ປະເທດລາວ: ງານວາງສະແດງ ແລະ ຈໍາໜ່າຍສິນຄ້າ ໜຶ່ງເມືອງ ໜຶ່ງຜະລິດຕະພັນ ຈະຈັດຂຶ້ນກາງເດືອນສິງຫາ

	ອົງການອະນາໄມໂລກ WHO ໄດ້ຕີລາຄາສູງຕໍ່ຄວາມພະຍາຍາມຂອງ ປະເທດລາວ ໃນການສະກັດກັ້ນພະຍາດ COVID-19
	ພິທີລົງນາມສັນຍາ ປະຕິບັດໂຄງການປ້ອງກັນດິນຟ້າອາກາດ ລະຫວ່າງ ປະເທດເຢຍລະມັນ ແລະ ລາວ

ພິທີຖະແຫຼງຂ່າວງານວາງສະແດງດັ່ງກ່າວ ໂດຍມີທ່ານ​ນາງ​ ວັນມະນີ ພິມມະສານ ຫົວໜ້າພະແນກອຸດສາຫະກໍາ ແລະ​ ການຄ້າ​ ທ່ານນາງ ​ວິໄລວອນ ຈັນທະ​ລາຕີ​ ຫົວໜ້າພະແນກ ຖວທ ນວ ​ທ່ານ​ ສັງຄົມ​ ຈັນສຸກ​ ປະທານສະພາການຄ້າ​ ແລະ​ ອຸດສາຫະກໍານະຄອນຫຼວງວຽງຈັນ ພ້ອມພາກສ່ວນກ່ຽ່ວຂ້ອງເຂົ້າຮ່ວມ.

ງານວາງສະແດງ ແລະ ຈໍາໜ່າຍສິນຄ້າ ໜຶ່ງເມືອງ ໜຶ່ງຜະລິດຕະພັນ ຈະຈັດຂຶ້ນກາງເດືອນສິງຫາ. (ພາບ: vientianemai)

ໂອກາດນີ້​ ທ່ານນາງ​ ວັນມະນີ ​ພິມມະສານ​ ກ່າວວ່າ: ການຈັດງານວາງສະແດງຄັ້ງນີ້ ກໍເພື່ອເປັນການຊຸກຍູ້ສົ່ງເສີມດ້ານການຕະຫຼາດ ຂອງການຜະລິດສິນຄ້າ​ໜຶ່ງເມືອງ ໜຶ່ງຜະລິດຕະພັນຂອງນະຄອນຫຼວງວຽງຈັນ ທັງເປັນການກະຕຸກຊຸກຍູ້ເສດຖະກິດໃນໄລຍະລັດຖະບານຜ່ອນຜັນການສະກັດກັ້ນການລະບາດຂອງພະຍາດ COVID-19​ ເຊິ່ງງານວາງສະແດງຄັ້ງນີ້ ຄາດວ່າຈະມີ 89 ຫົວໜ່ວຍ​ ມີ​ 91 ຫ້ອງ​ຜະລິດຕະພັນຄອບຄົວຕົວແບບຂອງແຕ່ລະເມືອງ​ ລວມ ​39 ຫົວໜ່ວຍ​ ມີ ​41 ຫ້ອງ​ ແລະ​ ສິນຄ້າຄອບຄົວຕົວແບບ ປະເພດ​ອຸດສາຫະກໍາ-ຫັດຖະກໍາ ແລະ ​ທ່ອງທ່ຽວ​ 25​ ຫົວໜ່ວຍ ​25 ​ຫ້ອງ​ ລວມທັງໝົດ 153 ຫົວໜ່ວຍ​157 ຫ້ອງ.

ກໍານົດການຈັດງານດັ່ງກ່າວ ຈະໄດ້ຈັດຂຶ້ນລະຫວ່າງວັນທີ 15-23 ສິງຫາ​2020​ ຢູ່ສູນການຄ້າລາວ-ໄອເຕັກ ​(ຕຶກ​ເກົ່າ)​ ແລະ ​ໄດ້ກໍານົດເອົາວັນທີ​ 3​ ສິງຫາ ​2020​ ເວລາ ​16:30​ ໂມງ ເປັນພິທີເປີດງານວາງສະແດງສິນຄ້າ​ ແລະ​ ຈໍາໜ່າຍສິນຄ້າ​ ໜຶ່ງເມືອງ ​ ໜຶ່ງຜະລິດຕະພັນ ຄັ້ງທີ​ VII​ ຂອງນະຄອນຫຼວງວຽງຈັນ.​

ພະຍາດໂຄວິດ-19 ໄດ້ສົ່ງຜົນກະທົບຕໍ່ເສດຖະກິດປະເທດລາວ ຢ່າງໜັກ ໂດຍສະເພາະ ໃນຂະແໜງການທ່ອງທ່ຽວ ນັບແຕ່ເດືອນກຸມພາເປັນຕົ້ນມາ, ມາດຕະການປິດດ່ານສາກົນ, ດ່ານທ້ອງຖິ່ນ ແລະ ດ່ານປະເພນີ, ການປິດບໍລິການ ສະຖານທີ່ທ່ອງທ່ຽວ, ສະຖານທີ່ພັກແຮມ, ຮ້ານອາຫານ ແລະ ອື່ນໆ ໄດ້ສົ່ງຜົນກະທົບໂດຍກົງຕໍ່ຫົວໜ່ວຍທຸລະກິດການທ່ອງທ່ຽວ ແລະ ເຄືອຂ່າຍບໍ ລິການການທ່ອງທ່ຽວທັງໝົດ ແລະ ເຮັດໃຫ້ເກືອບທັງໝົດຢຸດການບໍລິການ, ເຊິ່ງຫົວໜວ່ຍທຸລະກິດການ ທ່ອງທ່ຽວທີ່ປິດບໍລິການມີ ໂຮງແຮມ 539 ແຫ່ງ, ຕົວແທນບໍລິສັດທ່ອງທ່ຽວ ...

ສປປ ລາວ ຮ່ວມປະຊຸມທາງໄກສະໄໝພິເສດ ລັດຖະມົນຕີ ຕ່າງປະເທດ ອາຊຽນ-ລັດເຊຍ ວ່າດ້ວຍການຕ້ານ ການແຜ່ລະບາດຂອງເຊື້ອພະຍາດ ໂຄວິດ-19 ໃນວັນທີ 17 ມິຖຸນາ 2020 ທີ່ກະຊວງການຕ່າງປະເທດ ສປປ.ລາວ, ທ່ານ ສະເຫລີມໄຊ ກົມມະສິດ - ລັດຖະມົນຕີກະຊວງການຕ່າງປະເທດສປປ.ລາວ ໄດ້ນໍາພາຄະນະຜູ້ແທນເຂົ້າຮ່ວມກອງປະຊຸມຖ່າຍທອດສົດ ລະຫວ່າງລັດຖະມົນຕີຕ່າງປະເທດອາຊຽນ-ລັດເຊຍ ວ່າດ້ວຍການປ້ອງກັນ ແລະ ຕ້ານການແຜ່ລະບາດພະຍາດ COVID-19.

ກົມໃຫຍ່ພະລາທິການ ກອງທັບປະຊາຊົນຫວຽດນາມ ໄດ້ຈັດຕັ້ງພິທີມອບ-ຮັບລະບົບເຕົານໍ້າມັນ 150-K18 ລວມ 5 ຊຸດ ໃຫ້ແກ່ກົມໃຫຍ່ພະລາທິການ, ກະຊວງປ້ອງກັນປະເທດລາວ ຍສໝ - ເມື່ອບໍ່ດົນມານີ້, ທີ່ດ່ານສາກົນເກົ່າແຈວ (ຮ່າຕິ້ງ), ກົມໃຫຍ່ພະລາທິການ ກອງທັບປະຊາຊົນຫວຽດນາມ ໄດ້ຈັດຕັ້ງພິທີມອບ-ຮັບລະບົບເຕົານໍ້າມັນ 150-K18 ລວມ 5 ຊຸດ ໃຫ້ແກ່ກົມໃຫຍ່ພະລາທິການ, ກະຊວງປ້ອງກັນປະເທດລາວ.