປັນທາງການ ໃນເດືອນກຸມພາປີ 2020 ຂອງຄະນະຜູ້ແທນການທະຫານຂັ້ນສູງຫວຽດນາມ, ກະຊວງປ້ອງກັນປະເທດສອງປະເທດ ສືບຕໍ່ມານະພະຍາຍາມປະຕິບັດບັນດາຂໍ້ຕົກລົງຂັ້ນສູງທີ່ບັນລຸໄດ້ຢ່າງມີປະສິດທິຜົນ, ປະກອບສ່ວນແທດຈິງໃນການພົວພັນສອງຝ່າຍ, ພິເສດແມ່ນເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດ ແລະ ປີຫວຽດນາມ - ລັດເຊຍປີ 2019-2020.
 |
| ກອງປະຊຸມສົນທະນາຖ່າຍທອດສົດ ລະຫວ່າງລັດຖະມົນຕີກະຊວງປ້ອງກັນປະເທດຫວຽດນາມ ແລະ ສະຫະພັນລັດເຊຍ. (ພາບ: qdnd) |
ທ່ານພົນເອກ ໂຫງຊວນລິກ ໄດ້ຕີລາຄາສູງວ່າ ສອງຝ່າຍໄດ້ຕັ້ງໜ້າຊຸກຍູ້ການຮ່ວມມືໃນຂົງເຂດປ້ອງກັນ, ຕ້ານໂລກລະບາດ COVID-19, ໂດຍສະເພາະໄດ້ຕີລາຄາສູງວ່າລັດຖະບານສະຫະພັນລັດເຊຍ ໄດ້ສະໜອງ, ໜູນຊ່ວຍອຸປະກອນດ້ານການແພດ ເພື່ອປ້ອງກັນ ແລະ ຄວບຄຸມການລະບາດຂອງ COVID-19 ໃນຫວຽດນາມ, ພ້ອມທັງຕັດສິນໃຈວາງແຜນການສະໜອງວັກຊີນປ້ອງກັນຕ້ານໂລກລະບາດ COVID-19 "Sputnik V".
ທ່ານລັດຖະມົນຕີກະຊວງປ້ອງກັນປະເທດຫວຽດນາມ ໂຫງຊວນລິກ ໄດ້ຢືນຢັນວ່າ ສອງຝ່າຍຈະສືບຕໍ່ເພີ່ມທະວີການຮ່ວມມືໃນຂົງເຂດການບຳລຸງສ້າງ ເຊິ່ງແມ່ນບັນດາຈຸດທີ່ສະຫວ່າງໃນການຮ່ວມມືດ້ານປ້ອງກັນຊາດລະຫວ່າງສອງປະເທດ; ຫວຽດນາມ ປາດຖະໜາຢາກຍົກສູງປະສິດທິຜົນການຮ່ວມມືໃນຂົງເຂດນີ້ກັບສະຫະພັນລັດເຊຍໃນໄລຍະຈະມາເຖິງ.
ທ່ານລັດຖະມົນຕີກະຊວງປ້ອງກັນປະເທດຫວຽດນາມ ໂຫງຊວນລິກ ກໍ່ໄດ້ສະເໜີໃຫ້ສອງຝ່າຍຊຸກຍູ້ການແລກປ່ຽນຄະນະຜູ້ແທນຂັ້ນສູງໂດຍໄວ ເພື່ອຢ້ຽມຢາມ ແລະ ເຮັດວຽກປຶກສາຫາລື, ສະເໜີການຈັດຕັ້ງປະຕິບັດບັນດາເນື້ອໃນຮ່ວມມືບຸລິມະສິດ ເຊິ່ງທັງສອງຝ່າຍມີຄວາມສົນໃຈລວມ.
ສ່ວນທ່ານລັດຖະມົນຕີກະຊວງປ້ອງກັນປະເທດລັດເຊຍ Sergey Shoigu ໄດ້ຢືນຢັນວ່າ ສະຫະພັນລັດເຊຍ ຈະສືບຕໍ່ເພີ່ມທະວີການຮ່ວມມືດ້ານປ້ອງກັນຊາດກັບຫວຽດນາມ, ສອດຄ່ອງກັບການພົວພັນຄູ່ຮ່ວມມືຍຸດທະສາດຮອບດ້ານ.
ທ່ານລັດຖະມົນຕີກະຊວງປ້ອງກັນປະເທດທັງສອງທ່ານ ໄດ້ເຫັນດີເປັນເອກະພາບກັນວ່າການຮ່ວມມືດ້ານປ້ອງກັນຊາດ ແມ່ນຈຸດພົ້ນເດັ່ນໃນການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ - ລັດເຊຍ; ກະຊວງປ້ອງກັນປະເທດຂອງສອງປະເທດ ຈະສືບຕໍ່ຊຸກຍູ້ໝາກຜົນຂອງການພົວພັນດ້ານປ້ອງກັນຊາດ ແລະ ການຮ່ວມມືດ້ານເຕັກນິກການທະຫານຕາມທິດທາງ “ມີຄວາມໜ້າເຊື່ອຖື, ມີປະສິດທິຜົນ ແລະ ຮອບດ້ານ”.
 | ງານວາງສະແດງຮູບພາບດ້ວຍຫົວຂໍ້ “ຫວຽດນາມ: ປະເທດຊາດ ແລະມະນຸດ” ໄດ້ໄຂຂຶ້ນ ສະຫະພັນລັດເຊຍ ຍສໝ - ໃນລະຫວ່າງວັນທີ 27 ກຸມພາ ຫາວັນທີ 1 ມີນາ 2020, ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ສະຫະພັນລັດເຊຍ, ງານວາງສະແດງຮູບພາບດ້ວຍຫົວຂໍ້ “ຫວຽດນາມ: ປະເທດຊາດ ແລະມະນຸດ” ໄດ້ໄຂຂຶ້ນຢູ່ສູນວາງສະແດງຮູບພາບແຫ່ງຊາດ Primorie ທີ່ນະຄອນ Vladivostok, ສະຫະພັນລັດເຊຍ. |
 | ຫວຽດນາມ - ສະຫະພັນລັດເຊຍ ຍາມໃດກໍ່ສະໜັບສະໜູນວິສາຫະກິດຂອງສອງປະເທດຮ່ວມມື ຍສໝ - ຕອນບ່າຍວັນທີ 29 ຕຸລາ, ຢູ່ຮ່າໂນ້ຍ, ໄດ້ດຳເນີນການໂອ້ລົມສົນທະນາລະຫວ່າງວິສາຫະກິດຫວຽດນາມ - ລັດເຊຍ ກັບທ່ານຮອງນາຍົກລັດຖະມົນຕີຫວຽດນາມ ຈິ້ງດິ່ງຢຸງ ແລະ ທ່ານຮອງນາຍົກລັດຖະມົນຕີລັດເຊຍ Maxim Akimov. |
 | ນາຍົກລັດຖະມົນຕີ ສະຫະພັນລັດເຊຍ Dmitry Medvedev ເຄື່ອນໄຫວຢ້ຽມຢາມຫວຽດນາມ ໂດຍຕອບສະໜອງຕາມຄຳເຊີນຂອງທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ, ທ່ານນາຍົກລັດຖະມົນຕີ ສະຫະພັນລັດເຊຍ Dmitry Medvedev ໄດ້ມາຢ້ຽມຢາມຫວຽດນາມຢ່າງເປັນທາງການໃນວັນທີ 18 ແລະ ວັນທີ 19 ພະຈິກ |
ຄຳຮຸ່ງ
