| ທ່ານເລຂາທິການໃຫຍ່ຫງວຽນຟູຈ້ອງ ພົບປະເຈລະຈາກັບ ທ່ານເລຂາທິການໃຫຍ່, ປະທານປະເທດ ສປປ.ລາວ ທອງລຸນ ສີສຸລິດ | |
| ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ພົບປະກັບອະດີດເລຂາທິການໃຫຍ່ ແລະ ອະດີດປະທານປະເທດຫວຽດນາມ |
ທີ່ການຕ້ອນຮັບ, ທ່ານປະທານຄະນະກຳມະການສູນກາງແນວໂຮມແຫ່ງຊາດຫວຽດນາມ ໂດວັນຈ້ຽນ ໄດ້ສະແດງຄວາມຂອບອົກຂອບໃຈ ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ທີ່ໄດ້ສະຫລະເວລາຕ້ອນຮັບຄະນະ, ສິ່ງດັ່ງກ່າວສະແດງໃຫ້ເຫັນຄວາມເອົາໃຈໃສ່ເປັນພິເສດ ຕໍ່ວຽກງານແນວໂຮມແຫ່ງຊາດ ແລະ ບັນດາອົງການຈັດຕັ້ງສະມາຊິກຂອງຄະນະກຳມະການສູນກາງແນວໂຮມແຫ່ງຊາດຫວຽດນາມ, ໂດຍສະເພາະແມ່ນບັນດາສະຫາຍນັກຊ່ຽວຊານ ແລະ ທະຫານອາສາສະໝັກ ທີ່ໄດ້ອຸທິດ ແລະ ປະຕິບັດໜ້າທີ່ສາກົນໃນປະເທດລາວ.
 |
| ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ຕ້ອນຮັບທ່ານປະທານຄະນະກຳມະການສູນກາງແນວໂຮມແຫ່ງຊາດຫວຽດນາມ ໂດວັນຈ້ຽນ. (ພາບ: TTXVN) |
ທ່ານໂດວັນຈ້ຽນ ໃຫ້ຮູ້ວ່າ: ໃນໄລຍະຜ່ານມາ, ບັນດາອົງການສະມາຊິກຂອງຄະນະກຳມະການສູນກາງແນວໂຮມແຫ່ງຊາດຫວຽດນາມ ເຊັ່ນ: ຊາວໜຸ່ມ, ແມ່ຍິງ, ອົງການກຳມະບານ, ຊາວກະສິກອນ, ນັກຮົບເກົ່າ, ສະຫະພັນບັນດາອົງການມິດຕະພາບຫວຽດນາມ, ສະມາຄົມມິດຕະພາບຫວຽດນາມ - ລາວ ໄດ້ປະສານສົມທົບກັບບັນດາຄູ່ຮ່ວມມືລາວ ເພື່ອປະຕິບັດຫຼາຍກິດຈະກຳດ້ວຍຫຼາຍຮູບແບບ, ມີເນື້ອໃນທີ່ອຸດົມສົມບູນ ແລະແທດຈິງ ເພື່ອເພີ່ມທະວີຄວາມສາມັກຄີລະຫວ່າງປະຊາຊົນສອງປະເທດ, ສຶກສາອົບຮົມ, ໂຄສະນາເຜີຍແຜ່, ບຳລຸງສ້າງ ແລະ ເສີມຂະຫຍາຍການພົວພັນຫວຽດນາມ - ລາວ; ພ້ອມກັນນັ້ນກໍ່ເສີມຂະຫຍາຍບົດບາດເປັນຂົວຕໍ່ ເພື່ອຊຸກຍູ້ການຮ່ວມມືໃນທຸກຂົງເຂດລະຫວ່າງສອງຝ່າຍ.
ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ບັນດາໝາກຜົນທີ່ຄະນະກຳມະການສູນກາງແນວໂຮມແຫ່ງຊາດຫວຽດນາມ ບັນລຸໄດ້ໃນຊຸມປີຜ່ານມາ; ໂດຍສະເພາະແນວໂຮມປະເທດຊາດຫວຽດນາມ ໄດ້ສະແດງໃຫ້ເຫັນບົດບາດສຳຄັນໃນການລະດົມ, ເຕົ້າໂຮມ ແລະ ເສີມຂະຫຍາຍກຸ່ມກ້ອນມະຫາສາມັກຄີທົ່ວປວງຊົນທັງຊາດ.
ໂດຍຮັບຮູ້ຕໍ່ບັນດາການປະກອບສ່ວນ, ການເສຍສະຫຼະຂອງຖັນແຖວນັກຊ່ຽວຊານ ແລະ ທະຫານອາສາສະໝັກຫວຽດນາມຢູ່ລາວ, ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ປາດຖະໜາວ່າ ຄົນລຸ້ນໜຸ່ມຂອງສອງປະເທດຈະສືບຕໍ່ໂຄສະນາ, ສຶກສາກ່ຽວກັບປະຫວັດສາດ, ການຮ່ວມກັນຕໍ່ສູ້ລະຫວ່າງຫວຽດນາມ - ລາວ ໃຫ້ມີຈິດສຳນຶກໃນການເພີ່ມພູນຄູນສ້າງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ - ລາວ, ລາວ - ຫວຽດນາມ ກວ່າອີກ.
ຄຳຮຸ່ງ
