| ສະຖານທູດ ຫວຽດນາມ ປະຈຳ ບັນດາປະເທດ ສະເຫຼີມສະຫຼອງ 75 ປີ ແຫ່ງວັນຊາດ ຫວຽດນາມ ແລະ ວັນສ້າງຕັ້ງຂະແໜງການທູດ | |
| ການນຳພັກ,ລັດໄດ້ເຂົ້າຂ່ຳນັບສຸສານປະທານໂຮ່ຈີມິນເນື່ອງໃນໂອກາດ 75 ປີແຫ່ງວັນຊາດຫວຽດນາມ ທີ 2 ກັນຍາ |
 |
| ສະຖານກົງສຸນໃຫຍ່ແຫ່ງສາທາລະນະລັດປະຊາທິປະໄຕປະຊາຊົນລາວ ປະຈຳ ຂອນແກ່ນ ອອວຍພອນ ວັນຊາດ 2 ກັນຍາ. |
ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນຊາດສາທາລະນະລັດສັງຄົມນິຍົມຫວຽດນາມ, ສະຖານກົງສຸນໃຫຍ່ຫວຽດນາມປະຈຳ ຂອນແກ່ນ - ປະເທດໄທ ໄດ້ຈັດຕັ້ງພິທີສະແດງຄວາມຮູ້ບຸນຄຸນແລະ ຍ້ອງຍໍສັນລະເສີນຊາວຫວຽດນາມທີ່ໄດ້ມີການປະກອບສ່ວນອັນລ້ຳເຂົ້າໃນການກໍ່ສ້າງ ແລະພັດທະນາຊຸມຊົນຫວຽດນາມ ຢູ່ເຂດທາງທິດຕາເວັນອອກສ່ຽງເໜືອຂອງປະເທດໄທ.
ໃນລະຫວ່າງແຕ່ວັນທີ 1 ຫາ ວັນທີ 2 ກັນຍາ 2020, ສະຖານກົງສຸນໃຫຍ່ຫວຽດນາມ ປະຈຳ ຂອນແກ່ນ ໄດ້ຕ້ອນຮັບພະນັກງານຂອງກົງສຸນໃຫຍ່ຂອງປະເທດລາວ ທີ່ ຂອນແກ່ນ ແລະຊາວຫວຽດນາມ ອາໄສຢູ່ໃນເຂດທາງທິດຕາເວັນອອກສ່ຽງເໜືອຂອງປະເທດໄທ ເປັນຈຳນວນຫລວງຫລາຍ ທີ່ໄດ້ມາອວຍພອນ ແລະ ເຂົ້າຮ່ວມການສະເຫຼີມສະຫຼອງວັນຊາດສາທາລະນະລັດສັງຄົມນິຍົມຫວຽດນາມຄົບຮອບ 75 ປີ (2 ກັນຍາ 1945 - 2 ກັນຍາ 2020).
 |
| ສະຖານກົງສຸນໃຫຍ່ຫວຽດນາມ ໄດ້ມອບໃບຢັ້ງຢືນຂອງສະຖານກົງສຸນໃຫຍ່ໃຫ້ແກ່ຊາວຫວຽດນາມ ຢູ່ ເຂດທາງທິດຕາເວັນອອກສ່ຽງເໜືອຂອງປະເທດໄທ 45 ຄົນ ສຳລັບການປະກອບສ່ວນອັນລ້ຳຄ່າຂອງປະຊາຄົມຊາວຫວຽດນາມທີ່ບ່ອນຢູ່ອາໄສຂອງພວກເຂົາ. |
ຕາງໜ້າໃຫ້ພະນັກງານທັງໝົດຂອງກົງສຸນໃຫຍ່ແຫ່ງ ສປປ.ລາວ ປະຈຳ ຂອນແກ່ນ, ທ່ານ ສົມບັດ ແພງພະຈັນ ຫົວໜ້າກົງສຸນໃຫຍ່ແຫ່ງ ສປປ.ລາວ ປະຈຳ ຂອນແກ່ນ ໄດ້ອວຍພອນໃຫ້ແກ່ປະເທດຫວຽດນາມອ້າຍນ້ອງ ທີ່ຍາດໄດ້ຜົນສຳເລັດອັນໃຫຍ່ຫຼວງໃນພາລະກິດສ້າງສາ ແລະ ພັດທະນາປະເທດຊາດ, ປັບປຸງທີ່ຕັ້ງຂອງຕົນຢູ່ໃນພາກພື້ນ ແລະໃນໂລກ; ຢັ້ງຢືນຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດຖະບານ ແລະ ປະຊາຊົນສອງປະເທດລາວ - ຫວຽດນາມ ຍາມໃດກໍ່ໄດ້ຮັບການປົກປັກຮັກສາ ແລະພັດທະນາຢ່າງບໍ່ຢຸດຢັ້ງ; ຊົມເຊີຍຫວຽດນາມ ສຳເລັດການຄວບຄຸມໂລກລະບາດ Covid-19 ເປັນຄັ້ງທີສອງ; ປາດຖະໜາວ່າການຮ່ວມມືລະຫວ່າງສອງຫ້ອງການຜູ້ຕາງໜ້າ ຂອງລາວ ແລະ ຫວຽດນາມ ຢູ່ ຂອນແກ່ນ ຈະສືບຕໍ່ໄດ້ຮັບການເສີມຂະຫຍາຍບັນດາໝາກຜົນໃນຊຸມປີມໍ່ໆມານີ້, ປະກອບສ່ວນສຳຄັນເຂົ້າໃນການປົກປັກຮັກສາ, ເພີ່ມພູນຄູນສ້າງ ແລະພັດທະນາສາຍພົວພັນແບບພິເສດ ລາວ - ຫວຽດນາມ.
ເນື່ອງໃນໂອກາດນີ້, ສະຖານກົງສຸນໃຫຍ່ຫວຽດນາມ ກໍ່ໄດ້ມອບໃບຢັ້ງຢືນຂອງສະຖານກົງສຸນໃຫຍ່ໃຫ້ແກ່ຊາວຫວຽດນາມ ຢູ່ເຂດທາງທິດຕາເວັນອອກສ່ຽງເໜືອຂອງປະເທດໄທ 45 ຄົນ ສຳລັບການປະກອບສ່ວນອັນລ້ຳຄ່າຂອງປະຊາຄົມຊາວຫວຽດນາມທີ່ບ່ອນຢູ່ອາໄສຂອງພວກເຂົາ, ປະກອບສ່ວນຢ່າງຕັ້ງໜ້າ ເຂົ້າໃນການກໍ່ສ້າງ ແລະ ການພັດທະນາຊຸມຊົນຊາວຫວຽດນາມ ຢູ່ ເຂດຕາເວັນອອກສຽງເໜືອຂອງປະເທດໄທ.
 | ຫວຽດນາມ: ບັນດາການເຄື່ອນໄຫວສະເຫຼີມສະຫຼອງ 75 ປີແຫ່ງການປະຕິວັດເດືອນສິງຫາ ແລະວັນຊາດທີ 2 ກັນຍາ ໃນຕອນຄ່ຳວັນທີ 18 ສິງຫາ, ຢູ່ໂຮງລະຄອນໃຫຍ່, ຮ່າໂນ້ຍ, ໄດ້ຈັດງານພົບປະແລກປ່ຽນສະແດງສິລະປະ “ດາວເອກະລາດ” ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນການປະຕິວັດເດືອນສິງຫາ ແລະ ວັນຊາດທີ 2 ກັນຍາ. |
 | ສະຖານກົງສຸນໃຫຍ່ຫວຽດນາມປະຈຳ ຂອນແກ່ນ ໄດ້ຈັດຕັ້ງການສະເຫຼີມສະຫຼອງວັນຄ້າຍວັນເກີດ ປະທານ ໂຮ່ຈີມິນ ຄົບຮອບ 130 ປີ ຍສໝ - ຕອນເຊົ້າວັນທີ 19 ພຶດສະພາ 2020, ທ່ານ ກົງສຸນໃຫຍ່ ຮ່ວາງຫງອກເຊີນ ໄດ້ເຂົ້າຮ່ວມພິທີຖະຫວາຍທູບທຽນອາໄລຫາປະທານໂຮ່ຈີມິນ ຢູ່ສວນສາທາລະນະລະນຶກ ປະທານ ໂຮ່ຈີມິນ ຢູ່ ບ້ານ ໜອງໂອນ, ຕາແສງ ຊ່ຽງປິນ, ເມືອງ ເມືອງ, ແຂວງ ອຸດອນ ທານີ. |
 | ກອງພັນໃຫຍ່ 82 (ທະຫານເຂດ 2) ແລະກອງພົນທີ 3 (ກອງທັບປະຊາຊົນລາວ) ສະເຫຼີມສະຫຼອງ 5 ປີແຫ່ງການແຮກສ່ຽວ ຕອນເຊົ້າວັນທີ 21 ທັນວາ, ທີ່ນະຄອນດ້ຽນບຽນຝູ, ແຂວງດ້ຽນບຽນ, ກອງພັນໃຫຍ່ 82 (ທະຫານເຂດ 2) ແລະກອງພົນທີ 3 (ກອງທັບປະຊາຊົນລາວ) ຈັດຕັ້ງກອງປະຊຸມຮ່ວມ ແລະສະເຫຼີມສະຫຼອງ 5 ປີແຫ່ງການແຮກສ່ຽວ. |
ໄຊພອນ
