ຫວຽດນາມ ຊຸກຍູ້ບັນດາຄວາມມານະພະຍາຍາມຂອງອາຊຽນໃນການຮັບມືກັບບັນດາຜົນກະທົບຂອງໂລກລະລາດ Covid - 19

	ຫວຽດ​ນາມ​ແມ​່ນ​ໜຶ່ງ​ໃນ​ບັນ​ດາປະ​ເທດ​ປະ​ສົບ​ຜົນ​ສຳ​ເລັດ​ໃນ​ການ​ຄວບ​ຄຸມ​ໂລກ​ລະ​ບາດ Covid - 19
	ກອງປະຊຸມ ຜູ້ນຳບັນດາອົງການມິດຕະພາບປະຊາຊົນ ອາຊຽນ - ຈີນ

ທ່ານ ຫງວຽນ​ກ໊ວກ​ຢຸງ ຮອງ​ລັດ​ຖະ​ມົນ​ຕີ, ຫົວ​ໜ້າ SOM ອາ​ຊຽນ ຫວຽດ​ນາມ (ພາບ: ncov.moh.gov.vn)

ຕອນ​ບ່າຍ​ວັນ​ທີ 4 ມິ​ຖຸ​ນາ, ການເຈ​ລະ​ຈາ​ຂັ້ນ​ສູງ​ກ່ຽວ​ກັບ​ການ​ເພີ່ມ​ທະ​ວີ​ລັກ​ສະ​ນະ​ຊ່ວຍ​ເຫຼືອ​ກັນ​ລະ​ຫວ່າງ ວິ​ໄສ​ທັດ​ປະ​ຊາ​ຄົມ​ອ​າ​ຊຽ​ນ 2025 ແລະ ໂຄງ​ການ​ດຳ​ເນີນ​ງານ​ຂອງ ສ​ປ​ຊ ກ່ຽວ​ກັບ​ການ​ພັດ​ທະ​ນາ​ແບບ​ຍືນ​ຍົງ 2030 ຄັ້ງ​ທີ 4 ໄດ້​ຈັດ​ຂຶ້ນ​ຕາມ​ຮູ​ບ​ການ​ອອນ​ລາຍ.

ເຂ​ົ້າ​ຮ່ວມ​ການ​ເຈ​ລະ​ຈາ​ມີ​ຜູ້​ຕາງ​ໜ້າ​ບັນ​ດາ​ປະ​ເທດ​ສະ​ມາ​ຊິກ​ອາ​ຊຽນ, ເລ​ຂາ​ທິ​ການ​ອາ​ຊຽນ, UNESCAP ແລະ ບັນ​ດາ​ຄູ່​ຮ່ວມ​ມື​ຄື ຈີນ, EU, ນອກ​ແວ, ຊູ​ແອັດ, ເຢຍ​ລະ​ມັນ, ທະ​ນາ​ຄານ​ໂລກ, ທະ​ນາ​ຄານ​ພັດ​ທະ​ນາ​ອາ​ຊີ ແລະ ບັນ​ດາ​ອົງ​ການ​ທີ່​ກ່​ຽວ​ຂ້ອງ​ຂອງ ສ​ປ​ຊ. ນີ້​ແມ່ນ​ຂອບ​ເຂດ​ການ​ເຈ​ລະ​ຈາ​ປະ​ຈຳ​ປີ​ໂດ​ຍ​ໄທ, ເຊິ່ງ​ເປັນ​ປະ​ທານ ປະ​ສານ​ງານ​ອາ​ຊຽນ​ກ່ຽວ​ກັບ​ການ​ພັດ​ທະ​ນາ​ແບບ​ຍືນ​ຍົງ ແລະ UNESCAP ສົ​ມ​ທົບ​ກັນ​ຈັດ​ຕັ້ງ​ແຕ່​ປີ 2017 ເພື່ອ​ແນ​ໃສ່​ຊຸກ​ຍູ້​ບັນ​ດາ​ໂຄງ​ການຮ່ວມ​ມື​ກ່ຽວ​ກັບ​ການ​ພັດ​ທະ​ນາ​ແບບ​ຍືນ​ຍົງ​ຜ່ານ​ການ​ຜັນ​ຂະ​ຫຍາຍ​ຂໍ້​ລິ​ເລີ່ມ​ໜູນ​ຊ່ວຍ​ກັນ.ທ່ານ ຫງວຽນ​ກ໊ວກ​ຢຸງ ຮອງ​ລັດ​ຖະ​ມົນ​ຕີ, ຫົວ​ໜ້າ SOM ອາ​ຊຽນ ຫວຽດ​ນາມ, ໄດ້​ເຂົ້າ​ຮ່ວມ​ການ​ເຈ​ລະ​ຈາໃນ​ຖາ​ນະ​ເປັນ​ປະ​ທານ​ອາ​ຊຽນ 2020.

ກ່າວ​ຄ​ຳ​ເຫັນ​ທີ່​ການເຈ​ລະ​ຈາ, ທ່ານ​ຫງວຽນ​ກ໊ວກ​ຢຸງ​ເນັ້ນ​ໜັກ​ວ່າ : ດ້ວຍ​ຫົວ​ຂໍ້​ອາ​ຊຽນ 2020 ແມ່ນ ສະ​ໜິດ​ຕິດ​ພັ​ນ ແລະ ເປັນ​ເຈົ້າ​ການ​ໃນ​ການ​ຮັບ​ມື, ຫວຽດ​ນາມ​ໄດ້​ເປັນ​ເຈົ້າ​ການ ໃນ​ການຊຸກ​ຍູ້​ບັນ​ດາ​ຄວາມ​ມາ​ນະ​ພະ​ຍາ​ຍາມ​ຮັບ​ມື​ກັບ​ບັນ​ດາ​ຜົນ​ກະ​ທົບ​ຂອງ​ໂລກ​ລະ​ບາດ Covid – 19 ຂອງ ອາ​ຊຽນ​ ໂດຍ​ໄວ.

ທ່ານ ຫງວຽນ​ກ໊ວກ​ຢຸງ ໄດ້​ສະ​ເໜີ​ບາງ​ຂໍ້ກຳ​ນົດ​ທິດ​ເພື່ອ​ແນ​ໃສ່​ປະ​ຕິ​ບັດ​ວິ​ວັດ​ການ​ໜູນ​ຊ່ວຍ​ກັນ 2020 – 2025 ຢ່າງ​ມີ​ປະ​ສິດ​ທິ​ຜົນ, ໃນ​ນັ້ນ​ມີ​ເລື່ອງ​ຖື​ມະ​ນຸດ​ເປັນ​ໃຈ​ກາງ​ຂອງວິ​ວັດ​ການ​ວາງ​ແຜນ​ນະ​ໂຍ​ບາຍ ກໍ່​ຄື​ການ​ຜັນ​ຂະ​ຫຍາຍ​ບັນ​ດາ​ໂຄງ​ການ​ຕ່າງໆ.

ໃນ​ບົດ​ບາ​ດ​ເປັນ​ປະ​ທານ​ອາ​ຊຽນ 2020 ແລະ ກຳ​ມະ​ການ​ບໍ່​ປະ​ຈຳ​ການ​ຂອງ​ສະ​ພາ​ຄວາມ​ໝັ້ນ​ຄົ​ງ ສ​ປ​ຊ, ຫວຽດ​ນາມ​ຈະ​ສືບ​ຕໍ່​ຊຸກ​ຍູ້​ການ​ຮ່ວມ​ມື​ພັດ​ທະ​ນາ​ແບບ​ຍືນ​ຍົງ ​ໃຫ້ເໝາະ​ສົ​ມ​ກັບ​ເປົ້າ​ໝາຍ​ສ້າງ​ອາ​ຊຽນ​ທີ່​ມີ​ຄວາມສະ​ໜິດ​ຕິດ​ພັນ ແລະ ເປັນ​ເຈົ້າ​ການ​ໃນ​ການ​ຮັບ​ມື, ມ​ຸ່ງ​ໄປ​ເຖິງ​ການ​ຫັນ​ວິ​ໄສ​ທັດ ອາ​ຊຽນ 2025 ເປັນ​ຕົວ​ຈິງ.

ສິງກະໂປ ຕີລາຄາສູງບົດບາດ ແລະ ບັນດາຂໍ້ລິເລີ່ມຂອງຫວຽດນາມ ໃນຖານະເປັນປະທານອາຊຽນ 2020 ຍສໝ - ນັ້ນແມ່ນຄຳພິນິດໄສຂອງທ່ານ Lee Hsien Loong - ນາຍົກລັດຖະມົນຕີ ປະເທດສິງກະໂປ ໃນການໂອ້ລົມທາງໂທລະສັບ ກັບທ່ານຫງວຽນຊວນຟຸກ - ນາຍົກລັດຖະມົນຕີຫວຽດນາມ ໃນວັນທີ 30 ເດືອນພຶດສະພາ.

ອາຊຽນ ຮັບມືກັບພະຍາດ COVID-19 ຢ່າງມີປະສິດທິຜົນ ຍສໝ - ເມື່ອບໍ່ດົນມານີ້, ບັນດານັກວິຊາການແຖວໜ້າຂອງ ສິງກະໂປ ໄດ້ຕີລາຄາວ່າ ປະເທດຫວຽດນາມ ໄດ້ຮັບມືກັບການພະຍາດ COVID-19 ຢ່າງມີປະສິດທິຜົນ.

ຫວຽດນາມ ກະກຽມຢ່າງຕັ້ງໜ້າ ເພື່ອເປັນເຈົ້າພາບ ໃນການຈັດກອງປະຊຸມສຸດຍອດອາຊຽນຄັ້ງທີ 36 ຍສໝ - ວັນທີ 18 ພຶດສະພາ, ກອງປະຊຸມເຈົ້າໜ້າທີ່ອາວຸໂສອາຊຽນ (SOM) ລະດັບຮອງລັດຖະມົນຕີການຕ່າງປະເທດ ໄດ້ດຳເນີນໃນຮູບແບບການປະຊຸມອອນລາຍ.