 |
ທ່ານ ນາຍົກລັດຖະມົນຕີ ກຳປູເຈຍ Samdech Hun Sen.(ພາບ:m.kienthuc.net.vn)
ຄຳກ່າວປາໄສຂອງ ທ່ານນາຍົກລັດຖະມົນຕີ ສິງກະໂປ ຫຼີ ຊຽນ ຫຼົງ ໃນສື່ອອນລາຍສ່ວນຕົວ ແລະ ຢູ່ກອງປະຊຸມເຈລະຈາ Shangri-la ໃນຊຸມວັນຜ່ານມາ ທີ່ກ່ຽວຂ້ອງເຖິງເລື່ອງທະຫານອາສາສະໝັກ ຫວຽດນາມ ຊ່ວຍກອງທັບ ແລະ ປະຊາຊົນ ກຳປູເຈຍ ໂຄ່ນລົ້ມລະບອບຂະແມແດງ ຖືກຄັດຄ້ານຢ່າງແຮງຈາກຫາງສຽງໂລກ ແລະ ກຳປູເຈຍ, ໃນນັ້ນ ມີບັນດາເຈົ້າໜ້າທີ່ລັດຖະບານ, ສະມາຊິກສະພາແຫ່ງຊາດກໍ່ຄືນັກຮຽນຮູ້ ກຳປູເຈຍ. ວັນທີ 6 ມີຖຸນາ 2019, ທ່ານ ນາຍົກລັດຖະມົນຕີ ກຳປູເຈຍ Samdech Hun Sen ໄດ້ສົ່ງສານສະບັບໜຶ່ງຜ່ານທາງ ສື່ສັງຄົມເຟດບຸກ ເຖິງທ່ານ ນາຍົກລັດຖະມົນຕີ ສິງກະໂປ ຫຼີຊຽນຫຼົງ, ຕຳໜິຕິຕຽນບັນດາຄຳກ່າວປາໄສຂອງທ່ານນາຍົກລັດຖະມົນຕີ ສິງກະໂປ ກ່ຽວກັບ ຫວຽດນາມ ແລະ ກຳປູເຈຍ.
ບັນດາຄຳຕຳໜິຕິຕຽນອັນໜັກໜ່ວງຂອງທ່ານນາຍົກລັດຖະມົນຕີ Hun Sen ໄດ້ຍົກອອກມາພາຍຫຼັງທີ່ ທ່ານ ນາຍົກລັດຖະມົນຕີ ສິງກະໂປ ມີຄຳກ່າວປາໄສທີ່ຜິດພາດຢູ່ກອງປະຊຸມສຸດຍອດຄວາມໝັ້ນຄົງ ອາຊີ ແລະ ໄດ້ເອົາລົງໃນເຟດບຸກສ່ວນຕົວເມື່ອອາທິດຜ່ານມາວ່າການແຊກແຊງທາງທະຫານຂອງກອງທັບ ຫວຽດນາມເຂົ້າກຳປູເຈຍໃນປີ 1979 ແມ່ນການຮຸກຮານ. ນອກຈາກນັ້ນ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ກຳປູເຈຍ Tea Banh ກໍ່ໄດ້ຢືນຢັນວ່າ: ຄວາມຈິງແມ່ນທະຫານອາສາສະໝັກ ຫວຽດນາມ ໄດ້ໄປຊ່ວຍປົດປ່ອຍປະຊາຊົນ ກຳປູເຈຍ ຫຼຸດພົ້ນອອກຈາກລະບອບດັບສູນເຊື້ອຊາດຂະແມແດງ. ບໍ່ພຽງແຕ່ບັນດານັກການເມືອງເທົ່ານັ້ນ, ນັກໄຈ້ແຍກການເມືອງ ກຳປູເຈຍ ຫລາຍທ່ານ ກໍ່ມີປະຕິກິລິຍາຢ່າງແຮງຕໍ່ຄຳກ່າວປາໄສຂອງນາຍົກລັດຖະມົນຕີ ສິງກະໂປ ອີກດ້ວຍ.
（ໄຊພອນ）
