ຫວຽດນາມ ແລະ ລາວ ຮ່ວມຈິດຮ່ວມໃຈກັນເພື່ອຕໍ່ສູ້ກັບການລະບາດຂອງພະຍາດ COVID – 19
	ກອງທັບ ຫວຽດນາມ ແລະ ລາວ ຮ່ວມມືຢ່າງຮອບດ້ານ ໃນການສະກັດກັ້ນພະຍາດ Covid-19

ວັນທີ 14 ສິງຫາ, ທ່ານ ເຈີນແທັງເມີ້ນ - ເລຂາທິການຄະນະສູນກາງພັກ, ປະທານຄະນະກຳມະການສູນກາງສູນກາງແນວໂຮມປະເທດຊາດຫວຽດນາມ ໄດ້ໃຫ້ການຕ້ອນຮັບ ທ່ານໄຊສົມພອນ ພົມວິຫານ - ກຳມະການກົມການເມືອງສູນກາງພັກປະຊາຊົນປະຕິວັດລາວ, ປະທານຄະນະກຳມະການສູນກາງແນວລາວສ້າງຊາດ ໃນໂອກາດເດີນທາງໄປປະເທດຫວຽດນາມ ເພື່ອເຂົ້າຮ່ວມພິທີໄວ້ອາໄລທ່ານອະດີດເລຂາທິການໃຫຍ່ ເລຂາຟຽວ.

ກ່າວຄຳເຫັນທີ່ການພົບປະ, ທ່ານ ເຈີນແທັງເມີ້ນ ໄດ້ຢືນຢັນວ່າ ສູນກາງແນວໂຮມປະເທດຊາດຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເພີ່ມທະວີການຮ່ວມມືກັບສູນກາງແນວລາວສ້າງຊາດ. ຕາມທ່ານ ເຈີນແທັງເມີ້ນ ແລ້ວ, ໃນສະພາບການທີ່ສັບສົນຍ້ອນການລະບາດຂອງ COVID-19 ໃນທົ່ວໂລກ ແລະ ພາກພື້ນ ໄດ້ສົ່ງຜົນກະທົບຢ່າງໃຫຍ່ຫຼວງຕໍ່ເສດຖະກິດ - ສັງຄົມຂອງສອງປະເທດ, ສູນກາງແນວໂຮມປະເທດຊາດຫວຽດນາມ ແລະ ສູນກາງແນວລາວສ້າງຊາດ ຕ້ອງເພີ່ມທະວີການຮ່ວມມື, ການເຊື່ອມຕໍ່ທີ່ສົມບູນແບບ, ແລະ ສະໜັບສະໜູນເຊິ່ງກັນ ແລະ ກັນເພື່ອຜ່ານຜ່າຄວາມຫຍຸ້ງຍາກ.

ທ່ານ ເຈີນແທັງເມີ້ນ ໄດ້ໃຫ້ການຕ້ອນຮັບ ທ່ານໄຊສົມພອນ ພົມວິຫານ - ປະທານຄະນະກຳມະການສູນກາງແນວລາວສ້າງຊາດ.(ພາບ: TTXVN)

ຕາມແຜນການ, ປີ 2020 ແມ່ນປີໄດ້ຈັດຕັ້ງກອງປະຊຸມປະທານແນວຮົບຂອງ 3 ປະເທດ ກຳປູເຈຍ, ລາວ ແລະ ຫວຽດນາມ, ທ່ານເຈີນແທັງເມີ້ນ ໄດ້ສະເໜີໃຫ້ສອງຝ່າຍປະສານສົມທົບກັບແນວຮົບປະເທດ ກຳປູເຈຍ ເພື່ອຈັດກອງປະຊຸມອອນລາຍ ເຊິ່ງຄາດຄະເນກຳນົດໃນພະຈິກ ປີ 2020.

ທ່ານເຈີນແທັງເມີ້ນ ໄດ້ຢືນຢັນວ່າສູນກາງແນວໂຮມປະເທດຊາດຫວຽດນາມ ແລະ ສູນກາງແນວລາວສ້າງຊາດ ຈະສົມທົບກັນຢ່າງແໜ້ນແຟ້ນ ເພື່ອຈັດຕັ້ງກອງປະຊຸມສາກົນກ່ຽວກັບການກໍ່ສ້າງຊາຍແດນຫວຽດນາມ - ລາວແຫ່ງສັນຕິພາບ, ມິດຕະພາບ ແລະ ຮ່ວມມືພັດທະນາເຊິ່ງກັນ ແລະ ກັນໃນເວລາທີ່ເໝາະສົມ (ໃນປີ 2021).

ທ່ານໄຊສົມພອນ ພົມວິຫານ - ກຳມະການກົມການເມືອງສູນກາງພັກປະຊາຊົນປະຕິວັດລາວ, ປະທານຄະນະກຳມະການສູນກາງແນວລາວສ້າງຊາດ ໄດ້ເນັ້ນໜັກເຖິງນ້ຳໃຈມິດຕະພາບທີ່ເປັນມູນເຊື້ອ, ຄວາມສາມັກຄີພິເສດລາວ - ຫວຽດນາມ ແມ່ນຊັບສົມບັດອັນລ້ຳຄ່າຂອງປະຊາຊົນສອງປະເທດ. ທ່ານໄຊສົມພອນ ພົມວິຫານ ກ່າວວ່າ, ໃນໄລຍະທີ່ຜ່ານມາ ສາຍພົວພັນຮ່ວມມືລະຫວ່າງຄະນະກຳມະການສູນກາງແນວລາວສ້າງຊາດ ແລະ ສູນກາງແນວໂຮມປະເທດຊາດຫວຽດນາມ ໄດ້ຮັບການເພີ່ມທະວີຢ່າງບໍ່ຢຸດຢັ້ງ, ປະກອບສ່ວນຢ່າງໃຫຍ່ຫຼວງເຂົ້າໃນການສົ່ງເສີມສາຍພົວພັນແບບດັ້ງເດີມ, ຕິດພັນກັນລະຫວ່າງສອງພັກ, ສອງລັດ ແລະ ປະຊາຊົນຂອງສອງປະເທດຫວຽດນາມ ແລະ ລາວ.

ເຫັນດີກັບບັນດາເນື້ອໃນແລກປ່ຽນຄຳຄິດຄຳເຫັນຂອງປະທານຄະນະກຳມະການສູນກາງແນວໂຮມປະເທດຊາດຫວຽດນາມ, ທ່ານ ໄຊສົມພອນ ພົມວິຫານ ຢືນຢັນວ່າ, ຄະນະກຳມະການສູນກາງແນວລາວສ້າງຊາດ ຈະປະສານສົມທົບຢ່າງແໜ້ນແຟ້ນກັບຄະນະກຳມະການສູນກາງແນວໂຮມແຫ່ງຊາດຫວຽດນາມ ເຊິ່ງປະຕິບັດບັນດາເນື້ອໃນຂອງໂຄງການຮ່ວມມືທີ່ໄດ້ລົງນາມ.

ຊຸກຍູ້ການຮ່ວມມືດ້ານປ້ອງກັນຊາດ ລະຫວ່າງ ຫວຽດນາມ ແລະ ສິງກະໂປ ຍສໝ - ສອງຝ່າຍເຫັນດີເປັນເອກະພາບຈະແກ້ໄຂບັນດາສິ່ງກີດຂວາງຍ້ອນເຊື້ອພະຍາດໂຄວິດ-19 ກໍ່ຂຶ້ນ, ເພື່ອແນໃສ່ຊຸກຍູ້ການຜັນຂະຫຍາຍບັນດາເນື້ອໃນການຮ່ວມມືດ້ານປ້ອງກັນຊາດທີ່ໄດ້ເຫັນດີເປັນເອກະພາບລະຫວ່າງສອງປະເທດໃນໄລຍະຈະມາເຖິງ.

ທ່ານອະດີດເອກອັກຄະລັດຖະທູດລາວ ປະຈຳ ຫວຽດນາມ: ທ່ານ ເລຂາຟຽວ ອະດີດເລຂາທິການໃຫຍ່ ແມ່ນຄົນລຽບງ່າຍ, ນ້ຳໃສໃຈຈິງ, ສ້າງຄວາມດຶງດູດຄົນອື່ນຜ່ານການຈັບມື ຍສໝ - ທ່ານ ວິໄລວັນ ພົມເຂ ອະດີດລັດຖະມົນຕີກະຊວງກະສິກຳ ແລະປ່າໄມ້ລາວ; ອະດີດເລຂາ, ເຈົ້າແຂວງໆສະຫວັນນະເຂດ; ອະດີດເອກອັກຄະລັດຖະທູດລາວ ປະຈຳ ຫວຽດນາມ ໄດ້ມີການພົບປະຫຼາຍເທື່ອ ແລະມີຄວາມປະທັບໃຈທີ່ດີງາມຕໍ່ທ່ານອະດີດເລຂາທິການໃຫຍ່ ເລຂາຟຽວ.

ກອງບັນຊາການທະຫານຊາຍແດນແຂວງເງະອານ ສສ.ຫວຽດນາມ ແລະກອງບັນຊາການທະຫານແຂວງບໍລິຄໍາໄຊ ສປປ.ລາວ ຈັດຕັ້ງການລາດຕະເວນສອງຝ່າຍຕາມເສັ້ນຊາຍແດນ ຍສໝ - ກໍາລັງລາດຕະເວນສອງຝ່າຍໄດ້ດໍາເນີນການລາດຕະເວນຕາມເສັ້ນຊາຍແດນ ຫວຽດນາມ-ລາວ ແລະຫຼັກໝາຍຊາຍແດນເລກທີ 441, ນີ້ແມ່ນຫຼັກໝາຍທີ່ປັກຢູ່ໄກ, ທາງໄປມາປະສົບຄວາມຫຍຸ້ງຍາກຫຼາຍ.