| ສື່ມວນຊົນສາກົນ: ເສດຖະກິດຫວຽດນາມດຶງດູດແຫຼ່ງເງິນທຶນຈາກຕ່າງປະເທດໄລຍະຫຼັງ Covid – 19 | |
| ສປປ ລາວ ເປັນປະທານຮ່ວມເປີດ ປີສົ່ງເສີມເສດຖະກິດດິຈິຕອນ ລະຫວ່າງອາຊຽນ ແລະ ສປ ຈີນ ໂດຍຜ່ານກອງປະຊຸມທາງໄກ |
ເຂົ້າຮ່ວມກອງປະຊຸມ ມີທ່ານນາງ Retno L.P. Marsudi - ລັດຖະມົນຕີ ຕ່າງປະເທດ ອິນໂດເນເຊຍ; ທ່ານ Sergey Lavrov - ລັດຖະມົນຕີ ຕ່າງປະເທດ ລັດເຊຍ; ພອມດ້ວຍບັນດາລັດຖະມົນຕີ ຕ່າງປະເທດອາຊຽນ, ເລຂາທິການໃຫ່ຍອາຊຽນ ແລະ ບັນດາຜູ້ຕາງໜ້າຈາກກະຊວງ ຂະແໜງການກ່ຽວຂ້ອງ ເຂົ້າຮ່ວມ.
ທີ່ກອງປະຊຸມຄັ້ງນີ້, ບັນດາຜູ້ແທນໄດ້ຕີລາຄາສູງ ແລະ ຮັບຊາບຕໍ່ການແຈ້ງສະພາບການ ກໍຄື ມາດຕະການຂອງແຕ່ລະປະເທດສະມາຊິກອາຊຽນ ແລະ ລັດເຊຍ ໃນການສະກັດກັ້ນ, ເຝົ້າລະວັງ, ຄວບຄຸມ ແລະ ແກ້ໄຂການແຜ່ລະບາດຂອງ ພະຍາດ COVID-19. ພ້ອມນີ້, ບັນດາທ່ານລັດຖະມົນຕີ ຍັງໄດ້ແລກປ່ຽນວິໄສທັດ ກໍ່ຄືບົດຮຽນທີ່ດີໃນການຕອບໂຕ້ ແລະ ຮັບມືກັບພະຍາດໂຄວິດ-19. ພິເສດ, ໄດ້ຢືນຢັນຈະສືບຕໍ່ ແລະ ຮ່ວມມືຊ່ວຍ ເຫລືອເຊິ່ງກັນ ແລະ ກັນເພື່ອໃຫ້ສາມາດຜ່ານພົ້ນ ວິກິດການດັ່ງກ່າວ ໃນເວລາອັນໄວ.
 |
| ສປປ ລາວ ຮ່ວມປະຊຸມທາງໄກສະໄໝພິເສດ ລັດຖະມົນຕີ ຕ່າງປະເທດ ອາຊຽນ-ລັດເຊຍ ວ່າດ້ວຍການຕ້ານ ການແຜ່ລະບາດຂອງເຊື້ອພະຍາດ ໂຄວິດ-19. (ພາບ: KPL) |
ໃນໂອກາດນີ້, ທ່ານ ສະເຫລີມໄຊ ກົມມະສິດ ໄດ້ແຈ້ງສະພາບການຫລ້າສຸດ ກ່ຽວກັບການແຜ່ລະບາດ COVID-19 ຢູ່ ສປປ.ລາວ ໂດຍສະເພາະ ໃນວັນທີ 10 ມິຖຸນາ 2020 ຜ່ານມາ, ລັດຖະ ບານ ໄດ້ປະກາດຜົນສຳເລັດເບື້ອງຕົ້ນ ໃນການແກ້ໄຂ ແລະ ຮັບມືກັບພະຍາດ ດັ່ງກ່າວ, ຊຶ່ງທ່ານນາ ຍົກລັດຖະມົນຕີ ທອງລຸນ ສີສຸລິດ ໄດ້ປະກາດຜົນສຳເລັດເບື້ອງຕົ້ນດັ່ງກ່າວ, ໂດຍປັດໄຈຫລັກທີ່ສາ ມາດຍາດ ໄດ້ຜົນສຳເລັດ ເປັນຕັ້ນແມ່ນ ມີການຊີ້ນຳ-ນຳພາ ອັນແທດເຖິງຈາກການນຳສູງສຸດ. ພິເສດ, ໄດ້ມີແນວທາງນະໂຍບາຍ, ມາດຕະການ ທີ່ຖືກຕ້ອງ ແລະ ສອດຄ່ອງແຕ່ຫົວທີ ເຊິ່ງທຸກອົງການຈັດຕັ້ງໃນຂອບເຂດ ທົ່ວປະເທດໂດຍສະເພາະ 3 ອົງການຈັດຕັ້ງມະຫາຊົນ, ພາກທຸລະກິດ ລວມທັງອົງການ ຈັດຕັ້ງພົນລະເຮືອນ ແລະ ປວງຊົນລາວທຸກຖ້ວນໜ້າ ໄດ້ຮ່ວມມືຈັດຕັ້ງປະຕິບັດ ທຸກມາດຕະການ ທີີ່ວາງອອກ ຢ່າງເຂັ້ມງວດ ແລະ ປະກອບສ່ວນຢ່າງຫ້າວຫັນ, ບັນດາກະຊວງຂະແໜງການ ທີ່ກ່ຽວຂ້ອງໃນການຕ້ານ ແລະ ຮັບມືກັບການແຜ່ລະບາດ ພະຍາດ COVID-19 ໂດຍສະເພາະແພດໝໍ, ທະຫານ, ຕຳຫລວດ ລວມທັງອຳນາດການປົກຄອງທຸກຂັ້ນ ໄດ້ອອກເຫື່ອເທແຮງເຂົ້າໃນ ການປະຕິບັດໜ້າທີ່ ທີ່ຖືກມອບໝາຍໃຫ້ດ້ວຍ ຄວາມຮັບຜິດຊອບສູງ ແລະ ປະສົບຜົນສຳເລັດຈົບງາມ ແລະ ຍ້ອນມີການພົວ ພັນຮ່ວມມືຊ່ວຍເຫລືອ ຈາກວົງຄະນະຍາດສາກົນ ທັງຂອບສອງຝ່າຍ ແລະ ຫລາຍຝ່າຍ. ພິເສດ, ມີການຮ່ວມມືຢ່າງໃກ້ຊິດ ກັບອົງການ ອະນາໄມໂລກ. ເຖິງວ່າ, ສປປ ລາວ ຈະປະສົບຜົນສຳເລັດເບື້ອງຕົ້ນກໍ່ຕາມ, ແຕ່ບໍ່ໃຫ້ປະມາດ ແລະ ໃຫ້ສືບຕໍ່ປະຕິບັດມາດຕະການ ໃນການປ້ອງກັນ ແລະ ຕິດຕາມສະພາບການພະຍາດ ໂຄວິດ-19 ຢ່າງໃກ້ຊິດ.
ສໍາລັບທິດທາງໃນຕໍ່ໜ້າ ໃນການຮັບມື ແລະ ແກ້ໄຂພະຍາດ COVID-19, ທ່ານລັດຖະມົນຕີ ສະເຫລີມໄຊ ກົມມະສິດ ໄດ້ສະເໜີກອງ ປະຊຸມພິຈາລະນາ ສືບຕໍ່ຮ່ວມມືແລກປ່ຽນຂໍ້ມູນຂ່າວສານ ກ່ຽວກັບ ສະພາບການກໍຄືມາດຕະການ ແລະ ບົດຮຽນທີ່ດີ ໃນການແກ້ໄຂພະຍາດ COVID-19, ໃຫ້ການຊ່ວຍເຫລືອ ດ້ານເຕັກນິກ-ວິຊາການ ລວມທັງການຮ່ວມກັນຄົ້ນຄ້ວາ ແລະ ພັດທະນາ ຢາປິ່ນປົວ ກໍຄື ຢາປ້ອງກັນພະຍາດໂຄວິດ-19 ລວມທັງຮ່ວມກັນຜະລິດຢາດັ່ງກ່າວ ແລະ ຮ່ວມມືກັນໃນການຟື້ນຟູ ເສດຖະກິດ-ສັງຄົມ ໂດຍສະເພາະການຄ້າ, ການລົງທຶນ ແລະ ການທ່ອງທ່ຽວ ພາຍຫລັງສິ້ນສຸດການ ລະບາດໂຄວິດ-19.
ສຸດທ້າຍ, ທ່ານລັດຖະມົນຕີ ໄດ້ສະແດງຄວາມຂອບໃຈຢ່າງຈິງໃຈ ຕໍ່ປະເທດສະມາຊິກອາຊຽນ, ອົງການຈັດຕັ້ງສາກົນ ໂດຍສະເພາະ ອົງການອະນາໄມໂລກ ແລະ ລັດເຊຍ ທີ່ໄດ້ໃຫ້ການຊ່ວຍເຫລືອອັນລໍ້າຄ່າ ແກ່ ສປປ ລາວ ໃນການປ້ອງກັນ, ຮັບມື ແລະ ແກ້ໄຂພະຍາດ COVID-19 ຈົນໄດ້ຮັບຜົນສຳເລັດເປັນກ້າວໆມາ. ພິເສດ, ກອງປະຊຸມຄັ້ງນີ້ ໄດ້ຮັບຮອງເອົາຖະແຫລງການ ຂອງກອງປະຊຸມ ສະໄໝພິເສດ ລັດຖະມົນຕີ ຕ່າງປະເທດອາຊຽນ-ລັດເຊຍ ວ່າດ້ວຍການຕ້ານການ ແຜ່ລະບາດຂອງພະຍາດ COVID-19 ແລະ ໄດ້ມອບໃຫ້ພາກ ສ່ວນກ່ຽວຂ້ອງ ນໍາໄປຜັນຂະຫຍາຍຕໍ່ໄປ.
 | ໄລຍະຫຼັງ Covid - 19 ຖືເສດຖະກິດຂຽວເປັນກຳລັງໜູນພັດທະນາ ຍສໝ - ວິທີການໃນໄລຍະຍາວແມ່ນຕ້ອງປະຕິຮູບລະບອບລະບຽບການ, ສືບຕໍ່ເອົາໃຈໃສ່ເປັນພິເສດເຖິງການບຳລຸງສ້າງ, ຍົກສູງກຳລັງຄວາມສາມາດຂອງບັນດານັກລົງທຶນນຳໜ້າເສດຖະກິດ, ພັດທະນາເຕັກໂນໂລຢີໃໝ່, ປ່ຽນແປງໃໝ່ ແລະ ມີຫົວຄິດປະດິດສ້າງ. |
 | ຫວຽດນາມ ຢືນຢູ່ແຖວໜ້າ ກ່ຽວກັບຄວາມສາມາດໃນການຮັບມືກັບໂລກລະບາດ Covid – 19 ຂອງໂລກ ຍສໝ - ຕາມຂໍ້ມູນຂ່າວສານຈາການສຳຫຼວດຂອງ YouGov ແລ້ວ, ຫວຽດນາມໄດ້ຕີລາຄາວ່າແມ່ນປະເທດທີ່ມີການຮັບມືກັບໂລກລະບາດ Covid – 19 ດີທີ່ສຸດໃນໂລກ. |
 | ຫວຽດນາມ ຊຸກຍູ້ບັນດາຄວາມມານະພະຍາຍາມຂອງອາຊຽນໃນການຮັບມືກັບບັນດາຜົນກະທົບຂອງໂລກລະລາດ Covid - 19 ຍສໝ - ທ່ານຫງວຽນກ໊ວກຢຸງເນັ້ນໜັກວ່າ : ດ້ວຍຫົວຂໍ້ອາຊຽນ 2020 ແມ່ນ ສະໜິດຕິດພັນ ແລະ ເປັນເຈົ້າການໃນການຮັບມື, ຫວຽດນາມໄດ້ເປັນເຈົ້າການ ໃນການຊຸກຍູ້ບັນດາຄວາມມານະພະຍາຍາມຮັບມືກັບບັນດາຜົນກະທົບຂອງໂລກລະບາດ Covid – 19ຂອງ ອາຊຽນ ໂດຍໄວ. |
kpl.gov.la
