ຫວຽດນາມ ແລະ ອາເຈນຕິນາ ເພີ່ມທະວີການຮ່ວມມືດ້ານເສດຖະກິດ ແລະ ການຄ້າ

	ຫວຽດນາມ - ຈີນ ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ
	ເພີ່ມທະວີການພົວພັນແລກປ່ຽນປະຊາຊົນລະຫວ່າງ ສະວິດເຊີແລນ ແລະ ຫວຽດນາມ ຢູ່ນະຄອນ ເກີ່ນເທີ

ວັນທີ 29 ກໍລະກົດ, ທ່ານນາງ Julia Perié - ຜູ້ແທນສະມາຊິກສະພາແຫ່ງຊາດ ປະເທດອາເຈນຕິນາ ໄດ້ປະສານສົມທົບກັບສະຖານທູດຫວຽດນາມປະຈຳ Buenos Aires ຈັດຕັ້ງກອງປະຊຸມສຳມະນາທາງອິນເຕີເນັດ ເພື່ອຊຸກຍູ້ການພົວພັນມິດຕະພາບ ແລະ ການຮ່ວມມື ໂດຍສະເພາະໃນດ້ານເສດຖະກິດ ແລະ ການຄ້າ.

ກອງປະຊຸມສຳມະນາມີການເຂົ້າຮ່ວມຂອງຜູ້ຕາງໜ້າກະຊວງການຕ່າງປະເທດອາເຈນຕິນາ ແລະ ບັນດາເຈົ້າໜ້າທີ່ຂອງບັນດາແຂວງໃຫຍ່ ໃນປະເທດອາເຈນຕິນາຈຳນວນໜຶ່ງ, ເຊັ່ນ: ແຂວງ Buenos Aires, Salta, Santa Cruz, La Rioja, Santa Fe, Misiones, Córdoba ແລະ Catamarca.

ທ່ານນາງ Julia Perié - ຜູ້ແທນສະມາຊິກສະພາແຫ່ງຊາດ ປະເທດອາເຈນຕິນາ. (ພາບ: minghui.org)

ກ່າວຄຳເຫັນທີ່ກອງປະຊຸມ, ທ່ານນາງ Perié ໄດ້ຍົກໃຫ້ເຫັນເຖິງຄວາມຈຳເປັນຕ້ອງການເພີ່ມທະວີການເຄື່ອນໄຫວຕ່າງໆ ໃນກົນໄກການຮ່ວມມືສອງຝ່າຍ ອາເຈນຕິນາ ແລະ ຫວຽດນາມ.

ທ່ານ ດັ້ງວຸຫ່ວາງ - ຜູ້ຮັບຜິດຊອບກົງສຸນໃຫຍ່ຂອງສະຖານທູດຫວຽດນາມ ໄດ້ກ່າວເຖິງບັນດາກົນໄກການຮ່ວມມື ແລະ ໂຄງການທີ່ໄດ້ສ້າງຕັ້ງຂຶ້ນ ເພື່ອເພີ່ມທະວີການແລກປ່ຽນ ແລະ ການຮ່ວມມືລະຫວ່າງຫວຽດນາມ ແລະ ອາເຈນຕິນາ ໃນຫຼາຍຂົງເຂດ ຄື: ການເມືອງ ແລະ ເສດຖະກິດ, ການຄ້າ, ການລົງທືນ, ວິທະຍາສາດ ແລະ ເຕັກໂນໂລຢີ, ການສຶກສາ, ວັດທະນະທຳ, ໂດຍສະເພາະແມ່ນການຮ່ວມມືດ້ານເສດຖະກິດ ແລະ ການຄ້າແມ່ນຈຸດເດັ່ນໃນການພົວພັນສອງຝ່າຍ.

ທ່ານ ດັ້ງວຸຫ່ວາງ - ຜູ້ຮັບຜິດຊອບກົງສຸນໃຫຍ່ຂອງສະຖານທູດຫວຽດນາມ ໄດ້ເນັ້ນໜັກວ່າ: ນອກຈາກການພົວພັນສອງຝ່າຍ, ການຮ່ວມມືລະຫວ່າງສອງປະເທດຢູ່ບັນດາອົງການຈັດຕັ້ງສາກົນ ແລະ ບັນດາເວທີປາໄສຫຼາຍຝ່າຍ, ພິເສດແມ່ນຢູ່ສະຫະປະຊາຊາດ, ອົງການການຄ້າໂລກ ( WTO), ເວທີປາໄສການຮ່ວມມືອາຊີຕາເວັນອອກ - ອາເມລິກາລາຕິນ (FEALAC) ຍັງສືບຕໍ່ໄດ້ຮັບການເພີ່ມທະວີຢ່າງແໜ້ນແຟ້ນ, ປະກອບສ່ວນນຳເອົາຜົນປະໂຫຍດຕົວຈິງມາສູ່ປະຊາຊົນຂອງແຕ່ລະປະເທດ, ພ້ອມທັງປະກອບສ່ວນຢ່າງຕັ້ງໜ້າເຂົ້າໃນຄວາມພະຍາຍາມດັ່ງກ່າວ ເພື່ອຮ່ວມກັນສ້າງໂລກມີຄວາມສັນຕິພາບ, ສະຖຽນລະພາບ, ຮ່ວມມື ແລະ ການພັດທະນາ.

ໃນກອງປະຊຸມສຳມະນາ, ຫວຽດນາມ ແລະ ອາເຈນຕິນາໄດ້ເຫັນດີສືບຕໍ່ຈັດກອງປະຊຸມດ້ວຍການເຂົ້າຮ່ວມຂອງບັນດາວິສາຫະກິດຫວຽດນາມ ທີ່ກຳລັງດຳເນີນທຸລະກິດ ຫລື ວາງແຜນຮ່ວມມືກັບບັນດາຄູ່ຮ່ວມມືຂອງອາກຊັງຕີນ ເພື່ອເປີດກວ້າງບັນດາກາລະໂອກາດການແລກປ່ຽນຮ່ວມມືສອງຝ່າຍ.

ຫວຽດນາມ - ຈີນ ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຍສໝ - ທ່ານຫົວໜ້າຄະນະປະສານງານການພົວພັນຕ່າງປະເທດສູນກາງພັກກອມມູນິດຈີນ ໄດ້ສະແດງວ່າ ປະເທດຈີນປາດຖະໜາຢາກສືບຕໍ່ພ້ອມກັບຫວຽດນາມ ຊຸກຍູ້ການແລກປ່ຽນ ແລະ ການຮ່ວມມືໃນທຸກຂົງເຂດ.

ຫວຽດນາມ - ນິວຊີແລນ ແນໃສ່ຊຸກຍູ້ວົງເງິນການຄ້າໄດ້ບັນລຸ 1,7 ຕື້ USD ຍສໝ - ປະຈຸບັນ, ຫວຽດນາມ ແມ່ນຄູ່ຮ່ວມມືການຄ້າໃຫຍ່ທີ 16 ຂອງນິວຊີແລນ, ໃນນັ້ນຫວຽດນາມແມ່ນປະເທດສົ່ງອອກໃຫຍ່ອັນດັບທີ 15 ເຂົ້າທ້ອງຕະຫລາດນີ້ ແລະ ເປັນປະເທດນຳເຂົ້າໃຫຍ່ອັນດັບທີ 18 ຂອງນິວຊີແລນ.

ຜູ້ຊ່ຽວຊານມາເລເຊຍ ໄດ້ຕີລາຄາສູງບົດບາດເຊື່ອມຕໍ່ອາຊຽນຂອງຫວຽດນາມ ຍສໝ - ຫວຽດນາມໄດ້ປະກອບສ່ວນຢ່າງໃຫຍ່ຫຼວງເຂົ້າ ໃນຂະບວນວິວັດແຫ່ງການດຶງດູດ ດ້ານເສດຖະກິດຂອງສະມາຄົມອາຊຽນ, ກໍ່ຄືປະກອບສ່ວນສຳຄັນເຂົ້າໃນການຮັບປະກັນສັນຕິພາບ ແລະ ຄວາມໝັ້ນຄົງໃນພາກພື້ນ.