ຫວຽດ​ນາມ ຖື​ເປັນ​ສຳ​ຄັນ​ການ​ຮ່ວມ​ມື​ກັບ​ກ​ຳ​ປູ​ເຈຍ​ໃນ​ທຸກ​ຂົງ​ເຂດ

	ຫວຽດ​ນາມ ມອບ​ອຸ​ປະ​ກອນ​ການ​ແພດ​ໃຫ້​ສະ​ພາ​ແຫ່ງ​ຊາດ, ສະ​ພາ​ສູງ ກຳ​ປູ​ເຈຍ
	ກຳ​ປູ​ເຈຍ ​ສະ​ແດງ​ຄວາມ​ຂອບ​ໃຈ​ຕໍ່​ຫ​ວຽດ​ນາມໃນ​ການໜູນ​ຊ່ວຍ​​ປ້ອງ​ກັນ, ສະ​ກັດ​ກັ້ນ​ໂລກ​ລະ​ບາດ Covid – 19

ທ່ານ ຟ້າມ​ບິ່ງ​ມິງ​ຮອງ​ນາ​ຍົກ​ລັດ​ຖະ​ມົນ​ຕີ, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ ຫວຽດ​ນາມ ຕ້ອນ​ຮັບ​ທ່ານ Chay Na-vut ເອກ​ອັກ​ຄະ​ລັດ​ຖະ​ທູດ ລາ​ຊະ​ອາ​ນາ​ຈັກ​ກຳ​ປູ​ເຈຍ ປະ​ຈຳ​ຫວຽດ​ນາມ (ພາບ: ກະ​ຊວງ​ການ​ຕ່າງ​ປະ​ເທດ ຫວຽດ​ນາມ)

ຕອນ​ບ່າຍ​ວັນ​ທີ 26 ພຶດ​ສະ​ພາ, ຢູ່​ຮ່າ​ໂນ້ຍ, ທ່ານ ຟ້າມ​ບິ່ງ​ມິງ​ຮອງ​ນາ​ຍົກ​ລັດ​ຖະ​ມົນ​ຕີ, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ ຫວຽດ​ນາມ ໄດ້​ໃຫ້​ການ​ຕ້ອນ​ຮັບ​ທ່ານ Chay Na-vut ເອກ​ອັກ​ຄະ​ລັດ​ຖະ​ທູດ ລາ​ຊະ​ອາ​ນາ​ຈັກ​ກຳ​ປູ​ເຈຍ ປະ​ຈຳ​ຫວຽດ​ນາມ ມາ​ເຂົ້າ​ຢ້ຽມ​ຂ່ຳ​ນັບ ເນື່ອງ​ໃນ​ໂອກ​າດ​ມາ​ຮັບ​ໜ້າ​ທີ່​ທາງ​ການ​ທູດອ​າ​ຍຸ​ການ​ໃໝ່​ຢູ່​ຫວຽດ​ນາມ.

ທ່ານ​ຟ້າມ​ບິ່ງ​ມິງ, ຮອງ​ນາ​ຍົກ​ລັດ​ຖະ​ມົນ​ຕີ, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຫວຽດ​ນາມ ໄດ້​້​ເນັ້ນ​ໜັກ​ວ່າ ບົນ​ພື້ນ​ຖານ​ການ​ພົວ​ພັນ​ຮ່ວມ​ມື​ມິດ​ຕະ​ພາບ​ມາ​ແຕ່​ດົນ​ນານ​ລະ​ຫວ່າງ​ສອງ​ປະ​ເທດ, ຫວຽດ​ນາມ​ໄດ້​ຖື​ເປັນ​ສຳ​ຄັນ ແລະ ບຸ​ລິ​ມະ​ສິດ​ ເພີ່ມ​ທະ​ວີ​ການ​ຮ່ວມ​ມື​ກັບ​ກ​ຳ​ປູ​ເຈຍ​​ທຸກໆຂົງ​ເຂດ. ທ່ານ​ຟ້າມ​ບິ່ງ​ມິງ ສະ​ເໜີ​ໃຫ້​ອົງ​ການ​​ທີ່ມີ​ໜ້າ​ທີ່​ສືບ​ຕໍ່​ສົມ​ທົບ​ກັນ​ຢ່າງ​ແໜ້ນ​ແຟ້ນ, ຮັບ​ປະ​ກັນ​ການໄປ​ມາ​ຄ້າ​ຂາຍ​ ​ຢູ່​ເຂດ​ຊາຍ​ແດນ​ລະ​ຫວ່າງ​ສອງ​ປະ​ເທດ, ກ່ອນ​ອື່ນ​ໝົດ​ແມ່ນ​ຕ້ອງ ສ້າງ​ເງື່ອນ​ໄຂ​ສະ​ດວກ​​ໃຫ້​ນັກ​ຮຽນ​, ນັກ​ສຶກ​ສາ ກຳ​ປູ​ເຈຍ​ ອາດ​ຈະ​ກັບ​ຄ​ື​ນ​ຮຽນ​ຢູ່ຫວຽດ​ນາມ ໂດຍ​ໄວ ຊຶ່ງເໝ​າ​ະ​ສົມ​ກັບ​ບັນ​ດາ​ຂ​ໍ​້​ກຳ​ນົດ​ໃນ​ການ​ປ້ອງ​ກັນ, ສະ​ກັດ​ກັ້ນ​ໂລ​ກ​ລະ​ບາດ​ຂອງ​ສອງ​ປະ​ເທດ​.

ສ່ວນ​ທ່ານ Chay Na-vut ໄດ້​ສະ​ແດງ​ຄວາມ​ປະ​ທັບ​ໃຈ​ຕໍ່​ການ​ພັດ​ທະ​ນາ​ຢ່າງແຮງ​ຂອງ​ຫວຽດ​ນາມ ກໍ່​ຄື​ບົດ​ບາດ ແລະ ທີ່​ຕັ້ງໃນ​ສາ​ກົນ​ຂອງ​ ຫວຽດ​ນາມ ຊຶ່ງ​ນັບ​ມື້​ນັບ​ເພີ່ມ​ຂຶ້ນ​ສູງ​ຢູ່​ພາກ​ພື້ນ ແລະ ໂລກ, ສະ​ແດງ​ຄວາມ​ຊົມ​ເຊີຍ​ຕໍ່​ການ​ຮ່ວມ​ມື​ຢ່າງ​ຮອບ​ດ້ານ​ລະ​ຫວ່າງ​ສອງ​ປະ​ເທດ​ຊຶ່ງ​ບັນ​ລຸ​ໄດ້​ໝາກ​ຜົນ​ຕັ້ງ​ໜ້​າຫຼາຍ​ຢ່າງ. ທ່ານ Chay Na-vut ຢັ້ງ​ຢືນ​ວ່າ ຈະ​ມາ​ນະ​ພະ​ຍາ​ຍາມ​ຈົນ​ສຸດ​ຄວາມ​ສາ​ມາດ​ຂອງ​ຕົນ​ເພື່ອ​ນຳ​ການ​ພົວ​ພັນ​ຮ່ວມ​ມື​ລະ​ຫວ່າງ​ສອງ​ປະ​ເທດ​ນັບ​ມື້​ນັບ​ມີ​ຄວາມສະ​ໜິດ​ຕິດ​ພັນ ​ແລະ ​ປະ​ສິດ​ທິ​ຜົນ ຖືກ​ຕາມ​ທິດນ​ຳ ທີ່​ວ່າ “ບ້ານ​ໃກ້​ເຮືອນ​ຄຽງ​ທີ່​ດີ, ມິດ​ຕະ​ພາບ​ທີ່​ເປັນ​ມູນ​ເຊື້ອ, ການ​ຮ່ວມ​ມື​ຮອບ​ດ້ານ, ຍືນ​ຍົງ ແລະ ຍາວ​ນານ”.

ຫວຽດ​ນາມ ມອບ​ອຸ​ປະ​ກອນ​ການ​ແພດ​ໃຫ້​ສະ​ພາ​ແຫ່ງ​ຊາດ, ສະ​ພາ​ສູງ ກຳ​ປູ​ເຈຍ ຍ​ສ​ໝ - ທ່ານ Leng Peng Long ເລ​ຂາ​ທິ​ການ​​ໃຫຍ່ສະ​ພາ​ແຫ່ງ​ຊາດ​ກຳ​ປູ​ເຈຍຖື​ວ່າ ຂອງ​ຂວັນ​ດັ່ງ​ກ່າວໄດ້​ສະ​ແດງ​ໃຫ້​ເຫັນ​ນ້ຳ​ໃຈ​ມິດ​ຕະ​ພາບ, ຄວາມ​ສາ​ມັກ​ຄີແບບ​ພິ​ເສດ​ລະ​ຫວ່າງ​ສອ​ງ​ປະ​ເທດ ຫວຽດນາມ - ກຳ​ປູ​ເຈຍ.

ກຳ​ປູ​ເຈຍ - ລາວ​ຮ່ວມ​ແຮງ​ຮ່ວມ​ໃຈ​ສ້າງ​ເສັ້ນ​​ຊາຍ​ແດນ​ລວ​ມ​ແຫ່ງ​ສັນ​ຕິ​ພາບ - ມິດ​ຕະ​ພາບ ແລະ ​ຮ່ວມ​ມື ວັນທີ 22 ກຸມພາ, ຢູ່ແຂວງ Stung Treng, ທາງທິດຕາເວັນອອກສ່ຽງເໜືອ ກຳປູເຈຍ ໄດ້ດຳເນີນກອງປະຊຸມສາກົນຄັ້ງທີ II, ລະຫວ່າງຄະນະກຳມະການແນວໂຮມ ກຳປູເຈຍ - ລາວ.

ທ່ານ​ນາ​ຍົກ​ລັດ​ຖະ​ມົ​ນ​ຕີ ກຳ​ປູ​ເຈຍ​ ຕຳ​ໜິ​ຕິ​ຕຽນ​ຄຳ​ກ່າວ​ປ​າ​ໄສ​ ຂອງ​ທ່ານ​ນາ​ຍົກ​ລັດ​ລັດ​ຖະ​ມົ​ນ​ຕີ ສິງ​ກະ​ໂປ ກ່ຽວ​ກັບ ຫວຽດ​ນາມ ຍສໝ - ທ່ານ ນາຍົກລັດຖະມົນຕີ ກຳປູເຈຍ Hun Sen ໄດ້ຕັ້ງຄຳຖາມວ່າ: "ຂ້າພະເຈົ້າຢາກຖາມ ທ່ານ ນາຍົກລັດຖະມົນຕີ ຫຼີ ຊຽນ ຫຼົງ ວ່າ: ຄັນຊັ້ນທ່ານກໍ່ຖືວ່າວາລະປະຊຸມສານພິພາກສາໂທດກຳຂອງບັນດາການນຳພວກ ຂະແມແດງ ແມ່ນຖືກຕ້ອງ ຫຼື ບໍ່?".